Dünya » Səhifə 543

10-08-2023, 17:40

Hakan Fidan Əfqanıstan rəsmisi ilə görüşdü

Türkiyənin xarici işlər naziri Hakan Fidan Əfqanıstan müvəqqəti hökumətinin iqtisadi məsələlər üzrə baş nazir müavininin səlahiyyətlərini icra edən Abdulqani Bəradərlə görüşüb.
Bu barədə Türkiyə XİN-in X platformasındakı (twitter) rəsmi səhifəsində məlumat verilib.
Görüş zamanı qarşılıqlı maraq doğuran mövzular müzakirə olunub.

Hakan Fidan Əfqanıstan rəsmisi ilə görüşdü

10-08-2023, 16:49

İrəvanla Tehran arasında enerji sazişinin müddəti uzadıldı

İrəvan və Tehran elektrik enerjisi müqabilində qaz sazişini həcmləri artırmaqla 2030-cu ilə qədər uzadıb.
Bu barədə "Sputnik Armenia" məlumat yayıb.
Sənədi “Yerevan TES” QSC-nin direktoru Aram Qazaryan və İran Milli Qaz Şirkətinin rəhbəri Məcid Çegeni imzalayıblar.
Ermənistanın ərazi-idarəetmə və infrastruktur naziri Qnel Sanosyan sazişi sərfəli adlandırıb:
"Çünki bu, İran qazının idxalının və Ermənistanın elektrik enerjisi ixracının artması üçün imkanlar açır".

İrəvanla Tehran arasında enerji sazişinin müddəti uzadıldı

10-08-2023, 16:23

İrəvanda avtobusda insident baş verdi

İrəvanda marşrut avtobuslarından birində insident yaşanıb.
Avtobusda silah işə salınıb və atəş açılıb.
Faktla bağlı sürücü polisə müraciət edib. İlkin məlumata görə, pəncərələrə atəş açılıb və avtobusun şüşələri sınıb.
Hazırda araşdırmalar aparılır.

İrəvanda avtobusda insident baş verdi

10-08-2023, 16:05

Ukrayna Putinə etibar etmədiyi üçün danışıqlara razı olmayacaq - Kuleba

"Ukrayna tərəfi Rusiya prezidenti Vladimir Putinə etibar etmir və buna görə də onun iştirakı ilə danışıqlara razı olmayacaq".
Böunu 2Corriere della Sera" nəşrinə Ukraynanın xarici işlər naziri Dmitri Kuleba bildirib.
O, Rusiya-Ukrayna münaqişəsinə son qoymaq üçün üçüncü tərəfin danışıqlara cəlb oluna biləcəyini nəzərə çatdırıb.
“İşləri dolayı yolla etmək üçün başqa diplomatik yollar da var. Ancaq bizə aydındır ki, biz heç vaxt Putinlə Zelenskini bir masa arxasında görə bilməyəcəyik”, - deyə nazir bildirib.
Kuleba qeyd edib ki, Ukrayna Rusiya ilə sülh danışıqları aparmağa hazırdır, lakin Vladimir Putinlə deyil və yalnız Rusiya qoşunlarının Ukrayna ərazilərindən çıxarılması şərti ilə. XİN başçısı BMT və Türkiyənin vasitəçi rolunu öz üzərinə götürdüyü vaxt taxıl sazişinin bağlanması prosesini xatırladıb.
“Ötən il taxıl sazişi BMT-nin baş katibi Antonio Quterreş və Türkiyə prezidenti Rəcəb Tayyib Ərdoğanın vasitəçiliyi ilə olub. Bizimlə və Moskva ilə iki ayrı razılaşma var idi, heç vaxt birbaşa əlaqə olmayıb”, - Dmitri Kuleba söyləyib.

Ukrayna Putinə etibar etmədiyi üçün danışıqlara razı olmayacaq - Kuleba

10-08-2023, 15:37

Zəlzələdən ziyan görən şəhərlər yenidən bərpa ediləcək - Ərdoğan

"Zəlzələdə ziyan görən vilayətlərimizdə şəhər meydanlarını hökumət olaraq yenidən quracağıq".
Bu barədə Türkiyə prezidenti Rəcəb Tayyib Ərdoğan danışıb.
"Beləcə bütün şəhərlərimizə mərkəz qazandırılacaq. Nə zəlzələ bölgəsindəki qardaşlarımızı, nə də ölkəmizin digər vətəndaşlarını tək qoymayacağıq", - o deyib.
Ərdoğan əlavə edib ki, ümumilikdə Türkiyədə 6.5 milyon evi zəlzələyə davamlı hala gətirilməsi nəzərdə tutulub.

