Xəbər » Səhifə 1711

6-08-2022, 15:25

Külək, dolu, leysan...

Avqustun 6-sı saat 11:00-a olan məlumata əsasən avqustun 5-i axşamdan ölkə ərazisində hava şəraiti dəyişib, bəzi yerlərdə şimşək çaxıb, arabir yağış yağıb. Ayrı-ayrı yerlərdə leysan xarakterli intensiv olub, dolu düşüb. Milli Hidrometeorologiiya Xidmətindən verilən xəbərə görə, düşən yağışın miqdarı Gədəbəydə 23.0 mm, Göygöldə 18.0 mm, Daşkəsəndə 16.0 mm, Gəncədə 13.0 mm, Şahdağ, İsmayıllıda 9.0 mm, Altıağacda 8.0 mm, Qırızda 7.0 mm, Oğuzda 6.0 mm, Naftalan, Xaltan, Şamaxıda 5.0 mm, Göyçay, Qəbələ, Şəki,Şəmkir, Tovuz, Yevlax, Sarıbaşda (Qax) 3.0 mm, Qobustan, Ceyrançöl, Quba, Mingəçevirdə 2.0 mm, Ağsu, Balakən, Ləzə, Qusar, Xınalıq, Zərdab, Bərdə, Xaçmaz, Zaqatalada 1.0 mm, Bakıda və Abşeron yarımadasında isə 1.0 mm-dək olub. Avqustun 5-də Göygöl stansiyası ərazisinə saat 21:00-21:03 radələrində diametri 23 mm, rayon ərazisinə və rayonunun Göyçə kəndi, Topalhəsənli kəndi, Hacıkənd qəsəbəsinə leysan yağışla bərabər 15-20 mm, həmçinin Köşkü və Aşıqlı kəndlərinə, Tərtər rayonu ərazisinə saat 21:51-21:53 radələrində 10 mm, Gədəbəydə isə 00:30-da leysan yağışla xırda dolu yağıb. Qərb küləyi Daşkəsəndə 23-28 m/san-dək güclənib. Havanın temperaturu avqustun 5-də Bakıda iqlim normasından 2.7° yuxarı olub, havanın maksimal temperaturu Bakıda və Abşeron yarımadasında 30-34° isti, Naxçıvan MR-da 38-40°, Ordubadda 42° isti, dağlıq rayonlarda 26-28°isti, aran rayonlarında 35-40° isti olub.Ölkə ərazisində müşahidə olunan yağıntılı və küləkli hava şəraiti avqustun 09-gündüzədək davam edəcək.

Külək, dolu, leysan...

6-08-2022, 15:21

Buzdux dağı və ətrafındakı yüksəkliklər nəzarətimizə keçdi

Bölmələrimiz tərəfindən ərazidə aparılan dəqiqləşdirmələr nəticəsində Buzdux dağı və ətrafındakı yüksəkliklər Azərbaycan Ordusunun nəzarəti altına keçib. Bu barədə Azərbaycan Müdafiə Nazirliyindən bildirilib.

Buzdux dağı və ətrafındakı yüksəkliklər nəzarətimizə keçdi

6-08-2022, 14:09

Əliyev və Paşinyan Brüsseldə görüşəcək
Azərbaycan Prezidenti İlham Əliyev və Ermənistanın baş naziri Nikol Paşinyan Brüsseldə görüş keçirəcək.
Bunu Avropa Birliyi Şurasının prezidenti Şarl Mişel öz Tvitter səhifəsində yazıb.
O vurğulayıb ki, görüş ərəfəsində gündəliyin bütün bəndləri üzrə dialoqun davam etməsi və konkret irəliləyişin əldə olunması mühüm əhəmiyyət daşıyır.
"AB Cənubi Qafqazda sülh prosesinə sadiqliyini davam etdirir", - deyə o bildirib.

Əliyev və Paşinyan Brüsseldə görüşəcək

6-08-2022, 11:02

164-cü gün: Rusiyanın itkiləri açıqlandı

Ukrayna müharibənin 164-cü günü üçün Rusiya ordusunun itkiləri haqda məlumatı yeniləyib. Bu barədə Ukrayna Baş Qərargahı məlumat yayıb.
Bildirilib ki, Rusiya indiyə qədər 41 900 hərbçi, 1 802 ədəd tank, 4051 ədəd zirehli döyüş maşını, 955 ədəd artilleriya sistemi, 260 ədəd RYAS (reaktiv yaylım atəş sistemi), 127 hava hücumundan müdafiə sistemi, 223 ədəd hərbi təyyarə, 191 ədəd helikopter, 2 970 ədəd avtomobil texnikası, 744 ədəd PUA, 182 qanadlı raket, 15 gəmi/qayıq, 85 xüsusi avadanlıq itirib.

164-cü gün: Rusiyanın itkiləri açıqlandı

6-08-2022, 10:57

Mariya Zaxarova: Mən Londondakı azərbaycanlı həmkarlarıma dəstəyimi bildirmək istərdim. Azərbaycanın Britaniyadakı səfirliyinə radikal hücum məni şoka salıb. Butov.az xəbər verir ki, bu barədə Xarici İşlər Nazirliyinin sözçüsü Mariya Zaxarova özünün Teleqram kanalında yazıb. “Günorta çağı vandalların bütöv bir izdihamı diplomatik nümayəndəliyin ərazisinə soxulub, dövlət rəmzlərini təhqir edib, binaya ziyan vurub. Allaha şükür, heç kim xəsarət almayıb”, - Zaxarova bildirib.

