16-09-2025, 16:13
Şimşək çaxacaq, leysan yağacaq
Bakıda və Abşeron yarımadasında sentyabrın 16-dan 17-nə keçən gecə, 17-də arabir yağış yağacağı gözlənilir. Yarımadanın bəzi yerlərində yağışın leysan xarakterli intensiv olacağı, şimşək çaxacağı ehtimalı var.
Bu barədə Milli Hidrometeorologiya Xidmətindən məlumat verilib.
Bildirilib ki, Azərbaycanın rayonlarında isə sentyabrın 16-sı axşamdan 21-dək fasilələrlə yağış yağacağı, şimşək çaxacağı, ayrı-ayrı yerlərdə yağıntıların leysan xarakterli intensiv və güclü olacağı, dolu düşəcəyi, yüksək dağlıq ərazilərdə yağışın sulu qara keçəcəyi gözlənilir.
Çaylarda sululuğun artacağı, bəzi dağ çaylarından qısamüddətli sel keçəcəyi ehtimal olunur.
16-09-2025, 16:08
Prezidentlər Şuşa qalasının önündə foto çəkdirdilər
Sentyabrın 16-da Azərbaycan Respublikasının Prezidenti İlham Əliyev və Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan Şuşa qalasının önündə foto çəkdiriblər.
Bu barədə Prezidentin Mətbuat Xidməti məlumat yayıb.
16-09-2025, 00:30
Kadırovdan Puqaçovanın sözlərinə sərt reaksiya
Çeçenistan rəhbəri Ramzan Kadırov məşhur rusiyalı müğənni Alla Puqaçovanın müsahibəsinə sərt reaksiya verib.
Puqaçova müsahibəsində Çeçenistanın keçmiş lideri, Çeçen İçkeriyanın ilk prezidenti Cöhar Dudayevi "mərifətli insan"adlandırıb.
Kadırov öz “Telegram” kanalında bununla bağlı yazıb.
“Belə bir dövrdə xalqın düşməni və satqını olan Puqaçovanın Çeçen xalqının ən ağır dövrü barədə bəsit mülahizələr yürütməsi çatışmırdı. Dudayevin Çeçenistana hansı xeyir verdiyini soruşmaq lazım idi elə çeçenlərin özündən. Onun general ambisiyaları və xalqın real problemlərinə biganə yanaşması quldurluğun artmasına və tam iqtisadi tənəzzülə səbəb oldu”.
Kadırov əlavə edib ki, ölkə dərin böhran yaşayarkən Dudayev “raketlər və tanklarla lovğalanırdı”:
“Bu, mövzudan tam xəbərsiz bir artistin cılız, mənasız sözləridir. Belə bəyanatları özündə saxlayıb bütöv bir xalqı təhrik etməsə, daha yaxşı olar”.
16-09-2025, 00:16
İl ərzində bir həkimin hazırlığına 8 min manat ayrılır
“İl ərzində ali məktəbdə bir tələbənin həkim hazırlığına 8 min manat vəsait xərclənir. Mühəndislik və digər ixtisaslarda isə bu rəqəm 2500 – 3000 manat arasında dəyişir”.
Bunu elm və təhsil naziri Emin Əmrullayev AzTV-nin “Hədəf” proqramında deyib. Nazir vurğulayıb ki, göstərilən rəqəmlər dövlət sifarişi əsasında maliyyələşən ixtisaslara aiddir:
“Kadr hazırlığında ucuz və keyfiyyətli formul işləmir. Çox vaxt insanlar düşünürlər ki, az vəsaitlə yüksəksəviyyəli mütəxəssis yetişdirmək mümkündür. Bu, reallığa uyğun deyil. Azərbaycan - Türkiyə Universiteti, Azərbaycan - İtaliya Universiteti, ADA Universiteti kimi ali təhsil müəssisələrində xərclər daha yüksəkdir”.
15-09-2025, 23:45
“Benfika” ilə oyuna istədiyimiz kimi hazırlaşa bilməmişik - Qurban Qurbanov
“Portuqaliyada olmaq və gözəl stadionda oynamaq möhtəşəm hissdir”.
Bu sözləri “Qarabağ” komandasının baş məşqçisi Qurban Qurbanov UEFA Çempionlar Liqasının əsas mərhələsində “Benfika”ya qarşı keçirəcəkləri ilk tur oyunundan öncə təşkil olunan mətbuat konfransında deyib.
O, matça tam istədikləri kimi hazırlaşmadıqlarını bildirib: “Bəzi səbəblərə görə, istədiyimiz kimi hazırlaşa bilmədik. Amma yaxşı təcrübəmiz var. İnanıram ki, futbolçular çəkinmədən mübarizə aparacaqlar.
Qeyd edək ki, sentyabrın 16-da keçiriləcək “Benfika” – “Qarabağ” oyunu Bakı vaxtı ilə saat 23:00-da başlayacaq.
15-09-2025, 23:19
Polşada hökumət binaları üzərində uçan dron vuruldu
"Polşada hökumət binaları və prezident iqamətgahı üzərində uçan pilotsuz uçuş aparatı zərərsizləşdirilib".
Bu barədə Polşanın Baş naziri Donald Tusk "X" sosial şəbəkə hesabında məlumat verib.
