27-12-2025, 23:21
Nazarbayev ortaya çıxdı
Rusiya prezidenti Vladimir Putin Qazaxıstanın ilk prezidenti Nursultan Nazarbayevlə görüşüb.
Bu barədə Kremlin mətbuat xidməti xəbər verir.
Görüş Kreml sarayında baş tutub.
27-12-2025, 22:54
Putinə daha bir şəhərin ələ keçirildiyi məruzə edildi
Rusiya prezidenti Vladimir Putin dekabrın 27-də səhər saatlarında Birləşmiş Qoşun Qruplaşmasının idarəetmə məntəqələrindən birinə baş çəkib.
Kremlin məlumatına görə, Putinə cəbhədəki vəziyyətlə bağlı məruzələr təqdim olunub və həmin məruzələrdə Zaporojye vilayətində yerləşən Qulyaypole şəhərinin, eləcə də Donetsk vilayətindəki Dimitrov şəhərinin Rusiya Silahlı Qüvvələrinin nəzarətinə keçdiyi bildirilib.
Ukrayna ordusunun nümayəndəsi Vladislav Voloşin isə bəyan edib ki, əgər Qulyaypolenin Rusiya tərəfindən ələ keçirilməsi faktı təsdiqlənərsə, hüquq-mühafizə orqanları bununla bağlı cinayət işi açacaq.
Ukrayna KİV-lərinin yazdığına görə, artıq araşdırma başlanıb və istintaq 106-cı Ərazi Müdafiə Briqadasının bir batalyonunun müşahidə məntəqəsini tərk etməsi faktını əhatə edir. Məlumata əsasən, hərbçilər mövqeni şəxsi əşyalarını geridə qoyaraq tərk ediblər.
Dekabrın 25-də sosial şəbəkələrdə yayılan videoda Rusiya hərbçiləri 106-cı ayrıca ərazi müdafiə briqadasının 1-ci batalyonuna məxsus komanda-müşahidə məntəqəsini ələ keçirdiklərini iddia edirlər. Kadrlarda tərk edilmiş noutbuklar, mobil telefon və hərbi xəritələr nümayiş etdirilir.
Bundan əvvəl ABŞ-ın Müharibənin Öyrənilməsi İnstitutu Qulyaypole istiqamətində vəziyyətin son dərəcə ağır olduğunu qeyd edib. İnstitutun qiymətləndirməsinə görə, Rusiya qüvvələri bu istiqamətdə intensiv hücum əməliyyatlarını davam etdirir və şəhəri şimal-şərqdən təcrid etməyə çalışaraq şərqdən hücumlarını gücləndirir.
Xatırladaq ki, Vladimir Putin dekabrın 19-da keçirilən “birbaşa xətt” zamanı “Şərq” qruplaşmasının Zaporojye vilayətində sürətlə irəlilədiyini, Qulyaypoledə döyüşlərin getdiyini bildirmişdi. O, eyni zamanda Xarkov vilayətində Kupyanskın ələ keçirildiyini də iddia etmişdi, lakin bu məlumat sonradan Ukrayna tərəfi tərəfindən təkzib olunmuşdu.
27-12-2025, 21:55
“Arsenal” liderliyini qorudu
İngiltərə Premyer Liqasında XVIII turun oyunları keçirilir.
“Mançester Siti” “Nottingem Forest”ə 2:1 hesabı ilə qalib gəlib.
“Arsenal” “Brayton”u (2:1),”Liverpul” isə “Vulverhempton”u (2:1) üstələyib.
“Arsenal” 42 xalla turnir cədvəlinə başçılıq edir. “Mançester Siti” 40 xalla ikinci pillədə qərarlaşıb.
27-12-2025, 21:35
Putinin 2026-cı il planları - Ukrayna AÇIQLADI
Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov Rusiyanın 2026-cı il üçün əsas hədəflərini açıqlayıb.
Budanov Ukraynanın yerli “Suspilne” nəşrinə verdiyi müsahibəsində bildirib ki, Moskva Donbas və Zaporojye vilayətini tamamilə işğal etmək istəyir.
Kəşfiyyat rəisi bildirib ki, Kremlin məqsədi Rusiya hərbi planlaşdırmasında aydın şəkildə göstərilib. Bu siyahıya Donetsk vilayəti üzərində tam nəzarət, Dnepropetrovsk vilayətində maksimum irəliləyiş, Zaporojye və Xerson vilayətlərində hücum əməliyyatlarının davam etdirilməsi və sərhəd boyunca “bufer” zonalarının genişləndirilməsi daxildir.
"Bunlar onların əsas məqsədləridir. 2026-cı ildə əsas məqsəd Donbas və Zaporojye vilayətidir", - deyə Budanov vurğulayıb.
27-12-2025, 21:16
Məsciddəki partlayışı kim törədib?
Suriyanın Homs şəhərində məsciddə baş verən partlayışın məsuliyyətini Sarayə Ansar əs-Sünnə adlı silahlı qruplaşma üzərinə götürüb. Partlayış nəticəsində azı 8 nəfər həlak olub, 18 nəfər yaralanıb.