Mariyadan Azərbaycana dəstək

5-08-2022, 23:27

BMT-dən səfirliyə hücumla bağlı açıqlama

BMT Baş katibinin sözçüsü Stefan Düjarrik Azərbaycanın Londondakı səfirliyinə hücuma reaksiya verib:
“Bu məsələyə BMT Təhlükəsizlik Şurası münasibət bildirməlidir. BMT bütün dünyada diplomatik binalara hörmətlə yanaşmağın vacibliyinə inanır”, - Stefan Düjarrik vurğulayıb.
“Mən bununla bağlı xəbərlərlə mətbuatda tanış oldum. Baş verənlərlə bağlı hər hansı təfərrüatlı birinci əldən məlumatım yoxdur. Ümumi prinsip bəyanatımız olaraq deyə bilərəm ki, BMT bütün dünyada diplomatik binalara hörmətlə yanaşmağın vacibliyinə inanırıq”, - BMT baş katibinin sözçüsü əlavə edib.
Qeyd edək ki, radikal dini dəstə avqustun 4-də Azərbaycanın Londondakı səfirliyinə hücum edib. Səfirliyin binasına daxil olaraq, vandallıq aktı törədən qrup üzvləri binanın eyvanında dini bayraqlar qaldıraraq, radikal dini şüarlar səsləndiriblər. Yerli polisin müdaxiləsindən sonra qrup üzvləri binadan çıxarılıb və saxlanılıb.
Hadisə zamanı səfirliyin əməkdaşları xəsarət almayıb.
Hadisə yerli hüquq-mühafizə qurumları tərəfindən araşdırılır. Araşdırmanın nəticələri ilə bağlı əlavə məlumat veriləcək.
Vyana Konvensiyasına uyğun olaraq, diplomatların və diplomatik binaların təhlükəsizliyinin təmin edilməsi ilə bağlı xəbərdarlıq tərəfimizdən diplomatik kanallar vasitəsilə Böyük Britaniya qurumlarının diqqətinə çatdırılıb.

BMT-dən səfirliyə hücumla bağlı açıqlama

5-08-2022, 21:06

Hərbçimiz minaya düşərək həlak oldu

Kəlbəcər rayonunun şərqində, yeni nəzarətə götürülmüş ərazidə ermənilər tərəfindən basdırılmış minanın partlaması nəticəsində avqustun 5-də Azərbaycan Ordusunun hərbi qulluqçusu Əliyev Babək Əsgər oğlu həlak olub. Bu barədə Müdafiə Nazirliyindən məlumat verilib. Faktla bağlı cinayət işi açılıb, araşdırma aparılır. "Müdafiə Nazirliyinin rəhbərliyi hərbi qulluqçumuzun ailəsinə və yaxınlarına dərin hüznlə başsağlığı verir, səbr diləyir! Allah rəhmət eləsin!", - məlumatda qeyd edilib.

Hərbçimiz minaya düşərək həlak oldu

5-08-2022, 20:50

Son sutkada vurulan vaksin sayı açıqlandı

Azərbaycanda son gündə koronavirus əleyhinə 1 723 vaksin vurulub. Bu barədə Nazirlər Kabineti yanında Operativ Qərargah məlumat yayıb. Gün ərzində birinci doza vaksinlərin sayı 268, ikinci doza vaksinlərin sayı 127 təşkil edib. Ölkədə üç və daha çox doza üzrə vaksinasiya olunanların sayı isə 1 095 olub. Pozitiv nəticədən sonra “buster” doza üzrə peyvənd olunanlar isə 233 nəfər olub. Qeyd edək ki, Azərbaycanda bu günə qədər vurulan vaksinlərin ümumi sayı 13 825 764 təşkil edir.

Son sutkada vurulan vaksin sayı açıqlandı

5-08-2022, 20:47

Yoluxanların sayı 500-ü keçdi - Ölən yoxdur

Azərbaycanda koronavirusa 540 yeni yoluxma qeydə alınıb, 370 nəfər müalicə olunaraq sağalıb. Bu barədə Nazirlər Kabineti yanında Operativ Qərargahdan bildirilib. Məlumata görə, sutka ərzində koronavirusdan ölən yoxdur. Ölkədə indiyədək 801 018 nəfər koronavirusa yoluxub. Onlardan 788 209 nəfər müalicə olunaraq sağalıb, 9 755 nəfər vəfat edib. Hazırda aktiv xəstə sayı 3 054 nəfərdir. Ölkədə son sutka ərzində 3 485, hazırkı dövrədək isə 7 062 408 test aparılıb.

Yoluxanların sayı 500-ü keçdi - Ölən yoxdur

5-08-2022, 20:41

Gənc oğlan 13-cü mərtəbdən yıxılıb öldü

Xətai rayonunda gənc oğlan binadan yıxılıb. Butov.az xəbər verir ki, hadisə "Babək Plaza"nın yaxınlığında qeydə alınıb. Həmin ərazidə yerləşən hündür mərtəbəli binanın 13-cü mərtəbəsindən yıxılan şəxs aldığı xəsarətlərdən həyatını itirib. Hadisə yerinə hüquq-mühafizə orqanlarının əməkdaşları cəlb olunub. Hadisənin baş vermə səbəbləri araşdırılır.

Gənc oğlan 13-cü mərtəbdən yıxılıb öldü