11-12-2023, 22:44
Polşaya yeni Baş nazir təyin olundu
Polşa Seymi dekabrın 11-də keçirilən iclasında Donald Tuskun ölkənin baş naziri postuna namizədliyini dəstəkləyib.
Bu barədə Polşanın PAP agentliyi məlumat yayıb.
248 deputat lehinə, 201 deputat əleyhinə səs verib.
“Təşəkkürlər Polşa, bu, həqiqətən də gözəl gündür. Mənim üçün deyil, illər keçdikcə hər şeyin daha da yaxşılaşacağına və qaranlığı və şərdən uzaqlaşacağımıza dərindən inananların hamısı üçün”, - səsvermə başa çatdıqdan sonra Donald Tusk bildirib.
Donald Tusk 2007-2014-cü illərdə Polşanın baş naziri olub. 2019-cu ilə qədər Avropa Şurasının prezidenti olub.
11-12-2023, 21:44
Mirzoyan fransalı həmkarıyla görüşdü
Ermənistan xarici işlər naziri Ararat Mirzoyanla fransalı həmkarı Ketrin Kolonna ilə görüşüb.
Bu barədə Ermənistan Xarici İşlər Nazirliyi məlumat yayıb.
Brüsseldə keçirilən görüşdə nazirlər İrəvan-Bakı münasibətlərindəki son vəziyyətdən danışıblar.
Görüş zamanı Cənubi Qafqazda təhlükəsizlik məsələləri müzakirə edilib.
11-12-2023, 17:52
Avropa İttifaqı (Aİ) İrana qarşı sanksiyaları genişləndirir
Avropa İttifaqı (Aİ) İrana qarşı sanksiyaları genişləndirir.
Bu barədə Aİ-nin rəsmi nəşri məlumat yayıb.
Bildirilib ki, qurum Rusiyaya hərbi yardım göstərdiyinə görə İranın 6 fiziki və 5 hüquqi şəxsinə sanksiya tətbiq edib.
Qeyd olunub ki, Rusiya Ukraynadakı müharibədə İran istehsalı olan pilotsuz uçuş aparatlarından (PUA) istifadə edir.
Sənəddə bildirilir ki, Rusiya xüsusi hərbi əməliyyat zamanı İran istehsalı olan PUA-lardan istifadə edir və buna görə də Aİ İrana qarşı sanksiyalar tətbiq edir.
“Qara siyahı”ya xüsusən də İranda PUA-lar üçün komponentlər hazırlayan və istehsal edən İran şirkətləri, habelə onların rəhbərliyinin nümayəndələri və elmi mütəxəssislər daxil edilib.
11-12-2023, 15:30
Makron Ermənistanın bu hərəkətini cəsarətli addım adlandırdı
Fransa prezidenti Emmanuel Makron Ermənistanın “Roma statut”na qoşulmasını cəsarətli addım adlandırıb.
Makrun bu barədə Ümumdünya İnsan Haqları Bəyannaməsinin 75-ci ildönümünə həsr olunmuş çıxışı zamanı bildirib.
“Mən Ermənistanın “Roma statut”na qoşulmaq qərarı ilə bağlı cəsarəti vurğulamaq istərdim. Bu, son aylar Ermənistana və xalqına faciələr üz verdiyi bir vaxtda çox əlamətdar jestdir”, - deyə Fransa lideri qeyd edib.
Makronun sözlərini Fransanın Ermənistandakı səfiri Olivye Dekotini “X” sosial şəbəkəsindəki səhifəsində paylaşıb.
Oktyabrın 3-də Ermənistan parlamenti Beynəlxalq Cinayət Məhkəməsinin “Roma statute”nun ratifikasiyasına səs verib. Bu qərarı 60 deputat dəstəkləyib, 20-si əleyhinə olub.
Rəsmi Moskva Ermənistanın “Roma statut”na qoşulmasını tamamilə qeyri-dost addım adlandırıb. Öz növbəsində Baş nazir Nikol Paşinyan bildirib ki, “Roma statute”nun ratifikasiyası heç bir şəkildə Rusiyaya qarşı yönəlməyib və proses Beynəlxalq Cinayət Məhkəməsinin Rusiya prezidenti Vladimir Putinin həbsinə order verməzdən əvvəl başlayıb.
11-12-2023, 13:47
Azərbaycan və Ermənistan arasındakı razılıqları müsbət qarşılayırıq - İran XİN
İran Azərbaycan və Ermənistan arasında birgə bəyanatın verilməsi, məhbusların mübadiləsini müsbət qarşılayır və bunu sülh razılaşmasının əldə olunması üçün alqışalayiq və konstruktiv addım olaraq qiymətləndirir.
Bunu İranın Xarici İşlər Nazirliyinin mətbuat katibi Nasir Kənani bu gün Tehranda keçirilən mətbuat konfransında deyib.
Onun sözlərinə görə, iki ölkə arasında birgə bəyanat məsələlərin həlli üçün regional dialoq və mexanizmlərin effektiv olduğunu bir daha təsdiqləyir.
Kənani bildirib ki, regionda davamlı sülhün əldə olunması regional tərəflər arasında əməkdaşlıq və etimad şəraitinin yaradılmasında mühüm amildir.
“İran ümid edir ki, iki ölkə arasında müzakirələr prosesi səmərəli nəticələnəcək. İran iki qonşu ölkəyə davamlı sülhü əldə etmək üçün kömək etməyə hazırdır”, - deyə o qeyd edib.
