Sabiq nazirlə general həbsdə, Fazil Məmmədov isə rahatca biznesini idarə edir .....                        Ərdoğan Qətərə səfər edəcək .....                        Helikopter qəzasında həlak olan sərhədçilərə şəhid statusu verilib .....                        Bakıda Azərbaycan və Türkiyə hərbi pilotlarının birgə təlim uçuşları icra olunub – VİDEO .....                        Pentaqon hesab edir ki, Rusiya və Ukrayna ilə bağlı vəziyyətə görə ABŞ və NATO-nun maraqları risk altındadır .....                        Ərdoğanın baş məsləhətçisi koronavirusdan öldü .....                        “Pensiya ilə yanaşı, müavinətlər də artacaq” .....                        Vilayət Vəliyev haqqında DAHA BİR İDDİA... .....                        Azərbaycanın hərbi qulluqçusu həlak oldu .....                       
3-12-2021, 15:32
Rəşad Tağıyevin Şəmkir sərgüzəştləri...

"Şəmkir rayonu üçün 2021 ci il kifayət qədər maraqlı, yaddaqalan, tarixi bir il oldu desək yanılmarıq. 2014 cü ildən bu yana Alimpaşa Məmmədovun Şəmkir rayonuna rəhbərlik etdiyi dövrdə baş verən ictimai, siyasi, sosial, iqtisadi proseslər hər kəs üçün artıq bəllidir. Sosial şəbəkələr fenomeninə çevrilməyi bacarmış Alimpaşa Məmmədovun həbsi Şəmkir insanları üçün gözlənilməz olduğunu demək olmaz".

Bu barədə DİA.AZ-a göndərilən məqalədə deyilir.
Məqalədə daha sonra bildirilir: "Buna səbəb isə Alimpaşa Məmmədovun ətrafına topladığı bacarıqsız, savadsız kadrlar idi. Siyasi prosesləri yaxından izləyən şəxslər üçün aydın idi ki, belə idarəetmə üsulu ilə çox uzağa yox, ancaq DTX nın istintaq təcridxanasına getmək olardı. Belə də oldu.... Şəmkir rayonu üçün 2021 ci ildə ən yaddaqalan hadisələrdən biri isə Rəşad Ənvər oğlu Tağıyevin Şəmkir rayonuna başçı təyin olunması idi. Prezident İlham Əliyevin videoqəbul zamanı verdiyi tapşırıqları, tövsiyyələri hər kəs diqqətlə izlədi. Rəşad Tağıyevin gənc olması, hüquqşünas olması, gənc yaşlarınadək yüksək vəzifələrdə işləməsi, kadr işinin təşkili sahəsində ixtisaslaşması insanlarda böyük ruh yük yüksəkliyi yaratdı. BƏS RƏŞAD TAĞIYEV NƏ EDİR ?!

Təyin olunduğu gündən Alimpaşa Məmmədovun dövründə meydan sulamış insanlarla yaxından ünsiyyətə girməsi, onların təklifləri ilə kadr seçimi aparması ümidləri puça çıxarmaqdadır. Və uzun müddətdir sadə Şəmkir vətəndaşının gözlədiyi an gəldi. Rəşad Tağıyev Şəmkir Kommunal Müəssisələr Kombinatının rəisi, 2 dəfə barəsində Korrupsiyaya qarşı mübarizə baş idarəsi tərəfindən əməliyyat keçirilmiş, sonradan naməlum səbəblərdən bu işdən yaxasını qurtarmış Teymur Hacıyevin azad olunma xəbəri yayıldı. ƏN MARAQLISI DA BUNDAN SONRA BAŞLADI ....

Rəşad Tağıyev bu vəzifəyə ümumiyyətlə Şəmkirlə heç bir əlaqəsi olmayan Alişan Yusibov adlı şəxsi təyin etdi. Niyə deyirik ən maraqlısı ?! Çünki Kommunal Müəssisələr Kombinatı Şəhər İcra Nümayəndəliyinin tabeliyində fəaliyyət göstərən adi bir qurumdur. Bu qurumu bu qədər maraqlı edən isə orada olan külli miqdarda dövlət vəsaitidir. Şəmkir rayonu böyük iqtisadi imkanlara malik rayon olduğunu, dövlət büdcəsindən bu istiqamətə iri maliyyə ayrıldığını artıq hər kəs bilir. Rəşad Tağıyevin özünün, şəxsən gedib KMK inzibati binasında yeni rəisi təqdim etməsi, ardınca isə Teymur Hacıyevi Şəmkir rayon İcra Hakimiyyətində işlə təmin etməsi, bu işə olan marağı bir az da artırdı. Bu həmin Teymur Hacıyevdir ki, 90 cı illərdə 1 ci Qarabağ şavaşında “neqodniy” hərbi bilet alaraq, ordudan yayınmışdır. Və bu gün bu qədər korrupsiya ittihamı ilə rayon icra hakimiyyətində, dövlət qulluğunda işlə təmin olunur. MARAQLI DEYİLMİ ?! MARAQLIDIR !

Alişan Yusibovun Şəmkirdə elə maraqlı bir vəzifəyə təyinat alması artıq maraq doğurmaqdadır. Belə ki, KMK rəisi vəzifəsinin əməkhaqqısı ən çoxu 340 azn ola bilər. Bakıdan gəlib Şəmkirdə bu maaşa işləməyi kim və ya nə vadar edib Alişan Yusibovu ?! Digər maraqlı məqam isə, 220 mindən artıq əhalisi olan, ali təhsilli insanların işsizlikdən əziyyət çəkdiyi məqamda, bu təyinatın baş verməsi bir çox şübhəli məqamlar yaratmaqdadır. Təbii ki, Alişan Yusibovun fəaliyyətini bütün Şəmkir insanları görəcək, qiymətləndirəcək. Bəri başdan təbrik edirik, fəaliyyətində uğurlar arzu edirik. Təbii ki, zaman hər şeyi sübut edəcək... Əldə etdiyimiz digər məlumatlara görə, icra hakimiyyətində daha 2 kadr təyinatı olub. Bir qız, bir oğlan şöbələrə məsləhətçi təyin olunub. Hansı keyfiyyətlərinə görə təyinat almaları barədə araşdırmalarımız başa çatandan sonra məlumat verəcəyik".

Ümumi şöbənin müdiri Elgün Seyidovun bu təyinatlarda nə kimi “canfəşanlıq” etməsi növbəti yazımızda. Bizi izləməyə davam edin...

