9-12-2023, 18:04
Keçmiş ABŞ prezidenti reytinqlərdə Baydeni üstələdi
ABŞ-ın keçmiş prezidenti Donald Trampın reytinqi hazırkı dövlət başçısı Co Baydenin reytinqini üstələyib.
Bu, “The Wall Street Journal”ın keçirdiyi sorğu nəticəsində məlum olub.
Sorğunun nəticələrinə görə, respondentlərin 47%-i Trampa, yalnız 43%-i Baydenə səs verməyə hazır olduğunu bildirib. Qarşıdan gələn seçkilərdə digər potensial namizədlərin iştirakını hesablamaya əlavə etdikdə bu fərq 37%-dən 31%-ə qədər olub.
Digər namizədlər arasında keçmiş demokrat kiçik Robert Kennedi ən populyardır (8%).
Sorğu həmçinin müəyyən edib ki, respondentlərin yalnız 23%-i Baydenin siyasətinin şəxsən onlara fayda verdiyinə inanır, 53%-i isə bunun nəticəsində zərər çəkdiyini bildirib.
Tramp üçün bu rəqəmlər müvafiq olaraq 49% və 37% təşkil edir.
Beləliklə, Tramp ilk dəfə “The Wall Street Journal”ın seçkiqabağı sorğularında Baydeni “təkbətək” mübarizə nəticəsində ötüb. Sorğu noyabrın 29-dan dekabrın 4-dək həm onlayn, həm də oflayn rejimdə aparılıb və 1500 nəfər iştirak edib.
ABŞ-da növbəti prezident seçkiləri 2024-cü ilin noyabrına təyin edilib.
9-12-2023, 17:51
Ərdoğan BMT-də islahatlar aparmağa çağırdı
Türkiyə Prezidenti Rəcəb Tayyib Ərdoğan Birləşmiş Millətlər Təşkilatının Təhlükəsizlik Şurasında islahatlar aparmağa çağırıb.
Amerika Birləşmiş Ştatları digər ölkələrin böyük dəstəyinə baxmayaraq BMT Təhlükəsizlik Şurasında Qəzzaya dair atəşkəs təklifinə veto qoya bilir.
Ərdoğan bu faktı pisləyib:
“BMT Təhlükəsizlik Şurasında atəşkəs tələbi yalnız ABŞ vetosu ilə rədd edilir. Budur ədalət?”, – Ərdoğan İstanbulda insan haqları konfransında deyib.
"BMT Təhlükəsizlik Şurasının islahatlara ehtiyacı var", - Ərdoğan əlavə edib.
Qeyd edək ki, dünən ABŞ BMT Təhlükəsizlik Şurasının Qəzzada atəşkəsə çağıran qətnaməsinə veto qoyub.
Qətnamə BƏƏ tərəfindən hazırlanmışdı.
Təhlükəsizlik Şurasına üzv olan 15 ölkədən 13-ü sənədin lehinə səs verib. Böyük Britaniya səsvermədə bitərəf qalıb.
ABŞ-nin BMT-dəki daimi nümayəndəsinin müavini Robert Vud qətnamənin bloklanması qərarını onunla izah edib ki, sənəd HƏMAS hərəkatının hərəkətlərini pisləmir və İsrailin özünümüdafiə hüququnu əks etdirmir.
9-12-2023, 16:11
Putinin namizədliyiylə bağlı işçi qrupu yaradıldı
Dekabrın 16-da Moskvakı “Zaryadye” konsert zalında Vladimir Putinin Rusiya prezidentliyinə namizəd kimi irəli sürülməsi ilə bağlı bir qrup seçicinin görüşü keçiriləcək.
Bu barədə Moskvadakı Oleq Tabakov Teatrının bədii rəhbəri Vladimir Maşkov təşəbbüs qrupunun iclasından sonra bildirib.
Vladimir Putinin seçkilərdə özünü irəli sürən namizəd kimi iştirak etməsi üçün bir qrup seçici lazımdır. Qrup ən azı 500 nəfərdən ibarət olmalıdır. Qanuna görə, qrup Mərkəzi Seçki Komissiyasında qeydiyyatdan keçməli və imzatoplamanı təşkil etməlidir.
