27-04-2024, 22:22
Meral Akşenerin yerinə o seçildi
Türkiyənin milliyətçi İYİ partiyasına yeni sədr seçilib.
Partiyanın qurultayında üçüncü tur səsvermə nəticəsində Müsavat Dərvişoğlu yeni başqan seçilib.
İlk iki turda heç bir namizəd mütləq çoxluğu əldə edə bilmədiyi üçün ikinci və üçüncü tur seçkilər keçirilib
Üçüncü turda o, 611 səs, rəqibi Koray Aydın isə 548 səs toplayıb.
Qeyd edək ki, partiyanın əvvəlki sədri Meral Akşener bələdiyyə seçkilərindən sonra siyasətdən gedəcəyini açıqlayıb.
27-04-2024, 22:14
Hakan Fidan yunan həmkarı ilə görüşdü
Türkiyənin xarici işlər naziri Hakan Fidan yunan həmkarı Yorgos Yerapetritis ilə görüşüb.
Bu barədə Türkiyənin Xarici İşlər Nazirliyi məlumat yayıb.
Görüş Böyük Britaniyanın paytaxtı Londonda baş tutub.
Görüşdə ikitərəfli əlaqələrlə yanaşı, regional və beynəlxalq məsələlər də müzakirə olunub.
27-04-2024, 18:07
Ermənistan ordusunda kütləvi istefa
Ermənistan Ordusunun müqavilə ilə işləyən bir qrup hərbi qulluqçusu istefa verib.
Bu barədə “Yerevan.today” nəşri məlumat yayıb.
Onlar Azərbaycanla Ermənistan arasında sərhədin delimitasiyası ilə bağlı vəziyyətə etiraz olaraq bu addımı atıblar.
26-04-2024, 18:17
Hava hücumuna görə Kiyev xəstəxanaları təxliyə edilir
Kiyevin Boqatırskaya küçəsində yerləşən iki xəstəxana təcili olaraq təxliyə edilir. Onlardan biri uşaq xəstəxanasıdır.
Bu barədə Kiyev şəhər Dövlət Administrasiyası Telegram kanalında məlumat yayıb. Administrasiyanın məlumatına görə, təxliyə Rusiyanın internet mediasında faktiki olaraq həmin tibb müəssisələrinə hücum elan edildiyi ilə bağlı videonun geniş yayılması səbəbindən başlayıb. Bu xəstəxanalarda guya hərbçilərin olduğu deyilir.
“Bu, tamamilə yalandır və paytaxtın sosial infrastrukturuna hücum üçün istifadə olunan düşmən təxribatıdır. Hazırda Kiyev rəhbərliyi xəstə uşaqları, onların valideynlərini və tibb işçilərini qorumaq üçün əlindən gələni edir. Xəstələr və həkimlər paytaxtdakı digər tibb müəssisələrinə daşınır”, - deyə məlumatda qeyd olunur.
26-04-2024, 17:47
Ermənistan XİN: Bakıdan sülh müqaviləsi ilə bağlı təkliflər almışıq
Ermənistan tərəfi Azərbaycandan sülh müqaviləsi ilə bağlı yeni təklif aldığını açıqlayıb.
Bu barədə Ermənistan Xarici İşlər Nazirliyinin mətbuat xidməti məlumat yayıb.
Bu, sayca 9-cu təkliflər paketidir. Təkliflərlə bağlı detallar açıqlanmayıb.
26-04-2024, 13:57
Terrorçu qadına 1794 il həbs cəzası verildi
İstanbulun Taksim bölgəsində terror aktını törədən Əhlam Əlbəşirlə bağlı məhkəmə qərarı açıqlanıb.
O, 7 dəfə ömürlük həbs cəzasına məhkum edilib.
Məhkəmə ümumilikdə terrorçuya 1794 il həbs cəzası verib.
Qeyd edək ki, 2022-ci il noyabrın 13-də İstanbulun Taksim ərazisində partlayış baş verib. Terror aktı nəticəsində 6 nəfər ölüb, 81 nəfər yaralanıb.