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Bütöv.az
3-12-2021, 08:27
21 Azər hərəkatının 76-cı ildönümü

12 dekabr tarixinin xalqımız üçün tarixi və ideoliji əhəmiyyəti böyükdür. Həmin gün Güney Azərbaycan Milli Hökumətinin təşkil edilməsi və elə bir ildən sonra həmin gün süquta uğramasıdır.
İndi milli azadlıq uğrunda mübarizə tariximizin qızıl səhifələrindən olan 21 Azər Hərəkatına qara yaxan bədxahlar deyirlər ki, guya bu kommunistlərin siyasi oyunu idi. Fərqi yoxdur kim nə deyir desin. 21 Azər Hərəkatı İranda əsrlərlə mövcud olmuş Azərbaycan dövlətçiliyinin 10 milyonlarla türk toplumunun öz müqəddəratını təyin etməsinin bərpası idi. Geney Azərbaycan Milli Hökumətinin bir illik mövcudluğu xalqa azadlığın və müstəqilliyin necə müqəddəs olmasını sübut etdi.
12 dekabr 1945-ci ildə, Təbriz şəhərində xalqın əzmi ilə Azərbaycan Milli Hökuməti quruldu. Daha cox “21 Azər” Hərəkatı kimi tarixə düşən bu günün əhəmiyyəti çox böyükdür. Seyid Cəfər Pişəvərinin başçılığı ilə qurulan bu hökumət İran şahının 25 ildə görmədiklərini bir ildə etdi.
AMEA-nın Nizami adına Ədəbiyyat İnstitutu Cənubi Azərbaycan Ədəbiyyatı şöbəsinin professoru Vüqar Əhməd S.C. Pişəvərinin həyatı, mühiti və yaradıcılığı" adlı monoqrafiyasında Milli Mübarizə tariximizin ən parlaq simalarından biri olan Pişəvərinin xalqının Milli Mübarizə yolunda fəaliyyəti geniş təhlil olunub.

Ümumiyyətlə, 21 Azər hərəkatının tarixi missiyasi təkcə Azərbaycan üçün yox, eləcə də Şərq aləmi üçün örnək ola biləcək hadisədir. Bu 21 Azər ona görə adlanır ki, İran təqvimi ilə bu hərəkat 21 Azər ayında, 12 dekabrda baş verib.
Milli Hökümət xalqın dəstəyilə mühüm işlər görüb. Belə ki, 19 yanvar 1946-cı ildə Azərbaycan İncəsənət və Rəssamlıq Məktəbinin, 23 mart 1946-ci ildə Dövlət Teatrının , 4 iyul 1946-ci ildə Azərbaycan Radioverilişləri Agentliyinin, 6 iyun 1946-ci ildə Təbriz Dövlət Universitetinin, eləcə də xeyli sayda orta ümumtəhsil məktəblərin açılması, milli teatrın və mili filarmoniyanın yaradılması, milli kitabxanaların istifadəyə verilməsi, yolların çəkilməsi və s. kimi işləri Seyid Cəfər Pişəvərinin başçılıq etdiyi Milli Hökümət reallaşdırdı.
1946-cı ilin sentyabrından – yeni tədris ilindən başlayaraq, bütün məktəblərdə dərslər ana dilində – Azərbaycan türkcəsində aparılmalı idi və bu işin uğurla həyata keçirilməsi Milli hökümətin mədəni islahatları içərisində önəmli yerlərdən birini tuturdu.
21 Azər hərakatı İran Pəhləvi şah rejiminin assimilyasiya siyasətinə qarşı çıxmaq və Azərbaycan milli kimliyini təsdiq etmək məqsədi daşıyırdı. Azərbaycan dilinin yüksək tutulmasına əsaslanan mədəni dəyişikliklər prosesi hətta 1945-ci ilin noyabrından qabaq başlamışdı. Lakin öz rəsmi xarakterini 1946-cı ilin yanvarın 6-da “Dil haqqında Milli Hökümətin Qərarı” ilə aldı. Bu sənəd elan etdi ki, “bu gündən etibarən Azərbaycanda rəsmi dil türk dilidir”. Bu vaxtadək türk dili artıq bir çox məktəblərdə tədris olunurdu və ana dili dərsliklərinin sürətli nəşrinə başlanılmışdı. Qərarın qəbul edilməsi isə bu prosesin tez bir zamanda uğurlu nəticələr verməsinə səbəb oldu.
Güney Azərbaycan Milli Höküməti dövründə aparılan mədəni islahatların mühüm bir qanadını ana dilli mətbu orqanların nəşr edilməsi idi. 1945-1946-cı illərdə Güney Azərbaycanda müxtəlif mətbuat orqanları – “Vətən yolunda”, “Azərbaycan”, “Fəryad”, “Azad millət”, “Qələbə”, “Yeni Şərq”, “Maarif”, “Demokrat”, “Fəlahət” (Təbriz), “Cövdət” (Ərdəbil), “Urmiyyə”, “Qızıl əsgər” (Urmiyə), “Vətən” (Miyana) qəzet, jurnal və məcmuələr nəşr olunmuş, bu mətbuatın səhifələrində ölkənin ictimai-siyasi və ədəbi-kulturoloji həyatı təcəssümünü tapmışdı.
Milli Hökümət sosial və iqtisadi dəyişiklikləri həyata keçirmək məqsədilə bir sıra ciddi islahatlara da başladı. Bu sırada torpaqların kəndlilərə paylanılması, şəhərlərdə və kənd yerlərində xəstəxanaların açılması, yolların çəkilməsi, kənd təsərrüfatının inkişaf etdirilməsi, işsizliyin aradan qaldırılması və s. kimi mühüm məsələlər vardı.
1950-ci ildə Güney Azərbaycana səfər edən amerikalı hüquqşünas Uilyam Duqlas yerli camaatın Milli Hökümətin və onun rəhbəri Seyid Cəfər Pişəvərinin xidmətləri kimi xatırlatdığı dəyişiklik və islahatların siyahısını tərtib etmişdi.
1. Azərbaycan Milli Höküməti torpaq islahatını həyata keçirdi;
2. Hökümət iri bankları milliləşdirdi;
3. Sosial proqramın həyata keçirilməsinə başlanıldı, işsizlər işlə təmin olundu;
4. Güney Azərbaycan Milli Ordusu yaradıldı və sairə.
Azərbaycan Milli Hökümətinin fəaliyyət göstərdiyi bir il ərzində həyata keçirmiş olduğu ən mühüm islahatları əsas etibarilə üç kateqoriyaya bölmək mümkündür.

