Dünya » Səhifə 572

19-09-2023, 12:11

Petruşev Çinin XİN Başçısı ilə məsləhətləşmələr apardı

Rusiya Təhlükəsizlik Şurasının katibi Nikolay Patruşev Moskvada səfərdə olan Çinin xarici işlər naziri Van Yi ilə strateji təhlükəsizlik üzrə məsləhətləşmələr aparır.
Bu barədə Rusiya Təhlükəsizlik Şurasının mətbuat xidməti məlumat yayıb.
Dünən çinli nazir həmkarı Sergey Lavrovla görüşüb və ona ABŞ prezidenti Co Baydenin köməkçisi Ceyk Sallivanla son danışıqları barədə məlumat verib.
Lavrov çinli həmkarına Şimali Koreya lideri Kim Çen İnin Rusiyaya səfərinin nəticələri barədə danışıb.

Petruşev Çinin XİN Başçısı ilə məsləhətləşmələr apardı

18-09-2023, 21:35

İrəvan istənilən ssenaridə Zəngəzur dəhlizini açacaq - Rus ekspert

İrəvan istənilən ssenaridə Zəngəzur dəhlizini
açmalı olacaq.
Bu barədə Xəzər Strateji Araşdırmalar İnstitutunun baş direktoru İqor Korotçenko sosial şəbəkə hesabında yazıb.
“Kollektiv Təhlükəsizlik Müqaviləsi Təşkilatından çıxan Ermənistan Azərbaycanla Türkiyə arasında məngənədə sıxılmış qoza bənzəyəcək: bir az daha təsir göstərdikdə partlayacaq. Ermənistan NATO-ya qəbul edilməyəcək, Türkiyə bloka salacaq. İstənilən ssenaridə İrəvan Zəngəzur dəhlizini açmalı olacaq”, - rusiyalı ekspert yazıb.

İrəvan istənilən ssenaridə Zəngəzur dəhlizini açacaq - Rus ekspert

18-09-2023, 19:51

Rusiya və Çinin XİN Başçıları görüşdü

Rusiya xarici işlər naziri Sergey Lavrov çinli həmkarı Van Yi ilə görüşüb.
Görüş Rusiya Xarici İşlər Nazirliyinin Qəbullar Evində keçirilir.
Görüş zamanı regional və qlobal proseslər müzakirə ediləcək.

Rusiya və Çinin XİN Başçıları görüşdü

18-09-2023, 18:48

Ronaldoya İran xalçası hədiyyə olundu

Səudiyyə Ərəbistanının “Əl Nəsr” klubunun portuqaliyalı oyunçusu Kriştiano Ronaldo İrana gedib.
Bu barədə ISNA agentliyi məlumat yayıb.
Ronaldo Tehranda izdihamla qarşılanıb.
Futbolçu ilə keçirilən görüş zamanı futbolçuya əllə toxunmuş İran xalçası hədiyyə edilib. Xalçanın dəyərinin 3 milyard tüməndən (təxminən 120 min manatdan) çox olduğu bildirilib.

Ronaldoya İran xalçası hədiyyə olundu

18-09-2023, 18:16

Çinin ticarət şirkəti Türkiyəyə 2 milyard dollar sərmayə ayıracaq

Çinin "Alibaba Group" elektron ticarət şirkəti yaxın gələcəkdə Türkiyəyə 2 milyard dollar sərmayə qoymağı planlaşdırır.
Bu barədə şirkətin prezidenti Maykl Evans Türkiyə prezidenti Rəcəb Ərdoğanla görüşü zamanı bildirib.
Evans "Alibaba"nın Türkiyəyə 1,4 milyard dollar sərmayə qoyduğunu xatırladıb.
Qeyd edək ki, Ərdoğan BMT Baş Assambleyasının 78-ci sessiyasında iştirak etmək üçün ABŞ-dadır.

Çinin ticarət şirkəti Türkiyəyə 2 milyard dollar sərmayə ayıracaq

18-09-2023, 18:02

Stefan Kuntsu istefaya göndərildi

Türkiyə Futbol Federasiyası millinin baş məşqçisi Stefan Kuntsu istefaya göndərib.
Rəsmilər Kuntsa zəng edərək, ona qərarları barədə məlumat veriblər.
Qeyd edək ki, Ermənistanla heç-heçədən sonra Türkiyədə baş məşqçiyə qarşı etiraz dalğası qalxıb.

