1-05-2023, 18:30
İsveçrə bu vəzifədə Rusiyanı əvəz edəcək
BMT Təhlükəsizlik Şurasına bu ay İsveçrə rəhbərlik edəcək. Bu barədə İsveçrə Xarici İşlər Nazirliyi məlumat yayıb. Bildirilib ki, İsveçrə bu vəzifədə Rusiyanı əvəz edəcək. “İsveçrə bu gündən BMT Təhlükəsizlik Şurasına sədrlik edir”, - nazirliyin açıqlamasında qeyd olunub. Xatırladaq ki, Rusiya aprel ayında BMT Təhlükəsizlik Şurasına sədrlik edib.
1-05-2023, 18:00
Ermənistanın XİN rəhbəri Blinkenlə görüşdü
Vaşinqtonda Ermənistanın xarici işlər naziri Ararat Mirzoyan və ABŞ dövlət katibi Antoni Blinken arasında görüş keçirilib. Bu barədə "Sputnik Armenia" məlumat yayıb. Bildirilib ki, tərəflər regiondakı son vəziyyəti, eləcə də Ermənistanla Azərbaycan arasında münasibətlərin normallaşdırılması prosesi müzakirə ediblər. Qeyd edək ki, bu gün Blinkenin Azərbaycan XİN başçısı Ceyhun Bayramovla da görüşü keçiriləcək. Sonra üçtərəfli formatda görüşün baş tutması nəzərdə tutulub.
1-05-2023, 17:30
Türkiyənin yerli istehsal döyüş təyyarəsinin adı açıqlandı
Türkiyənin yerli istehsal döyüş təyyarəsinin adı açıqlanıb. Təqdimat mərasimi Türkiyə Prezidenti Rəcəb Tayyib Ərdoğanın iştirak ilə keçirilib. O, milli döyüş təyyarəsinin "Kaan" adlandırıldığını bildirib. "Hal-hazırda Hürjet və KAAN-ımız qarşımızdadır. Ölkəmizə xeyirli-uğurlu olsun", - Ərdoğan deyib. Qeyd edək ki, TUSAŞ şirkəti tərəfindən hazırlanan döyüş təyyarəsinin bu ilin sonunda ilk sınaqları keçiriləcək.
1-05-2023, 15:00
İranın bu ölkədəki səfirliyi və konsulluğu yenidən bərpa olundu
İranın Ər-Riyaddakı səfirliyi, o cümlədən Ciddədəki baş konsulluğu və İslam Əməkdaşlıq Təşkilatındakı nümayəndəliyi fəaliyyətini bərpa edib. Bu barədə İran Xarici İşlər Nazirliyinin (XİN) sözçüsü Nasir Kənani "IRIB" nəşrinə bildirib. “İran İslam Respublikasının üç nümayəndəliyi, Ər-Riyaddakı səfirliyi, baş konsulluğu və İranın Ciddədəki İslam Əməkdaşlıq Təşkilatındakı nümayəndəliyi adi rejimdə fəaliyyətə başlayıb”, - deyə Kənani qeyd edib. O, vurğulayıb ki, bu, nümayəndəliklərin işinin bərpasının ilk mərhələsidir. XİN rəsmisi onların göstərilən müddətdə tam həcmdə işə başlayacağına ümid etdiyini qeyd edib.
1-05-2023, 14:30
Tbilisi merindən açıqlama: “Gürcüstan hakimiyyəti onlar üçün problemdir..”
Tbilisi meri Kaxa Kaladze Rusiyaya qarşı sanksiyaları rədd etdiyi üçün Gürcüstana Avropa İttifaqına namizəd statusunun verilmədiyini deyib. Kaladze bunu müharibə ilə əlaqələndirib. "Namizəd statusunun verilməsindən imtina siyasi qərar idi və cəmiyyət bunun niyə baş verdiyini çox gözəl anladı. Gürcüstan hakimiyyəti onlar üçün problemdir, çünki sanksiyalara qoşulmur, müharibəyə başlamır, müharibədə ikinci cəbhə açmır", - deyə o qeyd edib. Tbilisi meri əlavə edib ki, hakimiyyət namizəd statusu almaq üçün Gürcüstana təqdim edilmiş 12 tövsiyənin icrası üzərində diqqətlə işləyir.
