11-04-2026, 00:15
ABŞ Yaxın Şərqə əlavə qüvvələr yerləşdirir
Pakistanda İranla danışıqlara hazırlıq görüldüyü bir vaxtda ABŞ potensial əməliyyatlar üçün Yaxın Şərqə əlavə qüvvələr yerləşdirməyə davam edir.
Bu barədə “The Wall Street Journal” qəzeti amerikalı rəsmilərə istinadla məlumat yayıb.
Nəşrin məlumatına görə, son vaxtlar bölgəyə yeni qırıcı və hücum təyyarələri göndərilib. Bundan əlavə, ABŞ ordusunun elit 82-ci Hava-Desant Diviziyası tərkibindən 1500–2000 arası hərbçinin yaxın günlərdə bölgəyə çatdırılması gözlənilir.
“USS George H.W. Bush” təyyarədaşıyan gəmisi və onu müşayiət edən hərbi gəmilər martın sonlarında Virciniya ştatındakı Norfolk Hərbi Dəniz Bazasından yola düşərək hazırda Atlantik okeanındadır. 11-ci Dəniz Ekspedisiya Bölməsini daşıyan “USS Boxer” isə martın ortalarında Kaliforniyadan çıxaraq hazırda Sakit okeandadır.
Hər iki hərbi qrupun Yaxın Şərqə çatmasının bir həftədən artıq vaxt aparacağı bildirilir.
10-04-2026, 23:36
Ukrayna ordusu Xəzərdə Rusiya platformalarını vurdu
Ukrayna Silahlı Qüvvələri Xəzər dənizində Rusiya ordusunu yanacaqla təmin edən iki qazma platformasına zərbə endirib.
Bu barədə Ukrayna Silahlı Qüvvələrinin Baş Qərargahı və Xüsusi Əməliyyat Qüvvələri məlumat yayıb.
Bildirilib ki, aprelin 10-na keçən gecə Ukrayna qüvvələri Xəzər dənizinin şelfində yerləşən obyektlərə hücum ediblər. Zərbələr Rusiyanın hərbi-iqtisadi potensialını zəiflətmək məqsədilə həyata keçirilib.
10-04-2026, 22:35
ABŞ-İran danışıqlar sabah baş tutacaq
Pakistan ABŞ və İran arasında danışıqların uğurlu keçməsi üçün bütün səylərini səfərbər edəcək.
Bu barədə ölkənin Baş naziri Şahbaz Şərif xalqa müraciətində bildirib.
Onun sözlərinə görə, ABŞ və İran nümayəndə heyətləri arasında danışıqlar şənbə günü İslamabadda başlayacaq.
10-04-2026, 21:36
Vens İranla danışıqlar üçün Pakistana getdi
ABŞ-ın Vitse-prezidenti Cey Di Vens İran nümayəndə heyəti ilə danışıqlar üçün Pakistana gedib.
Bu barədə CNN məlumat yayıb.
Onunla birlikdə Stiv Uitkoff və Cared Kuşner də səfərə yollanıb.
Uçuşdan öncə Vens jurnalistlərə bildirib ki, Tramp danışıqlar heyətinə konkret tapşırıqlar verib.
10-04-2026, 21:05
Tramp: "İran nüvə silahından imtina edəcəyini deyir"
ABŞ Prezidenti Donald Tramp İranın şəxsi danışıqlarda nüvə silahından imtina edəcəyini bildirdiyini iddia edib.
Bu barədə Tramp "The New York Post"a açıqlamasında deyib.
Onun sözlərinə görə, Tehran qeyri-rəsmi görüşlərdə nüvə proqramından imtina etdiyini desə də, ictimaiyyət qarşısında uranın zənginləşdirilməsi hüququnu müdafiə edir.
Tramp İranın səmimiliyinə şübhə etdiyini vurğulayıb.
10-04-2026, 16:35
Son 24 saatda Hörmüzdən 7 gəmi keçib - 3 min gəmi gözləyir
Atəşkəsə baxmayaraq, Hörmüz boğazında nəqliyyatın hərəkəti müharibə başlamazdan əvvəlki dövrlə müqayisədə 90 faiz azalıb.
Bu barədə Reuters agentliyinin məlumatında bildirilib.
Dəniz izləmə məlumatları göstərir ki, son 24 saat ərzində Hörmüz boğazından yalnız 7 kommersiya gəmisi keçə bilib ki, bu da dünyanın bu strateji su yolunda davam edən pozuntuları göstərir.
Hörmüz boğazından normalda gündə təxminən 140-190 gəmi keçsə də, son 24 saat ərzində dəniz hərəkəti aşağıdakı kimi olub:
- Boğazdan 4 quru yük daşıyan gəmi (taxıl və dəmir filizi kimi yük daşıyan) keçib.
