24-12-2025, 14:33
Azərbaycanlıları Ukrayna müharibəsinə cəlb edən şəbəkə var?
Sosial şəbəkələrdə Azərbaycan vətəndaşlarının pul müqabilində Rusiya-Ukrayna müharibəsinə cəlb olunması haqda məlumatlar yayılır. Artıq hər iki ölkədə döyüşən yüzlərlə azərbaycanlı haqda məlumatlar mövcuddur.
Milli Məclisin üzvü Elman Məmmədov uzun illərdir ki, dünyanın bir çox ölkələrində münaqişə zonalarında pul müqabilində insanların müharibəyə cəlb edildiyini bildirib. O bu kontekstdə Rusiya-Ukrayna müharibəsində çoxsaylı azərbaycanlıların döyüş əməliyyatlarına cəlb olunduqlarını vurğulayıb.
“Belə məlumatlar var ki, Rusiya-Ukrayna müharibəsində hər iki tərəf - həm Ukrayna, həm Rusiya hərbi təcrübəsi olan, könüllü döyüşmək istəyənlərə müxtəlif təkliflər verir. Sosial şəbəkələrdə çağırışlar yayılır, elanlar verilir. Dövlətin müvafiq qurumları bu məsələlərin qarşısını almaq üçün tədbirlər görür və görməkdə də davam edir.
Deputatın sözlərinə görə, əsas problem Rusiya və Ukraynada yaşayan Azərbaycan vətəndaşlarının hərbi əməliyyatlara cəlb olunmasıdır.
“Burada iki variantı nəzərə almalıyıq. Məsələn, Ukraynada yaşayan və ya Rusiyada yaşayan, eyni zamanda həmin ölkələrin vətəndaşlığını almış soydaşlarımız var. Yəni onlar Rusiya vətəndaşıdır və Ukrayna vətəndaşıdır, çağırış zamanı hərbi xidmətə çağırılır və döyüşə göndərilirlər. Bu, məsələnin bir tərəfidir.
Digər tərəfdən isə Ukraynada və ya Rusiyada yaşayan soydaşlarımız var ki, onlar bizim vətəndaşlardır, bu ölkələrin vətəndaşları deyillər. Onlar ya pul müqabilində, ya da zorla bu müharibəyə göndərilə, cəlb oluna bilirlər. Bax, bunun qarşısını almaq üçün müvafiq tədbirlər görülməlidir.
Eyni zamanda döyüş təcrübəsi olan Azərbaycan vətəndaşlarını, hətta ölkəmizdə - Azərbaycanda yaşayan insanları da çağıranlar var. Bu, ən təhlükəli məqamdır və mən hesab edirəm ki, vətəndaşlarımız diqqətli olmalıdır. Vətənimiz uğrunda, torpaqlarımız uğrunda döyüşmək hər bir vətəndaşın şərəfli borcudur. Ancaq pul müqabilində gedib kiminsə ölkəsində, kiminsə tərəfinə döyüşmək, məncə, qəbuledilməzdir və bunun qarşısı alınmalıdır.
Deputat azərbaycanlıların müharibəyə təşviqatının fiziki olaraq yox, daha çox onlayn resurslar üzərindən aparıldığını deyib.
“Azərbaycanda insanları müharibəyə cəlb edən bir dəstənin faktiki mövcud olması barədə fikir bildirmək çətindir. Sosial şəbəkələrdə müxtəlif vasitələrlə bu çağırışları edənlərin müəyyənləşdirilməsi, məsuliyyətə cəlb olunması və ciddi tədbirlərin görülməsi vacibdir.”
Hüquqşünas Ramil Süleymanov isə qeyd edib ki, Azərbaycan Respublikasının vətəndaşı olaraq hər hansı dövlətin ordusunda və silahlı birləşmələrdə iştirak qanunsuzdur. O bu kimi halların cinayət əməli olduğunu diqqətə çatdırıb.