1) Siyasi islahatlar;
2) Mədəni islahatlar;
3) Sosial-iqtisadi islahatlar.

Güney Azərbaycan Milli Hökuməti bizə Azərbaycan Xalq Cümhuriyyəti qədər əzizdir. AXC necə süquta uğradıldısa, AMH də eləcə süquta uğradıldı. AXC qurucusu “Bir kərə ucalan bayraq bir daha enməz”, - dedi. Pişəvəri də deyib ki, Milli Hökumət bir həqiqətdir onu heç kəs dana bilməz. Hökumət süquta uğradıldıqdan sonra dövlət qurucularının bir çoxu Bakıya pənah gətirdilər. Xalq şairi Balaş Azəroğlu, Söhrab Tahir, Əli Tudə, Qulam Yəhya, Lətif Hüseynzadə və başqaları uzun illər Bakıda yaşayıb yaratdılar.
Azərbaycan Radiosunun Cənubi Azərbaycan redaksiyasına rəhbərlik edən Lətif Hüseynzadə də Milli Hökumətin gənclər təşkilatının fəallarından olmuşdur. O dövrün ictimai-siyasi, mədəni həyatını əks etdirən məqalələr yazırdı. “Azərbaycan müəllimi” qəzetində “Cənubdan səslər” rubrikası var idi. Orada Lətif Hüseyn-zadənin “Diqqət, Danışır Təbriz Radiosu!” adlı məqaləsi çap olunmuşdur. Məqalə əsasən Təbriz Radiosu və onun sədr müavini Balaş Azəroğlunun fəaliyyətinə həsr olunmuşdur. Artıq o illər tarixə qovuşmuşdur. Bu günlərdə B.Azəroğlunun 100 yaşı tamam oldu. Böyük şəxsiyyətləri gərək il dönümlərində yox, hər zaman yad edək.

Mehman Şəmistanoğlu
27-11-2021, 14:24
İsfahanda dinc etirazçılara qarşı qanlı repressiyalar davam edir

Əkinçilərin və onlara dəstək verən on minlərlə şəhər əhalisinin susuzluğa və hökumətin Zayəndərud çayının qurudulmasına biganə qalmasına qarşı dinc etirazları repressiv rejim qüvvələri tərəfindən qana boyanıb.
Sosial şəbəkələrdə yayılan məlumatlara əsasən, dünən səhər saatlarından Zayəndərud çayının yanındakı Xacu körpüsü ətrafında toplaşan on minlərlə əkinçinin dinc etirazları hökumətin silahlı və əli dəyənəkli qüvvələrinin hücumuna məruz qalıb.
Polis, “Bəsic” və mülki geyimli təhlükəsizlik qüvvələri əkinçilərin dinc etirazının qarşısını almaq üçün misli görünməmiş vəhşilik və qəddarlıq nümayiş edərək, yaşından asılı olamaraq zəhmətkeş əkinçiləri vəhşicəsinə döyüblər.
Lakin onların müqavimətini görən hökumət qüvvələri odlu silahdan dinc etirazçılara atəş açıblar. Atəş nəticəsində çoxlu əkinçi polisin atdığı saçma güllələrdən ağır bədən xəsarəti alıblar.
Hökumət qüvvələrinin vəhşiliyini görən əkinçilər və onlara dəstək verən İsfahan əhalisi bu dəfə birbaşa İran lideri axund ƏLi Xamneyiyə və molla rejiminə qarşı şüarlar səsləndiriblər.
Bildirilir ki, “Xamneyiyə ölüm”, “Diktarora ölüm”, “Bu boyda millət qoşunu rəhbərlə döyüşməyə gəlib”, “Ey qeyrətli isfahanlı bizə dəstək ver”, “Həmvətən ayağa qalx İran Fələstinə dönüb”, “Zayəndərud çayının suyu qaytarılmayana qədər evlərimizə qayıtmayacağıq” və bu kimi şüarlar səsləndirən etirazçılar, hökumətdən zəhmətkeş əkinçilərə odlu silahlardan atəş açmaq əvəzinə onların problemlərini həll etməsini tələb ediblər.
Yayılan məlumata əsasən, əkinçilərin dinc etirazları axşam saatlarına qədər davam edib, polis qüvvələrinin dəyənəkli hücumuna məruz qalan bir çox etirazçı başından aldığı dəyənək zərbəsi nəticəsində qana boyanıb.
Etirazlarda ən azı 120 əkinçinin həbs edilərək naməlum istiqamətə aparıldığı bildirilir.
Məlumatda həmçinin vurğulanır ki, dünən səhərdan axşama qədər dinc etirazçılara qarşı qanlı repressiyalar davam etdiyi müddətdə İsfahanda və bir sıra digər bölgələrdə internet xətləri rejim tərəfindən kəsilib.
Hazırda İsfahanda vəziyyətin çox gərgin olduğu qeyd edilir.
20-11-2021, 14:32
Vidadi Mustafa yazır: HƏQİQƏTİ DEMƏYƏ LAL, GÖRMƏYƏ KOR, BÖHTAN ATMAĞA PƏRGAR PANFARSİST

