Sankt-Peterburqdakı Dağlıq Qarabağ danışıqları sona çatdı və verilən açıqlamalardan görmək olar ki, deyilənlər öz təsdqini tapdı, yəni, problemin həllində əhəmiyyətli irəliləyiş baş vermədi.

Butov.az Gün.Az-a istinadən xəbər verir ki, bunu millət vəkili Sahib Alıyev dilə gətirib.

Onun sözlərinə görə, ancaq prezidentlərin birgə bəyanatının özü, orada görüşlərin bu formatda davam etdiriləcəyinin anons olunması, xarici işlər naziri Elmar Məmmədyarovun danışıqların konsrtuktiv keçdiyini vurğulaması, onun substantiv xarakter daşıması yaxın gələcəkdə belə bir irəliləyişin mümkünlüyünü və ortalıqda hansısa planın varlığını göstərir.

O, deyib ki, cəbhədə beynəlxalq izləyicilərin sayının artırılmasına razılıq verilməsi isə o deməkdir ki, erməni tərəfi aprel döyüşlərində itirdikləri torpqaları geri qaytaracaqları haqda səsləndirdikləri gurultulu vədlərin üstündən artıq möhkəm bir xətt çəkilib və bunun mümkünsüzlüyü onlara başa salınıb.

“İzləyicilərin sayının artırılması eyni zamanda həm də o deməkdir ki, Azərbaycan apreldə yaşananlarla üzləşməmələri, məsələnin sülh yoluyla çözümü üçün ermənilərə qısa sürətli bir şans verir.

Verir ki, torpaqların azad edilməsi yönündə bundan sonra da əhəmiyyətli addımlar atılmadığı təqdirdə, erməni havadarlarının deməyə daha sözləri qalmasın.

Deməyə söz qalmayanda isə ordu nə etməli olduğunu bilir...” - deyə, millət vəkili daha sonra bildirib.