“Adətən, bu tip məlumatlar dövlət orqanlarının nəzarətində olur. Xarici dövlətlərin müvafiq strukturları tərəfindən Azərbaycan tərəfinə məlumatlar daxil olur ki, filan Azərbaycan vətəndaşı döyüşlərdə öldürülüb, əsir götürülüb və ya barəsində cinayət işi başlanılıb.
Vətəndaşlarımız bilməlidir ki, bu hallar cinayət əməli hesab olunur. Xatırlayırsınızsa, 2010–2020-ci illər aralığında Azərbaycan Respublikasından xeyli sayda şəxs Suriyaya və İraqa gedərək müxtəlif silahlı qruplaşmalara qoşulmuşdu. Bu proseslər əsasən dini pərdə altında həyata keçirilirdi. Bununla bağlı Azərbaycan Respublikasının müvafiq hüquq-mühafizə və təhlükəsizlik orqanları tərəfindən cinayət işləri başlanıldı, şəxslərin ölkəyə qaytarılması ilə bağlı hüquqi prosedurlar həyata keçirildi.”
24-12-2025, 14:06
Tokayev İlham Əliyevə zəng etdi
Qazaxıstan Respublikasının Prezidenti Kasım-Jomart Tokayev dekabrın 24-də Azərbaycan Respublikasının Prezidenti İlham Əliyevə zəng edib.
Bu barədə Prezidentin Mətbuat Xidməti məlumat yayıb.
Qazaxıstanın dövlətinin başçısı Prezident İlham Əliyevi ad günü münasibətilə təbrik edib, ona prezidentlik fəaliyyətində uğurlar və cansağlığı arzulayıb.
Azərbaycan Prezidenti göstərilən diqqətə və təbrikə görə minnətdarlığını bildirib.
Telefon danışığı əsnasında ölkələrimiz arasında dostluq və strateji müttəfiqlik münasibətlərinin bütün sahələr üzrə uğurla inkişaf etdiyi vurğulanıb, əlaqələrimizin genişlənməsində yüksəksəviyyəli qarşılıqlı səfərlərin əhəmiyyətinə toxunulub. Bu xüsusda, Azərbaycan Prezidentinin oktyabrda Qazaxıstana dövlət səfəri, həmçinin Kasım-Jomart Tokayevin ölkəmizə səfəri məmnunluqla xatırlanıb.
Dövlət başçıları əməkdaşlığımızın perspektivləri və gələcək təmaslar barədə fikir mübadiləsi aparıblar.
24-12-2025, 14:06
Təbrik edirik!
Zərdabi Nəşriyyatının rəhbəri, gözəl insan, ləyaqətli vətəndaş, Zərdabi irsini şərəflə daşıyan, tanıdığı ləyaqətli insanlara könüldən, dost sədaqəti ilə bağlanan Elman müəllim “Azərbaycan Milli Mətbuatının 150 illiyi (1875–2025)” yubiley medalı ilə təltif olunub. 15 ilə yaxın müddətdir tanıdığım Elman Qasımov təltifə namizədliyi sürülmüş ən layiqlilərdəndir. Elman müllimi “Bütöv Azərbaycan” qəzetinin kollektivi adından təbrik edirəm, həm də fəxr edirəm ki, belə bir ziyalımızla dostluq münasibətimiz var.
Elman Qasımovun minnətdarlıq dolu ürək sözlərini sahiblərinə ünvanlayırıq. Hörmətlə: Tamxil Ziyəddinoğlu
Bu gün mənim üçün sadəcə bir mükafat günü deyil - bir ömrün, bir yolun, bir əqidənin dövlət səviyyəsində dəyərləndirildiyi gündür. Zərdabi Nəşriyyatının rəhbəri olaraq, Həsən bəy Zərdabinin zəngin irsini araşdıran və bu irsə həsr olunmuş kitabların naşiri kimi, eyni zamanda Zərdab torpağından çıxmış bir insan olaraq Azərbaycan Milli Mətbuatının banisi Həsən bəy Zərdabinin əsasını qoyduğu yol münasibətilə təsis edilən “Azərbaycan Milli Mətbuatının 150 illiyi (1875–2025)” yubiley medalı ilə təltif olunmaq mənim üçün xüsusi və dərin mənəvi dəyər daşıyır.
