15-05-2023, 21:28
Türkiyə və Azərbaycanla münasibətləri dəyişdirmək lazımdır - Paşinyan
Bütün qonşularla normal münasibətlərin qurulması Ermənistan üçün həyati əhəmiyyət kəsb edir. Bunu Ermənistanın Baş naziri Nikol Paşinyan Çexiyanın “Respekt” nəşrinə müsahibəsində deyib. Baş nazir bildirib ki, qonşularla münasibətlərin olması ölkənin xarici siyasətinin əsas məqsədidir, lakin müəyyən psixoloji və praktiki problemlər var. "İrəvanın Gürcüstan və İranla yaxşı münasibətləri var, onları inkişaf etdirmək, təkmilləşdirmək lazımdır. Amma Türkiyə və Azərbaycanla təmaslar demək olar ki, yoxdur və bunu dəyişdirmək lazımdır", - deyə Paşinyan qeyd edib.
15-05-2023, 21:04
28 may üçün bu gündən işlərə başladıq - Ərdoğan
Türkiyə dünən dünyanın ən güclü demokratiya mədəniyyətinə sahib ölkələrindən biri olduğunu nümayiş etdirdi. Bunu Türkiyə Prezidenti Rəcəb Tayyib Ərdoğan bildirib. Onun sözlərinə görə, 14 may seçkilərinin qalibi Türkiyə demokratiyası və 85 milyonluq xalqdır. "28 may üçün bu gündən işlərə başladıq. Həmin günə qədər dayanmadan, yorulmadan çalışıb əziz xalqımız üçün daşıdığımız məsuliyyəti yerinə yetirəcəyik", - deyə Ərdoğan vurğulayıb. Qeyd edək ki, Türkiyədə prezident seçkilərinin ikinci turu keçiriləcək. İkinci tur mayın 28-də olacaq. İlk turun nəticələrinə əsasən, “Cümhur İttifaqı”nın namizədi, hakim Ədalət və İnkişaf Partiyasının sədri, hazırkı dövlət başçısı Rəcəb Tayyib Ərdoğan 49,51% səs toplayıb. “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğlu 44,85%, “ATA İttifaqı”nın namizədi Sinan Oğan 5,17% səs qazanıb. Seçkidən əvvəl namizədliyini geri götürən Məmləkət Partiyasının sədri Məhərrəm İncəyə isə seçicilərin 0,44%-i səs verib. İkinci turda Ərdoğan ilə Kılıçdaroğlu yarışacaq. Siyasi fəaliyyətində ilk dəfə yüksək nəticə əldə edən Sinan Oğan ikinci turda hansı namizədi dəstəkləməsinə hələ qərar vermədiyini, tərəflərlə müzakirələrdən sonra mövqeyini açıqlayacağını söyləyib.
15-05-2023, 18:56
Paşinyan İslandiyaya yollandı
Ermənistanın Baş naziri Nikol Paşinyan İslandiyaya gedib. Bu barədə Ermənistan hökumətinin mətbuat xidməti məlumat yayıb. O, 16-17 may tarixlərində Avropa Şurasının dövlət və hökumət başçılarının Reykyavikdə keçiriləcək 4-cü sammitində iştirak edəcək. Qeyd edək ki, sammitdə Azərbaycanı xarici işlər naziri Ceyhun Bayramov təmsil edəcək.
15-05-2023, 18:36
Qazaxıstan prezidenti Ərdoğanı təbrik etdi
Qazaxıstan Prezidenti Kasım-Jomart Tokayev türkiyəli həmkarı Rəcəb Tayyib Ərdoğanla telefon danışığı aparıb. Bu barədə Qazaxıstan prezidentinin mətbuat xidməti məlumat yayıb. Bildirilib ki, Tokayev həmkarını mayın 14-də keçirilən prezident seçkilərinin birinci turunda liderliyi və AKP-nin rəhbərlik etdiyi ittifaqın uğurlu olması münasibətilə təbrik edib. Qeyd edək ki, bundan əvvəl Azərbaycan Prezidenti İlham Əliyev, Özbəkistan Prezidenti Şavkat Mirziyoyev də Ərdoğanı təbrik edib. Tərəflər iki ölkə arasında çoxşaxəli əməkdaşlığın daha da dərinləşdirilməsini müzakirə ediblər.
