HƏQİQƏTİ DEMƏYƏ LAL, GÖRMƏYƏ KOR, BÖHTAN ATMAĞA PƏRGAR PANFARSİST
Özünü bölgə məsələləıri üzrə ekspert kimi qələmə verən Məhəmməd Rza Forqanı adlı birisi Azərbaycan-Ermənistan münasibəti ilə bağlı məsələlərdə ağına-bozuna baxmadan ancaq Azərbaycan əleyhinə böhtan və iftira dolu müsahibə verməklə gündəmə gəlib.
17 noyabr 2021/26 aban 1400-cü il tarixində bu başabəla ekspert Ermənistanın Azərbaycana qarşı son hərbi təxribatlarını “şərh” edərkən Ermənistana qardaş gözü ilə baxıb, onun halına acıyıb timsah yaşları axıdıb, Azərbaycanı günahlandırmağa cəsarət göstərib. Bir sıra iranlı “alim” və analitiklər İranın həqiqi alim və bilikli analitiklər tayfasının adına qara ləkə olduqlarını nümayiş etdirirlər. Onlar savadsız bir tayfa ilə danışdıqlarını güman edərək hər nə qədər yalan-palan bilirlərsə tamaşaçılara və dinləyicilərə sırıyıb onlarda Azərbaycan əleyhinə əhval-ruhiyyə yaratmağa çalışırlar. Belə “analitik”lərin sözləri və şərhlərinə yəqin ki, nəinki samballı alim və təhlilçilər, hətta az-çox sağlam düşüncəyə sahib olan şəxslər də istehza ilə yanaşarlar.
Soruşan olar ki, bu başabəla, panfarsist “ekspert” nə deyib?
İran ictimai rəyində Azərbaycana qarşı düşmənçiliyi qızışdıran sözügedən analitik deyir ki, Ermənistan Azərbaycan ərazisinin bir hissəsini işğal etmişdi. Sonra Azərbaycan öz Silahlı Qüvvələrini gücləndirərək müharibəyə “başladı” və bu ərazilərin bir hissəsini geri aldı. Ekspert çox sakit şəkildə Azərbaycanı Vətən müharibəsini başlamaqda ittiham edir.
Ekspertin Erməni qardaşlarına canıyananlığının səbəbi bundan sonra daha geniş şəkildə məlum olur. Demə, Azərbaycan öz ərazi bütövlüyünü təmin etmək üçün özünü Ermənistan ərazisinin DİGƏR HİSSƏLƏRİNİ İŞĞAL etməyə haqlı bilir. Yaşam prinsiplərindən biri xəbis niyyətlərini gizlətmək olan panfarsistlərin "Ermənstanın ərazisinin digər hissəsi" deyəndə artıq xəbis və alçaqlıqla yoğrulmuş böhtan və iftira dediyini gizlədə bilmir. "Digər hissə" deyəndə bu etikalı yırtıcı panfarsist Azərbaycanın azad etdiyi əraziləri də Ermənistan ərazisi hesab edir. Belə böhtan əsasında qurulan məntiq ancaq Azərbaycana qarşı düşmənçiliklə yoğrulmuş panfarsistlərdə olar.
Panfarsist analitik bütün sadə həqiqətləri unudaraq Azərbaycanı Ermənistanın Azərbaycanı Naxçıvandan ayıran ərazisini işğal etmək məqsədi olmasında ittiham edir. Məlum olduğu kimi, hətta Azərbaycanı belə niyyəti olduğunda ittiham etmək heç ermənilərin özlərinin ağıllarına gəlməmişdir. Bu panfarsist analitik isə öz şərhlərində ermənilərin dərdinə onlardan daha çox yandığını qardaşlarına nümayiş etdirməkdən yorulmaq bilmir.
Başabəla analitik öz fobiyası və anti-Azərbaycan mövqeyindən çıxış edərək bəyan edir ki, Azərbaycan qanuni tarixi və humanist standartların əleyhinə gedib Ermənistanın DİGƏR bölgələrinə göz tikməməlidir və indiki coğrafi vəziyyətin regionun geopolitik dəyişikliyinə gətirib çıxarmamasını qəbul etməlidir.
İranda panfarsist dairələr kor yapalaq kimi 44 günlük Vətən müharibəsinin sonlarına yaxın regionun geopolitik vəziyyətinin dəyişə biləcəyindən danışırlar. Onlar İranın obyektiv analitiklərinin müharibədən sonra regionda heç bir geosiyasi dəyişikliklərin baş vermədiyi və verməyəcəyi haqqında əsaslandırılmş fikirlərinə əhəmiyyət vermirlər. Buna baxmayaraq panfarsist dairələr İran əhalisini Azərbaycan təhlükəsi ilə qorxutmaqda davam edərək anti-Azərbaycan əhval-ruhiyyəsini qızışdırmaqda davam edirlər.
Ermənilərin bu panfarsist qardaşı alimcəsinə bəyan edir ki, geopolitik dəyişiklikləri nə Ermənistan, nə onun qonşuları (nədənsə İran demir), nə də beynəlxalq ictimaiyyət qəbul etməz.
Yalan və həyasızlığın həddi-hüdudu olmurmuş. Bu alçaq yazır ki, Azərbaycan öz ərazilərinin bir hissəsini geri almaqla kifayətlənməyib Ermənistan ərazisinə daha çox təcavüz etmək istəyir.
Maraqlıdır ki, Azərbaycan Ermənistan ərazisinə nə vaxt təcavüz etmişdi ki, indi genişləndirmək istəyir.
Analitik xəbis xislətini büruzə verərək proqnoz verir ki, atəşkəs davamlı olmayacaq. Halbu ki, proqnoz tamamilə digər əsaslara dayanmalı idi. Ermənistanın beynəlxalq hüquq tərəfindən tanınan sərhədlərə hörmət etməsi, ərazi bütövlüyünü tanıması nəinki davamlı atəşkəsin, həmçnin daimi sülhün qarantı olardı.
