3-02-2023, 16:42
Rusiya ilə NATO arasında müharibənin olmaması üçün səy göstərəcəyik - Şolts
Almaniya kansleri Olaf Şolts Ukraynadakı müharibədən danışıb. Marburqda keçirilən görüşdə o, müharibəni Rusiyanın hərbi ekspansiyası üçün çoxdan düşünülmüş plan adlandırıb. Kansler Berlinin Rusiya ilə NATO arasında müharibənin baş verməməsi üçün hər cür səy göstərəcəyini qeyd edərək, bunun dəhşətli hadisə olacağını vurğulayıb. Onun sözlərinə görə, Putin üçün Kiyev və Brüssel arasında aparılan danışıqlar ərazilərin zorla ələ keçirilməsi üçün sadəcə bəhanə olub.
2-02-2023, 20:24
Putin Ukraynaya tank verilməsinə münasibət bildirdi
Rusiya prezidenti Vladimir Putin Qərbin Ukraynaya tank tədarük etməsinə münasibət bildirib. Bu barədə o, Stalinqrad döyüşündə qələbənin ildönümü şərəfinə təşkil olunan konsertdə çıxışı zamanı danışıb. Putin 80 il əvvəl baş vermiş hadisələrlə paralellər aparıb, Rusiyanın yenidən alman tankları tərəfindən təhdid edildiyini deyib. “Avropa ölkələrini məsuliyyətsizcəsinə Rusiya ilə yeni müharibəyə cəlb edənlər, görünür, başa düşmürlər ki, Rusiya ilə müasir müharibə tamamilə fərqli olacaq. Biz onların sərhədlərinə tank göndərmirik, lakin zirehli texnika təhlükəsi yaranarsa, Rusiya təhdidlərə yalnız zirehli texnika ilə cavab verməyəcək”, - deyə Putin qeyd edib.
2-02-2023, 20:21
Avropa İttifaqı Ukraynaya yeddinci hərbi paketini hazırlayıb
Avropa İttifaqı (Aİ) Ukrayna Silahlı Qüvvələrinə yeddinci yardım paketini ayırıb. Bununla bağlı Aİ Şurası qərar qəbul edib. Qərara əsasən, Avropa Sülh Mexanizmi çərçivəsində Avropa İttifaqı Şurası Ukrayna Silahlı Qüvvələrinə 500 milyon avro dəyərində yeddinci yardım paketi qəbul edib. “Ukrayna öz ərazilərini və xalqını Rusiyanın işğalçı müharibəsindən qorumaq üçün lazım olan bütün hərbi texnika və təlimləri almalıdır. Onlar təkcə öz ölkələrini deyil, həm də ümumi dəyərlərimizi və beynəlxalq hüququn əsas prinsiplərini müdafiə edirlər. Bu gün yeni tədbirlər həlledici bir zamanda aydın mesaj verir: biz Ukraynaya lazım olduğu qədər və lazım olduğu müddətdə dəstəyimizi davam etdirəcəyik”, - Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell bildirib. Qeyd edək ki, yeddinci paketlə Aİ-nin Ukrayna üçün Avropa Sülh Mexanizmi çərçivəsində ümumi töhfəsi 3,6 milyard avroya çatacaq.
2-02-2023, 20:16
Avropa İttifaqı Rusiyaya yeni sanksiya tətbiq edəcək
Avropa İttifaqı (Aİ) Ukraynadakı müharibənin başlanmasının ildönümündə - fevralın 24-də Rusiyaya qarşı yeni sanksiyalar tətbiq edəcək. Bu barədə Avropa Komissiyasının rəhbəri Ursula fon der Leyen Kiyevə səfəri zamanı danışıb. “Biz və G7-dəki tərəfdaşlarımız Rusiyanın neft məhsullarına qiymət həddi tətbiq edəcəyik və işğalın başlanmasından düz bir il sonra - fevralın 24-dək biz 10-cu sanksiyalar paketini qüvvəyə mindirməyi hədəfləyirik”, - fon der Leyen deyib. Avropa Şurasının rəhbəri Şarl Mişel yanvar ayında bildirmişdi ki, Aİ Rusiyaya qarşı yeni sanksiyaların müzakirəsinə davam edir. Avropa Parlamenti bu gün, fevralın 2-də “Lukoyl” və “Rosatom”un Aİ-dən çıxarılmasını və Rusiyadan uran idxalının dayandırılmasını tələb edən qətnamə qəbul edib.
2-02-2023, 20:10
İsveçrə də İstanbuldakı konsulluğunu bağladı
İsveçrənin Türkiyənin İstanbul şəhərində yerləşən baş konsulluğu fəaliyyətini dayandırıb. Bu barədə "Euronews" məlumat yayıb. Buna səbəb kimi terror təhlükəsi göstərilib. Qeyd edək ki, bundan əvvəl Almaniya, Niderland, Böyük Britaniya və Fransa da eyni səbəbi əsas gətirərək İstanbuldakı konsulluqlarını bağlayıblar. Türkiyənin daxili işlər naziri Süleyman Soylu bu addımı psixoloji savaş adlandırıb.
2-02-2023, 19:49
Zelenski Avropa Komissiyasının prezidentiylə olan görüşündən yazdı
Ukrayna prezidenti Volodimir Zelenski Avropa Komissiyasının prezidenti Ursula fon der Leyenlə görüşüb. Zelenski bu barədə facebook səhifəsində məlumat verib. "Ukraynada çox önəmli iki Avrointeqrasiya gününə başlayırıq. Kiyevdəki ortaq razılaşmalarımızın və qərarlarımızın bütün Avropanın güclənməsi mənasına gələcəyi vaxtlardan söhbət gedir", - deyə Zelenski yazıb.
