Dünya » Səhifə 533

1-03-2024, 16:54

Tehranda seçki məntəqəsində insanlara bıçaqla hücum edildi

Tehranda seçki məntəqəsində insanlara hücum edən bıçaqlı şəxs saxlanılıb.
Bu barədə Tehran valisinin təhlükəsizlik üzrə müavin bildirib.
Onun sözlərinə görə, bugünkü seçkilər zamanı Tehranın Darabad bölgəsindəki seçki məntəqələrindən birində üç nəfərə hücum edən şəxs dərhal tutulub.
Xəsarət alanların olmadığı bildirilib.

Tehranda seçki məntəqəsində insanlara bıçaqla hücum edildi

29-02-2024, 23:47

Ukraynanın məğlubiyyəti Rusiya ilə NATO arasında müharibəyə səbəb ola bilər

Ukraynanın məğlubiyyəti Rusiya ilə NATO arasında birbaşa hərbi toqquşma təhlükəsi yarada bilər.
Bu barədə ABŞ-ın müdafiə naziri Lloyd Ostin bildirib.
Onun sözlərinə görə, Ukrayna məğlub olarsa, Rusiya rəhbərliyi dayanmayacaq.
“Açığı Ukrayna uduzsa, əminəm ki, NATO Rusiya ilə müharibəyə gedəcək”, - deyə nazir vurğulayıb.

Ukraynanın məğlubiyyəti Rusiya ilə NATO arasında müharibəyə səbəb ola bilər

29-02-2024, 19:58

Ermənistanın xüsusi tapşırıqlar üzrə səfiri istefa verdi

Ermənistanın xüsusi tapşırıqlar üzrə səfiri Edmon Marukyan istefa verib.
Bu barədə o, özünün sosial media hesabında yazıb.
O, istefasının səbəblərini açıqlamayıb.
Marukyan “dövlətə və xalqa xidmət etməkdə davam edəcəyini" bildirib.

Ermənistanın xüsusi tapşırıqlar üzrə səfiri istefa verdi

29-02-2024, 19:51

Pakistanda yeni baş nazir seçiləcək - Tarixi açıqlandı

Pakistan parlamenti bazar günü ölkənin yeni baş nazirini seçəcək.
Bu barədə parlament katibliyi məlumat yayıb.
Hökumət başçısının müəyyənləşməsi üçün seçkilər martın 3-də keçiriləcək.
Bu vəzifə uğrunda Milli Assambleyaya seçkilərdə müstəqil namizəd kimi qalib gələn Pakistan Müsəlman Liqasının sədri Şahbaz Şərif və Ədalət Hərəkatının yüksək vəzifəli funksioneri Ömər Əyyub Xan mübarizə aparır.

Pakistanda yeni baş nazir seçiləcək - Tarixi açıqlandı

29-02-2024, 17:38

İranın əsas siyasəti qonşuları ilə əlaqələri gücləndirməkdir - SEPAH komandanı

“İranın xarici siyasətinin əsasını qonşuları ilə əlaqələrin gücləndirilməsi, uyğun kommunikasiya magistrallarının yaradılması və faydalı mədəni, iqtisadi, siyasi əlaqələr təşkil edir”.
Bunu İran İslam İnqilabı Keşikçiləri Korpusunun (SEPAH) komandanı, general-mayor Hüseyn Salami deyib.
Hüseyn Səlaminin sözlərinə görə, İran Şimalla Cənub, Şərqlə Qərb arasında əlaqənin qızıl nöqtəsidir və böyük üstünlüyə malikdir.
“Qonşularımızla ortaq cəhətlərimiz çoxdur. İranın əsas siyasəti qonşuları ilə əlaqələri gücləndirməkdir.
Biz güclü və inkişaf etmiş İranı, müasir və İslami İranı, iqtisadi, siyasi, mədəni və ticarət sahələrində inkişaf edən İranı qurmağa çalışırıq”, - deyə o vurğulayıb.