Qruplaşma ideoloji və əməliyyat baxımından İŞİD ilə əlaqəlidir.
“Sarayə Ansar əs-Sünnə” radikal silahlı birlik kimi tanınır və Suriyada fəaliyyət göstərir. Qruplaşma 1 fevral 2025-ci ildə Əbu Ayiş əş-Şami tərəfindən yaradılıb. O, daha əvvəl Heyət Təhrir əş-Şam (HTŞ) sıralarında olub, lakin daha sonra təşkilatı tərk edib. Qrupun say tərkibinin bir neçə yüz döyüşçüdən ibarət olduğu, əsasən Homs və Hama vilayətlərində, eləcə də Dəməşq ətrafında xırda hücrələr şəklində fəaliyyət göstərdiyi bildirilir.
Məlumatda xatırladılır ki, Suriya prezidenti Əhməd əş-Şaraa əvvəllər Əbu Məhəmməd əl-Culanı adı ilə tanınıb və uzun müddət HTŞ-nin lideri olub. Sözügedən qruplaşma vaxtilə Suriyada Əl-Qaidə şəbəkəsinin yerli qolu əsasında formalaşmış, sonradan beynəlxalq terror şəbəkəsi ilə əlaqələrini kəsdiyini bəyan etmişdi.
27-12-2025, 21:04
"Mançester Siti" səfərdə qələbə qazandı
İngiltərə Premyer Liqasının 18-ci turunda "Mançester Siti" səfərdə "Nottinqem Forest"in qonağı olub.
Qarşılaşma "şəhərlilər"in 2:1 hesablı qələbəsi ilə yekunlaşıb.
"Nottinqem Forest" - "Mançester Siti" - 1:2
Qollar: O.Hatçinson, 54 – T.Reynders, 48, R.Şerki, 83
Bu qələbədən sonra xallarını 40-a çatdıran Xosep Qvardiolanın komandası turnir cədvəlində liderliyə yüksəlib. "Nottinqem Forest" isə 18 xalla 17-ci pillədə qərarlaşıb.
27-12-2025, 20:36
907-ci düzəlişin ləğvinə hazırlıq gedir
ABŞ Konqresinin Nümayəndələr Palatasında H.R. 6534 nömrəli qanun layihəsi rəsmi olaraq qeydiyyata alınıb.
Sənədin məqsədi ABŞ qanunvericiliyində Azərbaycana göstərilən yardımlara qoyulan məhdudiyyətlərin aradan qaldırılmasıdır.
Qanun layihəsi “Azərbaycana yardımla bağlı məhdudiyyətlərin ləğvi haqqında” adlanır və Azadlığı Müdafiə Aktı çərçivəsində tətbiq edilən, məşhur 907-ci düzəlişin (Section 907) ləğvini nəzərdə tutur. Məhz bu maddə uzun illər ərzində ABŞ hökumətinin Azərbaycana birbaşa dövlət yardımı göstərməsini məhdudlaşdırıb.
Sənəddə Konqresin mövqeyi belə əsaslandırılır ki, Azərbaycan müstəqillik əldə etdikdən sonra ABŞ və onun müttəfiqləri üçün etibarlı tərəfdaş kimi çıxış edib, həm sülh, həm də müharibə dövrlərində kritik əməkdaşlıq göstərib. Layihədə həmçinin vurğulanır ki, Azərbaycan Cənubi Qafqazda sülhün prioritet elan olunmasına sadiqlik nümayiş etdirib və regionda sülh razılaşmasına nail olunub, tərəflərin sərhədləri və ərazi bütövlüyü razılaşdırılıb.
Qanun layihəsinə əsasən, Azadlığı Müdafiə Aktının 907-ci maddəsinin tam şəkildə ləğvi təklif olunur və bununla bağlı qanunun məzmununda texniki dəyişikliklər də nəzərdə tutulur. Sənəd hazırda Nümayəndələr Palatasının Xarici Əlaqələr Komitəsinə göndərilib və müzakirə mərhələsindədir.
Qeyd edək ki, 907-ci düzəliş 1990-cı illərin əvvəllərindən etibarən ABŞ–Azərbaycan münasibətlərində ən mübahisəli mövzulardan biri olub və müxtəlif administrasiyalar dövründə yalnız müvəqqəti istisnalarla tətbiqi dayandırılıb. Yeni qanun layihəsi qəbul olunacağı təqdirdə, bu məhdudiyyətlərin hüquqi əsasının tam aradan qalxması ilə nəticələnə bilər.
Müşahidəçilər hesab edirlər ki, sənədin Konqres gündəminə çıxarılması ABŞ–Azərbaycan münasibətlərində yeni siyasi mərhələnin və Vaşinqtonun regiondakı geosiyasi yanaşmasının dəyişdiyinə dair mühüm siqnal kimi qiymətləndirilə bilər.