25-04-2024, 21:36
Avropa İttifaqı "ölə bilər" - Makron
Yaxın illərdə Avropa İttifaqı zəifləyə və daha sonra "ölüm riski" ilə üzləşə bilər.
Bunu Fransa prezidenti Emmanuel Makron bildirib.
O, paradiqma dəyişikliyinə güc və humanizmlə cavab verməyə çağırıb.
“Bugünkü Avropamız ölə bilər. O, ölə bilər və bu, yalnız bizim seçimimizdən asılıdır. Biz özümüz üçün güclü Avropa müdafiəsinin bu strateji konsepsiyasını qurmalıyıq. Əgər öz Avropa müdafiə sənayemizin inkişafı üçün məsuliyyət daşımasaq, öz suverenliyimizi, muxtariyyətimizi necə qura bilərik? – deyə Makron Sorbon Universitetindəki çıxışında deyib.
Onun sözlərinə görə, Avropa “heç vaxt ABŞ-ın vassalı olmadığını” və dünyanın digər regionları ilə müstəqil dialoq aparmağa hazır olduğunu göstərməlidir.
O qeyd edib ki, Avropa İttifaqı indi həmişəkindən daha böyük təhlükə altındadır. Fransa prezidentinin sözlərinə görə, Aİ birgə müdafiə sisteminin əhatə dairəsini yenidən nəzərdən keçirməlidir.
Makron həmçinin strateji və texnoloji müstəqilliyi qorumağa çağırıb.
25-04-2024, 20:57
Qriqoryan İran səfiri ilə delimitasiyadan danışdı
Paşinyanın müavini İran səfiri ilə Ermənistan-Azərbaycan sərhədinin delimitasiyası prosesini müzakirə edib.
Bu barədə Ermənistan hökuməti məlumat yayıb.
Bildirilib ki, Ermənistan Baş nazirinin müavini Mqer Qriqoryan və İran səfiri Mehdi Sobhani ikitərəfli münasibətlərin gündəliyinə də toxunublar.
25-04-2024, 17:15
Türkiyə Ermənistanla sərhədin açılması üçün şərt qoydu
Türkiyənin Ermənistanla sərhədlərin açılması məsələsi ilə bağlı mütəmadi olaraq Azərbaycanla məsləhətləşmələr aparılır.
Bunu açıqlamasında Türkiyə Böyük Millət Məclisinin Xarici əlaqələr komitəsinin sədri Fuat Oktay deyib.
O qeyd edib ki, hazırkı vəziyyətdə Azərbaycan və Ermənistan arasındakı münasibətlər Türkiyə ilə rəsmi İrəvan münasibətlərinə də təsir edir.
"Ona görə də son vəziyyətləri çox diqqətlə izləyir və Azərbaycan tərəfi ilə danışıqlar aparırıq. Bunu bildirək ki, Türkiyə-Ermənistan sərhədlərinin açılmasının başlıca şərti Qarabağ məsələsinin tamamilə həll olunması idi. Sonrakı proses Azərbaycanla sərhədlərin dəqiqləşdirilməsi olmalı idi. Bundan sonra Ermənistanla sərhədlərin açılması və dogər məsələlər gündəmdə ola bilər”,- deyə Komitə sədri bildirib.
24-04-2024, 17:21
Almaniyadan terrorla mübarizədə daha çox dəstək gözləyirik - Ərdoğan
"Biz indi müdafiə sənayesindəki məhdudiyyətləri tamamilə gündəmimizdən çıxarmaq istəyirik".
Bunu Türkiyə prezidenti Rəcəb Tayyib Ərdoğan deyib.
"Ümid edirəm ki, bundan sonra maneələrdən yox, birgə istehsaldan danışacağıq. Terrorla mübarizədə Almaniya rəsmilərindən daha çox dəstək və həmrəylik gözlədiyimizi ifadə etdik", - deyə o bildirib.
Qeyd edək ki, Almaniya prezidenti Frank-Valter Ştaynmayer Türkiyədə səfərdədir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!