İdman » Səhifə 15

6-06-2025, 20:15

Millimiz Qazaxıstanı məğlub etdi

Qəbələdə təlim-məşq toplanışında olan 17 yaşadək futbolçulardan ibarət Azərbaycan milli komandası ilk yoxlama görüşünü keçirib.
Aqil Nəbiyevin baş məşqçisi olduğu kollektiv Qazaxıstanın müvafiq yaş qrupundan ibarət komandasını məğlub edib.
Oyun yığmamızın 2:0 hesablı qələbəsi ilə yekunlaşıb. 28-ci dəqiqədə Nicat Kərimov hesabı açıb. 77-ci dəqiqədə isə avtoqol qeydə alınıb.
Qeyd edək ki, millimizin növbəti yoxlama oyunu iyunun 10-da Gürcüstan seçməsinə qarşı olacaq.

Millimiz Qazaxıstanı məğlub etdi

4-06-2025, 23:28

Selçuk Bayraktardan Azərbaycan paylaşımı

"Keçmişimiz də, gələcəyimiz də birdir".
Bunu Baykar şirkətinin İdarə Heyətinin sədri Selçuk Bayraktar "X" hesabında yazıb.
“Keçmişimiz də, gələcəyimiz də birdir! Can Azərbaycanda qurduğumuz ‘Bayraktar Teknoloji’ şirkəti ilə ölkələrimizin tam müstəqilliyi naminə yüksək texnologiyalar inkişaf etdiririk”, – Bayraktar qeyd edib.

Selçuk Bayraktardan Azərbaycan paylaşımı

4-06-2025, 22:48

Azərbaycan millisi məğlub oldu

21 yaşadək futbolçulardan ibarət Azərbaycan millisi bu gün yoxlama oyunu keçirib.
Belarusda təlim-məşq toplanışında olan Ayxan Abbasovun komandası bu ölkədən olan həmyaşıdları ilə üz-üzə gəlib.
Baranoviçi şəhər stadionunda oynanılan matç Belarusun 3:1 hesablı qələbəsi ilə yekunlaşıb. Yığmamızın yeganə qolunu 22-ci dəqiqədə Raul Məmmədov vurub.
Qeyd edək ki, U-21 iyunun 8-də isə Mehdi Hüseynzadə adına Sumqayıt şəhər stadionunda Monteneqro ilə yoldaşlıq görüşü keçirəcək.

Azərbaycan millisi məğlub oldu

3-06-2025, 15:52

“Qarabağ”ın futbolçusu 5 oyunluq cəzalandı

"Qarabağ"ın futbolçusu Yassin Benzia 5 oyunluq cəza alıb.
Bu barədə AFFA-nın rəsmi saytı məlumat yayıb.
Komandanın futbolçusu Yassin Benzia Azərbaycan kubokunun finalında "Sabah"la oyunda referini təhqir etdiyinə görə birbaşa qırmızı vərəqə görüb.
O, ardınca ədalət təmsilçilərinə fiziki təzyiq göstərməyə cəhd edib.
“Qarabağ” isə oyunçunun davranışına görə 3000 manat ödəməli olacaq.
Qeyd edək ki, "Sabah" Azərbaycan kubokunun finalında "Qarabağ"ı məğlub edərək (3:2) kubokun sahibi olub.

“Qarabağ”ın futbolçusu 5 oyunluq cəzalandı

31-05-2025, 12:25

“Neftçi” 7 futbolçu ilə vidalaşdı

“Neftçi” 7 futbolçu ilə vidalaşıb.
6 futbolçu – Yeqor Boqomolski, Azər Əliyev, Azər Salahlı, Yuri Matias, Rəhman Hacıyev və Höccət Haqverdinin müqavilə müddəti başa çatıb. Bu oyunçularla müqavilə yenilənməyib.
İcarə müqaviləsi bitən Rüstəm Samiqullin isə məxsus olduğu “Sabah” klubuna qayıdıb.

