Xəbərlərin siyahısı: Dekabr 2025 illər » Səhifə 9

28-12-2025, 18:41

Çin yeni hipersəs raketini sınaqdan keçirdi

Çin 055 "Usi" tipli böyük esminesdən "YJ-20" hipersəs gəmi əleyhinə raketini sınaqdan keçirib.
Sınağın görüntüləri bu gün "China Military Bugle" nəşri (Xalq Azadlıq Ordusu Məlumat və Media Mərkəzinin rəsmi veb saytı) tərəfindən dərc edilib.
Görüntülərə əsasən, görə, "YJ-20" hipersəs raketi esminesin arxa hissəsində yerləşən şaquli buraxılış sisteminin (VLS) elementlərindən birindən buraxılıb.

Çin yeni hipersəs raketini sınaqdan keçirdi

28-12-2025, 18:25

Tehran altıncı quraqlıq ilini yaşayır

Son yağışlardan sonra quraqlıq problemi həll olunmayıb, suyu qənaətlə istifadə etmək lazımdır.
Bunu Tehranın qubernatoru Mohammad Sadek Motamedian deyib.
Onun sözlərinə görə, Tehran vilayəti altıncı quraqlıq ilini yaşayır. "Hazırda Tehrandakı dörd bənd təxminən üç faiz su ilə dolub. Halbuki içməli suyun 70 faizi yeraltı təbəqələrdən, 30 faizi isə bəndlərdən alınır", - Tehranın qubernatoru bildirib.
Qeyd edək ki, İranın paytaxtı Tehranı su ilə təmin edən anbarlarda su ehtiyatları azalır.

Tehran altıncı quraqlıq ilini yaşayır

28-12-2025, 18:10

Şuşada mövsümün İLK QARI

Şuşa şəhərinə mövsümün ilk qarı yağıb.
Yağan qar şəhərin gözəlliyinə xüsusi çalar qatıb. Şuşa sakinləri “Güllü bağ”da qurulan Yeni il yolkası ətrafında şəkil çəkdirib, ilk qarın sevincini yaşayıblar. Qarın yağması, xüsusilə, uşaqların sevincinə səbəb olub.

Şuşada mövsümün İLK QARI

28-12-2025, 17:45

Ukraynada gedən müharibədə Şəmkir sakini həlak oldu

Ukraynada davam edən müharibədə Rusiya Silahlı Qüvvələrinin tərkibində döyüşən Şəmkir rayon sakini Qarayev Elvin Fəxrəddin oğlu həlak olub.
Bu barədə məlumatı hərbi bloger Tofiq Şahmuradov yayıb.
Məlumata görə, Elvin Qarayev bir müddət idi itkin düşmüş hesab olunurdu. Sonradan onun nəşinin tapıldığı bildirilir. Nəşin sabah Bakıya göndəriləcəyi, daha sonra isə Şəmkir rayonunda dəfn olunacağı qeyd olunur.
Məsələ ilə bağlı rəsmi qurumlar tərəfindən hələlik əlavə açıqlama verilməyib.

Ukraynada gedən müharibədə Şəmkir sakini həlak oldu

28-12-2025, 17:36

Kəlbəcərdə uşaqların qar sevinci – FOTO

Kəlbəcərə yağan qar dağlar diyarının hüsnünə başqa bir gözəllik qatıb. Qarın yağması xüsusilə uşaqların sevincinə səbəb olub və daha maraqlı mənzərə yaradıb.
Kəlbəcərin azyaşlı sakinləri Yeni il yolkası ətrafında qartopu oynayaraq qışın sevincini yaşayıblar.

