29-09-2023, 17:01
Putin Ukrayna vətəndaşlarıyla bağlı sərəncam imzaladı
Rusiya prezidenti Vladimir Putin Ukrayna vətəndaşlarının Rusiyaya giriş-çıxış qaydası barədə sərəncam imzalayıb.
Bu barədə Rusiya mediası məlumat yayıb.
Sərəncama əsasən, Ukrayna vətəndaşları daxili və ya xarici pasport, diplomatik və ya xidməti pasport əsasında Rusiya sərhədindən keçə bilərlər.
Qeyd olunub ki, uşaqlar üçün doğum haqqında şəhadətnamə və ya uşaq haqqında məlumatla birlikdə qanuni nümayəndənin pasportu tələb olunur.
29-09-2023, 14:31
Sülhməramlıların işi Bakı ilə müzakirə mövzusu olacaq - Peskov
"Ermənistanla Azərbaycan arasında sülh müqaviləsi məsələsi aktual olaraq qalır".
Bu barədə Kremlin sözçüsü Dmitri Peskov danışıb.
"Nəqliyyat rabitəsinin inkişafı Rusiya Federasiyası, Ermənistan və Azərbaycan üçün vacibdir, Moskva bu işi davam etdirməyə ümid edir. Artıq Azərbaycan ərazisində olan Rusiya sülhməramlılarının işi Bakı ilə müzakirə mövzusu olacaq", - o qeyd edib.
29-09-2023, 13:42
Zaxarova: “Rusiya XİN-ə vətəndaşlardan heç bir müraciət daxil olmayıb”
Rusiya Xarici İşlər Nazirliyinə Qarabağdakı Rusiya vətəndaşlarından heç bir müraciət daxil olmayıb.
Bu barədə jurnalistlərə açıqlamasında Rusiya XİN-in rəsmi nümayəndəsi Mariya Zaxarova bildirib.
O qeyd edib ki, tanınmamış “Dağlıq Qarabağ respublikası”nın ləğvindən sonra Rusiya XİN-ə vətəndaşlardan heç bir müraciət daxil olmayıb. M.Zaxarova əlavə edib ki, belə bir müraciət daxil olarsa, yardım göstəriləcək.
28-09-2023, 16:43
İstanbulda partlayış - Ölən və yaralananlar var
Türkiyənin İstanbul şəhərində partlayış baş verib.
Hadisə Şirinevler kvartalında qeydə alınıb.
Nəticədə 1 nəfər həyatını itirib, daha 4 nəfər isə yaralanıb. Xəsarət alanlardan ikisinin vəziyyəti ağır olaraq qiymətləndirilir.
İlkin məlumata görə, partlayışa səbəb qaz sızması olub.
28-09-2023, 14:47
Stoltenberq elan etmədən Ukraynaya getdi
NATO baş katibi Yens Stoltenberq Ukraynaya səfər edib.
Onun Kiyevə səfəri əvvəlcədən elan olunmayıb.
Baş katib Ukrayna prezidenti Volodimir Zelenski ilə görüşüb.
28-09-2023, 14:21
Peskov Ermənistanın ratifikasiya qərarını “son dərəcə düşmənçilik” adlandırdı
"Rusiya Ermənistanın Roma Statutuna qoşulmaq niyyətini alqışlamır".
Bunu Kremlin sözçüsü Dmitri Peskov deyib.
O, Ermənistanın Roma Statutunu ratifikasiya etmək qərarını Rusiya Federasiyasına qarşı “son dərəcə düşmənçilik” adlandırıb.
"Kreml Qarabağdakı vəziyyəti, o cümlədən humanitar aspekti diqqətlə izləyir. Ermənilərin Qarabağdan getməsinin humanitar aspekti Rusiyanı xüsusilə narahat edir - insanların normal şəraitlə təmin olunması vacibdir. Putin tezliklə Ermənistana səfər etməyi planlaşdırmırdı. Rusiya OPEC+ ilə neft ixracının artırılması ilə bağlı danışıqlar aparmır və mövcud razılaşmalara əməl edir", - o qeyd edib.