- Çox böyük xam neft kütləsi daşıyan gəmi (VLCC) daxil olmaqla, İranla əlaqəli 3 neft tankeri keçməyi bacarıb.
- Digər 2 tanker (biri neft məhsulları, digəri isə çox böyük tanker) İrana qayıdır.
Bir neft tankeri, sanksiyalı qaz tankeri və bir quru yük daşıyan gəminin də boğazdan çıxdığı bildirilib.
İran Hörmüz boğazına nəzarət etmək üçün tranzit marşrutlarını dəyişdirərək gəmilərdən icazə almalarını və rüsumlar (kriptovalyuta ilə) ödəmələrini tələb edib. İndiyə qədər mayeləşdirilmiş təbii qaz (LNG) yüklərinin keçməsinə icazə verilməyib.
Bəzi məlumatlara görə, Hörmüz boğazı ətrafında təxminən 3 mindən çox gəmi təhlükəsiz keçid gözləyir.
10-04-2026, 16:08
Fişəng anbarında partlayış - 2 nəfər öldü
Rusiyanın Vladikavkaz şəhərində fişəng anbarında partlayış baş verib.
Partlayış nəticəsində 2 nəfər həlak olub. Həlak olanların cəsədləri dağıntılar altından çıxarılıb.
Yaralıların sayı isə 14-ə çatıb.
Partlayışın açıq alovla ehtiyatsız davranma nəticəsində baş verdiyi ehtimal edilir.
9-04-2026, 22:00
Əraqçı ABŞ və İsrailin siyasətini sərt tənqid edib
İranın xarici işlər naziri Abbas Əraqçı ABŞ və İsrailin siyasətini sərt tənqid edib.
Əraqçı bu barədə sosial şəbəkə X-də paylaşım edib. O, bildirib ki, İsrailin Baş naziri Benyamin Netanyahunun məhkəmə prosesi bu bazar günü yenidən başlayacaq.
Nazirin sözlərinə görə, Livanı da əhatə edən atəşkəs razılaşması Netanyahunun həbs olunmasını daha da sürətləndirə bilər.
Əraqçı qeyd edib ki, ABŞ-nin seçimi bu məsələdə həlledici olacaq:
“Əgər ABŞ Netanyahunun diplomatiyanı məhv etməsinə imkan verərsə və bununla öz iqtisadiyyatına zərbə vurarsa, bu, onların seçimidir. Biz hesab edirik ki, bu, axmaqlıq olar”, – deyə o, vurğulayıb.
İranın baş diplomatı əlavə edib ki, Tehran istənilən ssenariyə qarşı hazırdır və regiondakı prosesləri diqqətlə izləyir.
9-04-2026, 21:47
İsrail–Livan danışıqları Vaşinqtonda keçiriləcək
İsrail və Livan arasında birbaşa danışıqların gələn həftə ABŞ-nin paytaxtı Vaşinqtonda keçiriləcəyi gözlənilir.
Bu barədə Axios-un jurnalisti Barak Ravid sosial şəbəkə hesablarında məlumat paylaşıb.
Qeyd olunub ki, ilk görüş ABŞ Dövlət Departamentində baş tutacaq. Danışıqlarda ABŞ tərəfini Livandakı səfir Mişel İssa təmsil edəcək.
İsrail nümayəndə heyətinə Vaşinqtondakı səfir Yexiel Leyter, Livan tərəfinə isə Vaşinqtondakı səfir Nada Hamade-Muavad rəhbərlik edəcək.
Tərəflər arasında birbaşa təmasların başlanması regionda gərginliyin azaldılması baxımından mühüm addım kimi qiymətləndirilir.
9-04-2026, 21:25
Tramp: "İranla razılaşma ilə bağlı çox nikbinəm"
ABŞ Prezidenti Donald Tramp İranla mümkün razılaşma ilə bağlı optimist mövqe sərgilədiyini açıqlayıb.
Bu barədə o, NBC telekanalına müsahibəsində danışıb.
Tramp bildirib ki, İran tərəfi son vaxtlar daha rasional davranmağa başlayıb: “Onlar daha ağıllı davranırlar və razılaşmalı olduqları məsələlərə razılıq verirlər”, – deyə ABŞ Prezidenti qeyd edib.
O, eyni zamanda xəbərdarlıq edib ki, əgər razılaşma əldə olunmasa, bunun nəticələri İran üçün çox ağır olacaq:
“Əgər onlar razılaşma əldə etməsələr, bu, çox ağrılı olacaq”, – deyə Tramp vurğulayıb.
ABŞ Prezidenti İsrailin Baş naziri Benyamin Netanyahu ilə də danışdığını bildirib və əlavə edib ki, hazırkı mərhələdə daha təmkinli davranmaq vacibdir:
“Mən Bibi ilə danışdım. Bir qədər daha təmkinli olmalıyıq”, – deyə o qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!