Vidadi Mustafa

HƏQİQƏTİ DEMƏYƏ LAL, GÖRMƏYƏ KOR, BÖHTAN ATMAĞA PƏRGAR PANFARSİST
Özünü bölgə məsələləıri üzrə ekspert kimi qələmə verən Məhəmməd Rza Forqanı adlı birisi Azərbaycan-Ermənistan münasibəti ilə bağlı məsələlərdə ağına-bozuna baxmadan ancaq Azərbaycan əleyhinə böhtan və iftira dolu müsahibə verməklə gündəmə gəlib.
17 noyabr 2021/26 aban 1400-cü il tarixində bu başabəla ekspert Ermənistanın Azərbaycana qarşı son hərbi təxribatlarını “şərh” edərkən Ermənistana qardaş gözü ilə baxıb, onun halına acıyıb timsah yaşları axıdıb, Azərbaycanı günahlandırmağa cəsarət göstərib. Bir sıra iranlı “alim” və analitiklər İranın həqiqi alim və bilikli analitiklər tayfasının adına qara ləkə olduqlarını nümayiş etdirirlər. Onlar savadsız bir tayfa ilə danışdıqlarını güman edərək hər nə qədər yalan-palan bilirlərsə tamaşaçılara və dinləyicilərə sırıyıb onlarda Azərbaycan əleyhinə əhval-ruhiyyə yaratmağa çalışırlar. Belə “analitik”lərin sözləri və şərhlərinə yəqin ki, nəinki samballı alim və təhlilçilər, hətta az-çox sağlam düşüncəyə sahib olan şəxslər də istehza ilə yanaşarlar.
Soruşan olar ki, bu başabəla, panfarsist “ekspert” nə deyib?
İran ictimai rəyində Azərbaycana qarşı düşmənçiliyi qızışdıran sözügedən analitik deyir ki, Ermənistan Azərbaycan ərazisinin bir hissəsini işğal etmişdi. Sonra Azərbaycan öz Silahlı Qüvvələrini gücləndirərək müharibəyə “başladı” və bu ərazilərin bir hissəsini geri aldı. Ekspert çox sakit şəkildə Azərbaycanı Vətən müharibəsini başlamaqda ittiham edir.
Ekspertin Erməni qardaşlarına canıyananlığının səbəbi bundan sonra daha geniş şəkildə məlum olur. Demə, Azərbaycan öz ərazi bütövlüyünü təmin etmək üçün özünü Ermənistan ərazisinin DİGƏR HİSSƏLƏRİNİ İŞĞAL etməyə haqlı bilir. Yaşam prinsiplərindən biri xəbis niyyətlərini gizlətmək olan panfarsistlərin "Ermənstanın ərazisinin digər hissəsi" deyəndə artıq xəbis və alçaqlıqla yoğrulmuş böhtan və iftira dediyini gizlədə bilmir. "Digər hissə" deyəndə bu etikalı yırtıcı panfarsist Azərbaycanın azad etdiyi əraziləri də Ermənistan ərazisi hesab edir. Belə böhtan əsasında qurulan məntiq ancaq Azərbaycana qarşı düşmənçiliklə yoğrulmuş panfarsistlərdə olar.
Panfarsist analitik bütün sadə həqiqətləri unudaraq Azərbaycanı Ermənistanın Azərbaycanı Naxçıvandan ayıran ərazisini işğal etmək məqsədi olmasında ittiham edir. Məlum olduğu kimi, hətta Azərbaycanı belə niyyəti olduğunda ittiham etmək heç ermənilərin özlərinin ağıllarına gəlməmişdir. Bu panfarsist analitik isə öz şərhlərində ermənilərin dərdinə onlardan daha çox yandığını qardaşlarına nümayiş etdirməkdən yorulmaq bilmir.
Başabəla analitik öz fobiyası və anti-Azərbaycan mövqeyindən çıxış edərək bəyan edir ki, Azərbaycan qanuni tarixi və humanist standartların əleyhinə gedib Ermənistanın DİGƏR bölgələrinə göz tikməməlidir və indiki coğrafi vəziyyətin regionun geopolitik dəyişikliyinə gətirib çıxarmamasını qəbul etməlidir.
İranda panfarsist dairələr kor yapalaq kimi 44 günlük Vətən müharibəsinin sonlarına yaxın regionun geopolitik vəziyyətinin dəyişə biləcəyindən danışırlar. Onlar İranın obyektiv analitiklərinin müharibədən sonra regionda heç bir geosiyasi dəyişikliklərin baş vermədiyi və verməyəcəyi haqqında əsaslandırılmş fikirlərinə əhəmiyyət vermirlər. Buna baxmayaraq panfarsist dairələr İran əhalisini Azərbaycan təhlükəsi ilə qorxutmaqda davam edərək anti-Azərbaycan əhval-ruhiyyəsini qızışdırmaqda davam edirlər.
Ermənilərin bu panfarsist qardaşı alimcəsinə bəyan edir ki, geopolitik dəyişiklikləri nə Ermənistan, nə onun qonşuları (nədənsə İran demir), nə də beynəlxalq ictimaiyyət qəbul etməz.
Yalan və həyasızlığın həddi-hüdudu olmurmuş. Bu alçaq yazır ki, Azərbaycan öz ərazilərinin bir hissəsini geri almaqla kifayətlənməyib Ermənistan ərazisinə daha çox təcavüz etmək istəyir.
Maraqlıdır ki, Azərbaycan Ermənistan ərazisinə nə vaxt təcavüz etmişdi ki, indi genişləndirmək istəyir.
Analitik xəbis xislətini büruzə verərək proqnoz verir ki, atəşkəs davamlı olmayacaq. Halbu ki, proqnoz tamamilə digər əsaslara dayanmalı idi. Ermənistanın beynəlxalq hüquq tərəfindən tanınan sərhədlərə hörmət etməsi, ərazi bütövlüyünü tanıması nəinki davamlı atəşkəsin, həmçnin daimi sülhün qarantı olardı.
