Dünya » Səhifə 696

9-06-2023, 15:51

Polşa, Almaniya və Fransa prezidentləri bu məqsədlə bağlı görüşəcək

Polşa prezidenti Anjey Duda və Almaniya kansleri Olaf Şolts Fransa prezidenti Emmanuel Makronla görüşəcəklər. Bu barədə "Politico" nəşri yazıb. Görüş iyunun 12-də Fransanın paytaxtı Paris şəhərində baş tutacaq. Məlumata görə, görüş zamanı tərəflər Ukraynanın NATO-ya daxil olması imkanlarını, eləcə də Kiyevin ala biləcəyi təhlükəsizlik təminatlarını müzakirə edəcəklər.

Polşa, Almaniya və Fransa prezidentləri bu məqsədlə bağlı görüşəcək

9-06-2023, 15:40

Aşot Paşinyanı oğurlayan qadına məhkəmə iş kəsdi

Ermənistanın Baş naziri Nikol Paşinyanın oğlu Aşot Paşinyanı oğurlamaqda təqsirli bilinən Qayane Akopyana məhkəmə tərəfindən iş kəsilib. Bu barədə "Sputnik Armenia" məlumat yayıb. Akopyan Paşinyanın oğlunun "oğurlanması" işində təqsirli bilinərək 3 il şərti cəza alıb ki, bunun 1 ili sınaq dövrü hesab olunur. O, məhkəmə zalından sərbəst buraxılıb.

Aşot Paşinyanı oğurlayan qadına məhkəmə iş kəsdi

9-06-2023, 15:36

Belarus-Rusiya münasibətləri əsasdır - Lukaşenko

"Belarus-Rusiya münasibətləri Aİİ və MDB-nin əsasını təşkil edir". Bunu rusiyalı həmkarı Vladimir Putinlə görüşündə Belarus prezidenti Aleksandr Lukaşenko deyib. O qeyd edib ki, iki liderin Soçi görüşü çoxdan planlaşdırılıb: "Bu günlərdə burada Avrasiya Hökumətlərarası Şurasının və MDB Hökumət Başçıları Şurasının iclasları keçirilir". "Biz Moskvada sizinlə razılaşdıq ki, o vaxt yollarımız kəsişəcək, baş nazirlərimiz işləyəcək. Axı Belarus-Rusiya münasibətləri əsasdır. Hər hansı bir sualınız olarsa, cavablandıracağıq. Hesab edirəm ki, bu, bizim keçirdiyimiz hərtərəfli tədbirdir. Bəli, iqtisadi məsələlər var. Onlar qərar verirlər. Hərəkət etmək üçün yer var. Ən əsası odur ki, biz nə edəcəyimizi və hansı istiqamətdə hərəkət edəcəyimizi bilək”, - Aleksandr Lukaşenko bildirib.

Belarus-Rusiya münasibətləri əsasdır - Lukaşenko

9-06-2023, 14:20

İranın nüvə proqramına qarşı güc tətbiq etməyə hazırıq - İsrailin Baş naziri

İsrailin Baş naziri Benyamin Netanyahu ölkəsinin İranın nüvə proqramına qarşı güc tətbiq etməyə hazır olduğunu bildirib. Bu barədə "Sky News" telekanalı məlumat yayıb. Baş nazir İsrailin İranın nüvə proqramının qarşısını almaq üçün hərbi rıçaqlardan istifadə edəcəyini bəyan edib. “Mən tək diplomatiyanın işləyəcəyini düşünmürəm. İnanıram ki, diplomatiya yalnız real hərbi varianta müraciət etmək istəyi ilə birgə işləyə bilər",- deyə Netanyahu vurğulayıb. Onun sözlərinə görə, İranın nüvə proqramının qarşısının alınması cəhdləri heç bir nəticə verməyəcəksə, güclü qətnamə müzakirə oluna bilər.

İranın nüvə proqramına qarşı güc tətbiq etməyə hazırıq - İsrailin Baş naziri

9-06-2023, 14:06

Krımın şimal hissəsi boşaldılır

Rusiya işğal etdiyi Krımın şimalındakı idarələrə evakuasiyaya hazırlaşmaq əmri verib. Bu barədə Ukrayna Milli Müqavimət Mərkəzi məlumat yayıb. Məlumata görə, işğalçılar yarımadanın dərinliklərinə və ya Rusiya Federasiyasının ərazisinə məcburi evakuasiya üçün əhalinin siyahısını tərtib etməyə başlayıb. İddialara əsasən, artıq Armyansk şəhərində müvafiq hazırlıq işləri görülüb. Qeyd olunub ki, həmin ərazidəki qondarma rejimin nümayəndələri, onların ailə üzvləri, texnika və sənədlərin çıxarılmasına başlanılıb. Lakin Rusiya tərəfi Krımın şimal hissəsinin boşaldılması ilə bağlı rəsmi açıqlama verməyib.

