1-12-2022, 13:58
Rusiyada uçuş qadağasının vaxtı uzadıldı
Rusiya Federasiyasının cənubunda və mərkəzi hissəsində yerləşən aeroportlarda uçuş məhdudiyyətləri yenidən uzadılıb. “Rosaviasiya” 11 aeroportda uçuşlara məhdudiyyət rejimini dekabrın 9-dək uzadıb. Uçuş məhdudiyyətləri Anapa, Belqorod, Bryansk, Voronej, Gəlincik, Krasnodar, Kursk, Lipetsk, Rostov, Simferopol və Elista hava limanlarında tətbiq olunur. Rusiya Ukraynada apardığı müharibə ilə əlaqədar olaraq 2022-ci il fevralın 24-dən ölkənin cənubunda və mərkəzi hissəsində hava məkanının bir hissəsini mülki təyyarələr üçün bağlayıb.
1-12-2022, 13:56
İranda polis atəş açdı - 6 yaşlı qız gözünü itirdi
İranda daha bir azyaşlı hərbi-polis qüvvələrinin hədəfinə tuş gəlib. 6 yaşlı Beyta Kiyani İsfahan əyalətinin Məlekşəhr şəhərində öz evlərinin eyvanında oynayarkən İran hakimiyyətinin hərbi-polis qüvvələrinin açdığı atəş nəticəsində bir gözünü itirib. Qeyd edək ki, bu ilin sentyabr ayında 22 yaşlı Məhsa Əmininin əxlaq polisi tərəfindən döyülərək öldürülməsindən sonra İranı etiraz aksiyaları bürüyüb. Nümayişlər iki aydan çoxdur ki, davam edir. Davam edən aksiyalarda yüzlərlə insan öldürülüb.
1-12-2022, 13:43
Azərbaycana qarşı qətnamə Parisin rəsmi mövqeyi deyil - Fransa XİN
Fransa parlamenti palatalarının Azərbaycana qarşı sanksiyaların tətbiqinə çağıran qətnamələri Parisin rəsmi xəttini əks etdirmir. Bu barədə Fransa Xarici İşlər Nazirliyindən (XİN) bildirilib. "Parlamentarilərin bu təşəbbüsü Fransa hökumətinin rəsmi mövqeyi deyil və tamamilə müstəqil şəkildə, hakimiyyət bölgüsü prinsipinə uyğun olaraq qəbul edilib", - açıqlamada deyilir. Bildirilib ki, Fransa hökumətinin mövqeyi hamıya məlumdur. Diqqətə çatdırılıb ki, Fransa sülhə nail olmaq fürsətindən istifadə etmək üçün tərəfləri danışıqlarda irəliləməyə təşviq etməyi hədəfləyir. Qeyd edək ki, ötən gün Fransa parlamentinin aşağı palatası - Milli Assambleya Azərbaycan əleyhinə qətnamə qəbul edib.
1-12-2022, 13:41
Kömür mədənində partlayış - 9 nəfər öldü
Pakistanın şimal-qərbində yerləşən Hayber Paxtunxva əyalətinin Orakazi bölgəsində kömür mədənində partlayış baş verib. Partlayış nəticəsində mədəndə çökmə olub. Hadisə zamanı 9 işçi həyatını itirib, daha 4 nəfər isə yaralanıb. Orakazi bölgəsinin qubernatoru Adnan Fərid həyatını itirən və yaralananların Şanqla bölgəsindən olduğunu bildirib. İlkin araşdırmalara əsasən, partlayışın şaxtada yığılan qazdan baş verdiyi ehtimal edilir.
30-11-2022, 19:39
İran Rusiyaya silah verməyə son qoymalıdır - Stoltenberq
İran və digər ölkələr Ukraynaya qarşı müharibədə Rusiyaya silah-sursat verilməsinə son qoymalıdır. Bu barədə Alyansın baş katibi Yens Stoltenberq Buxarestdə təşkilata üzv ölkələrin xarici işlər nazirlərinin toplantısında bildirib. Baş katib deyib ki, İran və ya heç bir başqa ölkə Rusiyaya raketlər, pilotsuz uçuş aparatları və ya hər hansı digər hərbi vasitələr verməməlidir.
