19-02-2023, 22:49
Blinken türkiyəli həmkarı ilə zəlzələ bölgəsinə ziyarət edib
ABŞ dövlət katibi Entoni Blinken türkiyəli həmkarı Mövlud Çavuşoğlu ilə birgə zəlzələnin təsir etdiyi Hatay vilayətinə gedib. Bu barədə "Anadolu" agentliyi məlumat yayıb. Çavuşoğlu Adanadakı “İncirlik” bazasına gələn amerikalı həmkarı ilə görüşüb və birgə helikopterlə Hatay şəhərinə gediblər. Onlar şəhərdəki dağıntıları helikopterdən izləyiblər.
19-02-2023, 22:46
ABŞ əks hücumla bağlı Ukraynaya təyqiz göstərir
ABŞ Ukraynaya Rusiyaya qarşı əks-hücum əməliyyatına hazırlaşmağı tövsiyə edir. Bu barədə "Politico" nəşri yazıb. ABŞ rəsmiləri hesab edirlər ki, Ukraynanın müdafiəsi kritik mərhələyə çatmaq üzrədir. Bayden administrasiyası təcili olaraq Ukraynaya öz nailiyyətlərini möhkəmləndirmək və əks-hücum həyata keçirmək üçün təzyiq göstərir. Qeyd edək ki, ABŞ prezidenti Co Bayden sabah Polşaya yola düşəcək. Burada Ukrayna ilə bağlı çıxış edəcək.
19-02-2023, 22:41
Polşa prezidenti Ukraynanın qalib gələcəyinə inandığını bildirdi
"İnanıram ki, biz hamımız bu çətin vaxtlarda dözəcəyik və sonda Ukrayna Rusiyanı məğlub edəcək". Bunu Polşanın prezidenti Anjey Duda Münhen Təhlükəsizlik Konfransında bəyan edib. "Polşa və Ukrayna xalqları arasında münasibətlər indi son əsrlər kontekstində ən yaxın münasibətlərdir", - deyə o əlavə edib.
19-02-2023, 22:32
İmperialist güc kimi çıxış edən Rusiyadır - Borrel
"Qlobal Cənub"u Rusiyanın bir imperiya kimi fəaliyyət göstərdiyinə inandırmaq lazımdır. Bunu Avropa İttifaqının xarici siyasət və təhlükəsizlik məsələləri üzrə ali nümayəndəsi Jozep Borrel deyib. O bildirib ki, Avropa İttifaqı Rusiyanın təbliğatına qarşı çıxmaq üçün “qlobal cənub” ölkələrinin etimadını bərpa etməlidir. Borrelin sözlərinə görə, Aİ cənubu inandırmalıdır ki, imperialist güc kimi çıxış edən Qərb deyil, Rusiyadır. “Mən dünyanı, xüsusən də qlobal cənuba səyahət edirəm və çoxlu ikili standartlar ittihamları ilə Ukraynadakı müharibəni Qərb və Rusiya arasında münaqişəyə çevirmək istəyən Moskva hekayəsinin nə qədər güclü olduğunu görürəm”, - deyə Borrel əlavə edib. Qeyd edək ki, "Qlobal Cənub" kimi adətən Latın Amerikası, Afrika, Asiya və Okeaniya ölkələri adlandırılır.
19-02-2023, 16:59
Yaponiya və ABŞ birgə təlim keçirdi
Yaponiya və ABŞ aviasiya sahəsində birgə təlim keçirib. Ümumilikdə təlimlərə 9 döyüş təyyarəsi cəlb edilib. Təlimlərin Şimali Koreyanın qitələrarası ballistik raket buraxmasına cavab xarakteri daşıdığı bildirilir. Qeyd edək ki, dünən Şimali Koreya “Hvason-15” raketini şərti hədəfi məhv etmək üçün buraxıb və raket Yaponiyanın 200 kilometrliyində okeana düşüb.
