16-04-2023, 13:00
Reznikov Ukraynanın itkiləriylə bağlı ipucu verdi
Ukraynanın müdafiə naziri Oleksiy Reznikov ölkəsinin itkiləri barədə qəribə ipucu verib. O, İspaniyanın “La Razon” qəzetinə müsahibəsində bu mövzudan söz açıb. "Ukraynanın müharibədə itkiləri fevral ayında Türkiyədə baş vermiş zəlzələ qurbanlarının sayından azdır. Təbii ki, qurbanlarımız var, çünki müharibə şəraitindəyik. Ancaq bizim itkilərimiz Rusiyanınkından daha aşağıdır. Sizə bir rəqəm deyə bilmərəm, ancaq sizi əmin edə bilərəm ki, ümumi itki sayımız Türkiyədə zəlzələ nəticəsində ölənlərin sayından azdır”, - o qeyd edib. Qeyd edək ki, Türkiyədə zəlzələ nəticəsində 51 minə yaxın insan həlak olub.
16-04-2023, 12:30
Cənubi Koreya Şimali Koreyaya məxsus gəmiyə xəbərdarlıq atəşi açdı
Cənubi Koreya tərəfindən faktiki ərazi suları sərhədi kimi qəbul edilmiş şimal xəttini pozan Şimali Koreyaya məxsus patrul gəmisinə xəbərdarlıq atəşi açılıb. Bu barədə ölkənin Baş Qərargahı məlumat yayıb. Şimali Koreyanın patrul gəmisi xəbərdarlıq atəşindən sonra geri çəkilib. Açıqlamada Cənubi Koreyanın Şimali Koreyanın təxribat ehtimalına hazır olduğu və hərbi hərəkətlərin yaxından izləndiyi vurğulanıb. Qeyd edək ki, bu ərazilərdə vaxtaşırı iki ölkə arasında gərginlik yaşanır.
16-04-2023, 11:30
Bryansk PUA-ya məruz qaldı
Rusiyanın Bryansk şəhərində partlayıcı ilə doldurulmuş pilotsuz uçuş aparatı yerə dəyib. Bu barədə NEXTA məlumat yayıb. Qalıqları yerli sakin aşkar edib. Ölən və yaralananlar olmayıb. Detallar barədə məlumat yoxdur.
15-04-2023, 20:40
BMT-nin təyyarəsi məhv edildi
Sudanın paytaxtı Xartumdakı hava limanında gedən döyüşlər zamanı BMT-nin təyyarəsi məhv edilib. Bu barədə "Al Arabiya" telekanalı məlumat yayıb. Kanal bildirir ki, Sudan ordusu ilə Çevik Reaksiya Qüvvələri arasında baş verən toqquşmalar nəticəsində BMT-yə məxsus təyyarə vurulub. AP agentliyi qeyd edir ki, hücum zamanı Xartum Beynəlxalq Hava Limanında təyyarə yanıb. İddialara görə, həmin təyyarə Ukraynaya məxsus olub. Sudan ordusu ilə yarımhərbi birləşmələr arasında döyüşlər zamanı Xartum hava limanına çoxsaylı zərbələr endirilib.
15-04-2023, 20:27
Zelenski fransalı həmkarıyla telefon danışığı apardı
Ukrayna Prezidenti Volodimir Zelenski fransalı həmkarı Emmanuel Makron ilə telefon danışığı aparıb. Bu barədə Zelenski özünün sosial media hesablarında məlumat yayıb. Telefon danışığı bir saat yarım davam edib. Prezidentlər Makronun Çinə son səfərinin nəticələrini müzakirə ediblər.
15-04-2023, 11:30
Türkiyənin ilk müşahidə peyki orbitə göndərildi
Türkiyənin "TÜBİTAK Uzay" müəssisəsi tərəfindən hazırlanan ölkənin ilk müşahidə peyki orbitə göndərilib. Bu barədə "TRT Haber" məlumat yayıb. Ölkənin ilk yerli və milli müşahidə peyki olan "İmece" ABŞ-ın Kaliforniya ştatındakı Vandenberq Kosmik Qüvvələr bazasından saat 09:47-də kosmosa buraxılıb. 680 kilometr yüksəklikdə yerləşəcək peyk 5 il fəaliyyətdə olacaq. Bu müddət ərzində hədəfin müəyyən edilməsi, aşkarlanması, təbii fəlakət, kənd təsərrüfatı tətbiqləri kimi bir çox sahədə ölkəyə xidmət göstərəcək. Peyk dünyanın istənilən yerindən görüntülər əldə edə biləcək.
14-04-2023, 20:30
Ukraynanın Slovyansk bölgəsi raket atəşinə tutuldu
Rusiya Silahlı Qüvvələri Ukraynanın Slovyansk bölgəsini raket atəşinə tutub. Raketlərdən biri yaşayış binasına düşüb. Zərbə nəticəsində 5 nəfərin öldüyü, 15 nəfərin yaralandığı bildirilir. Dağıntılar altında biri uşaq olmaqla, 7 nəfərin qaldığı deyilir. İlkin məlumatlara görə, atəş S-300 raket sistemindən açılıb.
14-04-2023, 20:30
Fransada etirazlara səbəb olan qanun təsdiq edildi
Fransada milyonlarla insanın etirazına səbəb olan pensiya islahatı haqqında qanun təsdiq edilib. Qanun ölkənin konstitusiya şurası tərəfindən təsdiqlənib. Beləliklə, əhalinin narazılığına baxmayaraq, Fransada pensiya yaşı 62-dən 64-ə qaldırılacaq. Bununla da orta ömür müddəti 82 yaş olan Fransa pensiyaçıları 20 il yox, 18 il pensiya ala biləcək. Hökumətin pensiya islahatı ölkədə kütləvi etirazlara və iğitşaşlara səbəb olub.
14-04-2023, 20:00
Danimarka səfiri Türkiyə XİN-ə çağırıldı
Danimarkanın Türkiyədəki səfiri bu ölkənin Xarici İşlər Nazirliyinə çağırılıb. Bu barədə Nazirliyin sosial media hesabında bildirilib. Səfirin XİN-ə çağırılmasına səbəb Danimarkada müqəddəs Quran kitabının və Türkiyə bayrağının yandırılmasına icazə verilməsidir. "Qurani-Kərimə və şanlı bayrağımıza qarşı törədilən alçaq hücumu bir daha qınayırıq. Xəbərdarlıqlarımıza baxmayaraq, azadlıq pərdəsi altında bu hücumlara icazə verilməsi qəbuledilməzdir", - deyə açıqlamada qeyd olunub.
14-04-2023, 19:30
Ukrayna prezidenti Britaniyanın baş naziri ilə telefon danışığı apardı
Ukrayna Prezidenti Volodimir Zelenski Böyük Britaniyanın baş naziri Rişi Sunakla telefon danışığı aparıb. Bu barədə Zelenski özünün sosial media hesablarında məlumat yayıb. Telefon danışığı zamanı cəbhədəki vəziyyət, Ukraynaya hərbi dəstək müzakirə edilib. Zelenski ukraynalı hərbçilərin başlarının kəsilməsini pislədiyinə görə Sunaka təşəkkür edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!