27-12-2025, 20:35
Səməd Seyidovun adından saxtakarlıq
Bəzi sosial şəbəkə hesablarında Azərbaycan Respublikasının Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidovun adından “deep fake” texnologiyası ilə hazırlanmış, reallığı əks etdirməyən açıqlama yayılıb
Bu barədə Medianın İnkişafı Agentliyi məlumat yayıb.
"Süni intellektin köməyi ilə hazırlanan bu saxta videogörüntü ictimai rəyi çaşdırmağa yönələn kobud manipulyasiya nümunəsidir. Cəmiyyəti yalnız rəsmi mənbələrin verdiyi informasiyaya inanmağa, dövlətin rəsmi mövqeyini ifadə edən məlumatları ölkənin informasiya agentlikləri və digər peşəkar media subyektlərindən əldə etməyə çağırırıq. Azərbaycan vətəndaşlarını, jurnalistləri, ictimai fəalları bu kimi hallara qarşı hər zaman prinsipiallıq nümayiş etdirməyə, saxta və yalan məlumat əsaslı kampaniyaların, “deep fake” texnologiyaları ilə məzmunyaratma tendensiyasının vüsət aldığı bir şəraitdə sayıq olmağa səsləyirik", - məlumatda deyilir.
27-12-2025, 20:11
Rusiya dronları Naftoqazı vurdu
Rusiya hərbçiləri dekabrın 27-də Ukraynanın qaz və enerji infrastrukturuna növbəti zərbələr endirib.
Hücumlar zamanı “Şahed” tipli pilotsuz uçuş aparatlarından istifadə edildiyi, Naftoqaz şirkətinə məxsus qaz hasilatı obyektləri və istilik-elektrik mərkəzinin (İEM) hədəfə alındığı bildirilir.
Şirkətdən verilən açıqlamada İEM-lərə və qaz hasilatı ilə məşğul olan müəssisələrə birbaşa düşən zərbələrin olduğu təsdiqlənib.
Rusiya tərəfi şaxtalı hava şəraitindən və enerji sisteminə düşən maksimal yüklənmədən istifadə edərək sistemi destabilizasiya etməyə çalışır.
Qeyd olunur ki, fövqəladə briqadalar, texniki xidmətlər və aidiyyəti qurumlar gücləndirilmiş rejimdə işləyərək zərbələrin nəticələrinin aradan qaldırılması və obyektlərin bərpası ilə məşğuldur.
Ukraynanın energetika naziri vəzifəsini icra edən Artem Nekrasov isə açıqlamasında Kiyev və Kiyev vilayətində elektrik enerjisinin istehsalı, ötürülməsi və paylanması obyektlərinin hücuma məruz qaldığını bildirib. Onun sözlərinə görə, dron və raketlərlə zərbələr gecə, səhər və gün ərzində davam edib. Nəticədə yarımstansiyalar, yüksək gərginlikli hava xətləri və bir sıra generasiya obyektləri ciddi zədələnib.
Energetika Nazirliyindən bildirilib ki, yaranmış vəziyyət səbəbindən Kiyev və Kiyev vilayətində məcburi qəza söndürmələri tətbiq olunub.
27-12-2025, 19:46
Toy yasa çevrildi - 2 bacı həlak oldu
Dekabrın 27-də saat 16:50 radələrində Biləsuvar rayonunun Çaylı kəndi ərazisində ölümlə nəticələnən yol nəqliyyat hadisəsi baş verib.
DİN-in Mətbuat Xidmətinin Lənkəran regional qrupundan bildirilib ki, F.Rüstəmovanın idarə etdiyi “Lexus” markalı minik avtomobili idarəetmənin itirilməsi nəticəsində su kanalına aşıb. Nəticədə avtomobildə olan 2 nəfər sərnişin hadisə yerində ölüb.
Araşdırma aparılır.
İlkin məlumata görə, qəza zamanı həlak olan hər iki şəxs bacı olub.
***
TƏBİB-dən bildirilib ki, 27.12.2025-ci il tarixində saat 17:00 radələrində Biləsuvar rayonunda baş verən yol-nəqliyyat hadisəsi nəticəsində xəsarət alan 4 nəfər (qadın) Biləsuvar Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Hazırda pasiyentlərin müalicəsi tibb müəssisəsində davam etdirilir. Vəziyyətləri ağır olaraq qiymətləndirilir.
Qeyd edək ki, hadisə nəticəsində 2 nəfərin həkiməqədər ölüm faktı qeydə alınıb.
***
18:40
Biləsuvarda toy karvanında ağır qəza baş verib.
Toy karvanında hərəkətdə olan "Lexsus" markalı nəqliyyat vasitəsi idarəetmədən çıxaraq yol kənarından Mil-Muğan su kanalına aşıb.
İlkin məlumata görə, qəza nəticəsində iki nəfər ölüb. Avtomobildə 6 qadın olub.
Hazırda hadisə yerində müvafiq qurumların əməkdaşları araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!