27-11-2022, 01:08
Türkiyə pilotsuz qırıcı istehsalına başlayır
Türkiyə “Bayraktar Kızılelma" pilotsuz döyüş təyyarələrinin istehsalına başlayacaq. Bunu Türkiyə Prezidenti Rəcəb Tayyib Ərdoğan deyib. O bildirib ki, “Baykar” şirkəti tərəfindən hazırlanan aviasiya vasitəsinin istehsalına 2023-cü ilin sonuna kimi başlanılacaq. "Kızılelma" pilotsuz qırıcıları ağır raket və sursatları daşıya biləcək. Sistem öncə xarici mühərriklə işləsə də, gələcəkdə yerli mühərrikdən istifadə edilməsi planlaşdırılır.
27-11-2022, 01:06
Xerson intensiv atəşə tutulur - 30-dan çox ölən var
Ukraynanın Xerson vilayəti işğaldan azad edildikdən sonra Rusiya ordusu tərəfindən intensiv şəkildə atəşə tutulur. Bu barədə Ukrayna Milli Polisinin rəisi İqor Klymenko "Facebook" səhifəsində yazıb. Bildirilib ki, şəhər azad edildikdən sonra Rusiya ordusunun açdığı atəş nəticəsində azı 32 nəfər həlak olub. "Rusiyanın gündəlik atəşi şəhəri yerlə-yeksan edir və dinc yerli sakinləri öldürür. Ümumilikdə Rusiya Xerson vilayətində 32 dinc sakini öldürüb", - deyə İqor Klymenko vurğulayıb. Qeyd edək ki, noyabrın 11-də ruslar Xerson şəhərindən geri çəkilib. Onlar indi Dnepr çayının şərq sahilində yerləşirlər və oradan şəhəri müntəzəm atəşə tuturlar.
27-11-2022, 01:04
Ukraynaya verilən artilleriyanın üçdə biri yararsızdır
İndiyədək Ukraynaya təhvil verilmiş Qərb istehsalı artilleriya qurğuları köhnə olduğu üçün döyüşlərdə istifadə edilməyib. Bu barədə "New York Times" nəşri məlumat yayıb. Nəşrin məlumatına görə, 350 artilleriya sistemindən təxminən üçdə biri sıradan çıxıb. ABŞ Polşada bu sistemlərin təmiri üçün mərkəz yaradıb. Qəzet yazır ki, Ukrayna təmir bazalarının döyüş meydanına yaxın ərazilərdə yerləşdirilməsini istəyir.
27-11-2022, 01:03
Norveç Ukraynaya yardım ayırdı - 2 milyard...
Norveç hökuməti enerji təchizatını dəstəkləmək üçün Ukraynaya 2 milyard Norveç kronu (təxminən 195 milyon dollar) məbləğində yardım ayırmaq qərarına gəlib. Bu barədə Norveç hökumətinin yaydığı rəsmi açıqlamada deyilir. Norveçin maliyyə naziri Trygve Slagsvoll Vedum Avropa Yenidənqurma və İnkişaf Bankının nümayəndəsi ilə müvafiq müqavilə imzalayıb. Müqavilə çərçivəsində Ukraynaya qaz almaq üçün maliyyə yardımı veriləcək.
27-11-2022, 00:48
Tokayevin andiçməsi günü Astanada internet kəsildi
Bu gün Qazaxıstanın paytaxtı Astana şəhərində internetə girişdə problem yaranıb. Bu barədə Qazaxıstanın "Vlast" portalı məlumat yayıb. Dövlət qurumu internetdə yaranan fasilələri avadanlıqların nasazlığı ilə izah edib. "Nasazlıq sistemlərin işinə təsir etməyib, lakin Astana və Akmola vilayətində internetin işində nasazlıqlar olub", - deyə rəsmi açıqlamada bildirilir. Qeyd edək ki, bu gün Astanada Qazaxıstan prezidenti seçilmiş Kasım Jomart Tokayevin andiçmə mərasimi keçirilib. O, noyabrın 20-də keçirilən növbədənkənar prezident seçkilərində qalib gəlib. Qazaxıstan Mərkəzi Seçki Komissiyasının məlumatına görə, Tokayev 81,31% səs toplayıb.
