10-05-2025, 13:53
Heydər Əliyevin qurduğu dövlət hədəflərə doğru inamla irəliləyir
Konstitusiyamızın bəyan etdiyi prinsiplərdən biri kimi ərazi bütövlüyümüzün və suverenliyimizin tam bərpa olunduğu, 2025-ci ildə Konstitusiyamızın qəbul edilməsinin 30-cu və Vətən müharibəsində Qələbəmizin 5-ci ildönümünü qeyd etdiyimiz zamanda geriyə baxarkən keçdiyimiz inkişaf yolunun, Ulu Öndərimiz Heydər Əliyevin qurduğu və Prezident İlham Əliyevin qüdrətli bir dövlət səviyyəsinə yüksəltdiyi bugünkü Azərbaycanın əzəmətini daha aydın görürük.
Bu fikirlər Azərbaycan Respublikası Prezidentinin Administrasiyasının rəhbəri Samir Nuriyevin “Konstitusiya və suverenlik: Heydər Əliyev siyasi irsinin təməl sütunları” adlı məqaləsində qeyd edilib.
Samir Nuriyev bildirib ki, Konstitusiyamızın bəyan etdiyi prinsiplərdən biri kimi ərazi bütövlüyümüzün və suverenliyimizin tam bərpa olunduğu, 2025-ci ildə Konstitusiyamızın qəbul edilməsinin 30-cu və Vətən müharibəsində Qələbəmizin 5-ci ildönümünü qeyd etdiyimiz zamanda geriyə baxarkən keçdiyimiz inkişaf yolunun, Ulu Öndərimiz Heydər Əliyevin qurduğu və Prezident İlham Əliyevin qüdrətli bir dövlət səviyyəsinə yüksəltdiyi bugünkü Azərbaycanın əzəmətini daha aydın görürük. “Azərbaycan Respublikasında 2025-ci ilin “Konstitusiya və Suverenlik İli” elan edilməsi haqqında” Azərbaycan Respublikası Prezidentinin Sərəncamında da qeyd olunduğu kimi, Ulu Öndərin qurduğu dövlət indi xalqımızın milli maraqlarını rəhbər tutaraq, yeni reallıqlar şəraitində müstəqil siyasətini daha cəsarətlə, prinsipiallıqla davam etdirir, Konstitusiyanın tələblərinə və öz suveren hüquqlarına əsaslanaraq, qarşıda duran strateji hədəflərə doğru inamla irəliləyir.
10-05-2025, 13:12
Hava yenidən pisləşir - Leysan, dolu, sulu qar yağacaq
Şimal və qərb rayonlarından mayın 11-i günün ikinci yarısı başlayaraq 15-i axşamadək hava şəraitinin arabir yağıntılı olacaq.
Milli Hidrometeorologiya Xidmətindən verilən məlumata görə, şimşək çaxacağı gözlənilir.
Ayrı-ayrı yerlərdə yağıntının leysan xarakterli intensiv və güclü olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var. 12-si gündüz əksər rayonlarda yağıntıda fasilə olacaq.
Yağıntılarla əlaqədar çaylarda, o cümlədən Kür çayının aşağı axınında sululuğun artacağı, bəzi dağ çaylarından isə qısamüddətli daşqın və sel keçəcəyi ehtimal olunur.
Havanın temperaturu mayın 13-dən başlayaraq ötən günlərlə müqayisədə tədricən 4-6° aşağı enəcək.
10-05-2025, 12:59
"Kimsə bizim mövqeyimizdən narazıdırsa, diqqətlə baxsın" - Nazir
Azərbaycanın xarici işlər naziri Ceyhun Bayramov Pakistan və Hindistan arasında gərginlikdən danışıb.
Nazir bu barədə jurnalistlərə açıqlamasında bildirib.