Krımın şimal hissəsi boşaldılır

9-06-2023, 13:59

Akşener CHP ilə əməkdaşlıq üçün şərtini açıqladı

Türkiyənin İYİ Partiyası ölkənin ana müxalifəti olan Cümhuriyyət Xalq Partiyası (CHP) ilə əməkdaşlıq üçün şərtini açıqlayıb. Bu barədə İYİ Partiyasının sədr müavini Erhan Usta danışıb. "Yerli seçkilərdə bəzi böyük şəhər bələdiyyələrinin İYİ Partiyaya buraxılması şərtilə CHP ilə əməkdaşlıq edilə bilər",- o deyib. İYİ Partiyasının əvvəlki seçkilərdə böyük şəhər bələdiyyələrini tələb etmədiyini bildirən sədr müavini, “bu, sırf mövcud siyasi mühiti dəyişmək üçün edilən əməkdaşlıq idi”, - deyə qeyd edib. “Siyasi partiyalar bir araya gələndə ancaq bir tərəfin fədakarlıq etməsini gözləmək olmaz", - Erhan Usta CHP-yə səslənib. Meral Akşenerin rəhbəri oldu partiyanın əməkdaşlıq təklifinə Kemal Kılıçdaroğlunun liderlik etdiyi CHP-nin necə reaksiya verəcəyi maraq doğurur. Onu da bildirək ki, Akşenerin Kılıçdaroğlunun müxalifətin prezidentliyə namizədi olmasına münasibəti birmənalı olmayıb.

Akşener CHP ilə əməkdaşlıq üçün şərtini açıqladı

9-06-2023, 12:52

Paşinyan bu gün Putinlə görüşəcək

Ermənistanın Baş naziri Nikol Paşinyan bu gün Rusiya Prezidenti Vladimir Putinlə görüşəcək. Bu barədə Kremlin mətbuat katibi Dmitri Peskov məlumat verib. O, görüşün Soçidə keçiriləcəyini bildirib. Qeyd edək ki, liderlər sonuncu dəfə mayın 25-də Moskvada görüşüblər.

Paşinyan bu gün Putinlə görüşəcək

9-06-2023, 11:52

Rusiyada yaşayış binası PUA hücumuna məruz qaldı

Rusiyanın Voronej vilayətində PUA hücumu qeydə alınıb. PUA çoxmərtəbəli yaşayış binasına çırpılıb. Məlumata görə, hadisə nəticəsində iki nəfər yaralanıb. Hücumun detalları hələlik məlum deyil.

Rusiyada yaşayış binası PUA hücumuna məruz qaldı

8-06-2023, 17:43

Son sutka ərzində düşmən 945 hərbçisini və 33 tankını itirib - Şoyqu

Ukrayna Silahlı Qüvvələrinin xüsusi təlim keçmiş ehtiyat qüvvələri Zaporojye istiqamətindəki mövqeləri yarma tapşırığını yerinə yetirə bilməyib. Bu barədə Rusiya müdafiə naziri, ordu generalı Sergey Şoyqu bildirib. “Bu gün saat 01:30-da Zaporojye istiqamətində düşmən 1500 nəfərə qədər canlı qüvvə və 150 zirehli texnikadan ibarət 47-ci mexanikləşdirilmiş briqadanın qüvvələri ilə müdafiəmizi yarmağa cəhd edib. Kəşfiyyat qüvvələri düşməni vaxtında aşkar edib, artilleriya, aviasiya və tank əleyhinə silahlardan istifadə edərək qabaqlayıcı zərbələr endirib", - nazir deyib. Onun sözlərinə görə, Ukrayna ordusunun dörd istiqamətdə qarşısı alınıb. "Düşmənin 4 istiqamətdə də qarşısı alınıb. Qarşı tərəf xeyli itki verərək geri çəkilib. Son sutka ərzində düşmən 945 hərbçisini və 33 tankını itirib", - nazir vurğulayıb.

Son sutka ərzində düşmən 945 hərbçisini və 33 tankını itirib - Şoyqu

8-06-2023, 17:38

Ərdoğanın sədrliyi ilə Milli Təhlükəsizlik Şurasının toplantısı başladı

Türkiyədə Milli Təhlükəsizlik Şurasının toplantısı başlayıb. İclasa Türkiyə Prezidenti Rəcəb Tayyib Ərdoğan sədrlik edir. Toplantıda İraq və Suriyanın şimalında həyata keçirilən terrorla mübarizə əməliyyatları başda olmaqla, strateji, regional və milli təhlükəsizlik mövzularının müzakirə olunması gözlənilir.

Ərdoğanın sədrliyi ilə Milli Təhlükəsizlik Şurasının toplantısı başladı