“Neftçi” 7 futbolçu ilə vidalaşdı

30-05-2025, 21:09

Millimiz dünya çempionatının finalında

Azərbaycanın minifutbol millisi Bakıda keçirilən dünya çempionatında finala yüksəlib.
Elşad Quliyevin rəhbərlik etdiyi kollektiv yarımfinalda Monteneqro ilə üz-üzə gəlib.
Qarşılaşma yığmamızın 2:1 hesablı qələbəsi ilə başa çatıb.
Millinin heyətində Ağaseyid Qasımov (23) və Ramiz Çovdarov (44) fərqləniblər.
Qeyd edək ki, Azərbaycan həlledici mərhələdə Macarıstan - Serbiya cütünün qalibi ilə qarşılaşacaq.

Millimiz dünya çempionatının finalında

27-05-2025, 23:11

Arda Turan bu klubun baş məşqçisi təyin edildi

Türkiyəli tanınmış futbol mütəxəssisi Arda Turanın yeni iş yeri bəlli olub.
38 yaşlı məşqçi Ukraynanın "Şaxtyor" komandasının sükanı arxasına keçib. Bu barədə Donetsk klubunun rəsmi saytı məlumat yayıb.
Onunla 2027-ci ilin yayınadək müqavilə imzalanıb.
Qeyd edək ki, Arda Turan son olaraq ölkəsində "Eyupspor"a rəhbərlik edib.

Arda Turan bu klubun baş məşqçisi təyin edildi

27-05-2025, 22:08

Azərbaycan millisi 1/4 finalda

Azərbaycanın minifutbol millisi Bakıda keçirilən dünya çempionatında 1/4 finala adlayıb.
Elşad Quliyevin rəhbərlik etdiyi yığma 1/8 finalda son dünya çempionu Rumıniya ilə üz-üzə gəlib.
Qarşılaşmanın əsas vaxtı 1:1 hesabı ilə yekunlaşıb.
Qalibi müəyyənləşdirmək üçün penalti zərbələrinə ehtiyac duyulub. Burada daha dəqiq oynayan (3:1) komandamız növbəti mərhələyə adlayıb.
Qeyd edək ki, Azərbaycan 1/4 finalda İngiltərə ilə münasibətlərinə aydınlıq gətirəcək.

Azərbaycan millisi 1/4 finalda

27-05-2025, 17:19

Azərbaycan Premyer Liqası bu tarixdə başlayacaq

Azərbaycan Premyer Liqasında 2025/2026-cı illər mövsümünün startının vaxtı müəyyənləşib.
Bu barədə Peşəkar Futbol Liqasının (PFL) rəsmi saytı məlumat yayıb.
PFL-in qərarına əsasən yeni mövsüm avqust 15-də başlayacaq.

Azərbaycan Premyer Liqası bu tarixdə başlayacaq

25-05-2025, 00:27

"Qalatasaray" səfərdə qələbə qazandı

Türkiyə Superliqasının 37-ci həftəsində artıq çempionluğunu elan edən "Qalatasaray" səfərdə "Göztepe" ilə qarşılaşmadan 0:2 hesablı qələbə ilə ayrılıb.
"Gürsel Aksel" stadionunda keçirilən görüşün ilk hissəsində qapılara qol vurulmayıb və ilk 45 dəqiqə 0:0 hesablı bərabərliklə yekunlaşıb.
"Qalatasaray" 70-ci dəqiqədə qazandığı cərimə zərbəsini qola çevirib. Kaan Ayxan gözəl zərbə vuraraq komandasını önə keçirib.
Daha bir qol matçın əlavə vaxtında vurulub. 90+1-ci dəqiqədə Alvaro Morata fərqi artırıb.
Bununla da, "Qalatasaray" liqadakı qələbə seriyasını 7 oyuna çatdıraraq, hesabına üç xal əlavə edib. Bu nəticə ilə sarı-qırmızılılar xallarını 92-yə yüksəldib. Üç həftədir qalib gələ bilməyən "Göztəpə" 47 xalla 8-ci pillədə qalıb.
Superliqanın son həftəsində "Qalatasaray" öz meydanında "Başakşəhər"i qəbul edəcək.

"Qalatasaray" səfərdə qələbə qazandı