19-02-2023, 16:55
İsraildən İrana mesaj
"Biz nüvə silahı əldə etmək və İsrailin şimal sərhədlərindəki Suriyada möhkəmlənmək üçün İrana icazə verməyəcəyik". Bunu İsrailin baş naziri Benyamin Netanyahu deyib. Netanyahu kabinə toplantısında bu mövzuya toxunub və xalqın müdafiəsi naminə hər şeyi etdiklərini və gələcəkdə də edəcəklərini, hücumlar olarsa, lazımi cavab veriləcəyini bəyan edib. Qeyd edək ki, son vaxtlar İsrail və İran arasındakı gərginlik yenidən aktivləşib.
19-02-2023, 16:52
Peskov Putinin parlamentə müraciətində nələr danışacağını qeyd etdi
"Aleksandr Lukaşenkonun Rusiya və ABŞ liderləri arasında danışıqlar ideyası çətin ki, Qərbdə dəstək tapsın". Bunu Kremlin sözçüsü Dmitri Peskov Moskvada “Rossiya-1” telekanalının efirində deyib. O əlavə edib ki, Qərb hələ ki, Ukraynadakı vəziyyətlə bağlı sülh təşəbbüslərinə hazır deyil. "Vladimir Putin Federal Məclisdəki çıxışında xüsusi hərbi əməliyyatla (Rusiya rəsmiləri Ukrayna ilə müharibəni belə adlandırır - red.) bağlı mövzulara xüsusi diqqət yetirəcək. Həyatımızda belə məsuliyyətli və çox çətin bir mərhələdə baş verənlərə qiymət veriləcək. Beynəlxalq vəziyyət, bunun öhdəsindən necə gəldiyimizə və bundan sonra necə olacağına dair prezidentin baxışları səslənəcək", - Peskov söyləyib. Qeyd edək ki, Putin fevralın 21-də Federal Məclisdə çıxış edəcək.
19-02-2023, 16:47
10 mindən çox suriyalı Türkiyədən ölkəsinə geri döndü
Türkiyədəki zəlzələdən sonra bu ölkədən Suriyaya qayıdanların sayı məlum olub. Bu barədə Türkiyənin milli müdafiə naziri Hulusi Akar danışıb. "Bəzi fitnə-fəsad yuvaları "sərhədlərdən qaçqın axını" iddialarını ortaya atıb. Bu iddialar tamamilə həqiqətdən uzaqdır. Türkiyədə baş vermiş zəlzələdən sonra 10 633 suriyalı öz torpaqlarına geri dönüb", - o deyib.
19-02-2023, 16:43
Qafqazda sülhün qorunmasında həlledici rol oynamağa hazırıq - Qarabaşvili
Gürcüstanın baş naziri İrakli Qaribaşvili Qafqazda sülhün qorunmasından danışıb. Qaribavşili bu barədə Azərbaycan və Ermənistan liderləri İlham Əliyev və Nikol Paşinyanla Münxen Təhlükəsizlik Konfransı çərçivəsində panel müzakirələrində görüşdən sonra söz açıb. "Gürcüstan Cənubi Qafqazda sülhün qorunmasında həlledici rol oynamağa hazırdır", - deyə o söyləyib.
19-02-2023, 16:35
Ermənistanın müdafiə naziri Birləşmiş Ərəb Əmirliklərinə səfərdədir
Ermənistanın müdafiə naziri Suren Papikyan Birləşmiş Ərəb Əmirliklərinə (BƏƏ) səfər edib. Bu barədə "Sputnik Armenia" məlumat yayıb. Bildirilib ki, o, səfər çərçivəsində bu ölkədə keçirilən beynəlxalq müdafiə sənayesi konfransının açılışında iştirak edib. Məlumata görə, tədbir "IDEX and NAVDEX 2023" beynəlxalq forumları çərçivəsində keçirilir. Konfransda hərbi sahədəki çağırışlar və problemlərin həlli yollarının müzakirə ediləcəyi vurğulanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!