Erməni Forqani Azərbaycanın düşməni oduğunu gizlətməyə belə ehtiyac duymur, böhtan və iftiralarını genişləndirir. O deyir ki, son hərbi toqquşma Azərbaycanın təcavüzü nəticəsində baş vermişdir.
Bu erməni-fars qarışığı həyasızlığın zirvəsinə qalxaraq oradan ermənilərə bəyan edir ki, bu hücumlar üçün Azərbaycanın heç bir qanuni hüquqi və əxlaqi əsası yox idi.
Hadisələri panfarsist mövqeyindən, yəni həyasızcasına yalanlar, iftira və böhtanlar əsasında şərh edən analitikin hədyanları haqqında fikir söyləmək tamamilə yersizdir. Çünki onun kəm ağlı haqlı iradları eşitməyə və kor gözü həqiqəti görməyə öyrənməyib. Onun kimilər dünyanı oduğu kimi deyil, görmək istədikləri kimi görürlər. Bu cəhətdən panfarsistlər ilə ermənilər arasında heç bir fərq yoxdur. Onlar dünyaya onlara qarşı intriqalar toxuyan düşmən kimi baxırlar. Ermənistanda digər xalqlar olmadığından qonşulara düşmən kimi baxdıqları halda, panfarsistlər İran xalqlarına və ilk növbədə Cənubi azərbaycanlılara düşmən kimi baxırlar. Hər yerdə düşmən görən və özlərini düşmənləri vasitəsi ilə təsdiq etməyə çalışan panfarsistlər və faşist ermənilərin yeri tarixin zibilliyidir.
Eyni zamanda daha bir panfarsist təşəbbüsə diqqəti cəlb etmək lazımdır.
Belə ki, bu yaxınlarda İran Xarici işlər naziri Azərbaycan Xarici işlər naziri ilə onlayn görüşdən sonra bildirmişdi ki, tərəflər ictimai rəyi və kütləvi informasiya vasitələrinin fəaliyyətini idarə etmək, ona nəzarət etmək üçün Birgə komitə yaratmaq barədə razılığa gəliblər. Az sonra İranın Bakıdakı səfiri həmin məsələni Azərbaycan XİN sözçüsü ilə müzakirə etdikləri haqqında məlumat vermişdi.
Razılaşma və müzakirənin təfərrüatı bizə məlum olmasa da, güman etmək olar ki, söhbət kütləvi informasiya vasitələrində və mətbu məkanda ölkələrin bir-birinə qarşı təhrikedici informasiyanın yayılmamasına nəzarət etməkdən getmişdir.
Elə həmin xoşməramlı danışıqlardan sonra da İranın İslam birliyinə informasiya dəstəyi göstərmək missiyasını öhdəsinə götürmüş “tasnim” saytında ermənidən daha artıq erməni olmaq istəyən farsın Azərbaycana qarşı yalan, iftira və böhtanlarla dolu bu müsahibəsi yer almışdır. Həmin müsahibə ilə tanış olan sıravi azərbaycanlıda farsların təbiətcə yalançı, böhtançı, iftiraçı olması və islam birliyinin düşməni olması haqqında təsəvvür yaranır.
Panfarsistdən heç kim islam birliyini möhkəmlətmək, İran və Azərbaycan arasında mehriban qonşuluq münasibətlərini gücləndirməyə dəstək göstərməyi tələb etmir. Sıravi vətəndaş isə analitikdir, nə zibildir, ondan hadisələrə düzgün və ya obyektiv yanaşmağı gözləyir.
Belə bir gözlənti qeyri-real görünsə də, bir məsələni təkcə bu yaramaz panfarsistin deyil, bütün fars ziyalılarının və onların quyruğunda sülənən paniranistlərin yadına salmaqda fayda var.
Məlum olduğu kimi, Ermənistan Azərbaycana qarşı xarici havadarlarının, o cümlədən İranın panfarsist dairələrinin dəstəyi ilə Azərbaycana hərbi təcavüz edərək onun ərazisinin 20%-ni işğal edib 30 ilə yaxın bir müddətdə öz işğalı altında saxlamışdı. Həmin 30 il ərzində İranda nəinki hər hansı panfarsist, həm də hər hansı bir siyasətçi, ziyalı, ruhani Ermənistanı təcavüzkar adlandırmadı.
Amma panfarsist alçaq sərhəddə faşist və revanşist ermənilərin geniş miqyaslı hərbi təxribatına qarşı Azərbaycanın hərbi əməliyyatını təcavüz adlandırır. Panfarsistlər, paniranistlərin xəbis xislətini bildiyimiz üçün deyə bilərik ki, İranda Azərbaycanı təcavüzkar kimi qələmə vermək bu yaramazın xüsusi fikri olaraq qalmayacaq və dini ekspansionizm siyasəti yeridən dairələr tərəfindən təkrar və sərf etdiyi zaman geniş təbliğ ediləcəkdir.
Azərbaycanı təcavüzkar kimi qələmə vermək ermənilərlə həmrəylik nümayiş etdirmək məqsədindən daha çox, İran əhalisində Azərbaycan Respublikasına və Cənubi Azərbaycanda milli kimlik və milli varlıq uğrunda mübarizə aparan milli qüvvələrə qarşı düşmənçilik əhval-ruhiyyəsi yaradıb qızışdırmağa yönəlibdir.
Məhz buna görə 30 il həqiqəti - Ermənistanın Azərbaycana qarşı təcavüzkar siyasət yeritdiyini guya görməyən və dilə gətirməyən İranda Azərbaycanın haqlı, qanuni, suverenlik və ərazi bütövlüyünün təmin edilməsinə yönəlmiş addımlarının təcavüz hesab edilməsi heç də təəccüblü deyil. Hələ ki, panfarsistin bunu deməsi də istisna hal hesab edilə bilməz. Ardı gələcək...
Bizdən DİQQƏT, EHTİYAT VƏ HAZIR OLMAQ tələb olunur.
12-11-2021, 17:03
Ərdoğan Zəngilandan DANIŞDI