Bu mükafat mənim üçün təkcə şəxsi fəaliyyətimə verilən qiymət deyil. Bu, kitaba, sözə, mətbuata, milli yaddaşa həsr olunmuş 63 illik bir ömrün, səbrlə, sədaqətlə və vicdanla görülən işlərinin tanınmasıdır.
Ömrümü nəşriyyata, kitab mədəniyyətinə, milli mətbuat tariximizin qorunmasına və gələcək nəsillərə ötürülməsinə həsr etmiş biri kimi bu diqqət və ehtiramı böyük məsuliyyətlə qəbul edirəm. Xüsusi olaraq Həsən bəy Zərdabi irsinin araşdırılmasına, milli mətbuatımızın mənəvi dayaqlarının yaşadılmasına göstərdiyi diqqətə görə Azərbaycan Mətbuat Şurasının sədri, dəyərli ziyalı Rəşad Məcidə, Azərbaycan Respublikasının Medianın İnkişafı Agentliyinin icraçı direktoru Əhməd İsmayıla, icraçı direktorun müavini Natiq Məmmədliyə səmimi təşəkkürümü bildirirəm.
Bu təltif mənim üçün bir dayanacaq deyil - yolun davamıdır. Həsən bəy Zərdabinin “mətbuat millətin aynasıdır” fəlsəfəsinə sadiq qalaraq, kitabın, sözün və milli yaddaşın keşiyində durmaq mənim üçün hər zaman şərəfli bir borc olub və olacaq.
Minnətdaram. Qürurluyam.
24-12-2025, 13:59
“Kanal-11” in rəhbərinin cəzası azaldıldı
"Kanal 11" internet televiziyasının həbsdə olan rəhbəri Teymur Kərimovun barəsində olan hökmdən verilən kassasiya şikayətinə baxılıb.
Bu gün Ali Məhkəmədə hakim İlqar Cəfərovun sədrliyi ilə keçirilən prosesdə qərar qəbul olunub.
Kassasiya şikayəti qismən təmin edilib. Onun cəzası 2 il azaldılıb.
Xatırladaq ki, Bakı Ağır Cinayətlər Məhkəməsinin hökmünə əsasən, Teymur Kərimov 2 il jurnalistika fəaliyyətinə qadağa qoyulmaqla, 8 il müddətində azadlıqdan məhrum edilib. Bakı Apellyasiya Məhkəməsi təqsirləndirilən Teymur Kərimovun cəzasını 1 il azaltmışdı.
Teymur Kərimov və onunla birgə ittiham olunan İstək Totiyevanın barəsində Cinayət Məcəlləsinin 182.2.1-ci (hədə-qroxu yolu ilə tələb etmə, qabaqcadan əlbir olan bir qrup şəxs tərəfindən törədildikdə) maddəsi ilə ittiham elan edilib.
Onunla birgə ittiham olunan İstək Totiyevaya isə 2 il sınaq müddəti seçilməklə şərti cəza verilib.
24-12-2025, 13:52
İranda təyyarəni qaçırma cəhdinin qarşısı alındı
İranda Tehran-Məşhəd reysi ilə uçan təyyarənin qaçırılmasının arşısı alınıb.
Bunu Milli Aviasiya Təhlükəsizliyi Korpusunun komandanı Hadi Melanuri bəyan edib.
Onun sözlərinə görə, hadisə ötən ay baş versə də, yalnız indi açıqlanıb.
Cani Tehran-Məşhəd reysli təyyarənin mühafizə dəstəsinin rəisini tərksilah və hətta girov götürmək niyyətində olub. Amma təsadüfən həmin reysdə olan digər təhlükəsizlik əməkdaşının sayıqlığı nəticəsində o, tərkisilah edilib.
