9-11-2023, 15:35
Azərbaycan və Naxçıvan arasındakı yola Rusiya nəzarət etməlidir - Zaxarova
İrəvanın təşəbbüsləri bir çox cəhətdən Rusiya Federasiyası, Ermənistan və Azərbaycan baş nazirlərinin müavinlərinin həmsədrlik etdiyi üçtərəfli işçi qrupu çərçivəsində ötən illər ərzində müzakirə edilmiş layihələrlə uzlaşır.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova həftəlik brifinqdə bildirib.
Onun sözlərinə görə, üçtərəfli işçi qrupu regionda iqtisadi və nəqliyyat əlaqələrinin açılması ilə məşğuldur:
“Biz qəti inanırıq ki, bu proses Bakı ilə İrəvan arasında münasibətlərin normallaşmasında mühüm rol oynayır, stabilləşməyə və tranzitin açıqlanmasına töhfə verir və bütün Cənubi Qafqazın logistik potensialını gücləndiri.
Üç ölkənin liderləri 2020-ci ilin payızında Qarabağda hərbi əməliyyatlar başa çatdıqdan bir neçə ay sonra məhz bu işçi qrupunu yaratmaq qərarına gəliblər. Artıq bu qrupun 12 iclası keçirilib, çox böyük işlər görülüb və biz bütün tərəflər üçün faydalı olan paket həllinə çox yaxınlaşa bilmişik. Təəssüf ki, hələ də bu məsələlərə son qoymaq mümkün olmayıb. Bəli, bəzi insanların bunu etmək üçün siyasi iradəsi yoxdur və bu, biz deyilik. Biz regional kommunikasiyaların açılması proseslərinə lazımi yardımı göstərməyə davam etməyə hazırıq”.
Ermənistan Milli Təhlükəsizlik Xidmətində regional və beynəlxalq əhəmiyyətli yolların və digər kommunikasiyaların təhlükəsizliyinə nəzarət edən bölmənin yaradılmasına münasibət bildirən Zaxarova qeyd edib:
“Diqqəti cəlb etmək istərdim ki, qeyd olunan üçtərəfli qaydada Sazişlərə əsasən, Azərbaycan və Naxçıvan Muxtar Respublikası arasında nəqliyyat kommunikasiyalarına nəzarəti Rusiyanın FTX-nin sərhəd xidməti orqanları həyata keçirməlidir”.
O, həmçinin izah edib ki, Rusiya həm də Ermənistanın blokadasını açmaq vəzifəsini, o cümlədən İrəvan və Ankara arasında dialoqun yenidən başlamasına töhfə verərkən, onu rəhbər tutur. Zaxarova xatırladıb ki, Ermənistan və Türkiyənin xüsusi nümayəndələrinin münasibətlərin normallaşdırılması üzrə ilk görüşü 2021-ci il yanvarın 14-də Moskvada baş tutub.
"Rusiya həmçinin ölkələr arasında qarşılıqlı fəaliyyət üçün daha bir yaxşı platforma olan "3+3”ü məsləhətçi regional platforma hesab edir. Platformanın 2024-cü ildə Türkiyədə keçiriləcək növbəti iclasında nəqliyyat mövzuları da nəzərdən keçiriləcək. Bu format çərçivəsində mən əminəm ki, İrəvanın konstruktiv təklifi tələb olunacaq”, - deyə Zaxarova yekunlaşdırıb.
9-11-2023, 14:33
Paşinyan və xanımı Fransaya səfərə getdi
Ermənistanın baş naziri Nikol Paşinyan və xanımı Anna Akopyan Fransaya işgüzar səfərə ediblər.
Bu barədə Ermənistan hökumətinin mətbuat xidməti məlumat yayıb.
Paşinyan bu gün Fransa prezidenti Emmanuel Makronla görüşəcək.
Ermənistanın baş naziri noyabrın 10-da keçiriləcək 6-cı Paris Sülh Forumunda iştirak edəcək.
