9-10-2024, 15:59
İran deputatlarından nüvə silahı ilə bağlı müraciət
İran parlamentinin 39 deputatı ölkənin Milli Təhlükəsizlik Şurasına müraciət edib.
Parlamentarilər ölkənin müdafiə doktrinasına yenidən baxılmasını istəyiblər.
Onlar İsraildən gələn təhlükəni nəzərə alaraq, İranın nüvə silahı istehsal etməsinə icazə verməyi xahiş ediblər.
Deputatlar nüvə silahının hazırlanması və istifadəsinə qoyulan qadağanı nəzərdən keçirməyə çağırıblar.
9-10-2024, 15:53
Avropa Birliyində mübahisə: fon der Leyen Orbanı tənqid etdi - Səbəb
Avropa Komissiyasının (AK) rəhbəri Ursula fon der Leyen Macarıstanın baş naziri Viktor Orbanla debatda onun Ukraynadakı münaqişənin həlli istiqamətindəki səylərini sərt şəkildə tənqid edib.
Ursula fon der Leyen deyib ki, Kiyevə nəyin bahasına olursa-olsun bütün sahələrdə dəstəyin davam etdirilməsi vacibdir.
Avropa Parlamentində çıxış edən Macarıstanın baş naziri Orban Budapeştin sülh səylərinin tənqidi ilə razılaşmayıb.
Fon der Leyen Ukraynanı dəstəkləmək zərurətindən danışaraq, Macarıstanın Avropa Parlamenti Şurasındakı sədrliyini tənqid edib.
“Ukrayna və Avropada ədalətli sülhə nail olmağın yeganə yolu var. Biz Ukrayna müqavimətini gücləndirməyə davam etməliyik, ona siyasi, maliyyə və hərbi dəstək verməliyik”, - deyə fon der Leyen bildirib.
Onun fikrincə, avropalılar Ukraynanın Moskva ilə münaqişədə təslim olmasını istəmirlər.
Öz növbəsində, Orban Avropa Birliyinin Kiyevə dəstək planının dalana dirəndiyini bildirib və kursu dəyişməyə çağırıb.
8-10-2024, 18:34
Rusiya hərbçiləri Ermənistan sərhədindən çıxarılır
Rusiya sərhədçiləri Ermənistan-İran sərhədinin buraxılış məntəqəsində xidmətini dayandıracaq.
Bu barədə Ermənistan baş nazirinin mətbuat katibi Nazeli Baqdasaryan bildirib.
O qeyd edib ki, bu barədə razılıq Moskvada Ermənistan Baş naziri Nikol Paşinyanla Rusiya Prezidenti Vladimir Putin arasında keçirilən görüşdə əldə olunub.
Qeyd olunur ki, sərhəddə Ermənistan Milli Təhlükəsizlik Xidmətinin hərbçiləri dayanacaq.
Razılığa əsasən, Ermənistan-Türkiyə sərhədində isə Rusiya ilə yanaşı Ermənistan sərhədçiləri də dayanacaq.
Xatırladaq ki, Rusiya sərhədçiləri bu ilin iyul ayında İrəvanın Zvartnots Beynəlxalq Hava Limanından da çıxarılıb.
8-10-2024, 16:19
Lavrovla Mirzoyan arasında qəribə söhbət: "Uşaqlar it kimi geyinirlər"
Rusiyanın xarici işlər naziri Sergey Lavrovun Ermənistanın xarici işlər naziri Ararat Mirzoyan söhbəti maraqla qarşılanıb.
Nazirlərin söhbəti Kremldə Rusiya prezidenti Vladimir Putinlə Ermənistanın baş naziri Nikol Paşinyan arasında danışıqlar zamanı baş tutub.
Lavrov Mirzoyana Ermənistanda kvadroberlərin populyarlığı ilə bağlı sual verib.
“Sizdə kvadroberlər var? Uşaqlar it kimi geyinirlər. Onlar heyvan kimi gəzirlər”, - Lavrov Ermənistan Xarici İşlər Nazirliyinin rəhbərinə deyib. Mirzoyan cavab verdi ki, belə bir subkulturadan xəbəri var. Ermənistanın Rusiya Federasiyasındakı səfiri Qurgen Arsenyan bəzi avropalı kvadroberlərin özlərini “cins” kimi müəyyən etməyə başladıqlarına diqqət çəkib.
Qeyd edək ki, kvadroberlər heyvan paltarları geyinir, 4 ayaq üstündə gəzir və heyvanların hərəkətlərini təqlid edirlər. Əsasən Qərbdə gənclər arasında olan subkulturdur.
Bundan əvvəl Rusiyada kvadrober subkulturunun qadağan edilməsi təklif edilib.
8-10-2024, 15:22
Putin Paşinyanı da BRIKS sammitinə dəvət etdi
Rusiya prezidenti Vladimir Putin oktyabrın 22-24-də Kazanda keçiriləcək BRİKS sammitində Ermənistanın baş naziri Nikol Paşinyanı gözləyəcək.
Bu barədə Rusiya lideri Ermənistan hökumətinin başçısı ilə bugünkü görüşdə bildirib.
“Nikol Vovaeviç, mən sizi Kazanda BRIKS sammitində gözləyirəm. Ümid edirəm ki, bu həm faydalı, həm də maraqlı olacaq”, - Putin bildirib.
Putin əlavə edib ki, BRIKS sammitində “çoxlu təmaslar” gözlənilir.
"Biz ikitərəfli görüş keçirəcəyik və bir neçə ölkədən olan həmkarımızla danışmaq imkanı olacaq", - Rusiya prezidenti bildirib.