O qeyd edib ki, Azərbaycan tərəfinin bu mövzuda mövqeyi beynəlxalq hüquqa əsaslanır: “Azərbaycan tərəfinin mövqeyi ondan ibarətdir ki, bu son gərginliyin başlanma səbəbi var. Bu səbəb də onunla bağlıdır ki, Pakistan ərazisinə zərbələr endirilməyə başlanılıb. Biz bunu pislədik, qəbuledilməzliyini bəyan etdik. Eyni zamanda biz hər iki tərəfi məsələni siyasi-diplomatik səviyyədə həll etməyə çağırmışıq. Kimsə bizim mövqeyimizdən narazıdırsa, diqqətlə baxsın. Hesab edirəm ki, bizim yanaşmamız çox məntiqlidir”.
10-05-2025, 12:54
66 yaşlı qadının meyiti kanalda tapıldı
Ağdaş rayonunda ötən gün axşam saatlarında itkin düşmüş 66 yaşlı qadının meyiti tapılıb.
Ağcayazı kənd sakini 1959-cu il təvəllüdlü Əkbərova Nazilə Əliabbas qızı yaşadığı evdən çıxaraq geri qayıtmayıb.
Dərhal qadının axtarışlarına başlanılıb. Onun meyiti bu gün səhər saatlarnda Yuxarı Şirvan su kanalında tapılıb.
10-05-2025, 12:33
Hərbçilərə Sumqayıtda mənzillər verildi - FOTO
Əsası Ümummilli Lider Heydər Əliyev tərəfindən qoyulan ordu quruculuğumuzun bu gün Ulu Öndərin siyasi xəttinin layiqli davamçısı, Müzəffər Ali Baş Komandan İlham Əliyev tərəfindən qətiyyətlə davam etdirilməsi nəticəsində Azərbaycan Ordusu gün keçdikcə qüdrətlənməkdədir.
Ölkə rəhbərliyinin diqqət və qayğısı sayəsində hərbi qulluqçuların sosial məişət şəraitinin daha da yaxşılaşdırılması istiqamətində müvafiq tədbirlər görülür.
Azərbaycan Respublikası Prezidentinin «Azərbaycan Respublikası Silahlı Qüvvələrinin hərbi qulluqçularının sosial müdafiəsinin gücləndirilməsi tədbirləri barədə» müvafiq Fərmanının icrasının təmin edilməsi məqsədilə hərbi qulluqçulara daimi mənzillərin verilməsi üzrə həyata keçirilən fəaliyyətlər davam etdirilir.
Müdafiə Nazirliyindən verilən məlumata görə 20 təqvim ili və daha çox qüsursuz xidmət etmiş bir qrup hərbi qulluqçuya (hərbi xidmətdə olan, ehtiyata buraxılmış hərbi qulluqçulara və ya onların varislərinə) Sumqayıt şəhərində yerləşən MİDA Yaşayış Kompleksindəki mənzillər təqdim olunub.
Qeyd edək ki, mənzil təminatı proqramı mərhələli şəkildə həyata keçirilir və hərbi qulluqçuların sosial rifahının yaxşılaşdırılması istiqamətində görülən işlər bundan sonra da davam etdiriləcəkdir.
10-05-2025, 12:18
Nazir Azərbaycanda keçirilən Türkiyə-İsrail görüşündən danışdı
Diplomatiyanın əsas məqsədi hansısa problem varsa onun çözülməsinə kömək və dəstəkdir.
Bunu jurnalistlərə açıqlamasında Azərbaycanın xarici işlər naziri Ceyhun Bayramov "Azərbaycanın vasitəçiliyi ilə Türkiyə və İsrail danışıqları" ilə bağlı suala cavabında deyib.
Nazir bildirib ki, Türkiyə və İsrailin Azərbaycanda keçirilən təmaslarla bağlı Türkiyə və İsrail tərəfləri özü açıqlama verir:
"Bu açıqlamalar Azərbaycan tərəfindən verilmir. Hesab edirəm ki, bununla bağlı mümkün olan sözlər deyilib".
10-05-2025, 12:10
Bazar günü 31 dərəcə isti olacaq
Bakıda və Abşeron yarımadasında mayın 11-də hava şəraitinin dəyişkən buludlu olacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, cənub-qərb küləyi gündüz mülayim şimal-qərb küləyi ilə əvəz olunacaq.