İranın əsas siyasəti qonşuları ilə əlaqələri gücləndirməkdir - SEPAH komandanı

29-02-2024, 17:30

ABŞ-da davam edən meşə yanğını qonşu ştata keçdi

ABŞ-ın Texasda ştatında bölgənin tarixində ikinci ən böyük meşə yanğını qonşu Oklahoma ştatına da keçib.
Bu barədə ABŞ Meşə Xidməti məlumat yayıb.
Məlumata görə, yanğın sahəsi Texasda 343 min hektar, Oklahomada isə 12 min hektar olub. CNN xəbər verir ki, meşə yanğınlarının vurduğu zərərin qiymətləndirilməsi davam edir. Telekanalın məlumatına görə, yanğın nəticəsində Texas və Oklahoma ştatlarının ən azı iki şəhərində yaşayış binalarına ziyan dəyib.
Bir gün əvvəl Texas hakimiyyəti ştatın 60 regionunda fövqəladə vəziyyət elan edib, bəzilərində isə yerli sakinləri təxliyə etməyə başlayıblar. Ən azı 2 min insan elektrik enerjisiz qalıb.
Meşə yanğını fevralın 26-da başlayıb. Meşə xidməti yanğının sürətlə yayılmasını sürəti 65-80 km/saat olan güclü küləklə izah edib.

ABŞ-da davam edən meşə yanğını qonşu ştata keçdi

29-02-2024, 17:25

Fransa terrorun əsas dəstəkçisidir - Ərdoğan

Fransa terrorun əsas dəstəkçisidir.
Bunu Türkiyə Prezidenti Rəcəb Tayyib Ərdoğan Aydın vilayətində xalqa müraciəti zamanı deyib.
Ərdoğan Fransanın “Lafarge” sement brendinin Suriyanın şimalında terrorçular üçün sığınacaqlar inşa etdiyini diqqətə çatdırıb.
Türkiyə Prezidenti Fransanın terrorun əsas dəstəkçisi olduğunu təəssüflə ifadə edib: "Fransa bacarmadı. Amma biz nə etdik? Biz Suriyanın şimalında "Lafarge"nin bütün sığınacaqlarını məhv etdik və dayanmacağıq, vəssalam!"

Fransa terrorun əsas dəstəkçisidir - Ərdoğan

29-02-2024, 00:30

HƏMAS və İsrail razılığa gəldi

HƏMAS və İsrail Qəzza zolağına humanitar yardımın çatdırılması ilə bağlı prinsipial razılığa gəliblər.
Bu barədə “Al Arabiya” yazır.
Razılaşmanın təfərrüatları açıqlanmayıb.
Məlumatı HƏMAS nümayəndəsi təsdiqləyib.
Bundan əvvəl HƏMAS Fransanın Qəzza zolağında 40 gün ərzində atəşkəs yaratmaq təklifini qəbul edib.

HƏMAS və İsrail razılığa gəldi

28-02-2024, 17:31

Mirzoyan alman həmkarıyla görüşdü - FOTO

Almaniyanın xarici işlər naziri Annalena Berbok Berlində Ermənistanın xarici işlər naziri Ararat Mirzoyanla görüşüb.
Bu barədə "Armenpress" məlumat yayıb.
Ermənistan Xarici İşlər Nazirliyinin mətbuat katibi Ani Badalyan bildirib ki, Berbok Mirzoyanı salamladıqdan sonra iki nazir arasında görüş başlayıb.

Mirzoyan alman həmkarıyla görüşdü - FOTO

28-02-2024, 17:23

Cozep Borrelin səhhətində problemlər yarandı

Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borrelin səhhətində problemlər yaranıb.
Bu barədə o, özünün "X" hesabında bildirib.
Borrel qeyd edib ki, səhhətində yaranan problemə görə Avropa Parlamentinin iclasında iştirak etməyib.
"Təəssüf ki, səhhətimdə yaranan kiçik problemə görə Avropa Parlamentində bu həftə keçiriləcək müzakirələrini buraxmalı oldum və həkimlər mənə ictimai tədbirləri bir neçə gün təxirə salmağı məsləhət görüblər. Tezliklə tam cədvəlimi bərpa etməyi səbirsizliklə gözləyirəm", - o yazıb.

Cozep Borrelin səhhətində problemlər yarandı