27-11-2022, 00:44
Türkiyənin 2 hərbçisi şəhid oldu
Türkiyə ordusu şəhid verib. Bu barədə qardaş ölkənin Milli Müdafiə Nazirliyi məlumat yayıb. Bildirilib ki, İraqın şimalında “Pəncə-Kilid” əməliyyatı bölgəsində terrorçuların açdığı atəş nəticəsində Türkiyə Silahlı Qüvvələrinin 2 hərbçisi şəhid olub, 3 hərbi qulluqçu isə yaralanıb.
27-11-2022, 00:40
6 milyon ukraynalı işıqsız qaldı
Ukrayna ərazisində 6 milyondan çox abonent işıqsız qalıb. Bu barədə Ukrayna Prezidenti Volodimir Zelenski bildirib. O qeyd edib ki, noyabrın 25-i axşam saatlarında ölkənin əksər regionlarında və Kiyevdə işıqların kəsilməsi davam edib. Zelenski Ukrayna ərazisində elektrik enerjisindən qənaətlə istifadəni davam etdirməyə çağırıb.
27-11-2022, 00:38
10-dan çox ev torpaq altında qaldı - Ölənlər var
İtaliyanın İskiya adasında əlverişsiz hava şəraiti səbəbindən sürüşmə baş verib. Hadisə nəticəsində 8 nəfər ölüb. Bildirilir ki, adada şiddətli yağışlar olub və bəzi evlər sürüşməyə görə dağılıb. İtaliya mətbuatının yaydığı xəbərə əsasən, sürüşmə zamanı 10 ev və çoxlu sayda nəqliyyat vasitəsi torpaq altında qalıb, 13 itkin düşmüş şəxsin axtarışları davam edir. Sürüşmənin baş verdiyi ərazidə 30-a yaxın ailə susuz və işıqsız qalıb.
27-11-2022, 00:36
Zelenski “taxıl dəhlizi” ilə bağlı çağırış etdi
Ukrayna taxıl təşəbbüsünü qeyri-müəyyən müddətə uzatmaq istəyir. “Taxıl dəhlizi”ni ölkənin digər limanlarına qədər genişləndirmək lazımdır. Bunu Ukrayna Prezidenti Volodimir Zelenski ərzaq təhlükəsizliyi üzrə beynəlxalq sammitdə çıxışı zamanı deyib. Zelenskinin sözlərinə görə, taxıl təşəbbüsü tam gücü ilə işləmir və Rusiya tərəfinin günahı ucbatından Bosforda 80-dən çox gəmi qalıb. “Biz limanların sayının artırılmasının və bu mühüm təşəbbüsün qeyri-müəyyən müddətə davam etdirilməsinin, Rusiyanın bir daha buna mane olmamasının tərəfdarıyıq”, - Ukrayna lideri vurğulayıb.
27-11-2022, 00:30
Daha bir ölkənin baş naziri Kiyevə gəldi
Belçikanın baş naziri Aleksandr Krou Kiyevə gəlib. Bu barədə Ukrayna prezidenti Volodimir Zelenski bildirib. “Belçikanın Baş nazirinə salamlar. Biz danışıqlara başlayırıq. Əminəm ki, onlar hər iki tərəf üçün obyektiv və faydalı olacaq”, - o, Telegram kanalında yazıb. Şənbə günü səhər saatlarında Polşa və Litvanın baş nazirləri Mateuş Moravetski və İnqrida Simonite Kiyevə gələrək ukraynalı həmkarı Denis Şmıqalla birgə bəyanat imzalayıblar.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!