Stefan Kuntsu istefaya göndərildi

18-09-2023, 17:17

Ermənistan və Azərbaycan XİN-lərin görüşü planlaşdırılmır - Ani Badalyan

Ermənistan və Azərbaycan xarici işlər nazirlərinin görüşü hazırda planlaşdırılmır.
Bunu Ermənistan XİN-in sözçüsü Ani Badalyan Nyu-Yorkda BMT Baş Assambleyası çərçivəsində danışıqların mümkünlüyünü şərh edərkən bildirib.
Qeyd edək ki, hər iki nazir BMT Baş Assambleyasının toplantısına qatılmaq üçün ABŞ-a səfər edib.
Bundan əvvəl Azərbaycan XİN yerli mətbuata belə bir görüşün nəzərdə tutulmadığını açıqlayıb.

Ermənistan və Azərbaycan XİN-lərin görüşü planlaşdırılmır - Ani Badalyan

18-09-2023, 17:04

Rusiya Cənubi Qafqazda sülhün və sabitliyin qorunmasında tam maraqlıdır

"Rusiya tərəfi humanitar yüklərin daşınması üçün Laçın və Ağdam marşrutlarının paralel açılması ilə bağlı Rusiya Federasiyasının xarici işlər naziri Sergey Lavrovun təşəbbüsü əsasında Qarabağdakı humanitar vəziyyətin həllinə yardım etməkdə davam edir".
Bunu Rusiya XİN-in sözçüsü Mariya Zaxarova teleqram kanalında paylaşıb.
"Sentyabrın 18-də Rusiya sülhməramlı kontingentinin və Rusiya Xarici İşlər Nazirliyinin iştirakı ilə Beynəlxalq Qızıl Xaç Komitəsinin səyləri nəticəsində hər iki istiqamətdən eyni vaxtda regiona ərzaq və dərman partiyaları çatdırılıb. Biz yerli əhalinin maraqları naminə maneəsiz və müntəzəm humanitar yardımların davam etdirilməsini gözləyirik.
Rusiya Cənubi Qafqazda sülhün və sabitliyin qorunmasında tam maraqlıdır", - o qeyd edib.

Rusiya Cənubi Qafqazda sülhün və sabitliyin qorunmasında tam maraqlıdır

18-09-2023, 16:16

Bakı və Qarabağın erməniləri arasında danışıqlara başlamaq vacibdir - Şarl Mişel

"Laçın-Xankəndi və Ağdam-Xankəndi yolundan yüklərin eyni vaxtda keçməsini alqışlayırıq".
Bunu Avropa İttifaqı Şurasının prezidenti Şarl Mişel "X" hesabında yazıb.
"Nəhayət Qarabağın erməni sakinlərinə yardımlar aparılır. İndi bu məsələ tam qaydaya salınmalıdır. Bununla bərabər Avropa İttifaqının dəstəkləməyə hazır olduğu hüquq və təhlükəsizlik üzrə Bakı və Qarabağın erməniəsilli əhalisi arasında danışıqlara başlamaq vacibdir",- deyə o bildirib.

Bakı və Qarabağın erməniləri arasında danışıqlara başlamaq vacibdir - Şarl Mişel

18-09-2023, 15:49

İran XİN Azərbaycanla münasibətdən danışdı

İran Xarici İşlər Nazirliyinin sözçüsü Nasir Kənani bu gün keçirilən mətbuat konfransında Azərbaycanla münasibətlərdən danışıb.
O, İranın xarici işlər naziri Hüseyn Əmir-Abdollahianın azərbaycanlı həmkarı Ceyhun Bayramovla telefon danışığına toxunub.
Sözçü iki ölkə arasında məhkəmə, təhlükəsizlik və iqtisadi mövzularda danışıqlar aparıldığını və prosesin "isti, müsbət və irəliyə doğru gedən yolda" olduğunu bildirib.
O, həmçinin bu danışıqlar vasitəsilə Azərbaycan Respublikasının Tehrandakı səfirliyinin fəaliyyətinin bərpasının şahidi olacağına ümid etdiyini diqqətə çatdırıb.

İran XİN Azərbaycanla münasibətdən danışdı