1-05-2023, 12:00
İrana qarşı mübarizə aparmaq hamının borcudur - İsrail
İsrailin Baş naziri Benyamin Netanyahu hesab edir ki, İranın nüvə dövlətinə çevrilməsinin qarşısını almağın yeganə yolu real hərbi əməliyyatlardır. Hökumət başçısı bu barədə "CNN" telekanalına müsahibəsində danışıb. Baş nazir İsraili, ABŞ-ı və qonşu ərəb ölkələrini nəzərdə tutaraq, İrana qarşı mübarizə aparmağın hamının borcu olduğunu söyləyib: “Bu, bizim hamımızın borcudur”. “Müşahidələrimiz göstərir ki, bizim iqtisadi və siyasi səylərimiz İranın ilkin planlarını alt-üst edib",- deyə Netanyahu vurğulayıb.
1-05-2023, 11:30
Rusiyadan Ermənistana qazın nəqli dayandırıldı
Rusiyadan Ermənistana təbii qazın nəqli müvəqqəti olaraq dayandırılıb. Bu barədə “Gazprom Armenia” ASC-nin mətbuat xidməti məlumat yayıb. Şirkətdən verilən məlumata görə, bu, mayın 1-dən 4-dək “Şimali Qafqaz-Zaqafqaziya” magistral qaz kəmərində nəzərdə tutulan təmir işləri ilə əlaqədardır. Bildirilib ki, Ermənistanda istehlakçıların qaz təchizatı hazırda daxili ehtiyatlar hesabına həyata keçirilir.
1-05-2023, 11:00
Afrika hakimiyyətindən Rusiyaya xəbərdarlıq
Cənubi Afrika Respublikasının hakimiyyət orqanları Rusiya Federasiyasına qeyri-rəsmi xəbərdarlıq edib ki, prezident Vladimir Putin BRİKS sammiti üçün ölkəyə səfər edərsə, Beynəlxalq Cinayət Məhkəməsinin qərarı əsasında onu həbs edəcəklər. Bu barədə "The Sunday Times" nəşri məlumat yayıb. Nəşrin yazdığına görə, CAR hakimiyyəti Kremli səfər ideyasından imtina etməyə razı salmağa çalışır. Adları açıqlanmayan yüksək vəzifəli məmurlar qeyd ediblər ki, Pretoriya Moskva ilə danışıqlar aparır və Putinə videobağlantı vasitəsilə BRİKS sammitində iştirak etməyi təklif edib. "Bizim Putini həbs etməmək variantımız yoxdur. O, bura gələrsə, həbs etməli olacağıq", - CAR hakimiyyət nümayəndəsi bildirib.
1-05-2023, 10:30
İngiltərənin sabiq baş naziri dövlətə 15 min dollar ödəməlidir
Böyük Britaniyanın sabiq baş naziri Liz Trass dövlətə 15 min dollar ödəməlidir. Bu vəsait Trass vəzifədə olarkən "Chevening House"dan yoxa çıxan başmaq, qida, içkilər və digər şeylərə görə hesablanıb. Qanun layihəsinə əsasən, xərclərin onun siyasi fəaliyyəti ilə bağlı xərclər olmadığı təqdirdə Trass pulu ödəməli olacaq. Nəşr yazır ki, sabiq baş nazir yaxın çevrəsi ilə görüşlər üçün "Chevening House"dan istifadə edirdi və bu, tez-tez axşam əyləncələrinə çevrilirdi. Hələlik Trass xərcləri əsaslandırmağa müvəffəq olmayıb.
30-04-2023, 16:45
Çexiya prezidentindən ukraynalı həmkarına tərif dolu ifadələr
"O, daha az gülür, amma milləti necə xilas edəcəyini dəqiq bilir". Bunu Çexiya prezidenti Petr Pavel ukraynalı həmkarı Volodimir Zelenski haqqında deyib. "Zelenski balaca, amma böyük adamdır. O, çaşqın görünəndə belə, nə vaxt və necə edəcəyini dəqiq bilir. Zelenskinin əvvəlkindən qat-qat az güldüyünü fərq etdim. Onun gülümsəmək üçün çox səbəbi yoxdur. Həmkarıma və bütün ukraynalılara arzu edirəm ki, onlar yenidən gülümsəsinlər”, - Çexiya lideri bildirib. Peter Pavel Kiyev və Dneprdə olub, burada hərbçilərin və raket zərbələri qurbanlarının xatirəsini ehtiramla yad edib. O, Ukrayna ordusuna məxsus hərbi texnikanın üzərinə "Rusiya, evinə get!" ifadəsini yazıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!