Qeyd edək ki, dekabrın 7-də Azərbaycan və Ermənistan birgə bəyanat veriblər. Bəyanata əsasən, qarşılıqlı olaraq saxlanılan hərbçilər azad edilib. Bəyanatda deyilir ki, Azərbaycan Respublikası və Ermənistan Respublikası yaxın gələcəkdə əlavə etimad quruculuğu tədbirlərinin həyata keçirilməsi üçün müzakirələri davam etdirəcəklər və beynəlxalq ictimaiyyəti iki ölkənin qarşılıqlı etimadın yaradılmasına töhfə verəcək, bütün Cənubi Qafqaz regionuna müsbət təsir göstərəcək səylərini dəstəkləməyə çağırırlar.
10-12-2023, 18:46
Niderland üç aylıq fasilədən sonra Rusiyadan qaz alacaq
Niderland sentyabr ayında üçaylıq fasilədən sonra yenidən Rusiyadan mayeləşdirilmiş təbii qaz almağa başlayıb.
Bu barədə ölkənin statistik məlumatlarında qeyd olunub.
Daha öncə ölkənin iqlim və energetika naziri Rob Yetten aprel ayında hökumətin Rusiyadan mayeləşdirilmiş təbii qaz idxalını dayandırmağa çalışdığını, o cümlədən ölkənin bu il Rusiyadan mayeləşdirilmiş təbii qaz idxalı üçün yeni müqavilələr imzalamağı dayandırdığını və əvvəllər mövcud olan müqavilələrə xitam verməyə çalışdığını bildirmişdi.
Bu bəyanatdan sonra may ayında idxalın həcmi kəskin azalıb - demək olar ki, 30%, iyunda isə tamamilə dayanıb. Fasilə bütün yay davam edib, halbuki əvvəllər alışlarda heç bir fasilə olmamışdı.
Bununla belə, artıq sentyabr ayında Niderland yenidən Rusiya qazının idxalına başlayıb, həmin ay ərzində 109 milyon avroya 211,5 milyon kubmetr yanacaq alınıb.
Bunun fonunda aylıq ifadədə Amsterdamın Moskvadan idxalı bütövlükdə 5,3 % artaraq 410,5 milyon dollar təşkil edib.
10-12-2023, 18:33
HƏMAS İsrailə qarşı terror aktı həyata keçirib - Rusiya XİN
HƏMAS İsrailə qarşı terror aktı həyata keçirib.
Bunu Rusiya xarici işlər naziri Sergey Lavrov bildirib.
O, Rusiyanın HƏMAS-ın İsrailə qarşı həyata keçirdiyi terror aktını pislədiyini söyləyib. Qeyd edib ki, Moskva yalnız HAMAS-ın siyasi ofisi ilə əlaqə saxlayır.
"HƏMAS oktyabrın 7-də terror aktı həyata keçirdi, biz bunu dərhal qınadıq. HƏMAS-ın Dohada fəaliyyət göstərən siyasi şöbəsi var və bizim o siyasi şöbə ilə əlaqəmiz var. Biz dərhal girov götürülən insanların taleyini müzakirə etmək üçün Dohada adamlarla əlaqə saxladıq”, - deyə Rusiya XİN başçısı Dohada keçirilən forumda onlayn çıxışında bildirib.
10-12-2023, 17:20
İlham Əliyev və Aleksandar Vuçiç təkbətək görüşdü
Dekabrın 10-da Serbiyanın Niş şəhərində Azərbaycan Respublikasının Prezidenti İlham Əliyevin Serbiya Respublikasının Prezidenti Aleksandar Vuçiç ilə təkbətək görüşü olub.
Görüşdə Azərbaycan ilə Serbiya arasında dostluq və strateji tərəfdaşlıq münasibətlərinin müxtəlif istiqamətlərdə uğura inkişaf etdiyi bildirildi, əməkdaşlığımızın bundan sonra da möhkəmlənəcəyinə əminlik ifadə olundu.
Söhbət zamanı Serbiya-Bolqarıstan Qaz İnterkonnektorunun açılışının əhəmiyyəti qeyd edilərək, Azərbaycanın Avropanın qaz təchizatına verdiyi töhfə xüsusi vurğulandı.
Dövlətimizin başçısı Serbiya Prezidentini Azərbaycana səfərə dəvət etdi. Dəvət minnətdarlıqla qəbul olundu.
Söhbət zamanı əməkdaşlığın perspektivləri ətrafında fikir mübadiləsi aparıldı.
10-12-2023, 16:56
Netanyahu Moskva – Tehran arasındakı əməkdaşlığı tənqid etdi
İsrailin Baş naziri Binyamin Netanyahu Rusiya Prezidenti Vladimir Putinlə telefon danışığında Moskva – Tehran arasındakı əməkdaşlığı tənqid edib.
Bu barədə Baş nazirin Aparatı məlumat yayıb.
Xatırladaq ki, dekbarın 10-da baş tutmuş telefon danışığı 50 dəqiqə çəkib.
9-12-2023, 20:30
ABŞ dövlət katibi Hakan Fidanla görüşdü
ABŞ dövlət katibi Antoni Blinken Türkiyənin xarici işlər naziri Hakan Fidan ilə görüşüb.
Bu barədə ABŞ Dövlət Departamenti məlumat yayıb.
Vaşinqtonda baş tutan görüşdə Fələstin-İsrail münaqişəsinin gərginləşməsinin qarşısının alınması və Qəzza zolağına humanitar yardımın çatdırılması istiqamətində səylər müzakirə olunub.
Diplomatlar girovların azad edilməsi və humanitar yardımın göstərilməsi zərurətini diqqət mərkəzində saxlanılmasının vacibliyini bildiriblər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!