Havanın temperaturu gecə 16-19° isti, gündüz 25-29° isti olacaq. Atmosfer təzyiqi normadan aşağı 756 mm civə sütunu olacaq. Nisbi rütubət gecə 60-70 %, gündüz 45-55 % olacaq.
Azərbaycanın rayonlarında hava şəraiti əsasən yağmursuz keçəcək. Lakin gündüz şimal və qərb rayonlarından başlayaraq bəzi yerlərdə arabir yağıntılı olacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var. Bəzi yerlərdə arabir duman. Qərb küləyi bəzi yerlərdə arabir güclənəcək.
Havanın temperaturu gecə 14-19° isti, gündüz 26-31° isti, dağlarda gecə 5-10° isti, gündüz 15-20° isti olacaq.
10-05-2025, 12:03
"Rusiya tərəfi deyir ki, istintaq davam edir" - Nazir təyyarə qəzasından danışdı
Ötən ilin dekabrında qəzaya uğrayan "Azərbaycan Hava Yolları” aviaşirkətinin “Embraer 190” təyyarəsinin Rusiyanın hava məkanında kənar təsirlərə məruz qalması ilə bağlı Rusiyada istintaq tədbirləri davam edir.
Bunu xarici işlər naziri Ceyhun Bayramov jurnalistlərə müsahibəsində deyib.
Nazir bildirib ki, AZAL-ın “Embraer 190” təyyarəsinin qəzaya uğraması ilə bağlı aparılan istintaq tədbirləri hər zaman Azərbaycanın prioritetində və gündəmindədir: "Biz Rusiya tərəfi ilə bütün təmaslar zamanı bu məsələni qaldırırıq. Qarşı tərəfin verdiyi izahat ondan ibarətdir ki, hələ istintaq davam edir. İstintaq tədbirləri başa çatandan sonra daha detallı məlumatlar təqdim edəcəyik. Həmin istintaqın ən qısa zamanda başa çatmasını gözləyirik".
10-05-2025, 11:57
Ermənistanın verdiyi mina xəritələrinin yararlılığı 25%-dən çox deyil
"Ermənistan tərəfindən mina xəritələri ilk dəfə 2021-ci ildə Azərbaycana təqdim edilib".
Bunu jurnalistlərə açıqlamasında Azərbaycanın xarici işlər naziri Ceyhun Bayramov deyib.
Nazir bildirib ki, mütəxəssislər bu sənədləri tam detallı öyrənib: "Yararlılığı 25%-dən çox deyil. 2020-ci ilin noyabrından sonra 400-ə yaxın mina hadisəsi baş verib. Baş verən partlayışın baş verdiyi ərazilərlə bağlı Ermənistan ümumiyyətlə mina xəritəsi təqdim etməyib".
10-05-2025, 11:49
Mövqeyimiz bəllidir, gözləyirik... - Nazirdən Naxçıvan açıqlaması
"Ermənistan-Azərbaycan sərhədlərinin delimitasiyası ilə bağlı təmaslar var. Bu proses üzrə iki ölkənin baş nazirlərin müavinlərinin sədrliyi ilə komissiyalar səviyyəsində işlər davam edir".
Bunu jurnalistlərə Azərbaycanın xarici işlər naziri Ceyhun Bayramov deyib.
O bildirib ki, Azərbaycanın nəqliyyat kommunikasiyalarının bərpası üzrə mövqeyi bəllidir:
"Düşünürəm ki, orada təmaslar olacaq. Daha bir istiqamət isə Azərbaycanın Qərb bölgələri ilə Naxçıvan Muxtar Respublikası arasında nəqliyyat kommunikasiyalarının açılmasıdır. Burada da Azərbaycanın mövqeyi bəllidir. Biz Ermənistanın bu istiqamətdə üzərinə götürdüyü öhdəlikləri yerinə yetirməsini gözləyirik”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!