O, həmçinin qeyd edib ki, Rusiya Ermənistan iqtisadiyyatının aparıcı investorudur və bu ölkəyə 4 milyard dollar dəyərində sərmayə qoyub.
Putin humanitar əməkdaşlığın vacibliyini qeyd edib.
Nikol Paşinyan görüşdə İrəvanla Moskva arasında aktiv siyasi dialoqun olduğunu qeyd edib.
“Mən çox şadam ki, son aylar ərzində kifayət qədər fəal siyasi dialoqumuz olub. Rusiya Federasiyası Baş nazirinin müavini Aleksey Overçuk bizə gəldi, nəinki hökumətlərarası komissiyanın iclası keçirildi, həm də biz bütün məsələlər barədə kifayət qədər əsaslı danışdıq. Oktyabrın əvvəlində biz Avrasiya İqtisadi İttifaqının hökumətlərarası şurasının iclasını keçirdik. Bu tədbir çərçivəsində biz Rusiya hökumətinin sədri Mixail Mişustin ilə əməkdaşlıq məsələlərini müzakirə etdik. Şadam ki, bu gün biz bu müzakirələri yekunlaşdıra bilərik”, - Paşinyan deyib.
6-10-2024, 16:57
İranın İsraillə birbaşa qarşıdurma planları
İran komandanlığı İranın İsraillə birbaşa qarşıdurmaya girməsi halında bir neçə fəaliyyət planı hazırlayıb.
Bunu İslam İnqilabı Keşikçiləri Korpusunun (“Sepah”) Hərbi Dəniz Qüvvələrinin komandanı kontradmiral Əlirza Tanqsirib bildirib.
O bildirib ki, İsrailin Baş naziri Binyamin Netanyahu “odla oynayır” və bununla əlaqədar İran hərbçiləri bir sıra təlimlər keçiriblər. Tanqsirib qeyd edib ki, hərbçilər İsrailin mümkün hərəkətlərinə tam hazırdırlar, bununla belə İranın cavab formaları və əks-zərbələri İsrail tərəfinin nə edəcəyindən asılı olacaq.
“İranın İsraildəki hədəflər siyahısı var və “Həqiqi vəd 2” əməliyyatı sübut edib ki, biz istədiyimiz hər yeri əsasından dağıda bilərik”, – mənbə vurğulayıb.
6-10-2024, 16:40
İsraildə terror - 1 ölü, 9 yaralı
İsraildə terror aktı törədilib, 1 nəfər ölüb, 9 nəfər yaralanıb.
Bu barədə İsrail mediası məlumat yayıb.
Məlumata görə, İsrailin cənubundakı Beerşeba Mərkəzi Avtovağzalında terror aktı nəticəsində bir nəfər ölüb, 9 nəfər yaralanıb.
6-10-2024, 15:47
Qəzzada ölənlərin sayı 42 min nəfərə çatır
Qəzzada son sutkada 45 fələstinli ölüb, 256 nəfər yaralanıb.
Bu barədə Qəzzadakı səhiyyə qurumu məlumat yayıb.
Bununla da indiyə qədər Qəzza zolağında ölənlərin sayı 41 870 nəfərə, yaralananların sayı 97 166 nəfərə çatıb.
Xatırladaq ki, ötən ilin oktyabrın 7-də HAMAS gözlənilmədən İsrailin cənubuna hücum edib. Hücum nəticəsində 1 110-dən çox israilli qətlə yetirilib. Buna cavab olaraq İsrail Qəzza zolağında havadan və qurudan hərbi əməliyyatlara başlayıb.
6-10-2024, 14:52
Böyük Britaniya İrana yeni səfir təyin etdi
Xyuqo Şorter Böyük Britaniyanın İranda yeni səfiri təyin edilib.
Bu barədə Böyük Britaniya hökumətinin saytında məlumat yerləşdirilib.
Şorter bu postda Saymon Şerkliffi əvəzləyib.
Şorter Britaniyanın Livanda səfiri, Əfqanıstanda müvəqqəti işlər vəkili olub.
6-10-2024, 14:37
Antarktida sürətlə yaşıllaşır
Hartfordşir və Ekseter universitetlərinin britaniyalı alimləri müəyyən ediblər ki, Antarktida iqlim istiləşdikcə sürətlə yaşıllaşır.
Tədqiqat Nature Geoscience (NatGeo) elmi jurnalında dərc olunub.
Komanda 1986-cı ildən 2021-ci ilə qədər peyk məlumatlarını təhlil edib. Məlum olub ki, Antarktika yarımadasında bitki örtüyü bir kvadrat kilometrdən az olan ərazidən 12 kvadrat kilometrə qədər artıb.
Ekseter universitetinin alimi Tomas Roland bildirib ki, Yer kürəsinin ən sərt iqlim şəraitində böyüyən bitkiləri Antarktika yarımadasındadır:
“Landşaft hələ də demək olar ki, tamamilə qar, buz və qayalarla örtülüb, onun yalnız kiçik bir hissəsində bitkilər mövcuddur. Ancaq bu kiçik hissə kəskin şəkildə böyüyüb. Bu Antarktidanın geniş və təcrid olunmuş səhrasının insanın səbəb olduğu iqlim dəyişikliyinin təsirlərinə həssas olduğunu göstərir”.
Alimlər deyirlər ki, Antarktidada daha çox bitki örtüyü qütb torpaqlarına üzvi maddələr əlavə edəcək və nəticədə digər flora növlərinin inkişafına zəmin yaranacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!