18-12-2023, 17:41
Putin Mərkəzi Seçki Komissiyasına baş çəkdi
Rusiya prezidenti Vladimir Putin Mərkəzi Seçki Komissiyasına baş çəkib.
Bu barədə TASS məlumat yayıb.
O, 2024-cü ildə Rusiyada keçiriləcək prezident seçkilərində iştirak etmək üçün sənədləri təqdim etmək məqsədilə MSK-ya gedib.
Qeyd edək ki, seçkilər martın 17-nə təyin olunub.
18-12-2023, 16:53
Misirdə prezident seçkilərinin rəsmi nəticələri bəlli oldu
Misirin Milli Seçki Komissiyası prezident seçkilərinin rəsmi nəticələrini təqdim edib. Hazırkı dövlət başçısı Əbdül Fəttah əs-Sisi dekabrın 10-12-də keçirilən seçkilərdə qalib gələrək növbəti altı il müddətinə ölkəyə rəhbərlik edəcək.
Bu barədə Misir Milli Seçki Komissiyasının rəhbəri Hazem Bədəvi seçkilərin nəticələrinə həsr olunan mətbuat konfransında bildirib.
Tədbir Əl-Qahirə əl-İhbariyyə telekanalı tərəfindən canlı yayımlanıb.
Plebisitin nəticələrinə görə, Misirdə və ölkədən kənarda keçirilən səsvermədə iştirak edən seçicilərin 89,6 faizi Əbdül Fəttah əs-Sisiyə səs verib.
18-12-2023, 14:51
Ərdoğan Macarıstanda səfərdədir
Türkiyə prezidenti Rəcəb Tayyib Ərdoğan Macarıstana səfər edib.
Bu barədə TRT məlumat yayıb.
Ərdoğan artıq paytaxt Budapeştdədir. Səfər Macarıstan baş naziri Viktor Orbanın dəvəti ilə reallaşıb.
Türkiyə prezidentini bir sıra nazirlər və dövlət rəsmiləri müşayiət edirlər. Səfər çərçivəsində ikitərəfli görüşlərin keçirilməsi nəzərdə tutulub.
17-12-2023, 17:51
Vahid Rusiya Partiyası Putinin namizədliyini yekdilliklə dəstəkləyir
Rusiyanın hakim Vahid Rusiya Partiyasının XXI qurultayı keçirilib.
Qurultayda Prezident Vladimir Putin də iştirak edib.
Vahid Rusiya Partiyasının qurultayı prezident seçkilərində Putinin namizədliyini yekdilliklə dəstəkləyib.
Qurultayda çıxış edən Vahid Rusiya Partiyasının sədri Dmitri Medevdev Putinin Rusiya Federasiyasında keçirilən prezident seçkilərində qalib gəlməsi üçün hər şeyi edəcəyini söyləyib: "Bu gün bizim bu çox çətin dövrdə Rusiyaya kimin rəhbərlik etməli olduğuna dair zərrə qədər də şübhəmiz yoxdur. Bu, arxasında tarixi həqiqəti, ədaləti və çoxluğun dəstəyini daşıyan şəxsdir".
Qeyd edək ki, Rusiyada prezident seçkiləri gələn martın 17-də keçiriləcək. Rusiyalı seçicilər martın 15-dən başlayaraq üç gün ərzində seçkilərdə səs verə biləcəklər.
17-12-2023, 14:09
Vaşinqton Moskva ilə hesablaşmalı olacaq - Putin
Rusiya Prezidenti Vladimir Putin bildirib ki, Vaşinqton Moskva ilə hesablaşmalı və ümumi dil axtarmalı olacaq.
Bu barədə Putin “Rossiya-1” telekanalında yayımlanan “Moskva. Kreml. Putin” proqramına müsahibəsində deyib.
"Onlar bizimlə dil tapmalı olacaqlar, çünki bizi nəzərə almalı olacaqlar", - deyə Putin bildirib.
16-12-2023, 14:14
Küveyt əmiri vəfat etdi
Küveyt əmiri Nəvaf əl-Əhməd əl-Cabir əs-Sabah vəfat edib.
O, 86 yaşında dünyasını dəyişib.
Küveyt dövlət televiziyası Şeyx Nəvafın ölümü ilə bağlı rəsmi açıqlama yayımlayıb.