Erməni Forqani Azərbaycanın düşməni oduğunu gizlətməyə belə ehtiyac duymur, böhtan və iftiralarını genişləndirir. O deyir ki, son hərbi toqquşma Azərbaycanın təcavüzü nəticəsində baş vermişdir.
Bu erməni-fars qarışığı həyasızlığın zirvəsinə qalxaraq oradan ermənilərə bəyan edir ki, bu hücumlar üçün Azərbaycanın heç bir qanuni hüquqi və əxlaqi əsası yox idi.
Hadisələri panfarsist mövqeyindən, yəni həyasızcasına yalanlar, iftira və böhtanlar əsasında şərh edən analitikin hədyanları haqqında fikir söyləmək tamamilə yersizdir. Çünki onun kəm ağlı haqlı iradları eşitməyə və kor gözü həqiqəti görməyə öyrənməyib. Onun kimilər dünyanı oduğu kimi deyil, görmək istədikləri kimi görürlər. Bu cəhətdən panfarsistlər ilə ermənilər arasında heç bir fərq yoxdur. Onlar dünyaya onlara qarşı intriqalar toxuyan düşmən kimi baxırlar. Ermənistanda digər xalqlar olmadığından qonşulara düşmən kimi baxdıqları halda, panfarsistlər İran xalqlarına və ilk növbədə Cənubi azərbaycanlılara düşmən kimi baxırlar. Hər yerdə düşmən görən və özlərini düşmənləri vasitəsi ilə təsdiq etməyə çalışan panfarsistlər və faşist ermənilərin yeri tarixin zibilliyidir.
Eyni zamanda daha bir panfarsist təşəbbüsə diqqəti cəlb etmək lazımdır.
Belə ki, bu yaxınlarda İran Xarici işlər naziri Azərbaycan Xarici işlər naziri ilə onlayn görüşdən sonra bildirmişdi ki, tərəflər ictimai rəyi və kütləvi informasiya vasitələrinin fəaliyyətini idarə etmək, ona nəzarət etmək üçün Birgə komitə yaratmaq barədə razılığa gəliblər. Az sonra İranın Bakıdakı səfiri həmin məsələni Azərbaycan XİN sözçüsü ilə müzakirə etdikləri haqqında məlumat vermişdi.
Razılaşma və müzakirənin təfərrüatı bizə məlum olmasa da, güman etmək olar ki, söhbət kütləvi informasiya vasitələrində və mətbu məkanda ölkələrin bir-birinə qarşı təhrikedici informasiyanın yayılmamasına nəzarət etməkdən getmişdir.
Elə həmin xoşməramlı danışıqlardan sonra da İranın İslam birliyinə informasiya dəstəyi göstərmək missiyasını öhdəsinə götürmüş “tasnim” saytında ermənidən daha artıq erməni olmaq istəyən farsın Azərbaycana qarşı yalan, iftira və böhtanlarla dolu bu müsahibəsi yer almışdır. Həmin müsahibə ilə tanış olan sıravi azərbaycanlıda farsların təbiətcə yalançı, böhtançı, iftiraçı olması və islam birliyinin düşməni olması haqqında təsəvvür yaranır.
Panfarsistdən heç kim islam birliyini möhkəmlətmək, İran və Azərbaycan arasında mehriban qonşuluq münasibətlərini gücləndirməyə dəstək göstərməyi tələb etmir. Sıravi vətəndaş isə analitikdir, nə zibildir, ondan hadisələrə düzgün və ya obyektiv yanaşmağı gözləyir.
Belə bir gözlənti qeyri-real görünsə də, bir məsələni təkcə bu yaramaz panfarsistin deyil, bütün fars ziyalılarının və onların quyruğunda sülənən paniranistlərin yadına salmaqda fayda var.
Məlum olduğu kimi, Ermənistan Azərbaycana qarşı xarici havadarlarının, o cümlədən İranın panfarsist dairələrinin dəstəyi ilə Azərbaycana hərbi təcavüz edərək onun ərazisinin 20%-ni işğal edib 30 ilə yaxın bir müddətdə öz işğalı altında saxlamışdı. Həmin 30 il ərzində İranda nəinki hər hansı panfarsist, həm də hər hansı bir siyasətçi, ziyalı, ruhani Ermənistanı təcavüzkar adlandırmadı.
Amma panfarsist alçaq sərhəddə faşist və revanşist ermənilərin geniş miqyaslı hərbi təxribatına qarşı Azərbaycanın hərbi əməliyyatını təcavüz adlandırır. Panfarsistlər, paniranistlərin xəbis xislətini bildiyimiz üçün deyə bilərik ki, İranda Azərbaycanı təcavüzkar kimi qələmə vermək bu yaramazın xüsusi fikri olaraq qalmayacaq və dini ekspansionizm siyasəti yeridən dairələr tərəfindən təkrar və sərf etdiyi zaman geniş təbliğ ediləcəkdir.
Azərbaycanı təcavüzkar kimi qələmə vermək ermənilərlə həmrəylik nümayiş etdirmək məqsədindən daha çox, İran əhalisində Azərbaycan Respublikasına və Cənubi Azərbaycanda milli kimlik və milli varlıq uğrunda mübarizə aparan milli qüvvələrə qarşı düşmənçilik əhval-ruhiyyəsi yaradıb qızışdırmağa yönəlibdir.
Məhz buna görə 30 il həqiqəti - Ermənistanın Azərbaycana qarşı təcavüzkar siyasət yeritdiyini guya görməyən və dilə gətirməyən İranda Azərbaycanın haqlı, qanuni, suverenlik və ərazi bütövlüyünün təmin edilməsinə yönəlmiş addımlarının təcavüz hesab edilməsi heç də təəccüblü deyil. Hələ ki, panfarsistin bunu deməsi də istisna hal hesab edilə bilməz. Ardı gələcək...
Bizdən DİQQƏT, EHTİYAT VƏ HAZIR OLMAQ tələb olunur.

