Borçalıdan hər kəsi salamlayıram. Avqustun 3-də keçirilən "Borçalı türklərinin Elat mədəniyyəti günü" festivalı yüksək səviyyədə keçdi. Dünyanın çox yerindən qonaqlarımız vardı. Səhnə yüksək səviyyədə düzənlənmişdi. Qara zurnada "Çoban bayatı" ilə başlanan səhnə dəyərli dostumuz Rüfət Muradlının və Güllü xanımın aparıcılığı ilə başladı. Çıxış üçün ilk söz cəmiyyətin sədri Zəlimxan Məmmədliyə verildi. Sonra Türkiyədən, Güney Azərbaycandan və Quzey Azərbaycandan gələn qonaqlar ruh yüksəkliyilə, məmnunluqla çıxış etdilər, tədbiri yüksək səviyyədə dəstəklədiyini bildirdilər. Qars və Bursa Bələdiyyə başqanlarının çıxışı diqqətçəkən oldu. Türkiyəli ozanların, Güneyli aşıqların, yerli aşıq və müğənnilərin, rəqs qruplarının çıxışları zövq oxşayırdı. Armudlu yaylağında iynə atsan yerə düşməzdi. Əsas olan budur ki, insanlar Elat bayramının mahiyyətini daha çox anlamaqda, ona dəstək verməkdədirlər. Gəldiyim qənaətə görə Elat bayramında 50 mindən yuxarı iştirakçı vardı. BAYRAMINIZ MÜBARƏK, ƏZİZ DOSTLAR! Başımızın üzərində dalğalanan Azərbaycan, Gürcüstan və Türkiyə bayraqlarının birliyi, dostluğu, yenilməzliyi əbədi olsun!