30-11-2022, 19:25
NATO ölkələri Çindən asılılığı azaldacaq
NATO ölkələri Çindən asılılığı azaltmaq barədə qərar qəbul edib. Bu barədə təşkilatın Baş katibi Yens Stoltenberq məlumat verib. Baş katib digər avtoritar rejimlərdən də asılılığın azaldılmasının zəruri olduğunu vurğulayıb. Stoltenberq deyib ki, NATO ölkələrinin xarici işlər nazirləri Çinin iddialı hərbi inkişafını, texnoloji sıçrayışını nəzərdən keçiriblər. Qeyd edək ki, Rumıniyanın paytaxtı Buxarest şəhərində NATO ölkələrinin xarici işlər nazirlərinin iclası keçirilib.
30-11-2022, 19:23
Estoniya Aİ-dən 156 milyon avro təzminat alacaq
Estoniya Aİ-dən 156 milyon avro təzminat alacaq
Estoniya Ukraynaya göstərdiyi hərbi yardıma görə Avropa İttifaqından 156 milyon avro təzminat alacaq. Bu barədə Estoniya Müdafiə Nazirliyinin sözçüsü Tomas Mell bildirib. "Avropa İttifaqı Avropa Sülh Fondu çərçivəsində Ukraynaya hərbi dəstək üçün ümumilikdə 3,1 milyard avro dəyərində 6 yardım paketinin ayrılmasını təsdiqləyib. Bu məbləğdən 156 milyon avro Estoniyaya qaytarılacaq", - nazirlik rəsmisi vurğulayıb. Qeyd edək ki, bundan əvvəl Estoniyaya 135 milyon avro məbləğində kompensasiya ödənilməsi barədə qərar verilib. Tomas Mellin sözlərinə görə, Estoniya bu vəsaitdən öz hərbi potensialını bərpa etmək üçün istifadə edəcək.
30-11-2022, 19:22
Ukrayna səfirliyində partlayış - Yaralı var
Ukraynanın İspaniyanın paytaxtı Madrid şəhərindəki səfirliyində partlayış olub. Bu barədə “Reuters” agentliyi məlumat yayıb. Bildirilib ki, hadisə nəticəsində 1 nəfər yaralanıb. İspaniya mətbuatının yaydığı məlumata görə, xəsarət alan şəxs səfirliyin əməkdaşıdır. Ehtimal olunur ki, diplomatik nümayəndəliyə içərisində kiçik partlayıcı qurğu olan qutu göndərilib. Səfirliyin əməkdaşı qutunu açan zaman partlayış baş verib. Yaralı xəstəxanaya yerləşdirilib. Əraziyə polis əməkdaşları cəlb olunub. Hazırda faktla əlaqədar araşdırma aparılır.
30-11-2022, 19:17
İran millisinin baş məşqçisi istefa verdi
Futbol üzrə İran millisinin baş məşqçisi Karluş Keyroş istefa verib. Portuqaliyalı mütəxəssis istefa qərarını "Instagram" səhifəsində açıqlayıb. Qeyd edək ki, ötən gün ABŞ yığmasına 1:0 hesabı ilə məğlub olan İran millisi dünya çempionatında mübarizəni dayandırıb.
30-11-2022, 19:04
Çavuşoğludan ittiham: “ABŞ terrorçulara dəstək verir”
“ABŞ-ın Suriyada terror təşkilatlarına dəstək verməsi açıq-aydın ortadadır”. Bunu Türkiyənin xarici işlər naziri Mövlud Çavuşoğlu Buxarestdə keçirilən NATO xarici işlər nazirlərinin sammitində jurnalistlərin suallarını cavablandırarkən deyib. “Türkiyəni əngəlləməyə çalışan cəhdlər müşahidə edirik. Biz lazımi cavabları vermişik. Müttəfiqlərdən dəstək gözləyirik. O cür “amma”lı açıqlamalar gözləmirik. Həm Suriyada, həm İraqda terrorla mübarizəmizi davam etdirəcəyik. Deyilir ki, digər NATO ölkələrində də bunlar var. Haqlıdırlar. Pul toplanır, adamlar yığılır. Bütün bunlara son vermək lazımdır. ABŞ-ın Suriyada terror təşkilatlarına dəstək verməsi açıq-aydın ortadadır”, - deyə nazir bəyan edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!