O, 2020-ci ildən Küveytin əmiri idi, bir müddət əvvəl səhhətində yaranmış problemlər səbəbindən xəstəxanaya yerləşdirilmişdi.
15-12-2023, 21:40
Ukrayna hələ də Avropa İttifaqına daxil olmaqdan çox uzaqdır - Makron
Brüsselin qərarına baxmayaraq, Ukrayna hələ də Avropa İttifaqına (Aİ) daxil olmaqdan çox uzaqdır.
Bunu Fransa prezidenti Emmanuel Makron bildirib.
O, Aİ-nin qərarını hüquqidən daha çox siyasi adlandırıb.
“Biz Aİ-nin Ukrayna hesabına genişlənməsindən çox uzağıq. İstənilən halda, həll yolu nə olursa olsun, bu, daxili qaydalarda ciddi islahatlar tələb edəcək ki, bu da yalnız maliyyələşdirmənin artırılması ilə mümkündür”, - deyə Makron Aİ sammitindən sonra deyib.
Qeyd edək ki, Aİ sammiti dekabrın 14-15-də baş tutub. Sammitdə Ukrayna ilə üzvlük danışıqlarının başlamasına qərar verilib.
15-12-2023, 17:13
İrəvan və Moskva arasında müqavilə imzalandı
İrəvan və Moskva Ermənistan Atom Elektrik Stansiyasının ikinci enerji blokunun istismar müddətinin yenidən uzadılması (daha 10 il) üçün çərçivə müqaviləsi imzalayıb.
Bu barədə "Sputnik Armenia" məlumat yayıb.
Sənədi Ermənistan tərəfdən baş direktor Eduard Martirosyan, Rusiya tərəfdən isə “Rusatom Servis” ASC-nin kompleks layihələr idarəsinin rəhbəri Yuri Sviridenko imzalayıblar.
İmzalama mərasimində Rusiya və Ermənistanın baş nazir müavinləri Aleksey Overçuk və Mher Qriqoryan da iştirak ediblər.
15-12-2023, 16:01
Rusiyadan Ermənistana idxal olunan qazın qiyməti bahalaşmayacaq
Rusiyadan Ermənistana idxal olunan qazın qiyməti 2024-cü ildə dəyişməyəcək və müvafiq olaraq istehlakçılar üçün tarif də dəyişməyəcək.
Bu barədə “Armenpress”ə Ermənistan baş nazirinin müavini Mher Qriqoryan bildirib.
“Hazırda bizdə dəqiq məlumat var ki, qazın qiyməti 2024-cü ildə dəyişməyəcək. Və əminəm ki, buna görə də tarif dəyişməyəcək”.
Baş nazirin müavininin sözlərinə görə, “Qazprom Ermənistan” artıq Rusiyanın “Qazprom” şirkətilə 2024-cü il üçün müqavilə imzalayıb və bu müqavilədə heç bir qiymət dəyişikliyi nəzərdə tutulmayıb.
Rusiya qazının Ermənistandakı qiyməti 1000 kubmetr üçün 165 dollar təşkil edir.
15-12-2023, 13:51
Türkiyə Böyük Millət Məclisində müxalifət fraksiyası ləğv oldu
Türkiyə Böyük Millət Məclisində (TBMM) Səadət və Gələcək Partiyasının birgə yaratdığı parlament fraksiyasının fəaliyyətinə xitam verilib.
Bu barədə NTV məlumat yayıb.
Buna səbəb fraksiyada təmsil olunan Səadət Partiyasının deputatı Hasan Bitmezin ötəngünkü vəfatı ilə fraksiya üçün minimal hədd olan 20 deputatın üzvlüyünün 19-a düşməsi olub.
Qeyd edək ki, Təhlil və Araşdırma Qrupu dünən bunun baş verəcəyi ilə bağlı material hazırlamışdı.
Xatırladaq ki, Səadət Partiyasının sədr müavini olan H.Bitmez parlament tribunasındakı çıxışı zamanı qəfil özündən getmişdi. O, xəstəxanada dünyasını dəyişib.
Səadət və Gələcək Partiyalarının hər biri 10 deputatla parlamentə düşə bilmişdi ki, bunların cəmi fraksiya qurmaq üçün minimal həddi təşkil edirdi.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!