Onun sözlərinə görə, insidentlə əlaqədar iki Belarus vətəndaşı saxlanılıb. Polis hadisənin başvermə şəraitini araşdırır.
Polşanın baş naziri hadisənin təfərrüatını açıqlamayıb.
15-09-2025, 22:40
Prezident həmin ev barədə tapşırıq verdi
Prezident İlham Əliyev sentyabrın 15-də Xocalı rayonunun Daşbulaq kəndində olub. bu
Səfər çərçivəsində dövlətn başçısı kəndə köçən Məzahir Novruzovun evində olub, ailə üzvləri ilə söhbət edib.
Söhbət zamanı Xocalı sakini ata evinin də hazırda dövlət tərəfindən təqdim edilən mənzilin yaxınlığında olduğunu bildirib.
Dövlət başçısı isə bildirib ki, əgər sakin özü istəsə, ata yurdunu da bərpa edib övladları üçün şərait yarada bilər.
Prezident M.Novruzova şərait yaradılması üçün tapşırıq verib.
Qeyd edək ki, Xankəndi şəhərində, Ağdərə və Xocalı rayonlarında Prezidentin xüsusi nümayəndəsi Elçin Yusubovun sözlərinə görə, mənzillər sakinlərə püşkatma nəticəsində verilib.
15-09-2025, 22:40
Prezident həmin ev barədə tapşırıq verdi
Prezident İlham Əliyev sentyabrın 15-də Xocalı rayonunun Daşbulaq kəndində olub. bu
Səfər çərçivəsində dövlətn başçısı kəndə köçən Məzahir Novruzovun evində olub, ailə üzvləri ilə söhbət edib.
Söhbət zamanı Xocalı sakini ata evinin də hazırda dövlət tərəfindən təqdim edilən mənzilin yaxınlığında olduğunu bildirib.
Dövlət başçısı isə bildirib ki, əgər sakin özü istəsə, ata yurdunu da bərpa edib övladları üçün şərait yarada bilər.
Prezident M.Novruzova şərait yaradılması üçün tapşırıq verib.
Qeyd edək ki, Xankəndi şəhərində, Ağdərə və Xocalı rayonlarında Prezidentin xüsusi nümayəndəsi Elçin Yusubovun sözlərinə görə, mənzillər sakinlərə püşkatma nəticəsində verilib.
15-09-2025, 22:30
Qəbul prosesini daha da çətinləşdirməyi düşünürük - Emin Əmrullayev
Xaricdə təhsil üzrə dövlət proqramı üçün qəbul prosesini daha da çətinləşdirməyi düşünürük.
Bunu elm və təhsil naziri Emin Əmrullayev AzTV-nin "Hədəf" proqramında deyib.
Nazir bildirib ki, xaricdə təhsil proqramı üçün müraciət edənlərin sayı cari ildə 900 nəfərə yaxın idi:
"Bu isə seçim prosesini son dərəcə çətinləşdirirdi. Çünki iki çox yaxşı namizəd arasında yalnız bir yer olanda məcburən kimsə kənarda qalır. Biz çalışırıq ki, ən yaxşıları seçək. Təbii ki, bu prosesdə müsahibələr də aparılır. Amma qəbul etmək lazımdır ki, istənilən müsahibə müəyyən qədər subyektivdir".
Nazir qeyd etdiyi subyektivliyin minimuma endirilməsi məqsədinə nail olmağa çalışdıqlarını vurğulayıb:
"Elə bir sistem qurmaq istəyirik ki, proqramlara qəbul olunanların keyfiyyəti əvvəlcədən müəyyən olunmuş yüksək meyarlara əsaslansın. Nəticədə təxminən 500 nəfər ən yaxşı namizəd seçilsin. Bunun üçün də qəbul prosesini daha da çətinləşdirməyi, ən yüksək səviyyəli universitetlərə yönəltməyi düşünürük"
"Əminəm ki, bu proqram Azərbaycanın müstəqilliyinin və inkişafının əsas dayaqlarından biri olacaq. Çünki həmin şəxslər xaricdə təhsillərini başa vurduqdan sonra beş, on, on beş, hətta iyirmi il ərzində Azərbaycana qayıdaraq həm dövlət, həm də özəl sektorda mühüm nailiyyətlər qazanacaq və ölkəmizin inkişafına töhfə verəcəklər", - E.Əmrullayev
əlavə edib.
15-09-2025, 22:09
Bakıda sərnişin avtobus sürücüsünü döydü
Bakıda sərinişinlə avtobus sürücüsü arasında insident yaşanıb.
Hadisə Nizami rayonu ərazisində qeydə alınıb.
“Azland Plaza” şirkətinin rəhbəri Tağıyev Ramiz saytımıza bildirib ki, 49 nömrəli müntəzəm marşrut xətti ilə hərəkət edən avtobusun sürücüsü Qafarov Kamran Azər oğlu sərnişin tərəfindən döyülüb.
Bunu əks etdirən görüntülər də redaksiyamıza təqdim olunub.
İddiaya görə, insident sürücünün sərnişindən ödəniş etməsi tələbindən sonra baş verib.
Faktla bağlı polisə məlumat verilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!