“Qarşıdan gələn müddətdə şəhərlərimizi yeni texnologiyalar və yenilikçi yanaşmalar istifadə edərək “Ağıllı şəhər”lərə çevirməliyik”.

Bu sözləri Türkiyə Prezidenti Rəcəb Tayyib Ərdoğan İstanbulda Türkdilli Dövlətlərin Əməkdaşlıq Şurasının (Türk Şurası) dövlət başçılarının VIII Zirvə Toplantısında çıxışı zamanı bildirib.

“Yaşıl böyümələrə yönələn ortaq layihələrə birgə imza atmalıyıq. “Ağıllı şəhər” sahəsində işğaldan azad edilən Zəngilanda başladılan işlər təqdirəlayiqdir”, - deyə o vurğulayıb.

Butov.az

Azərbaycan Respublikasının müdafiə naziri general-polkovnik Zakir Həsənov və Türkiyə Respublikasının milli müdafiə naziri Hulusi Akarın Heydər Əliyev Mərkəzində birgə mətbuat konfransı keçirilib.

Bu barədə Azərbaycanın Müdafiə Nazirliyinin Mətbuat Xidməti məlumat yayıb.

Bildirilib ki, konfransda media nümayəndələrinin sualları cavablandırıldıqdan sonra hər iki ölkənin müdafiə nazirləri bəyanatla çıxış ediblər.

Müdafiə naziri general-polkovnik Z.Həsənov Vətən müharibəsində Türkiyənin həm siyasi, həm də mənəvi dəstəyinə görə qardaş ölkəyə təşəkkürünü bildirib. Müzəffər Ali Baş Komandanın rəhbərliyi ilə Azərbaycan Ordusunun 44 günlük müharibədə yüksək peşəkarlıq nümayiş etdirdiyi diqqətə çatdırılıb.

Nazir Türkiyə Silahlı Qüvvələri ilə keçirilən birgə təlimlərdən danışaraq, bundan sonra da bu istiqamətdə işlərin davam etdiriləcəyini qeyd edib. Müdafiə naziri Zəfər Gününü bizimlə birgə qeyd etmək üçün ölkəmizə təşrif buyuran türkiyəli həmkarına və onun rəhbərlik etdiyi nümayəndə heyətinə öz təşəkkürünü bildirib.

Türkiyənin milli müdafiə naziri H.Akar hər iki ölkənin ortaq tarixinin olduğunu bildirərək qardaşlığımızın əbədi davam etdiriləcəyini xüsusi vurğulayıb. Azərbaycanın istənilən probleminin həll olunması istiqamətində Türkiyənin bütün imkanlarını səfərbər etməyə hər zaman hazır olduğu diqqətə çatdırılıb. Milli Müdafiə naziri ölkələrimiz arasında mövcud dostluq və qardaşlıq münasibətlərinin daha da inkişaf etdiriləcəyinə əmin olduğunu bildirib.