9-11-2023, 11:24
Rusiya Prezidenti Astanaya rəsmi səfər etdi
Rusiya prezidenti Vladimir Putin bu gün Qazaxıstanın paytaxtı Astanaya rəsmi səfər edib.
Bu barədə Rusiya liderinin mətbuat xidmətinin məlumatında bildirilib.
Putin qazaxıstanlı həmkarı Kasım-Jomart Tokayevlə danışıqlar aparacaq və onunla regionlararası əməkdaşlıq forumunda iştirak edəcək.
Putin Astanaya Rusiya prezidentini şəxsən qarşılayan Qazaxıstan liderinin dəvəti ilə gəlib.
Kremlin sözçüsü Dmitri Peskovun dediyi kimi, danışıqlar zamanı tərəflər qarşılıqlı sərmayələr və müxtəlif sahələrdə əməkdaşlıq da daxil olmaqla, münasibətlərin bütün spektri üzrə “saatları sinxronizasiya etməyi” planlaşdırırlar.
Bundan əlavə, prezidentlər regional və beynəlxalq məsələlər ətrafında fikir mübadiləsi aparacaqlar. Görüşdə həmçinin Avrasiya məkanında inteqrasiya birlikləri çərçivəsində qarşılıqlı fəaliyyət məsələləri müzakirə olunacaq.
Rusiya liderinin mətbuat xidmətinin məlumatına görə, Putin və Tokayev əvvəlcə məhdud tərkibdə danışıq aparacaq, sonra “ətraflı Rusiya-Qazaxıstan danışıqları” davam edəcək. İclasdan sonra sənədlər imzalanacaq, prezidentlər media üçün birgə bəyanatla çıxış edəcəklər. Rusiyalı qonağın şərəfinə Qazaxıstan prezidenti adından rəsmi qəbul da nəzərdə tutulub.
Bundan əlavə, Putin və Tokayev Kostanayda keçiriləcək Rusiya və Qazaxıstanın XIX Regionlararası Əməkdaşlıq Forumunun plenar iclasında videobağlantı vasitəsilə iştirak edəcəklər. Bu forumun mövzusu “Kənd təsərrüfatı güclü iqtisadiyyatın əsasıdır” adlanır.
8-11-2023, 22:20
Ukrayna Silahlı Qüvvələrinin sonrakı illər üçün döyüş planı var - Zelenski
Ukrayna Silahlı Qüvvələrinin bu və sonrakı illər üçün döyüş planı var.
Bunu Ukrayna prezidenti Volodimir Zelenski "Reuters NEXT" konfransında deyib.
O, Ukrayna ordusunun uğur qazanacağına əmin olduğunu bildirib.
“Bizim planımız var, konkret şəhərlərimiz, konkret istiqamətlərimiz var, hədəfimiz var, hara gedəcəyik, hansı istiqamətdə hücum edəcəyik, bilirik”, - deyə Ukrayna prezidenti vurğulayıb.
8-11-2023, 18:49
Ukraynalı nazir istefa verdi
Ukraynanın gənclər və idman naziri Vadim Qutseyt istefa ərizəsi yazıb.
Bu barədə parlamentin spikeri Ruslan Stefançuk məlumat verib.
"Ukrayna Ali Radası Ukraynanın gənclər və idman naziri V. M. Qutseytdən istefası barədə məlumat alıb", - Stefançuk "Facebook"da bildirib.
O, Qutseytin niyə istefa vermək qərarına gəldiyi barədə məlumat verməyib.
8-11-2023, 15:57
İran Prezidenti Düşənbədə rəsmi səfərdədir
İran Prezidenti İbrahim Rəisi Tacikistanın paytaxtı Düşənbədə rəsmi səfərdədir.
Bu barədə Tacikistan KİV-ləri məlumat yayıb.
Qeyd edilib ki, noyabrın 7-dən 12-dək davam edəcək səfər çərçivəsində Tacikistan və İran arasında rəsmi görüşlər, yüksək səviyyəli danışıqlar və əməkdaşlığa dair sənədlərin imzalanması planlaşdırılır.