Maşkov bildirib ki, təşəbbüs qrupuna onunla yanaşı, Rusiya Sənayeçilər və Sahibkarlar İttifaqının sədri Aleksandr Şoxin, Dövlət Dumasında “Vahid Rusiya” fraksiyasının rəhbəri Vladimir Vasilyev, Federasiya Şurasının üzvü Aleksandr Karelin, müğənni Polina Qaqarina, Kurçatov İnstitutunun prezidenti Mixail Kovalçuk, şahmatçı Sergey Karyakin, gimnast Nikita Naqornı, “Vahid Rusiya”nın “Gənc Qvardiya”sının rəhbəri Anton Demidov, 52 saylı Moskva xəstəxanasının baş həkimi Maryana Lısenko, “Donetsk Xalq Respublikası parlamenti”nin spikeri, "Sparta" batalyonunun komandiri Artem Joga daxildir.
Dünən, dekabrın 8-də Vladimir Putin 2024-cü ildə prezidentliyə namizədliyini irəli sürmək qərarına gəldiyini açıqlayıb. O, qalib gəlsə, beşinci dəfə dövlət başçısı olacaq.
Rusiya Federasiya Şurası prezident seçkilərini 2024-cü il martın 17-nə təyin edib.
9-12-2023, 14:46
Kanadanın XİN Başçısı da Bakıyla İrəvanın birgə bəyanatına reaksiya verdi
Kanadanın xarici işlər naziri Melani Coli Ermənistanla Azərbaycan arasındakı dialoqu və xoşməramlılığı, eləcə də iki ölkə arasında etimad mühitinin dərinləşdirilməsi səylərini təşviq edən birgə bəyanatı alqışlayıb.
Bu barədə Kanada Xarici İşlər Nazirliyinin məlumatında bildirilib.
"Kanada 2 azərbaycanlı və 32 erməni hərbçinin azad edilməsinə dair razılaşmanı dəstəkləyir və ölkələrin beynəlxalq platformalarda bir-birinə göstərəcəyi dəstəyi yüksək qiymətləndirir. Biz siyasi dialoqun bu misli görünməmiş başlanğıcını iki ölkə arasında davam edən sülh prosesinə doğru bir addım kimi qiymətləndiririk. Eyni zamanda Ermənistanın Baş naziri Nikol Paşinyan və Azərbaycan Prezidenti İlham Əliyevi regionda sülh və sabitliyin təmin edilməsi istiqamətində birgə səylərinə görə alqışlayırıq”.
Xarici işlər naziri Melani Coli bildirib ki, Kanada iki ölkə arasında gələcək konkret etimad quruculuğu tədbirlərini təşviq edir.
“Kanada tərəflər arasında dialoqun davam etdirilməsini təşviq edir və Cənubi Qafqazda sülh və sabitliyin dəstəklənməsinə sadiq qalır”, - nazir deyib.
Qeyd edək ki, Kanadanın xarici işlər naziri Melani Coli son vaxtlar tez-tez Azərbaycanı hədəf alan cəfəng fikirlər səsləndirirdi. Kanadalı nazir Azərbaycanı sanksiya ilə hədələməklə ermənipərəst mövqe nümayiş etdirirdi.
O, hətta bu yaxınlarda Ermənistanda olarkən Azərbaycanla sərhədə - döyüş mövqeyinə gəlməklə açıq-aşkar təxribatçılıq etmişdi.
8-12-2023, 23:48
BMT-nin baş katibi Bakıyla İrəvanın birgə bəyanatına reaksiya verdi
BMT-nin baş katibi Antonio Quterreş Azərbaycan və Ermənistanın münasibətləri normallaşdırmaq niyyəti barədə birgə bəyanatını alqışlayır və bunun uzunmüddətli sülhün təmin olunmasına xidmət edəcəyinə ümid bəsləyir.
Bunu BMT rəhbərinin rəsmi nümayəndəsi Stefan Düjarrik keçirdiyi brifinqdə deyib.
“Baş katib Ermənistan və Azərbaycanın birgə bəyanatını alqışlayır”, - deyə o bildirib.
“BMT tərəfləri bu sazişdən qarşılıqlı etimadı inkişaf etdirmək, xalqlarının və regionun rifahı naminə uzunmüddətli sülhü təmin etmək üçün istifadə etməyə təşviq edir”- Düjarrik qeyd edib.
8-12-2023, 23:07
Ermənistan müxalifəti sülh müqaviləsiylə tanış oldu
Ermənistan müxalifəti ölkənin Xarici İşlər Nazirliyində Azərbaycanla sülh müqaviləsi ilə tanış olublar.
Bu barədə Ermənistan parlamentinin müxalif deputatı Qeqam Manukyan məlumat yayıb.
O, “sülh müqaviləsi” ilə bağlı son təklifləri təhlükəli hesab etdiyini bildirib.
"Bu, əvvəllər haqqında danışdığımız bütün qorxuları gücləndirdi", - Manukyan qeyd edib.