Butov.az

İRANDA AZƏRBAYCAN DİLİNİN ARDINCA CƏNUBİ AZƏRBAYCAN ELİTASI DA SƏHNƏDƏN UZAQLAŞDIRILIR
26 xordad 1400/16 iyun 2021-ci il tarixində Təbrizdə seçiciərlə görüşündə “Azərbaycan bir kəlam, Rəisi vəssalam!!!” şüarı hayqıran tərəfdarlarından dəstək alan, 28 xordad 1400/18 iyun 2021-ci il tarixində prezident seçilən və 14 mordad 1400/5 avqust 2021-ci il tarixində and içərək fəaliyyətə başlayan yeni 13-cü İran prezidenti ayətulla dr. İbrahim Rəisinin Cənubi Azərbaycana və azərbaycanlılara ilk “hədiyyəsi” Qərbi və Şərqi Azərbaycan ostanlarına (əyalətlərinə) təyin etdiyi kürd ostandarlar (valilər) oldu.
Cənubi Azərbaycan İranda sonuncu prezident seçkilərindən sonra tarixin ən ziddiyyətli mərhələsinə qədəm qoymişdur. İslam rejimi ilk günlərdən Pəhləvi rejiminin zorakı assimilyasia və millətçi şovinist siyasətini davam etdirərək Azərbaycan dilini ictimai həyatın bütün sahələrindən sıxışdırıb çıxarmağa, Azərbaycan xalqına qarşı etnosid/etnik kimliyi və linqvosid/etnik dili məhvetmə sahəsində əsaslı uğur qazanmağa paralel olaraq azərbaycanlıları hakimiyyətin bütün qollarından sıxışdırıb kənarlaşdırmaq siyasətini də davam etdirmişdir. 1978-1979-cu illər inqilabın gedişində və İran-İraq müharibəsi zamanı azərbaycanlıların xidmətindən müxtəlif sahələrdə və səviyyələrdə, ilk növbədə döyüş cəbhəsində geniş şəkildə istifadə edən rejim müharibədən sonra meydana gələn nisbi təhlükəsizlik şəraitində ruhanilikdən/dindarlıqdan/islamçılıqdan şovinistliyə, millətçiliyə, panfarsizmə keçidi sürətləndirdikcə və ya farslaşdıqca əsas rəqibləri olan azərbaycanlıları hakimiyyətdə iştirakdan kənarlaşdırmağa əsasən nail olmuşdu. Belə ki, İran-İraq müharibəsindən bu günə kimi keçən zaman ərzində üç hakimiyyət qolundan heç birinə azərbaycanlı başçılıq etməmişdir. Ölkə əhalisinin 30-40%-ni təşkil edən azərbaycanlılar hakimiyyətdə bir-iki nazir və ostandarla təmsil olunurdular. Yeni seçilmiş 13-cü prezident İbrahim Rəisi zahirən ruhani, lakin mahiyyətcə qatı fars şovinisti olmaqla azərbaycanlıları icra hakimiyyətinə buraxmamağı qərara alıb. O, azərbaycanlıları nə nazirlər, nə də prezidentin çoxsaylı müavinləri arasında görmək istəmədi. Özünün bu qərarına qarşı heç bir müqavimətlə rastlaşmayan prezident bir qədər də qabağa gedərək, Qərbi və Şərqi Azərbaycan əyalətlərinə kürd ostandarlar/valilər təyin etdi.
Əslində azərbaycanlıların gəlmə ostandarlara münasibətini hələ əvvəllər də yoxlamışdılar. Belə ki, istənilən şəxsi Azərbaycan vilayətlərinə ostandar təyin edirdilər. Azərbaycanı parçalamaq məqsədi ilə hələ 1993-cü ildə o vaxtkı Şərqi Azərbaycan ostanından Ərdəbil şəhristanını ayıraraq onun əsasında yeni yaradılan Ərdəbil ostanına heç kimə tanış olmayan, amma Rəhbərin etibarlı adamlarından olan sepahçı M.Əhmədinejad ostandar təyin edilmişdi.
Bir ənənə olaraq Qərbi və Şərqi Azərbaycan ostanlarına azərbaycanlı ostandarlar təyin edilirdi. Lakin 2017-ci ildə prezident Həsən Ruhani Qərbi Azərbaycana Xorasndan gətirdiyi bir kürdü ostandar təyin etdi. Qərbi Azərbaycandan olan deputatların bəzilərinin etiraz etməsinə heç bir dəstək olmadığından təyinat dəyişmədi. İndi də Qərbi Azərbaycana kürd ostanı olan Kermanşahdan ostandar təyin edilməsi heç bir etirazla qarşılaşmadı. Bunu nəzərə alan İbrahim Rəisi Şərqi Azərbaycana da kürd ostandar təyin etdi və həmin təyinata qarşı da heç bir etiraz özünü göstərmədi. Daxili işlər naziri təqdimat mərasimində bildirdi ki, əyalət valisi/ostanın ostandarı onun prezidentidir və bütün idarə başçıları onun rəyi ilə təyin ediləcək.
Beləliklə, Cənubi azərbaycanlılar nəinki öz dili, milli kimliyi, mərkəzi, o cümlədən icra hakimiyyətində iştirakdan, eləcə də həmin hakimiyyətə başçılıq edən prezidentin əyalətlərdə əsas nümayəndəsi olan ostandar vəzifəsindən də məhrum edildilər. Bunula da azərbaycanlıların hakimiyyətin əsas mərkəzi və yerli səviyyələrindən uzaqlaşdırılması başa çatmış oldu. İndi azərbaycanlılar nəinki etnik/milli və mədəni hüquqlardan məhrum edilmiş xalq, eyni zamanda da xaraktersiz, marginallaşmış elitası siyasi cəhətdən ayrı-seçkiliyə uğrayan məhkum bir xalq kimi təsbit edilmiş oldu.
