5-01-2025, 17:46
Azərbaycanda hər kəs eyni hüquq və azadlıqlara malikdir - Prezident
Nümunəvi multikulturalizm məkanı kimi tanınan Azərbaycanda dilindən, dinindən, etnik mənsubiyyətindən asılı olmayaraq, hər kəs eyni hüquq və azadlıqlara malikdir.
Vu barədə Prezident İlham Əliyev Azərbaycanın pravoslav xristian icmasına təbrikində bildirib.
“Xristian həmvətənlərimiz də inanclarına uyğun ayin və mərasimləri sərbəst şəkildə həyata keçirməklə öz adət-ənənələrini layiqincə yaşadır, vətəndaşlıq borcunu vicdanla yerinə yetirərək, Azərbaycanın ictimai-siyasi, sosial-mədəni həyatında yaxından iştirak edirlər”, - deyə Azərbaycan Prezidenti vurğulayıb.
5-01-2025, 17:44
Talibanın Pakistan qanadına son qoymağın zamanı çatıb - Şahbaz Şərif
Pakistan Baş naziri Şahbaz Şərif Taliban Hərəkatının Pakistan qanadının (Təhrik-e-Taliban) fəaliyyətinə son qoymağın zamanı çatdığını bəyan edib.
Şahbaz Şərif Milli Fəaliyyət Planı üzrə Mərkəzi Ali Komitənin iclasında belə bir bəyanatla çıxış edib.
Baş nazir bu təşkilatın təhlükəsiz orqanlarına və din sakinlərə çoxsaylı hücumlara görə məsuliyyət daşıdığını bildirib. Şahbaz Şərif terrorizmlə mübarizə və Pakistanın bütün ərazisində sülhün təmini üçün hərtərəfli planın hazırlanmasını vacib sayıb: “Dost kimi maskalanan, ölkəmizdən kənarda olan agentlər Pakistan əleyhinə təbliğat aparırlar. Bu, ciddi təhlükədir. Biz Bəlucistandan Pakistana qarşı istifadə etməyə çalışan xarici qüvvələr barədə də məlumatlıyıq”.
Qeyd edək ki, Pakistanın Əfqanıstanla sərhəd bölgələrində terror aktlarında artım müşahidə olunmaqdadır. Hayber-Pradeş və Bəlucistanda da terror aktları artmaqdadır. İslamabad Kabildən terror qruplaşmalarının Əfqanıstan ərazisindən istifadə edərək Pakistan ərazisinə hücumlarının qarşısını almağı tələb edir. Keçən həftə isə Əfqanıstan Talibanının üzvləri də daxil olmaqla, 15 silahlı sərhəddə zərərsizləşdirilib. 2024-cü ildə toqquşmalar zamanı 383 əsgər və 925 silahlı ölüb. Ölümlərin 97 faizi Hayber-Pradeş və Bəlucistanın payında düşür.
5-01-2025, 17:00
Putinlə Şolts və Tramp arasında görüş planlaşdırılmır
Hazırda Rusiya Prezidenti Vladimir Putinlə Almaniya federal kansleri Olaf Şolts və ya ABŞ-nin seçilmiş Prezidenti Donald Tramp arasında görüş planlaşdırılmır.
Bu barədə Kremlin mətbuat katibi Dmitri Peskov Almaniya Bundestaqının deputatı Roderix Kizevetterin bəyanatına münasibət bildirərkən deyib.
Qeyd edək ki, Kizevetter Şoltsun fevralın 23-dən əvvəl Moskvaya səfər edə biləcəyini və Trampla Putinin görüşünün “mart ayına planlaşdırıldığını” iddia edib.
5-01-2025, 16:45
"AZAL" təyyarəsinin qəzası: İlkin hesabat yanvarın sonunda açıqlanacaq
Qazaxıstanda "Azərbaycan Hava Yolları"na (AZAL) məxsus təyyarənin Aktau şəhəri yaxınlığında qəzaya uğramasını araşdıran hökumət komissiyası təhqiqatın ilkin nəticələri yanvarın sonunda açıqlanacaq.
Belə ki, Qazaxıstanda ölkə qanunvericiliyinin və ICAO-nun 13 saylı əlavəsinin tələblərinə uyğun olaraq, qəzanın baş verdiyi tarixdən 30 gün sonra təhqiqatın ilkin və ya aralıq nəticələri elan ediləcək.
Nazirlikdən həmçinin bildirilib ki, qəza ilə bağlı beynəlxalq ekspertlər araşdırması davam edir.
Bununla yanaşı, 13 saylı əlavəyə uyğun olaraq, komissiya araşdırmanı 12 ay ərzində başa çatdırmağı planlaşdırır.
Xatırladaq ki, AZAL-ın Bakı-Qroznı reysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarədə olan 67 nəfərdən 38-i ölüb, 29-u sağ qalıb.
Azərbaycan Prezidenti İlham Əliyevin sərəncamı ilə həlak olan ekipaj üzvləri - İqor İvanoviç Kşnyakin, Aleksandr Georgiyeviç Kalyaninov, Hökümə Cəlil qızı Əliyevaya ölümündən sonra Azərbaycanın Milli Qəhrəmanı adı verilib. Qəzadan sağ çıxan ekipaj üzvləri Zülfiqar Sərdar oğlu Əsədov və Aydan Vaqif qızı Rəhimli 1-ci dərəcəli “Rəşadət” ordeni ilə təltif ediliblər.
İlkin məlumatlara görə, təyyarə fiziki və texniki kənar müdaxilə nəticəsində qəzaya uğrayıb.
