20-03-2023, 14:14
Qazaxıstanda parlament seçkilərinin ilkin nəticələri bəlli oldu
Xəbər verdiyimiz kimi, bu gün Qazaxıstanda parlament seçkiləri keçirilib. Ölkənin "KazTAG" agentliyi seçkilərlə bağlı ilkin "exit-poll" nəticələrini açıqlayıb. Avrasiya İnteqrasiya İnstitutunun məlumatına görə, hakim "Amanat" partiyası 53.46% səs qazanıb. İnstitutun açıqlamasında partiyaların qazandıqları səslər aşağıdakı kimidir:
53,46% - Amanat
10,52% - "Aul"
8,9% - Respublika
6,25% - Xalq Partiyası
3,22% - Baytak
7,87% - "Ak Yol"
5,31% - Milli Sosial Demokrat Partiyası
Bundan başqa, Demokratiya İnstitutu və Kompleks Sosial Araşdırmalar İnstitutunun açıqladığı məlumatlarda da hakim partiyanın 53-54% səs topladığı bildirilir.
19-03-2023, 23:56
Pakistanın sabiq baş nazirinə qarşı yeni ittihamlar irəli sürüldü
Pakistan polisi ölkənin keçmiş baş naziri İmran Xana qarşı yeni ittihamlar irəli sürüb. O və 17 köməkçisi, eləcə də bəzi tərəfdarları bir sıra cinayətlərdə ittiham olunur. İmran Xan, keçmiş və indiki deputatlar, sabiq nazirlər, parlamentin keçmiş spikeri və eks-baş nazirin onlarla tərəfdarı terrorizm, polisin işinə mane olmaq, polis əməkdaşlarına hücum etmək, onları yaralamaq maddələri üzrə məsuliyyətə cəlb ediləcək. Qeyd edək ki, martın 18-də İmran Xanın tərəfdarları polislə toqquşub. Nəticədə 50-dən çox polis yaralanıb, polis postu, bir neçə avtomobil və motosiklet yandırılıb. Polis Xanın 59 tərəfdarını saxlayıb. Xan 2018-ci ildən Pakistanın baş naziri vəzifəsini tuturdu. 2022-ci ilin aprelində o, vəzifəsindən uzaqlaşdırılıb, daha sonra dövlət vəzifələrində işləmək hüququndan məhrum edilib.
19-03-2023, 23:54
İsrail və Fələstin qarşılıqlı razılığa gəldilər
İsrail və Fələstin qarşılıqlı şəkildə zorakılığı dayandırmaq üçün mexanizm yaratmaq barədə razılığa gəliblər. Bu barədə "Reuters" agentliyi məlumat yayıb. Bildirilib ki, tərəflər arasında görüş Misirdə baş tutub və danışıq prosesində ABŞ, Misir və İordaniya rəsmiləri iştirak edib. Danışıqlar zamanı tərəflər Ramazan ayında zorakılığın qarşısının alınacağını bildirib. Tərəflər gərginliyin azaldılmasının zəruriliyini bəyan ediblər. Açıqlamada deyilir ki, İsrail hökuməti və Fələstin Muxtariyyəti zorakılığın 3-6 ay müddətinə dərhal dayandırılmasına hazır olduqlarını bildiriblər.
19-03-2023, 23:45
Terror aktı törətmək üçün Belarusa gələn şəxslər saxlanılıb
Terror aktı törətmək üçün xaricdən Belarusa gələn şəxslər ölkənin Dövlət Təhlükəsizlik Xidmətinin xüsusi təyinatlı dəstəsi tərəfindən saxlanılıb. Bu barədə ölkənin Dövlət Təhlükəsizlik Xidmətinin mətbuat xidməti məlumat yayıb. Məlumatda bildirilib ki, Qrodnoda keçirilən xüsusi əməliyyat çərçivəsində avtomat silahlardan atəş açan əcnəbi vətəndaş məhv edilib. Hadisə zamanı mülki sakinlər və təhlükəsizlik qüvvələri arasında xəsarət alan olmayıb.