24-12-2025, 13:46
Zelenski ilk dəfə “sülh planı”nın bütün 20 bəndini açıqladı
Ukrayna Prezidenti Volodimir Zelenski Rusiya ilə müharibəyə son qoymaq üçün hazırlanmış “sülh planı”nın bütün 20 bəndini açıqlayıb. Sənəddə aşağıdakı müddəalar var:
1. Ukraynanın suverenliyinin təsdiqi.
2. Rusiya ilə Ukrayna arasında təmas xətti boyunca vəziyyətin monitorinqi və hücum etməmək paktının bağlanması.
3. Ukrayna üşün təhlükəsizlik zəmanətləri.
4. Sülh dövründə Ukrayna ordusunun 800.000 nəfərlik heyətlə məhdudlaşması.
5. ABŞ, NATO və Avropa Ukraynaya Şimali Atlantika Müqaviləsi Təşkilatının 5-ci maddəsinə bənzər təhlükəsizlik zəmanətlərinin verilməsi. Rusiyanın yeni işğalı halında hərbi cavab və sanksiyaların bətpa edilməsi.
6. Rusiyanın Avropa və Ukraynaya hücum etməmək siyasətini zəruri qanunvericilikdə təsbit etməsi.
7. Ukraynanın Avropa İttifaqına üzvlük tarixinin müəyyən edilməsi, Kiyevə Avropa bazarına qısamüddətli çıxışın verilməsi.
8. Ayrıca bir investisiya müqaviləsilə Ukraynaının qlobal inkişaf paketinin formalaşdırılması.
9. Ukrayna üçün 800 milyard dollarlıq bir neçə bərpa fondunun yaradılması.
10. Ukrayna ilə ABŞ arasında sərbəst ticarət müqaviləsinin sürətləndirilməsi.
11. Ukraynanın qeyri-nüvə dövləti statusunun təmin edilməsi.
12. Zaporojye Atom Elektrik Stansiyasının güzəştə gedilməməsi. ABŞ-ın əsas rol oynadığı üçtərəfli idarəetmə təklifinə qarşı Kiyevin təklifi: ABŞ və Ukraynanın stansiyanı bərabər əsasda birgə idarə etmələri.
13. Məktəblərdə tolerantlığın, mədəniyyətlərarası anlaşmanın inkişaf etdirilməsinə, irqçilik və qərəzin aradan qaldırılmasına yönəlmiş təhsil proqramlarının tətbiqi.
14. Rusiya ordusu Dnepropetrovsk, Nikolayev, Sumı və Xarkov vilayətlərindən çıxır. Donetsk, Luqansk, Zaporojye və Xerson vilayətlərində "olduğumuz yerdə qalırıq" prinsipi tətbiq olunur.
Rusiya Ukraynanın Donetsk bölgəsindən çıxmasını tələb edir. ABŞ azad iqtisadi zona şəklində kompromis təklif edir. "Mövqeyimizdə qalmaq" barədə razılıq olmadığı təqdirdə, azad iqtisadi zona seçimi yalnız referendum yolu ilə mümkündür və bu zaman bütün sənəd təqdim edilməlidir.
1. Rusiya və Ukrayna müqavilələri zorla dəyişdirməməyi öhdələrinə götürürlər.
2. Rusiya Ukraynanın Dnepr çayından və Qara dənizdən kommersiya məqsədləri üçün istifadəsinə müdaxilə etmir, Kinburn burnu demilitarizasiya edilir.
3. Mülki şəxslərin, uşaqların və siyasi məhbusların qaytarılması ilə yanaşı, əsir mübadiləsi də həyata keçirilir.
4. Ukrayna müqavilə imzalandıqdan sonra mümkün qədər tez seçkilər keçirməyi öhdəsinə götürür.
5. Müqavilə hüquqi cəhətdən məcburi olur və onun icrasına nəzarət ABŞ prezidenti Donald Trampın sədrlik etdiyi Sülh Şurasına həvalə edilir.