15-05-2023, 16:08
Ukrayna əks-hücumda uğur qazanmasa Qərb tərəfdaşlarını itirəcək - General
Böyük Britaniya Baş Qərargahının keçmiş rəhbəri, general Riçard Dannat bildirib ki, Ukrayna əks-hücum əməliyyatında uğur qazanmasa Qərb tərəfdaşlarının dəstəyini itirəcək. O, bununla bağlı "Times" radiosuna danışıb. Onun sözlərinə görə, ukraynalıların doğru zamanda əks-hücuma başlaması vacibdir. "Alternativ variantda isə müharibə uzana bilər və bu da son nəticədə Putinin xeyrinə ola bilər. Belə olduğu halda Qərbin dəstəyi çox güman ki, azalacaq”.
15-05-2023, 15:31
İmran Xanın həyat yoldaşı sərbəst buraxıldı
Pakistanın Lahor şəhərinin məhkəməsi keçmiş baş nazir İmran Xanın həyat yoldaşı Büşra Bibini sərbəst buraxıb. O, girov müqabilində azad edilib. Qeyd edək ki, İmran Xan və həyat yoldaşı korrupsiyada ittiham olunur. İddialara görə, onlar “Al Qadir Trust” fondundan istifadə edərək dövlət büdcəsindən təqribən 175 milyon dollar mənimsəyiblər. İmran Xan mayın 9-da saxlanılıb, lakin 3 gün sonra azadlığa buraxılıb.
15-05-2023, 15:21
Aİ liderlərindən Türkiyə xalqına təbrik
Avropa İttifaqı liderləri Türkiyə xalqını 14 may seçkilərində yüksək fəallığa görə təbrik ediblər. Avropa İttifaqı Şurasının sədri Şarl Mişel dünən keçirilən birinci turda seçicilərin yüksək marağı ilə əlaqədar təbrik edərək, bunun demokratiyanın qələbəsi olduğunu vurğulayıb. Avropa Komissiyasının sədri Ursula fon der Leyen isə bildirib: “Bu, Türkiyə xalqının seçkiyə getmək və səs vermək kimi demokratik hüququndan istifadə etməkdə qərarlı olduğunun və demokratik təsisatlara dəyər verdiyinin çox açıq göstəricisidir”.
15-05-2023, 14:47
NATO-nun baş katibi vəzifəsində qalmaq fikrində deyiləm - Stoltenberq
Səlahiyyət müddəti başa çatmaq üzrə olan NATO baş katibi Yens Stoltenberq növbəti dəfə baş katib olmasından danışıb. O, daha baş katib olmayacağını bildirib. "Müddətim başa çatır. Əgər oktyabrda mənə yeni müddət təklif olunarsa, NATO-nun baş katibi vəzifəsində qalmaq fikrində deyiləm", - deyə o qeyd edib. Xatırladaq ki, Norveçin sabiq baş naziri olan Stoltenberq NATO-nun sayca 13-cü baş katibidir. O, 2014-cü ildən bəri bu postu tutur.
15-05-2023, 13:30
Baydendən Türkiyə seçkilərinə münasibət
ABŞ Prezidenti Co Bayden Türkiyədə keçirilən prezident və parlament seçkilərinə münasibət bildirib. Bu barədə “TRT Haber” məlumat yayıb. “Ümid edirəm, kim qazanırsa, qazansın. Dünyanın o hissəsində kifayət qədər problem var”, - deyə Bayden velosiped turu zamanı jurnalistlərlə söhbətində bildirib.
14-05-2023, 18:11
Ərdoğan səsvermənin yekunuyla bağlı paylaşım etdi
"Səsvermə prosesi demokratiyamıza yaraşan şəkildə tamamlandı. İndi həmişə olduğu kimi, seçki qutularından möhkəm yapışmağın vaxtıdır. Nəticələr dəqiqləşənə qədər millətimizin iradəsini qorumağa davam edirik". Bu sözləri Türkiyə Prezidenti Rəcəb Tayyib Ərdoğan twitter hesabında yazıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!