8-12-2023, 19:47
ATƏT PA prezidenti Azərbaycan və Ermənistanın birgə bəyanatı alqışlayır
ATƏT Parlament Assambleyasının prezidenti Pia Kauma (Finlandiya) və ATƏT PA-nın Cənubi Qafqaz üzrə xüsusi nümayəndəsi Kari Henriksen (Norveç) Azərbaycan və Ermənistanın dünən yaydığı birgə bəyanatı səmimiyyətlə alqışlayırlar.
Bu barədə təşkilatın saytında məlumat yerləşdirilib.
“Mən Ermənistan Respublikası və Azərbaycan Respublikası liderlərinin iki ölkə arasında etimadın yaradılması üçün atdıqları bu qətiyyətli addımları yüksək qiymətləndirirəm. Xüsusilə, humanizm və xoşməramlılıq dəyərlərinə əsaslanan hər iki tərəfdən hərbi qulluqçuların azad edilməsi gələcək əməkdaşlıq üçün müsbət presedent yaradır. Ümid edirəm ki, bu, gələcək təşəbbüslər üçün ilham mənbəyi olacaq”, - Kauma bildirib.
“Bu birgə bəyanat və onunla bağlı praktiki addımlar sülhə birgə sadiqliyi nümayiş etdirir. Bu, Cənubi Qafqazda bütün insanlar üçün davamlı sülh və təhlükəsizliyə doğru tarixi keçidi qeyd edə bilər”, - deyə xüsusi nümayəndə Henriksen qeyd edib.
Qeyd edək ki, dekabrın 7-də Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı birgə açıqlama yayaraq, bir sıra razılıqların əldə olunmasını elan ediblər. Belə ki, Azərbaycan 32 erməni hərbçini azad edir, Ermənistan öz növbəsində 2 azərbaycanlı hərbçini azad edir. Bundan başqa Ermənistan BMT-nin İqlim Dəyişmələri üzrə Çərçivə Konvensiyasına Tərəf Dövlətlərin 29-cu Konfransına (COP29) ev sahibliyinə öz namizədliyini geri götürərək, Azərbaycanın namizədliyini dəstəkləyir. Azərbaycan isə Ermənistanın Şərqi Avropa Qrupundan COP-un Büro üzvlüyünə namizədliyini dəstəkləyir.
8-12-2023, 19:15
Ukrayna Qafqazda normallaşma prosesini dəstəkləyir - XİN
Azərbaycan və Ermənistanın münasibətlərin normallaşması istiqamətində səylərini dəstəkləyirik.
Bu barədə Ukrayna Xarici İşlər Nazirliyi “X” hesabında paylaşım edib.
“Biz beynəlxalq səviyyədə tanınmış sərhədlər daxilində onların suverenliyinə və ərazi bütövlüyünə sadiqik. Ukrayna Azərbaycan və Ermənistan arasında münaqişənin dinc və diplomatik yollarla yekun həllini dəstəkləyir”, - deyə Ukrayna XİN yazıb.
8-12-2023, 19:15
Ukrayna Qafqazda normallaşma prosesini dəstəkləyir - XİN
Azərbaycan və Ermənistanın münasibətlərin normallaşması istiqamətində səylərini dəstəkləyirik.
Bu barədə Ukrayna Xarici İşlər Nazirliyi “X” hesabında paylaşım edib.
“Biz beynəlxalq səviyyədə tanınmış sərhədlər daxilində onların suverenliyinə və ərazi bütövlüyünə sadiqik. Ukrayna Azərbaycan və Ermənistan arasında münaqişənin dinc və diplomatik yollarla yekun həllini dəstəkləyir”, - deyə Ukrayna XİN yazıb.
8-12-2023, 18:12
Putin seçkilərdə namizədliyinin zəruri olduğunu bildirdi
Rusiya Prezidenti Vladimir Putin Kremldə keçirilən tədbirdə gələn il keçiriləcək seçkilərdə namizəd olmasından danışıb.
O, seçkilərə qatılmaq qərarının zəruri olduğunu bildirib.
“Müxtəlif vaxtlarda bu məsələ ilə bağlı müxtəlif fikirlərim olub. Amma başa düşürəm ki, bu gün başqa cür etmək mümkün deyil. Beləliklə, mən Rusiya prezidenti postuna namizədliyimi irəli sürəcəyəm", - Rusiya lideri qeyd edib.
Qeyd edək ki, Rusiyada prezident seçkiləri gələn ilin mart ayının 17-də keçiriləcək. Putin bu gün namizəd olacağını açıqlayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!