2-02-2023, 19:26
Fransa konsulluğu İstanbuldakı fəaliyyətini dayandırdı
Fransanın İstanbuldakı Baş Konsulluğu işləri dayandırıb. Bu, oxşar addım atan beşinci ölkədir. Türkiyənin daxili işlər naziri Süleyman Soylu cümə axşamı ABŞ-ın terror aktları təhlükəsi ilə bağlı bəyanatları fonunda bir sıra Avropa ölkələrinin İstanbuldakı konsulluqlarını bağlamasını ölkəyə qarşı “psixoloji müharibə” adlandırıb. "Fransanın İstanbuldakı Baş Konsulluğu 2 fevral və 3 fevral tarixlərində ictimaiyyət üçün bağlıdır. İnzibati məsələlərlə bağlı bizimlə elektron poçtla əlaqə saxlaya bilərsiniz", - konsulluq bəyan edib. Bundan əvvəl İsveç, Niderland, Böyük Britaniya və Almaniyanın İstanbuldakı baş konsulluqları şəhərin mərkəzində terror aktları təhlükəsi səbəbindən ziyarətçilərin qəbulunu dayandırdıqlarını bildirib. ABŞ səfirliyi bazar ertəsi öz vətəndaşlarına İstanbulun mərkəzində terror aktları təhlükəsi barədə xəbərdarlıq edib. Hədəflərin İstanbuldakı kilsələr, sinaqoqlar, diplomatik nümayəndəliklər və ya əcnəbilər arasında məşhur olan digər yerlər, xüsusən də İstanbulun Beyoğlu, Qalata, Taksim, İstiqlal küçəsi olduğu bildirilib.
2-02-2023, 19:21
Hulusi Akar Zəngəzur dəhlizindən danışdı
Türkiyənin milli müdafiə naziri Hulusi Akar Zəngəzur dəhlizi haqqında danışıb. O, Qarsda keçirilən "Qış-2023" təlimlərinin son günündə çıxış edərkən bu mövzuya toxunub. "Zəngəzur dəhlizinin açılması hamıya faydalı olacaq. Dəhlizin açılması bölgədə stabilliyin və sülhün təmin olunmasına kömək edər", - deyə Akar söyləyib. Nazir, həmçinin Ukraynadakı müharibədən danışıb və Türkiyənin savaşın başa çatması üçün əlindən gələni etdiyini, böhranın qarşısını almağa çalışdığını qeyd edib: "Bu günə qədər taxıl dəhlizi vasitəsilə 19 milyon tondan artıq taxıl nəql olunub".
2-02-2023, 19:13
Kadırova “Xalqın atası” titulunun verilməsi təklif edildi
Çeçenistan parlamenti respublikanın konstitusiyasına dəyişiklik edilməsini nəzərdə tutan qanun layihəsi hazırlayıb. Qanun layihəsində Çeçenistanın başçısı Ramzan Kadırova “Xalqın atası” titulunun verilməsi təklif edilib. Qanun layihəsinin təşəbbüskarları 20 deputat, o cümlədən respublika parlamentinin sədri Maqomed Daudovdur. Ramzan Kadırov 2010-cu ildə “prezident” titulundan imtina etmiş və Rusiya subyektlərindəki həmkarlarını ondan nümunə götürməyə çağırmışdı.
2-02-2023, 16:58
Ukraynayla yanaşı Moldova da Saakaşvilinin müdafiəsinə qalxdı
Ukrayna və Moldova Gürcüstanın həbsdə olan sabiq prezidenti Mixail Saakaşvili ilə bağlı tələb irəli sürüb. Ukrayna XİN-in feysbuk səhifəsində, habelə Moldova prezidenti Maya Sandunun tviter səhifəsində tələblə bağlı paylaşım edilib. "Ukrayna Xarici İşlər Nazirliyi Gürcüstanda dəmir barmaqlıqlar arxasında saxlanılan Ukrayna vətəndaşı Mixail Saakaşviliyə qarşı qeyri-insani rəftara kəskin etirazını bildirir. Biz Gürcüstan hakimiyyətini Mixail Saakaşviliyə qarşı sui-istifadəni dərhal dayandırmağa və onu Ukraynaya təhvil verməyə çağırırıq. Siyasi qisas üçün insanın həyatı ilə oynamayın. Biz həmçinin xarici ölkələrə və beynəlxalq təşkilatlara müraciət edirik ki, Gürcüstan hakimiyyətinin siyasi repressiyaları nəticəsində həyatı təhlükədə olan Ukrayna vətəndaşını, Gürcüstanın keçmiş prezidentini açıq şəkildə müdafiə etsinlər", - Ukrayna XİN-in paylaşımında deyilir. "Mixail Saakaşvilinin fiziki vəziyyəti son dərəcə narahatedici və kritikdir. Müxalifət liderinin işgəncə ilə öldürülməsi Avropa Birliyinə üzv olmaq istəyən bir ölkə üçün qəbuledilməzdir. Saakaşvili dərhal buraxılmalı və müalicə üçün xaricə göndərilməlidir", - deyə Maya Sandu tviter səhifəsində yazıb. Qeyd edək ki, 2021-ci ilin oktyabrından bəri həbsdə olan Saakaşvili dəfələrlə aclıq aksiyası keçirib. Onun səhhətində ağır problemlər var.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!