28-09-2023, 13:08
Antiterror tədbirlərindən sonra regiondakı durumu yaxından izləyirik - Türkiyə MN
“Qarabağda keçirilən antiterror tədbirlərindən sonra regiondakı durumu yaxından izləyirik”.
Bu barədə Türkiyənin Milli Müdafiə Nazirliyinin həftəlik bülltetenində qeyd olunub.
Bildirilir ki, Türkiyə Azərbaycan və Ermənistan arasında davamlı sülhü dəstəkləməyə davam edir: “Qarşılıqlı hərbi təlimlərimiz, məsləhətləşmələrimiz davam edir, azərbaycanlı qardaşlarımızın haqlı mübarizələrini dəstəkləyirik. Qəhrəman Azərbaycan Ordusunun 30 ildir işğal altında olan torpaqlarını azad etmək məqsədilə başlatdığı və 44 gün davam edən müharibənin ildönümü - 27 Sentyabr - Anım Günü münasibətilə Azərbaycanın müstəqilliyi və ərazi bütövlüyü uğrunda həyatlarından keçən şəhidlərimizə Allah rəhmət eləsin. Qəhrəman qazilərimizi hörmətlə və minnətdarlıqla yad edirik”.
28-09-2023, 12:18
Ermənistan parlamenti Roma Statutuyla bağlı müsbət rəy verdi
Ermənistan parlamentinin müvafiq komissiyası Beynəlxalq Cinayət Məhkəməsinin Roma Statutu ilə bağlı müsbət rəy verib.
Qanun layihəsi parlamentə göndəriləcək.
2021-ci il mayın 10-dan etibarən məhkəmənin yurisdiksiyasının tanınması təklif edilir. Komissiyanın iclasında respublikanın beynəlxalq hüquqi məsələlər üzrə nümayəndəsi Yeqişe Kirakosyan bildirib ki, Roma Statutunun ratifikasiyası Ermənistanın müdafiə üçün silah əldə etməsini asanlaşdıra bilər.
BCM-nin yurisdiksiyası soyqırım, insanlığa qarşı cinayətlər və müharibə cinayətləri kimi cinayətlərə şamil edilir. 2010-cu ildə bu siyahıya təcavüz cinayəti də əlavə edilib.
Qeyd edək ki, BCM Rusiya prezidenti Vladimir Putin haqqında həbs qərarı çıxarıb.
28-09-2023, 11:23
Britaniyanın yeni naziri Zelenski ilə görüşdü
Böyük Britaniyanın yeni müdafiə naziri Qrant Şapps Kiyevə gələrək Ukrayna prezidenti Volodimir Zelenski ilə görüşüb.
Bu barədə Ukrayna prezidenti sosial şəbəkələrdə yazıb.
“Ukraynaya güclü maliyyə, müdafiə və humanitar dəstəyə görə təşəkkür edirəm! Hərbi sahədə əməkdaşlığımız döyüş meydanında ukraynalı əsgərlərin imkanlarını əhəmiyyətli dərəcədə genişləndirir”, - deyə o qeyd edib.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
27-09-2023, 21:56
Ermənistan KTMT-yə daimi nümayəndə təyin etməyəcək
Ermənistan KTMT-yə daimi və səlahiyyətli nümayəndə təyin etmək niyyətində deyil.
Bu barədə "Factor.am" nəşri öz mənbələrinə istinadən yazıb.
İrəvan təşkilatdakı daimi və səlahiyyətli nümayəndəsi Viktor Biyaqov geri çağırıldıqdan sonra onun yerinə başqasını təyin etməmək qərarına gəlib.
Nəşrin məlumatına görə, KTMT-də səfir postu vakant qalacaq.
Xatırladaq ki, sentyabrın 5-də Viktor Biyaqov Ermənistanın KTMT-dəki daimi və səlahiyyətli nümayəndəsi vəzifəsindən geri çağırılıb və Ermənistan Respublikasının Niderlanddakı fövqəladə və səlahiyyətli səfiri təyin edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!