Zəlzələdən ziyan görən şəhərlər yenidən bərpa ediləcək - Ərdoğan

10-08-2023, 15:24

Erməni nazir İran səfirini qəbul etdi

Ermənistanın ərazi-idarəetmə və infrastruktur naziri Qnel Sanosyan İranın Ermənistandakı fövqəladə və səlahiyyətli səfiri Mehdi Sübhaninin başçılıq etdiyi nümayəndə heyətini qəbul edib.
Bu barədə nazirliyin mətbuat xidməti məlumat yayıb.
"Nazir səfiri salamlayıb və ona Ermənistandakı xidmətində uğurlar arzulayıb. Tərəflər isti, mehriban Ermənistan-İran münasibətlərinin daha da dərinləşdirilməsinin zəruriliyini vurğulayıblar", - deyə qeyd olunub.
“Münasibətlərimizin yaxşı templə inkişaf etdiyini görmək çox xoşdur, lakin digər sahələrdə də əlaqələrin inkişafı və dərinləşməsi üçün böyük potensial var”, - Sanosyan deyib.
Nazir enerji sahəsində mövcud əməkdaşlığın əhəmiyyətini vurğulayıb. Görüşdə birgə həyata keçirilən layihələrin icrası müzakirə edilib. Layihələrin müəyyən olunmuş müddətdə başa çatdırılmasının vacibliyi diqqətə çatdırılıb.

Erməni nazir İran səfirini qəbul etdi

10-08-2023, 15:10

İsveçin Livandakı səfirliyinə qumbara atıldı

İsveçin Livandakı səfirliyinə naməlum şəxslər tərəfindən hücum edilib.
Səfirliyin binasının qapısına yandırıcı qumbara atılıb, lakin partlamayıb.
Bundan əvvəl Livanın "Hizbullah" partiyasının lideri Seyid Həsən Nəsrullah müsəlmanları "Qurani-Kərim"i qorumağa və onun yandırılmasının arxasında duranları cəzalandırmağa çağırıb.
Qeyd edək ki, son dövrlərdə İsveç və Danimarkada Quranın nümayişkəranə yandırılması aksiyaları baş tutub. Hadisə ilə əlaqədar bir sıra müsəlman ölkələrində etiraz aksiyaları keçirilib. Danimarka hökuməti Quranın yandırılmasını qadağan etmək üçün hərəkətə keçib.

İsveçin Livandakı səfirliyinə qumbara atıldı

10-08-2023, 14:48

Gürcüstanın sabiq prezidentinin vəziyyəti getdikcə pisləşir

Gürcüstanın həbsdə olan sabiq Prezidenti Mixail Saakaşvilinin vəziyyəti hər keçən gün pisləşir.
Barədə Gürcüstanın Ombudsman aparatı məlumat yayıb.
Bildirilir ki, o, aclıq aksiyası keçirir. Ombudman tərəfindən dəvət olunan mütəxəssis qrupu Saakaşvilinin saxlanıldığı “Vivamed” klinikasının sənədlərini təhlil edib və qiymətləndirmə aparıb.
Sabiq dövlət başçısının qanında leykositlərin azaldığı açıqlanıb, bu isə sümük iliyində olan problemlə əlaqədar olduğu ehtimal edilir.
Qeyd edək ki, Saakaşvili Ukraynadan Gürcüstüna qayıtdığı 2021-ci ilin oktyabr ayından bəri həbsdədir. O, dəfələrlə aclıq aksiyası keçirib. Səhhətində ağır problemlər yaranan eks-prezident bir müddət əvvəl müalicə müəssisəsinə köçürülüb.

Gürcüstanın sabiq prezidentinin vəziyyəti getdikcə pisləşir

10-08-2023, 13:30

BMT İranı edam və hicab qanunlarını ləğv etməyə çağırdı

Birləşmiş Millətlər Təşkilatı (BMT) İranı edam cəzasını və hicab qanunlarını ləğv etməyə çağırıb.
Bu barədə BMT-nin İnsan Hüquqları üzrə Ali Komissarlığına və Baş Katibə təqdim edilən hesabatda bildirilib.
Hesabatda İranda artan edamları dayandırmaq və məcburi hicab qaydalarını geri götürməyə dair çağırış edilir.
Norveçdə yerləşən İran İnsan Haqları Təşkilatının məlumatına görə, təkcə bu il 350-dən çox iranlı edam edilib. Bu, ötən ilin eyni dövrü ilə müqayisədə 36% çoxdur.

BMT İranı edam və hicab qanunlarını ləğv etməyə çağırdı

10-08-2023, 12:38

Türkiyənin 5 hərbiçisi şəhid oldu

Türkiyə ordusunun 5 hərbçisi şəhid olub.
Bu barədə Milli Müdafiə Nazirliyinin rəsmi saytında məlumat yayılıb.
Bildirilib ki, "Pençe-Kilit" əməliyyatının keçirildiyi zonada bölücü terror təşkilatının üzvləri tərəfindən açılan atəş nəticəsində Fatih Uğur Altınbaş, Kemal Özek, Özkan Lale, Uğur Özdemir, Mahmud Üçdağ şəhid olub.
"Bizə dərin kədər və hüzn verən bu hadisədə həyatını itirən şəhidlərimizə Allah rəhmət eləsin. Onların kədərli ailələrinə, Türkiyə Silahlı Qüvvələrinə və millətimizə başsağlığı və səbr, yaralılarımıza isə şəfa diləyirik", - deyə qeyd olunub.

Türkiyənin 5 hərbiçisi şəhid oldu