8-11-2023, 15:48
Ukraynada hərbi vəziyyətin müddəti 90 gün uzadıldı
Ukraynada hərbi vəziyyət və ümumi səfərbərliyin müddəti daha 90 gün uzadılıb.
Bu barədə Ukrayna Ali Radasının deputatı Yaroslav Jeleznyak özünün “Telegram” kanalında bildirib.
“Ali Rada Ukrayna Prezidenti Vladimir Zelenski tərəfindən ölkədə hərbi vəziyyətin və ümumi səfərbərliyin daha 90 gün – gələn ilin 14 fevral tarixinədək uzadılması haqqında qanun layihələrini qəbul edib”, - deputat qeyd edib.
Xatırladaq ki, Ukraynada ötən ilin 24 fevralından etibarən hərbi vəziyyət və ümumi səfərbərlik tətbiq edilir. Bu gün hərbi vəziyyət və ümumi səfərbərliyin müddəti 9-cu dəfə uzadılıb.
Ukrayna qanunvericiliyinə əsasən, hərbi vəziyyət zamanı seçkilər təşkil edilə bilməz, oktyabrın sonunda keçirilməli olan parlament seçkiləri bu səbəbdən baş tutmayıb.
Hərbi vəziyyətin gələn il fevralın ortalarına qədər yenidən uzadılması yazda keçirilməli olan prezident seçkilərinin mümkünlüyünü sual altına qoyur.
8-11-2023, 13:17
Ərdoğan Özbəkistana səfərə getdi
Türkiyə Prezidenti Rəcəb Tayyib Ərdoğan Özbəkistana səfərə gedib.
Bu barədə Türkiyənin Prezident Administrasiyası məlumat yayıb.
Məlumata görə, o İqtisadi Əməkdaşlıq Təşkilatının 16-cı Zirvə Toplantısında iştirak edəcək.
8-11-2023, 00:42
Netanyahu: "Qəzza artıq İsrail üçün təhlükə yaratmayacaq”
Qəzza şəhəri mühasirəyə alınıb, biz şəhər daxilində fəaliyyət göstəririk, HƏMAS-a təzyiqi hər saat, hər gün artırırıq.
Bu barədə İsrailin baş naziri Benyamin Netanyahu bildirib.
“Mən xarici liderlərə demişəm ki, İsrail qalib gəlməsə, sırada onların ölkələri olacaq. Amma İsrail qalib gələcək”, - o əlavə edib.
Netanyahu əminliklə vurğulayıb ki, İsrail “HƏMAS-ın hərbi və idarəetmə imkanlarını məhv edəcək: "Qəzza artıq İsrail üçün təhlükə yaratmayacaq”.
7-11-2023, 14:02
Peskov Fələstin-İsrail münaqişəsindən danışdı
"Bir ay sonra Fələstin-İsrail münaqişəsi zonasında vəziyyət ağır və humanitar nöqteyi-nəzərdən fəlakətli olaraq qalır".
Bunu Kremlin sözçüsü Dmitri Peskov deyib.
"Fələstin-İsrail münaqişəsi zonasından rusları geri qaytarmaq işi çətindir, Qəzzanı tərk etmək istəyənlər çoxdur. Rusiya Federasiyası İsrail və Yaxın Şərqin digər ölkələri ilə hər gün işçi səviyyədə əlaqə saxlayır, ən yüksək səviyyədə təmas planları yoxdur. Rusiya diplomatları Fələstin-İsrail münaqişəsi zonasından Rusiya vətəndaşlarının geri qaytarılması üzərində işi davam etdirir. Qəzzaya humanitar yardım məhdud həcmdə çatdırıla bilər, Rusiya Federasiyası bu cür yardımı davam etdirmək üçün əlaqələri davam etdirəcək.
Sankt-Peterburqla Kalininqrad vilayətini birləşdirən rabitə kabelinin zədələnməsi ilə bağlı vəziyyət barədə Kremldə məlumat yoxdur", - o bildirib.
Peskov Putinin Qazaxıstana qarşıdakı səfərini gələcək ikitərəfli münasibətlərin inkişafı üçün çox vacib səfər adlandırıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!