Qeyd etmək lazımdır ki, azərbaycanlılar mərkəzi hakimiyyətin zorakı assimilyasiya siyasəti həyata keçirməyə başladığı XX əsrin 30-cu illərindən bu yana hələ belə acınacaqlı duruma düşməmişdilər. Belə ki, istər Rza şahın, istərsə də Məhəmməd Rza şahın hakimiyyəti illərində azərbaycan etnosuna qarşı etno və linqvosid məhvetmə siyasəti həyata keçirilərkən, azərbaycanlı elita hakimiyyətin bütün qollarında geniş şəkildə təmsil olunurdu. O zaman belə fikirləşilirdi ki, Cənubi Azərbaycan elitası özünün dar siyasi, iqtisadi maraqlarını təmin etmək üçün öz xalqının, etnik birliyinin, öz millətinin əsas, köklü maraqlarını – bir xalq kimi mövcud olma maraqlarını qurban veridrdi. Hazırki vəziyyətdə isə elita nəinki milli maraqları qurban verir, hətta özünün dar siyasi, iqtisadi maraqlarını təmin etməyə belə qadir deyil. Yəni artıq hakim millətçi fars rejimi azərbaycanlı elitanın belini tamamilə sındırmışdır.
Bu arada Cənubi Azərbaycanın son yüz ildə düşdüyü vəziyyətə haqq qazandıran manqurt, zahirən azərbaycanlı adlandırılan “azəri” ziyalıların “xidmətini” də unutmaq omaz.
Məlum olduğu kimi, həmin azsaylı ziyalılar qeyd edilən dövrün başlanmasından əvvəl antimilli fəaliyyətə başlamış və özlərinin bu yöndə fəaliyyətlərinə də azərbacanlı elitanın maraqlarının təmin edilməsinin vacibliyi ilə haqq qazandırmağa çalımışlar. Belə manqurt ziyalıların sayı istər Pəhləvi və istərsə mollakratiya rejiminin səyi və “qayğısı” ilə daim artıış və son illərdə mütəşəkkil/institusional forma kəsb etmişdir. Manqurtluq/milli satqınlıq və xəyanət yolu tutmuş ziyalıların sistemdən asılı vəziyyətini nəzərə alaraq onların halına acımaq və qismən başa düşmək olar. Lakin onların Şimali Azərbaycanda dindarların hüququnu müdafiəyə qalxması, artıq onların rəzaləti və şərəfsizliyindən xəbər verir. Onlar özlərinin kölə vəziyyətindən narazılıq və narahatlıq ifadə etmək əvəzinə, dünyəvi dövlətdə tam dini azadlıq şəraitində yaşayan dindarların hüquqlarını müdafiəyə qalxdıqda kölə vəziyyətlərini bir daha təsdiqləmiş olurlar. Məşhur siyasi bir xadim demişdir ki, kölə vəziyyətindən narazı olan kölə əsil insandır, ona acımaq lazımdır, lakin köləliyi ilə fəxr edən, köləlikdən ötrü ağzının suyu axan kölə isə ən yaramaz, ən şərəfsiz və hər cür lənətə layiq olan kölədir ki, kölədir. İndi Cənubi Azərbaycanda belə kölələrin tam bir nəsli yetişmiş və onlar köləlikləri ilə fəxr etməklə kifayətlənməyərək azad insanlara da köləlik ruhu təlqin etməyə çalışırlar.
Bunlar doğrudan da köləliyi ilə fəxr edən “ziyalılar”dır. Əlbəttə, bunlar dırnaqarası ziyalılardır. Çünki ziyalı hüququ pozulan, iqtisadi, ictimai vəziyyəti ağır olan xalqın, etnosun, sosial təbəqənin, ayrı-ayrı fərdlərin, yəni başqalarının həqiqi maraqlarına təmənnasız xidmət edən insanlardır. Dar mənada ziya sözündən çıxış edilərsə, ziyalı hadisə və proseslərə elm və obyektivlik, həmçinin yüksək əxlaqi-mənəvi dəyərlər işığında baxa bilən, düzü düz, əyrini əyri görən və gördüklərini olduğu kimi göstərən insandır. Ona görə Cənubi Azərbaycanda mövcud olan və öz xalqının maraqlarının əleyhinə xidmət etməkdə dəridən-qabıqdan çıxan “ziyalılar”ı əsl və könülü kölə adlandırmaq olar. Çünki onlar öz xalqının varlığı uğrunda mübarizə aparmağa qadir deyillərsə, heç olmasa, onun varlığına qarşı mübarizə aprmağa can atmayıb başqa bir işlə məşğul ola bilərlər. Onların şüurlu şəkildə öz köləliyinə haqq qazandırmaları və öz kölə vəziyyətləri ilə fəxr etmələri, eyni zamanda azad və müstəqil ölkənin azad və müstəqil insanlarını da özləri kimi kölə görmək istəmələri və köləlik buxovları geyməyə təşviq etmələri isə artıq ən böyük MƏNƏVİYYATSIZLIQ, ƏXLAQSIZLIQ VƏ RƏZALƏTDİR.