“Qarşıdan gələn müddətdə şəhərlərimizi yeni texnologiyalar və yenilikçi yanaşmalar istifadə edərək “Ağıllı şəhər”lərə çevirməliyik”.

Bu sözləri Türkiyə Prezidenti Rəcəb Tayyib Ərdoğan İstanbulda Türkdilli Dövlətlərin Əməkdaşlıq Şurasının (Türk Şurası) dövlət başçılarının VIII Zirvə Toplantısında çıxışı zamanı bildirib.

“Yaşıl böyümələrə yönələn ortaq layihələrə birgə imza atmalıyıq. “Ağıllı şəhər” sahəsində işğaldan azad edilən Zəngilanda başladılan işlər təqdirəlayiqdir”, - deyə o vurğulayıb.

Butov.az
9-11-2021, 10:52
Azərbaycan və Türkiyə müdafiə nazirlərinin birgə mətbuat konfransı keçirilib - VİDEO

Azərbaycan Respublikasının müdafiə naziri general-polkovnik Zakir Həsənov və Türkiyə Respublikasının milli müdafiə naziri Hulusi Akarın Heydər Əliyev Mərkəzində birgə mətbuat konfransı keçirilib.

Bu barədə Azərbaycanın Müdafiə Nazirliyinin Mətbuat Xidməti məlumat yayıb.

Bildirilib ki, konfransda media nümayəndələrinin sualları cavablandırıldıqdan sonra hər iki ölkənin müdafiə nazirləri bəyanatla çıxış ediblər.

Müdafiə naziri general-polkovnik Z.Həsənov Vətən müharibəsində Türkiyənin həm siyasi, həm də mənəvi dəstəyinə görə qardaş ölkəyə təşəkkürünü bildirib. Müzəffər Ali Baş Komandanın rəhbərliyi ilə Azərbaycan Ordusunun 44 günlük müharibədə yüksək peşəkarlıq nümayiş etdirdiyi diqqətə çatdırılıb.

Nazir Türkiyə Silahlı Qüvvələri ilə keçirilən birgə təlimlərdən danışaraq, bundan sonra da bu istiqamətdə işlərin davam etdiriləcəyini qeyd edib. Müdafiə naziri Zəfər Gününü bizimlə birgə qeyd etmək üçün ölkəmizə təşrif buyuran türkiyəli həmkarına və onun rəhbərlik etdiyi nümayəndə heyətinə öz təşəkkürünü bildirib.