5-01-2025, 16:20
İsrail Qəzzada 100-dən çox hərbi obyektə hücum etdi
İsrail Ordusunun Hərbi Hava Qüvvələri Fələstin anklavından yəhudi dövlətinə davam edən raket hücumlarına cavab olaraq son günlər Qəzza zolağı boyunca 100-dən çox hərbi hədəfə hücum edib və onlarla silahlı radikalı zərərsizləşdirib.
Bu barədə İsrailin Müdafiə Ordusunun Mətbuat xidməti məlumat yayıb.
"Terror təşkilatı HƏMAS həftə sonu Qəzza zolağından İsrail ərazisinə doğru bir neçə raket və mərmi atıb. Kəşfiyyat orqanlarının başçılıq etdiyi əməliyyatda İsrail Ordusunun Hərbi Hava Qüvvələri Qəzza zolağının hər yerində 100-dən çox terrorçu hədəfi vurub və HƏMAS-ın onlarla terrorçusunu məhv etdi", - açıqlamada deyilir.
Bundan əlavə, İsrail Ordusu ölkə ərazisini atəşə tutmaq üçün istifadə olunan bir sıra buraxılış qurğularına zərbələr endirib. Ordu qeyd edib ki, zərbələrdən əvvəl mülki əhaliyə zərər vurma riskini azaltmaq üçün çoxsaylı tədbirlər görülüb.
Yanvarın 1-də yəhudi dövlətinin müdafiə naziri İsrael Katz xəbərdarlıq edib ki, Fələstinin radikal HƏMAS hərəkatının silahlı qüvvələri tərəfindən atəş davam etsə, İsrail Qəzza zolağına “görünməmiş güc” zərbələri endirmək niyyətindədir.
5-01-2025, 16:02
Qəzzada ölən fələstinlilərin sayı 46 minə çatır
Qəzzada son sutkada 88 fələstinli ölüb, 208 nəfər yaralanıb.
Bu barədə Qəzzadakı səhiyyə qurumu məlumat yayıb.
Bununla da indiyə qədər Qəzza zolağında ölənlərin sayı 45 805, yaralananların sayı 109 064 nəfərə çatıb.
Xatırladaq ki, ötən il oktyabrın 7-də HAMAS gözlənilmədən İsrailin cənubuna hücum edib. Hücum nəticəsində 1 110-dən çox israilli qətlə yetirilib. Buna cavab olaraq İsrail Qəzza zolağında havadan və qurudan hərbi əməliyyatlara başlayıb.
5-01-2025, 15:46
Azərbaycanlı hakim beynəlxalq oyuna təyinat aldı
Beynəlxalq dərəcəli voleybol hakimi Eldar Zülfüqarov 2025-ci ildə ilk təyinatını alıb.
O, qadınlar arasında Çempionlar Liqasının qrup mərhələsinin son turunda reallaşacaq Türkiyənin “Əczaçıbaşı” və Fransanın “Levallua” klublarının görüşündə ədaləti qoruyacaq.
Qarşılaşma yanvarın 22-də İstanbulda gerçəkləşəcək. Matçın digər hakimi Tomislav Popoviç (Serbiya) olacaq.
5-01-2025, 15:17
Qazaxda narkokuryerlər saxlanıldı
Qazax Rayon Polis Şöbəsinin əməkdaşlarının keçirdikləri tədbirlərlə narkokuryerlik edən 33 yaşlı Müsabi Piriyev saxlanılıb.
DİN-in Mətbuat Xidmətinin Gəncə regional qrupundan verilən məlumata görə, ondan 2 kiloqram marixuana aşkarlanıb.
Rayon Polis Şöbəsinin əməkdaşlarının keçirdikləri digər tədbir nəticəsində narkokuryerlik etməkdə şübhəli bilinən 23 yaşlı Kənan Əhmədov da saxlanılıb. Onun üzərindən 2 kiloqrama yaxın marixuana aşkarlanıb.
Saxlanılan şəxslər qazanc əldə etmək məqsədi ilə narkokuryerlik etdiklərini bildiriblər.
Faktlarla bağlı cinayət işləri başlanıb, saxlanılan şəxslər barəsində məhkəmənin qərarı ilə həbs qətimkan tədbiri seçilib.
Araşdırmalar davam etdirilir.
5-01-2025, 14:21
Mərhum aktyor dəfn olundu - Son dəfə eyni kadrda oldular
Mərhum aktyor Azər Baxşəliyev dəfn olunub.
O, Qurd Qapısı qəbiristanlığında son mənzilə yola salınıb.
Dəfində aktyorun ailə üzvləri, yaxınları və dostları iştirak ediblər. Mərhumun dostları və həmkarları İlkin Həsəni - “Şəmi”, Ramil Babayev - “Şöşü” və Elşən Orucov - “Fəlakət” onunla vidalaşıblar.
“Bozbash Pictures”lə məşhurlaşan komanda sonuncu dəfə eyni kadrda yer alıb.
5-01-2025, 14:10
Sabah bələdiyyə seçkiləri ilə əlaqədar təşviqat başlayır
Sabah bələdiyyə seçkiləri ilə əlaqədar seçkiqabağı təşviqatın aparılmasına başlanacaq.
Seçki Məcəlləsinin 72.3, 74.1.5, 74.1.7, 75.2-ci maddəsinə əsasən, qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların səlahiyyətli nümayəndələri və vəkil edilmiş şəxsləri tərəfindən seçkiqabağı təşviqatın aparılmasına səsvermə gününə 23 gün qalmış başlanır və səsvermənin başlanmasına 24 saat qalmış dayandırılır.
Yanvarın 29-na təyin edilmiş bələdiyyə seçkiləri ilə əlaqədar seçkiqabağı təşviqatın aparılmasına yanvarın 6-dan başlanacaq, yanvarın 28-i saat 08:00-da dayandırılacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!