Kəlbəcərdə uşaqların qar sevinci – FOTO

28-12-2025, 17:22

Polis gücləndirilmiş rejimdə xidmət aparır - FOTO

Ölkə ərazisində, əsasən dağlıq və dağətəyi bölgələrdə müşahidə olunan qeyri-sabit hava şəraiti ilə əlaqədar olaraq polis əməkdaşları tərəfindən ötən gündən başlayaraq zəruri tədbirlər görülür, fasiləsiz xidmət davam etdirilir.
Daxili İşlər Nazirliyinin Mətbuat Xidmətindən verilən məlumata görə, ölkəboyu şəhər və rayonlarda, həmçinin avtomobil yollarında gücləndirilmiş rejimdə xidmət təşkil olunub. Polis əməkdaşları tərəfindən işğaldan azad olunmuş ərazilərdə də təhlükəsizliyin təmin edilməsi məqsədilə müvafiq tədbirlər davam etdirilir.
Gecə saatlarından etibarən təşkil olunan fasiləsiz xidmət zamanı digər dövlət qurumları ilə birgə yollar və yol nişanları qardan və buzdan təmizlənir, sürüşmə ehtimalı olan ərazilərə qum və duz səpilir.
Görülən tədbirlər nəticəsində sürücü və piyadaların mənzil başına təhlükəsiz şəraitdə çatması təmin edilir.
Mövcud hava şəraiti ilə əlaqədar daxil olan çağırışlara çevik reaksiyalar verilir, vətəndaşlara zəruri köməkliklər göstərilir.
Bu istiqamətdə tədbirlər fasiləsiz olaraq davam etdirilir.

Polis gücləndirilmiş rejimdə xidmət aparır - FOTO

28-12-2025, 17:10

Yollarda görünüş məsafəsi məhdudlaşacaq

Avtomobil yollarında vəziyyət açıqlanıb.
Milli Hidrometeorologiya Xidmətindən verilən xəbərə görə, dekabrın 29-da gecə və səhər saatlarında bəzi dağlıq və dağətəyi ərazilərdə dumanlı hava şəraiti ilə əlaqədar olaraq magistral avtomobil yollarının görünüş məsafəsinin 500-1000 m-dək məhdudlaşacağı gözlənilir.
Gecə bəzi dağlıq ərazilərdə yolların buz bağlayacağı ehtimalı var.

Yollarda görünüş məsafəsi məhdudlaşacaq

28-12-2025, 16:39

"Bayraktar Kızılelma"dan ilk

"Bayraktar Kızılelma" pilotsuz döyüş təyyarəsi sınaq uçuşunu uğurla tamamlayıb.
Çorluda aparılan sınaqda "Kızılelma"nın PT3 və PT5 nömrəli prototipləri müşayiəti ilə avtonom döyüş pilotu ilə qol uçuşu icra edib.
Beləliklə, dünya aviasiya tarixində ilk dəfə iki pilotsuz döyüş təyyarəsi yaxın uçuş həyata keçirib.

"Bayraktar Kızılelma"dan ilk

28-12-2025, 16:26

Rusiya və Ukrayna arasında Zaporojye AES-də atəşkəs

Rusiya və Ukrayna arasında Zaporojye AES-də atəşkəs elan edilib.
Bu barədə Beynəlxalq Atom Enerjisi Agentliyinin baş direktoru Rafael Qrossi bildirib.
Onun sözlərinə görə, atəşkəslə bağlı razılıq elektrik xətlərinin təmiri üçün əldə edilib.
Bildirilib ki, ərazidə atəşkəs bir neçə gün davam edəcək.

Rusiya və Ukrayna arasında Zaporojye AES-də atəşkəs

28-12-2025, 16:14

Şərurda qəza - 8 kəndin qazı kəsildi

Naxçıvan Muxtar Respublikasının Şərur rayonunda minik avtomobilinin çırpılması nəticəsində qaz xətti yararsız hala düşüb.
Hadisə zamanı D-159-luq qaz xətti qırılıb. Təhlükəsizliklə əlaqədar rayonun Vərməziyar, İbadulla, Qışlaqabbas, Ərəbyengicə, Qarahəsənli, Tumaslı, Vayxır və Diyadin kəndlərində qaz təchizatı dayandırılıb.
Bərpa işləri yekunlaşandan sonra ərazidə təbii qazın verilişi təmin ediləcək.

Şərurda qəza - 8 kəndin qazı kəsildi