21-12-2025, 19:48
Bəzi təkliflərdən sonra futbolçuların başı gedir - Qurban Qurbanov
“Qarabağ”ın baş məşqçisi Qurban Qurbanov qış transfer dönəmində oyunçulara komandadan ayrılmaq ehtimalından söz açıb.
Bu barədə o, Azərbaycan Premyer Liqasının XVI turunda səfərdə “Qəbələ”ni 2:1 hesabı ilə məğıub etdikləri matçdan sonra danışıb.
“Bəzi təkliflərdən sonra futbolçuların başı gedir. Yəni pul onların gözünü örtür. Mən də onlara bildirirəm ki, belə olmaz. Həm klub rəsmiləri, həm də menecerlər tərəfindən o qədər lazımsız təkliflər gəlir ki… Amma bilmirlər ki, bunlar 3-5 manata oynayır. Belə halda 1-2 ay oyunçunun fikri dağılır. Elə olanda da gərək Çempionlar Liqasının qrupunda oynamayaq. Mən də bir baş məşqçi olaraq daim məsləhət verirəm.
Amma özü, ailəsi düşünməlidir. Mənim üçün bu dəqiqə “Qarabağ”ı, bu futbolçuları əldə saxlamaq böyük bir problemə çevrilib. 90 faiz oyunçulara təklif var. Biri Çindən, biri Səudiyyə Ərəbistandan… Juninyonu verdik. Braziliya ona 5 milyon, “Sevilya” isə 3 milyon verdi. Amma biz İspaniyaya getməyinə razı idik, daha yaxşı yerə getməsini istəyirdik. Zənglər çoxdur".
21-12-2025, 19:21
Ukraynadan qaçan biznesmen bu ölkədə tapıldı
Ukraynanın axtarışa verdiyi iş adamı Timur Mindiç İsrail ərazisində ortaya çıxıb.
Bu barədə "Ukrainska Pravda" nəşrinin İsraildə olan müxbiri məlumat yayıb. Bildirilib ki, jurnalistlər Mindiçin ölkə xaricində olduğunu faktlarla təsdiqləyə biliblər və onun İsraildə olduğu anı fotoşəkillərlə sənədləşdiriblər.
Xatırladaq ki, noyabrın 10-da Ukraynanın Milli Antikorrupsiya Bürosu (NABU) Timur Mindiçin, eləcə də həmin vaxt ədliyyə naziri postunu tutan Herman Qaluşenkonun ünvanlarında axtarışlar aparıb. Lakin Mindiç istintaq hərəkətlərinə bir neçə saat qalmış Ukrayna ərazisini tərk edib. Elə həmin gün NABU energetika sektorunda genişmiqyaslı korrupsiya sxeminin ifşa edildiyini açıqlayıb və istintaq materialları çərçivəsində telefon danışıqlarının audioyazılarını yayıb.
Noyabrın 11-də jurnalist araşdırmaları nəticəsində Enerqoatom ətrafında aparılan korrupsiya işi üzrə bütün şübhəlilərin kimliyi müəyyənləşdirilib. “Sxemlər” layihəsinin məlumatına görə, şübhəlilər arasında Timur Mindiç, energetika nazirinin keçmiş müşaviri İqor Mironyuk, “Enerqoatom”un təhlükəsizlik üzrə icraçı direktoru Dmitri Basov, eləcə də Aleksandr Tsukerman, İqor Fursenko, Lesya Ustimenko və Lyudmila Zorina yer alıb.
İstintaq çərçivəsində beş nəfər saxlanılıb, Mindiç və Tsukerman isə ölkədən çıxmağa nail olub. Digər şübhəlilər barəsində girov qarşılığında azadlıqda qalma tədbiri seçilib və sonradan Lesya Ustimenko ilə Lyudmila Zorina üçün girov məbləğlərinin ödənildiyi bildirilib.
Noyabrın 19-da Ali Rada Herman Qaluşenkonun ədliyyə naziri vəzifəsindən azad olunması ilə bağlı qərarı dəstəkləyib. Noyabrın 22-də isə Ukrayna hüquq-mühafizə orqanları “Midas işi” çərçivəsində Timur Mindiç və Aleksandr Tsukermanın beynəlxalq axtarışa verildiyini açıqlayıb.
21-12-2025, 19:03
Azərbaycana QIŞ GƏLDİ
Azərbaycana qış gəlib.
Bakı Dövlət Universitetinin Astrofizika kafedrasından bildirilib ki, qış fəsli Azərbaycana dekabrın 21-i saat 19:03-də daxil olub. Bununla da Şimal yarımkürəsində qış, Cənub yarımkürəsində yay fəsli başlayıb.
Bu zaman Yerin fırlanma oxu Günəş istiqaməti ilə ən böyük bucaq əmələ gətirir və ya Günəş həmin gün günorta üfüqdən minimum hündürlükdə (26⁰.2) olur. Həmin gün ən qısa gündüz (gündüzün uzunluğu 9 saat 17 dəqiqə 22 saniyə) və ən uzun gecə (gecənin uzunluğu 14 saat 42 dəqiqə 38 saniyə) olur.
Qış fəslinin uzunluğu 88 gün 23 saat 42 dəqiqə 52 saniyə təşkil edəcək.
21-12-2025, 18:57
Kolumbiyada zənginlərdən əlavə vergilər alınacaq
Kolumbiya hökuməti artan büdcə kəsirinin maliyyələşdirilməsi üçün fövqəladə vergi tədbirlərinin tətbiqi haqqında fərman imzalayıb.
Sənəddə varlı vətəndaşlar üçün əlavə vergilərin nəzərdə tutulduğu bildirilir.