6. Bütün tərəflər şərtlərlə razılaşdıqdan sonra tam atəşkəs dərhal qüvvəyə minir.
24-12-2025, 13:35
Kobaxidze İlham Əliyevi təbrik etdi
Dekabrın 24-də Gürcüstanın Baş naziri İrakli Kobaxidze Azərbaycan Respublikasının Prezidenti İlham Əliyevə zəng edib.
Bu barədə Prezidentin Mətbuat Xidməti məlumat yayıb.
Qeyd edilib ki, Gürcüstanın Baş naziri Prezident İlham Əliyevi ad günü münasibətilə təbrik edib, ona prezidentlik fəaliyyətində yeni uğurlar və möhkəm cansağlığı arzulayıb.
Dövlətimizin başçısı göstərilən diqqətə və təbrikə görə minnətdarlığını bildirib.
Söhbət zamanı dostluq və mehriban qonşuluq prinsiplərinə əsaslanan ikitərəfli münasibətlərimizin uğurla inkişaf etdiyi vurğulanıb, əməkdaşlığımızın perspektivləri barədə fikir mübadiləsi aparılıb.
24-12-2025, 13:29
Paşinyanın seçkilərə gedəcəyi tarix dəqiqləşdi
Ermənistanda parlament seçkilərinin təklif olunan tarixini açıqlanıb.
Mərkəzi Seçki Komissiyasının rəhbəri Vaaqn Ovakimyanın sözlərinə görə, Ermənistanda parlament seçkiləri 2026-cı il 2-12 iyun tarixlərində keçirilə bilər.
"Prezident seçki gününü təyin edəcək; hələlik heç bir fərman yoxdur. Hamı bu dövrdə yeganə bazar günü kimi 7 iyundan danışılır. Başqa bir gün seçilərsə, bu, qeyri-iş günü olmalıdır", - Ovakimyan qeyd edib.
Xatırladaq ki, 2026-cı ilin iyununda Ermənistanda mühüm parlament seçkiləri keçiriləcək. Seçkilərdə hazırki baş nazir Nikol Paşinyan "Vətəndaş Müqaviləsi" partiyası ilə seçkilərə qatılacaq.
24-12-2025, 13:25
Sarayda marşrut avtobusu yandı
Fövqəladə Hallar Nazirliyinin “112” qaynar telefon xəttinə Bakı-Sumqayıt şosesinin Abşeron rayonu, Saray qəsəbəsindən keçən hissəsində avtobusda yanğın baş verməsi barədə məlumat daxil olub.
FHN-in Mətbuat xidmətindən verilən xəbərə görə, məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.
Yanğınsöndürənlər tərəfindən avtobusda baş vermiş yanğın qısa müddətdə söndürülüb.
Xəsarət alan yoxdur.
24-12-2025, 13:22
Bakıya yağış, rayonlara qar yağacaq - Sabahın havası
Azərbaycanda dekabrın 25-də havanın arabir yağıntılı olacağı, dağlıq və dağətəyi rayonlarda qar yağacağı gözlənilir.
Bu barədə Milli Hidrometeorologiya Xidməti məlumat yayıb.
Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, səhər bəzi yerlərdə çiskinli, axşam isə arabir yağıntılı olacağı gözlənilir. Şimal-qərb küləyi gündüz arabir güclənəcək.
Havanın temperaturu gecə 3-6° isti, gündüz 6-9° isti olacaq. Atmosfer təzyiqi 765 mm civə sütununu 770 mm civə sütununa yüksələcək. Nisbi rütubət 70-80 % olacaq.
Azərbaycanın rayonlarında havanın əsasən yağmursuz keçəcəyi, lakin səhər şərq rayonlarından başlayaraq bəzi yerlərdə arabir yağıntılı olacağı, dağlıq və dağətəyi rayonlarda qar yağacağı gözlənilir. Ayrı-ayrı yerlərdə intensivləşəcəyi ehtimalı var. Bəzi yerlərdə arabir duman. Qərb küləyi bəzi yerlərdə arabir güclənəcək.
Havanın temperaturu gecə 0-5° isti, gündüz 7-11° isti, dağlarda gecə 2-7° şaxta, gündüz 0-5° isti olacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!