Vidadi Mustafa,
Bakı, 26 oktyabr 2021

“Kontakt Home” mağazalar şəbəkəsinin fəaliyyəti ilə bağlı illərdir ən ciddi narazılıqlar sosial şəbəkələrdə yayılır. Bu mağazalar şəbəkəsinin xidmətlərindən istifadə edənlər köhnə, artıq istifadə olunmuş məhsulların (telefon, noutbuk, məişət texnikası və s.) təmir edilərək, yeni adıyla satılmasından, yaxud zəmanət verdikləri məhsullara yiyə çıxmamasından, kreditləşmə zamanı pozuntulardan daim şikayətçidirlər.

Azərbaycanda “Kontakt Home” qədər ən sərt şəkildə narazılıq edilən və tənqid olunan şəbəkə yoxdur. Quql axtarış sistemindən istifadə etməklə, bu mağazalar yarıtmaz fəaliyyəti haqda tam təsəvvür əldə etmək mümkündür.

“Kontakt Home” son günlər “kredit fırıldağı” ilə gündəmə gəlib. İddia edilir ki, kredit vaxtı çatan vətəndaşa “sistem maneəsi” yaradılır, onun şifrəsi dəyişdirilir və borcluya bu haqda məlumat verilmir. Nəticədə kreditin vaxtında ödənilməsinə maneə yaradılmaqla, əlavə faiz ödənilməsi üçün zəmin hazırlanır.

Dünyada istənilən normal qurum, biznes, xüsusilə satış fəaliyyəti həyata keçirən əxlaqlı şirkət dərhal araşdırma aparmalı, prosesi incəliyinə qədər aydınlaşdırmalı və ictimaiyyətə doğru-dürüst bilgi verməli idi. Çünki bu, şirkətin nüfuzuna ciddi şəkildə zərbə vurur.

Ancaq “Kontakt Home” ittiham və bu ittihamları təsdiqləyən faktlarla bağlı “ənənəsinə” sadiq qalaraq, heç bir açıqlama yaymadı.

Şirkətin qeyri-rəsmi rəhbəri olan millət vəkili Elnur Allahverdiyevin şəxsi əlaqələri və vəzifəsinin ona verdiyi üstünlüklər səbəbindən mağazalar şəbəkəsi ictimai və rəsmi qurumların yoxlamasından da kənarda qalır, proses davam edir, mağazalar şəbəkəsinin yeni “mərkəzləri” açılır, reklam olunur və daha kimlərsə, xəbərsizlər tora salınır.

Amma əlbəttə ki, mağazalar şəbəkəsi haqda səsləndirilən tənqidlər öz bəhrəsini verməyə bilməz və bunu qurumun rəhbərləri də bilirlər. Buna görə də artıq yeni fəaliyyət növü tapıblar. Məsələn, troll şəbəkəsi.

Ötən gün tarixçi alim, dosent Zaur Əliyevin paylaşdığı və medianın tirajladığı məsələ ilə bağlı da trollarını aktivləşdiriblər. “Prosta Neftcalali” nikli bir sürü troll bu məlumatlara qarşı öz düşüncələrinə görə kampaniya aparıb, “Kontakt Home”un “nüfuzunu” qorumağa çalışır. Qondarma profillərdən “Kontakt Home” təriflənir, tənqidləri səsləndirənlər ən ağır sözlərlə təhqir edilir.

Bu şərhləri yazanların başında məhz millət vəkilinin özünün dayandığını ehtimal etmək üçün xeyli şübhələr də var. Bir insanın hansısa mağazadan şikayətinə digəri niyə söyüş, təhqir və alçaldıcı ifadələrlə cavab verib, “Kontakt Home”un müdafiəsinə qalxmalıdır? Demək, söyüş səviyyəsinə qədər “canıyanan” olmaq lazımdır, bu isə şübhələri millət vəkilinin və yaxın ətrafının üzərinə daşıyır.

“Kontakt Home”ni müdafiə edib, təhqirlər yağdıranların profillərinə göz atanda hər şey üzə çıxır: saxta foto, saxta imza, aylarla paylaşım edilməyən səhifələr, bir sözlə, feyk, trol…

Əgər Elnur Allahverdiyevə kimlərsə bu saxta profillərlə onun və şirkətinin nüfuzunu qoruduğunu deyirsə, yalan deyir və millət vəkilini ələ salır. Çünki indi virtualda olanların əksəriyyəti çox yaxşı bilir troll nədir, hansı profillər feykdir, onların arxasında kim və necə dayanır.

Millət vəkili əmin ola bilər ki, bu saxta niklərin arxasında durub, tənqidçiləri və ittihamçıları təhqir edən şəbəkə yalnız “Kontakt Home”a və onun sahibinə nifrət qazandırır, onun “işgüzar nüfuzunu” bu cür qorumağa girişənlər rəhbərlərini yalnız baltalayırlar. Çünki millət vəkilinin trollar saxladığı, narazı insanlara qarşı ən ağır söyüşlərdən istifadə etdiyi, əhalinin yanında olmaq əvəzinə onların şikayətini bu cür əxlaqdankənar söyüşlərlə geri çevirdiyi haqda təsəvvürlər yaranır.