Türkiyənin milli müdafiə naziri H.Akar hər iki ölkənin ortaq tarixinin olduğunu bildirərək qardaşlığımızın əbədi davam etdiriləcəyini xüsusi vurğulayıb. Azərbaycanın istənilən probleminin həll olunması istiqamətində Türkiyənin bütün imkanlarını səfərbər etməyə hər zaman hazır olduğu diqqətə çatdırılıb. Milli Müdafiə naziri ölkələrimiz arasında mövcud dostluq və qardaşlıq münasibətlərinin daha da inkişaf etdiriləcəyinə əmin olduğunu bildirib.



Butov.az
26-10-2021, 15:57
CƏNUBİ AZƏRBAYCAN ELİTASI DA SƏHNƏDƏN UZAQLAŞDIRILIR

İRANDA AZƏRBAYCAN DİLİNİN ARDINCA CƏNUBİ AZƏRBAYCAN ELİTASI DA SƏHNƏDƏN UZAQLAŞDIRILIR
26 xordad 1400/16 iyun 2021-ci il tarixində Təbrizdə seçiciərlə görüşündə “Azərbaycan bir kəlam, Rəisi vəssalam!!!” şüarı hayqıran tərəfdarlarından dəstək alan, 28 xordad 1400/18 iyun 2021-ci il tarixində prezident seçilən və 14 mordad 1400/5 avqust 2021-ci il tarixində and içərək fəaliyyətə başlayan yeni 13-cü İran prezidenti ayətulla dr. İbrahim Rəisinin Cənubi Azərbaycana və azərbaycanlılara ilk “hədiyyəsi” Qərbi və Şərqi Azərbaycan ostanlarına (əyalətlərinə) təyin etdiyi kürd ostandarlar (valilər) oldu.
Cənubi Azərbaycan İranda sonuncu prezident seçkilərindən sonra tarixin ən ziddiyyətli mərhələsinə qədəm qoymişdur. İslam rejimi ilk günlərdən Pəhləvi rejiminin zorakı assimilyasia və millətçi şovinist siyasətini davam etdirərək Azərbaycan dilini ictimai həyatın bütün sahələrindən sıxışdırıb çıxarmağa, Azərbaycan xalqına qarşı etnosid/etnik kimliyi və linqvosid/etnik dili məhvetmə sahəsində əsaslı uğur qazanmağa paralel olaraq azərbaycanlıları hakimiyyətin bütün qollarından sıxışdırıb kənarlaşdırmaq siyasətini də davam etdirmişdir. 1978-1979-cu illər inqilabın gedişində və İran-İraq müharibəsi zamanı azərbaycanlıların xidmətindən müxtəlif sahələrdə və səviyyələrdə, ilk növbədə döyüş cəbhəsində geniş şəkildə istifadə edən rejim müharibədən sonra meydana gələn nisbi təhlükəsizlik şəraitində ruhanilikdən/dindarlıqdan/islamçılıqdan şovinistliyə, millətçiliyə, panfarsizmə keçidi sürətləndirdikcə və ya farslaşdıqca əsas rəqibləri olan azərbaycanlıları hakimiyyətdə iştirakdan kənarlaşdırmağa əsasən nail olmuşdu. Belə ki, İran-İraq müharibəsindən bu günə kimi keçən zaman ərzində üç hakimiyyət qolundan heç birinə azərbaycanlı başçılıq etməmişdir. Ölkə əhalisinin 30-40%-ni təşkil edən azərbaycanlılar hakimiyyətdə bir-iki nazir və ostandarla təmsil olunurdular. Yeni seçilmiş 13-cü prezident İbrahim Rəisi zahirən ruhani, lakin mahiyyətcə qatı fars şovinisti olmaqla azərbaycanlıları icra hakimiyyətinə buraxmamağı qərara alıb. O, azərbaycanlıları nə nazirlər, nə də prezidentin çoxsaylı müavinləri arasında görmək istəmədi. Özünün bu qərarına qarşı heç bir müqavimətlə rastlaşmayan prezident bir qədər də qabağa gedərək, Qərbi və Şərqi Azərbaycan əyalətlərinə kürd ostandarlar/valilər təyin etdi.
Əslində azərbaycanlıların gəlmə ostandarlara münasibətini hələ əvvəllər də yoxlamışdılar. Belə ki, istənilən şəxsi Azərbaycan vilayətlərinə ostandar təyin edirdilər. Azərbaycanı parçalamaq məqsədi ilə hələ 1993-cü ildə o vaxtkı Şərqi Azərbaycan ostanından Ərdəbil şəhristanını ayıraraq onun əsasında yeni yaradılan Ərdəbil ostanına heç kimə tanış olmayan, amma Rəhbərin etibarlı adamlarından olan sepahçı M.Əhmədinejad ostandar təyin edilmişdi.
Bir ənənə olaraq Qərbi və Şərqi Azərbaycan ostanlarına azərbaycanlı ostandarlar təyin edilirdi. Lakin 2017-ci ildə prezident Həsən Ruhani Qərbi Azərbaycana Xorasndan gətirdiyi bir kürdü ostandar təyin etdi. Qərbi Azərbaycandan olan deputatların bəzilərinin etiraz etməsinə heç bir dəstək olmadığından təyinat dəyişmədi. İndi də Qərbi Azərbaycana kürd ostanı olan Kermanşahdan ostandar təyin edilməsi heç bir etirazla qarşılaşmadı. Bunu nəzərə alan İbrahim Rəisi Şərqi Azərbaycana da kürd ostandar təyin etdi və həmin təyinata qarşı da heç bir etiraz özünü göstərmədi. Daxili işlər naziri təqdimat mərasimində bildirdi ki, əyalət valisi/ostanın ostandarı onun prezidentidir və bütün idarə başçıları onun rəyi ilə təyin ediləcək.
Beləliklə, Cənubi azərbaycanlılar nəinki öz dili, milli kimliyi, mərkəzi, o cümlədən icra hakimiyyətində iştirakdan, eləcə də həmin hakimiyyətə başçılıq edən prezidentin əyalətlərdə əsas nümayəndəsi olan ostandar vəzifəsindən də məhrum edildilər. Bunula da azərbaycanlıların hakimiyyətin əsas mərkəzi və yerli səviyyələrindən uzaqlaşdırılması başa çatmış oldu. İndi azərbaycanlılar nəinki etnik/milli və mədəni hüquqlardan məhrum edilmiş xalq, eyni zamanda da xaraktersiz, marginallaşmış elitası siyasi cəhətdən ayrı-seçkiliyə uğrayan məhkum bir xalq kimi təsbit edilmiş oldu.
Qeyd etmək lazımdır ki, azərbaycanlılar mərkəzi hakimiyyətin zorakı assimilyasiya siyasəti həyata keçirməyə başladığı XX əsrin 30-cu illərindən bu yana hələ belə acınacaqlı duruma düşməmişdilər. Belə ki, istər Rza şahın, istərsə də Məhəmməd Rza şahın hakimiyyəti illərində azərbaycan etnosuna qarşı etno və linqvosid məhvetmə siyasəti həyata keçirilərkən, azərbaycanlı elita hakimiyyətin bütün qollarında geniş şəkildə təmsil olunurdu. O zaman belə fikirləşilirdi ki, Cənubi Azərbaycan elitası özünün dar siyasi, iqtisadi maraqlarını təmin etmək üçün öz xalqının, etnik birliyinin, öz millətinin əsas, köklü maraqlarını – bir xalq kimi mövcud olma maraqlarını qurban veridrdi. Hazırki vəziyyətdə isə elita nəinki milli maraqları qurban verir, hətta özünün dar siyasi, iqtisadi maraqlarını təmin etməyə belə qadir deyil. Yəni artıq hakim millətçi fars rejimi azərbaycanlı elitanın belini tamamilə sındırmışdır.
Bu arada Cənubi Azərbaycanın son yüz ildə düşdüyü vəziyyətə haqq qazandıran manqurt, zahirən azərbaycanlı adlandırılan “azəri” ziyalıların “xidmətini” də unutmaq omaz.
Məlum olduğu kimi, həmin azsaylı ziyalılar qeyd edilən dövrün başlanmasından əvvəl antimilli fəaliyyətə başlamış və özlərinin bu yöndə fəaliyyətlərinə də azərbacanlı elitanın maraqlarının təmin edilməsinin vacibliyi ilə haqq qazandırmağa çalımışlar. Belə manqurt ziyalıların sayı istər Pəhləvi və istərsə mollakratiya rejiminin səyi və “qayğısı” ilə daim artıış və son illərdə mütəşəkkil/institusional forma kəsb etmişdir. Manqurtluq/milli satqınlıq və xəyanət yolu tutmuş ziyalıların sistemdən asılı vəziyyətini nəzərə alaraq onların halına acımaq və qismən başa düşmək olar. Lakin onların Şimali Azərbaycanda dindarların hüququnu müdafiəyə qalxması, artıq onların rəzaləti və şərəfsizliyindən xəbər verir. Onlar özlərinin kölə vəziyyətindən narazılıq və narahatlıq ifadə etmək əvəzinə, dünyəvi dövlətdə tam dini azadlıq şəraitində yaşayan dindarların hüquqlarını müdafiəyə qalxdıqda kölə vəziyyətlərini bir daha təsdiqləmiş olurlar. Məşhur siyasi bir xadim demişdir ki, kölə vəziyyətindən narazı olan kölə əsil insandır, ona acımaq lazımdır, lakin köləliyi ilə fəxr edən, köləlikdən ötrü ağzının suyu axan kölə isə ən yaramaz, ən şərəfsiz və hər cür lənətə layiq olan kölədir ki, kölədir. İndi Cənubi Azərbaycanda belə kölələrin tam bir nəsli yetişmiş və onlar köləlikləri ilə fəxr etməklə kifayətlənməyərək azad insanlara da köləlik ruhu təlqin etməyə çalışırlar.
Bunlar doğrudan da köləliyi ilə fəxr edən “ziyalılar”dır. Əlbəttə, bunlar dırnaqarası ziyalılardır. Çünki ziyalı hüququ pozulan, iqtisadi, ictimai vəziyyəti ağır olan xalqın, etnosun, sosial təbəqənin, ayrı-ayrı fərdlərin, yəni başqalarının həqiqi maraqlarına təmənnasız xidmət edən insanlardır. Dar mənada ziya sözündən çıxış edilərsə, ziyalı hadisə və proseslərə elm və obyektivlik, həmçinin yüksək əxlaqi-mənəvi dəyərlər işığında baxa bilən, düzü düz, əyrini əyri görən və gördüklərini olduğu kimi göstərən insandır. Ona görə Cənubi Azərbaycanda mövcud olan və öz xalqının maraqlarının əleyhinə xidmət etməkdə dəridən-qabıqdan çıxan “ziyalılar”ı əsl və könülü kölə adlandırmaq olar. Çünki onlar öz xalqının varlığı uğrunda mübarizə aparmağa qadir deyillərsə, heç olmasa, onun varlığına qarşı mübarizə aprmağa can atmayıb başqa bir işlə məşğul ola bilərlər. Onların şüurlu şəkildə öz köləliyinə haqq qazandırmaları və öz kölə vəziyyətləri ilə fəxr etmələri, eyni zamanda azad və müstəqil ölkənin azad və müstəqil insanlarını da özləri kimi kölə görmək istəmələri və köləlik buxovları geyməyə təşviq etmələri isə artıq ən böyük MƏNƏVİYYATSIZLIQ, ƏXLAQSIZLIQ VƏ RƏZALƏTDİR.