19-03-2023, 23:43
Putinin həbsi ilə bağlı İnterpola müraciət olunacaq
Beynəlxalq Cinayət Məhkəməsi Rusiya Prezidenti Vladimir Putinin həbsi ilə bağlı tezliklə İnterpola müraciət edəcək. Bu barədə Almaniyanın ədliyyə naziri Marko Buşman məlumat verib. Onun sözlərinə görə, Putin Almaniyaya səfər etsə, bu ölkənin müvafiq qurumu onu həbs etməyə məcbur olacaq. “Beynəlxalq Cinayət Məhkəməsi (BCM) tezliklə İnterpola, eləcə də iştirakçı dövlətlərə müraciət edəcək”, - deyə Buşman bildirib.
19-03-2023, 23:41
Ərdoğan Rusiya ilə birgə layihələrindən danışdı
Türkiyə prezidenti Rəcəb Tayyib Ərdoğan ölkəsinin Rusiya ilə birgə layihəsi olan Mersin vilayətindəki Akkuyu AES-dən danışıb. O, tezliklə AES-in bir hissəsinin fəaliyyə başlayacağını bildirib. Ərdoğan energetika siyasətində diversifikasiyanın vacibliyini vurğulayıb. Türkiyə prezidenti atom enerjisi ilə yanaşı, təbii qaz və alternativ enerji mənbələrindən də istifadə geniş olunacağını söyləyib. "Akkuyu AES enerji sahəsində ölkəmizə böyük üstünlük qazandıracaq", - deyə Ərdoğan əlavə edib.
19-03-2023, 23:38
Fransa prezidentinin siyasi reytinqi aşağı düşüb
Fransa prezidenti Emmanuel Makronun siyasi reytinqi kəskin şəkildə aşağı enib. Bu barədə "Ifop" sosioloji sorğusunun nəticələrində qeyd olunub. Bildirilib ki, hazırda Fransa prezidentinin reytinqi cəmi 28 faiz təşkil edir. Bu, Makronun siyasi fəaliyyətə başladığı vaxtdan bəri ən aşağı göstəricidir. Məlumata görə, siyasətçinin reytinqinin bu qədər düşməsinin başlıca səbəbi etirazlar doğuran pensiya islahatının həyata keçirilməsidir.
19-03-2023, 23:35
Qazaxıstanın 15 vilayətində parlament seçkiləri başa çatdı
Qazaxıstanın 15 vilayətində parlament seçkiləri başa çatıb. Seçici aktivliyi 53 faizdən çox olub. Ölkənin Aktobe, Atırau, Qərbi Qazaxıstan, Qızılorda və Manqistau vilayətlərində seçki məntəqələri Astana vaxtı ilə saat 21:00-da bağlanacaq. Qazaxıstandan xaricdə formalaşdırılmış məntəqələrdən ABŞ-ın San-Fransisko şəhərindəki seçki məntəqəsi isə Astana vaxtı ilə 20 mart saat 9:00-da qapadılacaq. Seçkinin rəsmi nəticələri səslərin tam şəkildə sayılmasının başa çatmasından sonra açıqlanacaq.
19-03-2023, 23:32
Ukrayna Putinin Mariupola səfərinə münasibət bildirdi
Ukrayna Prezident Ofisi rəhbərinin müşaviri Mixaylo Podolyak Rusiya prezidenti Vladimir Putinin işğal olunmuş Mariupola səfərini şərh edib. Müşavir bu barədə twitter səhifəsində yazıb. "Cinayətkar həmişə cinayət yerinə qayıdır. Sivil dünya “müharibə rəhbərinin” (V.V Putin) sərhədlərini keçəcəyi təqdirdə həbs olunduğunu elan edərkən, minlərlə Mariupol ailəsinin qatili şəhərin xarabalıqlarına və qəbirlərə "heyran olmağ"a gəldi. Sinizm, peşmançılıq olmaması...", - deyə o qeyd edib.
19-03-2023, 23:29
Kahramanmaraş vilayətində zəlzələ baş verdi
Türkiyənin Kahramanmaraş vilayətində yenidən zəlzələ olub. Bu barədə AFAD-ın rəsmi twitter səhifəsində məlumat yayılıb. Bildirilib ki, vilayətin Göksun rayonunda baş verən yeraltı təkan Rixter şkalası ilə 4.4 ballıq maqnituda ilə qiymətləndirilib. Ocağı yerin 7 kilometr dərinliyində yerləşən zəlzələdən sonra itki və dağıntılar barədə məlumat verilməyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!