Maliyyə naziri Xerman Avilanın sözlərinə görə, hökumət bu tədbirlər vasitəsilə 16 trilyon peso (təxminən 4.2 milyard dollar) toplamağı planlaşdırır.
Xatırladaq ki, dekabrın 17-də "Fitch" reytinq agentliyi Kolumbiyanın kredit reytinqini aşağı salıb. Agentlik buna səbəb kimi xroniki olaraq yüksək büdcə kəsirini göstərib.
21-12-2025, 18:45
Bu suallar Putinin xoşuna gəlmədi
Rusiya Prezidenti Vladimir Putinə “İlin icmalı” proqramı çərçivəsində verilən bəzi suallar xoş gəlməyib.
Bu barədə Rusiya prezidentinin mətbuat katibi Dmitri Peskov bildirib.
“Bəzi suallar xoşuna gəldi, bəziləri isə yox. Bu, tamamilə normaldır. Əsas odur ki, jurnalist özü istədiyi və ya redaksiyasının istədiyi sualı sərbəst şəkildə verə bilər. Bu formatın unikallığı da bundadır, hər şey tam sərbəst rejimdə keçirilir”, – deyə Peskov qeyd edib.
21-12-2025, 18:33
Norveç Ukraynanın enerji dayanıqlılığını dəstəkləyəcək - Zelenski
Ukrayna Prezidenti Volodimir Zelenski Norveçin Baş naziri Yonas Qar Störe ilə telefon danışığı aparıb.
Ukrayna lideri bu barədə özünün telegram kanalında yazıb.
"Həm Rusiyaya təzyiq göstərməkdə, həm də hücumlarından sonra bərpa işlərində kömək etdiyinə görə Norveçə minnətdaram. Norveç həmçinin enerji dayanıqlılığı məsələsində bizə kömək edəcək. Təşəkkür edirəm, Yonas!", - deyə paylaşımda bildirilir.
Tərəflər həmçinin Rusiya-Ukrayna müharibəsinə son qoymaq üçün son günlərdə aparılan diplomatik işləri ətraflı müzakirə ediblər.
O əlavə edib ki, Ukrayna danışıqlar qrupunun ABŞ-dakı görüşlərindən sonra Avropa tərəfdaşları ilə geniş məsləhətləşmələrə ehtiyac var: "Biz kifayət qədər sürətlə hərəkət edirik və Floridadakı komandamız Amerika tərəfi ilə işləyib. Avropa nümayəndələri də dəvət olunmuşdu. Bu danışıqların konstruktiv olması vacibdir və çox şey Rusiyanın müharibəni həqiqətən bitirmək ehtiyacını hiss etməsindən asılıdır. Təəssüf ki, Rusiyadan gələn əsl siqnallar yalnız mənfidir - infrastrukturumuza hücumlar davam edir".
21-12-2025, 18:06
Qəzzada dəhşətli fırtına - 22 bina uçdu[/color]
Qəzzada güclü fırtına nəticəsində İsrail hücumları zamanı zərər görmüş 22 bina uçub.
Dağıntılar altında qalan 18 nəfər həyatını itirib.
Fələstin Mülki Müdafiə Xidmətinin açıqlamasına görə, əlverişsiz hava şəraiti 10 dekabrdan bu yana davam edir.
Qeyd edək ki, İsrail 7 oktyabr 2023-cü ildən etibarən Qəzzaya genişmiqyaslı hücumlara başlayıb. Bu hücumlar nəticəsində bölgədə minlərlə ev və mühüm infrastruktur obyektləri dağıdılıb.
21-12-2025, 17:54
İsraildən Livana aviazərbə
İsrail Ordusu bu gün Livanın Yater şəhərinə aviazərbə endirib.
Bu barədə İsrail Ordusu məlumat yayıb.
İsrail Ordusunun gün ərzində həyata keçirdiyi iki hava hərəkatı zamanı hədəf Hizbullah silahlıları olub.
21-12-2025, 17:43
Rusiyanın Avropanı işğal etmək gücü yoxdur - Qabbard
ABŞ Milli Kəşfiyyatının direktoru Tulsi Qabbard “Röyters” agentliyinin Rusiya Prezidenti Vladimir Putinin bütün Ukraynanı ələ keçirmək və keçmiş Sovet İttifaqına məxsus olan Avropanın bir hissəsini geri qaytarmaq niyyətində olduğu ilə bağlı məlumatını yalan adlandırıb.
Bu barədə Qabbard özünün X səhifəsində yazıb.
“Siz Prezident Trampın sülh səylərini əngəlləmək üçün bu yalan hekayəni təbliğ edir və insanlar arasında isterika və qorxu yaradırsınız. NATO və AB-nin əslində istədiyi budur ki, ABŞ ordusunu birbaşa Rusiya ilə müharibəyə cəlb etsin.
Son bir neçə ildə Rusiyanın döyüş meydanındakı performansı, onun hazırda bütün Ukraynanı, xüsusən də Avropanı işğal etmək qabiliyyətinə malik olmadığını göstərir”, - o qeyd edib.
21-12-2025, 17:30
Bakıda ağır qəza - 19 yaşlı gənc öldü
Sabunçu rayonu, Kürdəxanı qəsəbəsində ölümlə nəticələnən yol-nəqliyyat hadisəsi baş verib, 19 yaşlı gənc ölüb.
Belə ki, 77-GK-835 dövlət nömrə nişanlı “Hammer” və 99-TY 561 dövlət nömrə nişanlı “Opel” markalı minik avtomobilləri toqquşub.
Hadisə nəticəsində “Opel” avtomobilində olan 19 yaşlı sərnişinin öldüyü bildirilir, xəsarət alan var.
Hadisə yerinə polis əməkdaşları cəlb edilib.
Araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!