Vidadi Mustafa,
Bakı, 26 oktyabr 2021
20-10-2021, 11:52
Deputatın XUDMANİ TROL ŞƏBƏKƏSİ...

“Kontakt Home” mağazalar şəbəkəsinin fəaliyyəti ilə bağlı illərdir ən ciddi narazılıqlar sosial şəbəkələrdə yayılır. Bu mağazalar şəbəkəsinin xidmətlərindən istifadə edənlər köhnə, artıq istifadə olunmuş məhsulların (telefon, noutbuk, məişət texnikası və s.) təmir edilərək, yeni adıyla satılmasından, yaxud zəmanət verdikləri məhsullara yiyə çıxmamasından, kreditləşmə zamanı pozuntulardan daim şikayətçidirlər.

Azərbaycanda “Kontakt Home” qədər ən sərt şəkildə narazılıq edilən və tənqid olunan şəbəkə yoxdur. Quql axtarış sistemindən istifadə etməklə, bu mağazalar yarıtmaz fəaliyyəti haqda tam təsəvvür əldə etmək mümkündür.

“Kontakt Home” son günlər “kredit fırıldağı” ilə gündəmə gəlib. İddia edilir ki, kredit vaxtı çatan vətəndaşa “sistem maneəsi” yaradılır, onun şifrəsi dəyişdirilir və borcluya bu haqda məlumat verilmir. Nəticədə kreditin vaxtında ödənilməsinə maneə yaradılmaqla, əlavə faiz ödənilməsi üçün zəmin hazırlanır.

Dünyada istənilən normal qurum, biznes, xüsusilə satış fəaliyyəti həyata keçirən əxlaqlı şirkət dərhal araşdırma aparmalı, prosesi incəliyinə qədər aydınlaşdırmalı və ictimaiyyətə doğru-dürüst bilgi verməli idi. Çünki bu, şirkətin nüfuzuna ciddi şəkildə zərbə vurur.

Ancaq “Kontakt Home” ittiham və bu ittihamları təsdiqləyən faktlarla bağlı “ənənəsinə” sadiq qalaraq, heç bir açıqlama yaymadı.

Şirkətin qeyri-rəsmi rəhbəri olan millət vəkili Elnur Allahverdiyevin şəxsi əlaqələri və vəzifəsinin ona verdiyi üstünlüklər səbəbindən mağazalar şəbəkəsi ictimai və rəsmi qurumların yoxlamasından da kənarda qalır, proses davam edir, mağazalar şəbəkəsinin yeni “mərkəzləri” açılır, reklam olunur və daha kimlərsə, xəbərsizlər tora salınır.

Amma əlbəttə ki, mağazalar şəbəkəsi haqda səsləndirilən tənqidlər öz bəhrəsini verməyə bilməz və bunu qurumun rəhbərləri də bilirlər. Buna görə də artıq yeni fəaliyyət növü tapıblar. Məsələn, troll şəbəkəsi.

Ötən gün tarixçi alim, dosent Zaur Əliyevin paylaşdığı və medianın tirajladığı məsələ ilə bağlı da trollarını aktivləşdiriblər. “Prosta Neftcalali” nikli bir sürü troll bu məlumatlara qarşı öz düşüncələrinə görə kampaniya aparıb, “Kontakt Home”un “nüfuzunu” qorumağa çalışır. Qondarma profillərdən “Kontakt Home” təriflənir, tənqidləri səsləndirənlər ən ağır sözlərlə təhqir edilir.

Bu şərhləri yazanların başında məhz millət vəkilinin özünün dayandığını ehtimal etmək üçün xeyli şübhələr də var. Bir insanın hansısa mağazadan şikayətinə digəri niyə söyüş, təhqir və alçaldıcı ifadələrlə cavab verib, “Kontakt Home”un müdafiəsinə qalxmalıdır? Demək, söyüş səviyyəsinə qədər “canıyanan” olmaq lazımdır, bu isə şübhələri millət vəkilinin və yaxın ətrafının üzərinə daşıyır.

“Kontakt Home”ni müdafiə edib, təhqirlər yağdıranların profillərinə göz atanda hər şey üzə çıxır: saxta foto, saxta imza, aylarla paylaşım edilməyən səhifələr, bir sözlə, feyk, trol…

Əgər Elnur Allahverdiyevə kimlərsə bu saxta profillərlə onun və şirkətinin nüfuzunu qoruduğunu deyirsə, yalan deyir və millət vəkilini ələ salır. Çünki indi virtualda olanların əksəriyyəti çox yaxşı bilir troll nədir, hansı profillər feykdir, onların arxasında kim və necə dayanır.

Millət vəkili əmin ola bilər ki, bu saxta niklərin arxasında durub, tənqidçiləri və ittihamçıları təhqir edən şəbəkə yalnız “Kontakt Home”a və onun sahibinə nifrət qazandırır, onun “işgüzar nüfuzunu” bu cür qorumağa girişənlər rəhbərlərini yalnız baltalayırlar. Çünki millət vəkilinin trollar saxladığı, narazı insanlara qarşı ən ağır söyüşlərdən istifadə etdiyi, əhalinin yanında olmaq əvəzinə onların şikayətini bu cür əxlaqdankənar söyüşlərlə geri çevirdiyi haqda təsəvvürlər yaranır.

Hər bir halda bunun qayğısına millət vəkili özü qalmalıdır. Günlərin birində bu təhqirlərin əvəzini o trollar yox, E.Allahverdiyev özü verməli olacaq. (AXAR.AZ)

Bütöv.az
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Dekabr 2021    »
BeÇaÇCaCŞB
 12345
6789101112
13141516171819
20212223242526
2728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Dağlıq ərazilərdə isə qar yağacağı ehtimalı var
Video
"F-Prestige" MMC-yə məxsus avtomobilin sürücüsü qazinin yolunu kəsib onu söydü - VİDEO

Bakıda "AA" seriyalı avtomobilin sürücüsü qazinin yolunu kəsib. Avtomobildəki kameraya düşmüş görüntülər sosial şəbəkədə yayılıb.

Bütöv.az Avtosfer.az-a istinadən xəbər verir ki, 10-AA-794 qeydiyyat nişanlı BMV markalı avtomobilin sürücüsü hava limanı yolunda 110-km saat sürətlə hərəkət edən Nicat adlı qazinin avtomobilini sıxışdıraraq onun qarşısını kəsib. Daha sonra oradan uzaqlaşıb.

Qazinin dostu iddia edir ki, baş verən hadisədən qəzəblənən Nicat etirazını bildirən zaman "AA" seriyalı avtomobilin sürücüsü onu söyərək təhqir edib.

Qeyd edək ki, 10-AA-794 qeydiyyat nişanlı BMV markalı avtomobil "F-Prestige" MMC-yə məxsusdur.

Qlobal.az hadisəni törədən 10-AA-794 qeydiyyat nişanlı BMV markalı avtomobilin məxsus olduğu "F-Prestige" şirkəti haqqında maraqlı məlumat əldə edib.

Belə ki, "F-Prestige" MMC-nin sahibi Fardilon Dinar Nasir oğludur.

Fardilon Dinar 2017-ci ildə baş vermiş avtoqəza hadisəsi ilə bağlı mediada gündəmə gəlmişdi.

Yayılan məlumatda Fardilon Nadirin idarə etdiyi "Rango Rover" markalı avtomobillə 2017-ci ilin noyabrın 25-də saat 4 radələrində Nərimanov rayonu ərazisində 40-45 yaşlı Bakı şəhər sakinini vuraraq öldürdüyü yazılırdı.


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!