Hər bir halda bunun qayğısına millət vəkili özü qalmalıdır. Günlərin birində bu təhqirlərin əvəzini o trollar yox, E.Allahverdiyev özü verməli olacaq. (AXAR.AZ)

Bütöv.az

2019-cu ilin fevralın 5-də Ağsu, İsmayıllı və Şamaxı rayonlarında baş vermiş zəlzələnin nəticələrinin aradan qaldırılması işləri hələ də davam edir. İlkin açıqlamalarda episentri İsmayıllı və Ağsu rayonlarının ərazisində olan zəlzələ nəticəsində Ağsu, İsmayıllı və Şamaxı rayonlarında 748 yaşayış evinin qəzalı vəziyyətə düşdüyü, yüzlərlə yaşayış evinə, eləcə də sosial və infrastruktur obyektlərinə müxtəlif dərəcədə ziyan dəydiyi bildirilirdi. Sonradan bu siyahıya minlərlə bərpaya ehtiyac evlər də daxil edilmişdi.

Zəlzələdən dərhal sonra, nəticələrinin aradan qaldırılması məqsədi ilə Prezident İlham Əliyev sərəncamla Fövqəladə Hallar Nazirliyinə 7 fevral 2019-cu ildə iki milyon manat, 7 mart 2019-cu ildə isə beş milyon manat vəsait ayırdı. Bundan əlavə zəlzələnin baş verdiyi rayon İcra Hakimiyyətlərinə də bir neçə dəfə milyonlarla manat dövlət vəsaiti ayrdı. Bəs necə oldu ki, hələlik tam sayı bəlli olmayan qəzalı evlərin təmir bərpa işləri hələ də davam etdirilir. Yəni iki il yeddi ay ərzində bu işlər nə üçün başa çatdırılmadı?

Şamaxı rayonunun Saqiyan kənd sakini Natiq Sadıqov aktualinfo.org-a etdiyi müraciətində bildirir ki, 2020-ci ilin oktyabr- noyabr aylarında kənddə qəzalı vəziyyətdə olan bir evin təmir bərpa işlərində çalışıb. Üç nəfərlə evin beton- karkas işlərindən tutmuş hörgüsünü və suvaq işlərini də bir ay ərzzində gecə-gündüz çalışaraq təhvil verdiyini deyən şikayətçi bunun müqabilində üç nəfərə cəmi 350 manat əmək haqqı verildiyini bildirir. Natiq Sadıqov deyir ki, dövlət sifarişini yerinə yetirən “Mahal” MMC-nin rəhbərliyinə dəfələrlə müraciət etmələrinə baxmayaraq, gəlib başa çatdırdığınız tikintini ölçüb bizim əmək haqqımızı vermir, hər gün bir bəhanə ilə bizi süründürürlər.

Şikayətçi Natiq Sadıqovun dediklərindən də göründüyü kimi “MAHAL ŞİRKƏTLƏR QRUPU” Məhdud Məsuliyyətli Cəmiyyəti ötən ildən Fövqəladə Hallar Nazirliyinin sifarişləri əsasında Şamaxı rayonunda zəlzələnin nəticələrinin aradan qaldırılması işlərinə cəlb olunub, onlarla evlərin təmir, bərpasını həyata keçirib. Apardığımız araşdırmalar nəticəsində məlum oldu ki, bu işlərin görülməsi üçün heç bir tender keçirilməyib. Bunun üçün nə qədər vəsait ayrılıb heç bir məlumat əldə edə bilmədik. Onu öyrənə bildik ki, ötən il dövlət sifarişi həyata keçirmiş MMC bu il, iyul ayında yaranıb.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “MAHAL ŞİRKƏTLƏR QRUPU” Məhdud Məsuliyyətli Cəmiyyətinin 16.07.2021-ci il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 100 manat olan MMC-nin hüquqi ünvanının BAKI ŞƏHƏRİ NƏSİMİ RAYONU, ƏNVƏR QASIMZADƏ, ev 72, m. 10, qanuni təmsilçisi kimi isə Rəhimov Elvin Adil oğlu qeyd olunub.

Qeyd edək ki, “MAHAL ŞİRKƏTLƏR QRUPU” -nun hüquqi ünvanında “MAHAL” Mənzil-Tikinti Kooperativi də 27.05.2016-cı ildə dövlət qeydiyyatına alınıb. Qanuni təmsilçisi isə Rəhimov İlqar Vəlyəddin oğludur.

Elvin Rəhimov kimdir? Aldığımız məlumatlara görə atası uzun illər Heydər Əliyev adına neft emalı zavodunda direktorun 1-ci müavini işləyib. Prezident İlham Əliyevin sərəncamı ilə 2011-ci ildə”Şöhrət” ordeni ilə təltif edilib. Neft sənayesi sahəsində səmərəli fəaliyyətinə görə 2014-cü 2019-cu illərdə Azərbaycan Respublikası Prezidentinin fərdi təqaüdünü alıb. Əldə etdiyimiz məlumatlra görə Adil Rəhimov şəxsi əlaqələri və nüfuzu sayəsində tikinti sahəsində geniş biznes şəbəkəsi qurub ki, başında da oğlu Elvin Rəhimov dayanır.

Şikayətçi Natiq Sadıqovun əmək haqqının nə üçun verilmədiyi ilə bağlı “Mahal Şirkətlər Qrupu”nun qanuni təmsilçisi, Elvin Rəhimovla telefon danışığımız zamanı MMC rəhbəri onun heç kimə borcu olmadığını, hamının pulunu verdiyi bildirdi. Əlavə etdi ki, pulunu gedib subpodratçıdan alsın. Onun bizə subpodratçı kimi təqdim etdiyi Sahib adlı şəxs isə bizə bildirdi ki, “mən subpodratçı deyiləm, briqadirəm. Subpodratçı Elvin Rəhimovun əmisi oğlu Şükrandır, gətirib məni burada zibilə salıb.

Göründüyü kimi burada iki nəfərin sözü üst-üstə düşmür. Bəlli olan odur ki, Fövqəladə Hallar Nazirliyi heç bir tender keçirmədən, heç bir maddi-texniki bazası olmayan bir MMC ilə qəzalı vəziyyətdə olan evlərin təmir bərpa işlərini həyata keçirmək üçün müqavilə bağlayıb. Heç bir maddi-texniki bazası olmayan “Mahal” MMC-nin rəhbəri isə işləri yenə də heç bir maddi-texniki bazası olmayan başqa şirkətə, subpodratçı kimi əmisi oğluna tapşırıb. Əmioğlu Şükran isə işə briqadir kimi Sahibi cəlb edir. Sahib isə müzdlu işçilərdən briqada təşkil edərək ücüz işçi qüvvəsi ilə təmir bərpa işlərini həyata keçirir. Ortada olan pullar necə olur?

Əldə etdiyimiz məlumatlara görə Elvin Rəhimovun rəhbərlik etdiyi MMC Bakı şəhərində hündürmərtəbəli evlər tikir. Şamaxı şəlzələsinin aradan qaldırılması işlərinə heç bir tenderdə iştirak etmədən, qalib gəlmədən cəlb olunması onun Fövqəladə Hallar Nazirliyinin rəsmilərinə bağlı biri olduğunu təsdiq edir. Qeyd edək ki, Elvin Rəhimovun rəhbəri olduğu “Mahal” MMC-nin gördüyü işlərdən təkcə Natıq Sadıqov deyil. Burada aylarla çalışaraq maaşlarını almayan yüzlərlə şikayətçilər var ki, Elvin Rəhimov onları həftədən-həftəyə aldadaraq pullarını vermir. Bəhanəsi isə o olur ki, Fövqəladə Hallar Nazirliyi pul vermir. Amma əslində isə FHN pul verir. Pulları sadəcə Elvin Rəhimov təyinatı üzrə xərcləmir ki, bu da zəlzələnin fəsadlarını aradan qaldırmağa çalışan, əmək haqqlarını ala bilməyən işçilər arasında vəlvələ yaradıb. Hamı Elvin Rəhimovun onların pulunu verməyəcəyindən çox narahatdır. Əldə etdiyimiz məlumatlara görə hazırda onlarla qəzalı evlər sükülub, lakin pul çatışmamazlığından işlər yarımçıq qalıb. Bəs dövlətin Fövqəladə Hallar Nazirliyinə bu məqsədlərlə ayırdığı milyonlarla vəsait hara xərclənib?

Ayrılan dövlət vəsaitinin müəyyən faizi müqavilə bağlanılan şəxsin, yəni Elvin Rəhimovun əli ilə Fövqəladə Hallar Nazirliyinin rəsmilərinə qaytarılır. MMC rəhbəri öz payını da götürdükdən sonra işi əmisi oğlu Şükrana həvalə edib ki, onun da qazancı olsun. Əmioğlu da öz payını götürdükdən sonra işi muzdla çalışan briqadalara tapşırır. Onlara verilmiş cüzi pullarla isə işləri başa çatdırmaq mümkün olmur. Nəticədə isə dövlətə hərtərəfli maddi ziyan vurulur. Həm ayrılan vəsaitin müəyyən hissəsi ortadan çıxarılır, həm də dövlətə heç bir vergi və sosial ödəmə verilmir. Əziyyəti çəkən fəhlələrə isə qəpik-quruş çatır ki, onu da vaxında vermirlər,çox vaxt arxasına keçirlər. Bütün bunlardan isə Fövqəladə Hallar naziri Kəmaləddin Heydərovun xəbərinin olub, olmaması sual altındadır.

Onu qeyd etməyi unutduq. Əldə etdiyimiz məlumatlara görə MMC rəhbərliyi təmir bərpaya ehtiyacı olan hər evin sahibindən də pul alırmış. Evin böyüklüyündən və kiçikliyindən asılı olaraq.Araşdırmalarımızı davam etdirirk və zamanı gələndə Şamaxı rayonunun Saqiyan kəndində, evləri təmir olan sakinlərin hər birindən nə qədər pul alındığını da açıqlayacağıq.

Butov.az