14-05-2023, 12:38
Türkiyədə keçirilən seçki səsvermələri davam edir
Türkiyədə prezident və parlament seçkiləri keçirilir. Səsvermə prosesi saat 08:00-da başlayıb, 17:00-da başa çatacaq. Türkiyənin xarici işlər naziri Mövlud Çavuşoğlu və daxili işlər naziri Süleyman Soylu səsvermə prosesində iştirak ediblər. Çavuşoğlu Antalyada, Soylu isə İstanbulda səs verib. Hazırda səsvermə davam edir.
14-05-2023, 12:24
Qızım planlı şəkildə öldürülüb - Şəhid xanımının atası
Ötən gün Vətən müharibəsi şəhidi Saleh Qurbanovun xanımı Ləman Qurbanova qaynı tərəfindən qətlə yetirilib. Mərhumun atası qızının ölümünün planlı şəkildə həyata keçirildiyini bildirib. “Uşağımı pirə aparıb. Bir-iki ay bundan əvvəl qaynı qızıma hücum etdi, onun başını kəsirdi. Nədi-nədi qızım telefon işlədir. Telefonu bütün dünya işlədir, hamının qızı, gəlini işlədir, əxlaqsızlıq eləmir ki! Hadisə günü zəng etdim ki, haradasız? Dedi ki, Sumqayıta çatırlar. Dedim, uşağı evə gətir. Dedi ki, niyə narahatsan, narahat olma. O, qızımı planlı şəkildə öldürüb”, - L.Qurbanovanın atası qeyd edib.
14-05-2023, 11:58
Ərdoğan İstanbulda yerləşən orta məktəbdə səs verəcək
Türkiyədə prezident və parlament seçkiləri ilə əlaqədar səsvermə davam edir. Türkiyə Prezidenti Rəcəb Tayyib Ərdoğan prezident və 28-ci çağırış parlament seçkilərində səsini İstanbulun Üsküdar rayonundakı Saffet Cəbi orta məktəbində verəcək. Qeyd edək ki, Prezident Ərdoğanın səs vermək üçün günorta saatlarında Saffet Cəbi orta məktəbinə gəlməsi gözlənilir.
14-05-2023, 11:43
Qısa müddətdə əks-hücumla bağlı addımlar atılacaq - Zelenski
Ukrayna Prezidenti Vladimir Zelenski əks-hücuma böyük əzmlə hazırlaşdıqlarını, qısa zamanda mühüm addımlar atacaqlarını bildirib. Rusiyanın 24 fevral 2022-ci ildə Ukraynaya hücumundan sonra ilk dəfə İtaliyanın paytaxtı Romaya səfər edən Zelenski rəsmi təmaslarını başa vurduqdan sonra axşam saatlarında İtaliya dövlət televiziyasında proqrama qatılaraq italyan jurnalistlərin suallarını cavablandırıb. Zelenski İtaliya və Fransanın dəstəyi ilə səmalarını qoruya bildiklərini, bu ölkələrdən alınan hava hücumundan müdafiə sistemləri olmasaydı, daha çox itki verəcəklərini söyləyib.Əhəmiyyətli olanın müharibəni bitirmək olduğunu deyən Ukrayna Prezidenti, xaos içində yaşamaq istəmədiklərini əlavə edib. Putinlə danışmaq istəmədiyini vurğulayan Zelenski Ukraynanın çıxış yolunun əks-hücum olduğunu bildirib. O, həmçinin Ukraynanın Krım sərhədinə çatdığı təqdirdə Rusiya daxilində Putinə dəstəyin azalacağını iddia edib. Qeyd edək ki, Ukraynanın əks-hücumunun nə vaxt baş verəcəyi ilə bağlı suala isə Zelenski: "Qısa müddətdə mühüm addımlar atılacaq. Biz böyük əzmlə hazırlaşırıq. Zamanla bağlı dəqiq tarix açıqlaya bilmərəm, ancaq biz qələbəyə inanırıq", - deyə cavab verib.
14-05-2023, 10:25
Esmira Günəşin Becrəvan kəndində kitab təqdimatı olub
Mayın 13-ü şairə Esmira Günəşin Cəlilabadın Bəcrəvan kənd tam orta məktəbində şəhidlərə həsr etdiyi "Qəlbimizdə yaşayanlar" kitabının təqdimatı olub. Qeyd edək ki, kitabda yer alan şəhidlərdən Ayaz Abasov, Fərid Hüseynov və Mirnağı Şərifov Becrəvan kənd tam orta məktəbin məzunlarıdır. Tədbirdə şəhid ailələri, məktəbin müəllim, şagird kollektivi və kənd sakinləri iştirak ediblər. Tədbirdə Azərbaycan Respublikasının Dövlət Himni səsləndikdən və şəhidlərin ruhu bir dəqiqəlik sükutla anıldıqdan sonra Esmira Günəşin şeirlərinin kompozisiyaları, vətənpərvər musiqilər və qonaqların çıxışı ilə davam edib. Tədbirdə ilk olaraq məktəbin direktoru Mübariz Kərimov çıxış edərək məktəbin şəhid məzunları haqqında məlumat verib və şairə Esmira Günəşə gördüyü işlərlə bağlı təşəkkürünü bildirib. Daha sonra şəhid ailələrinin çıxışları zamanı müəllif kitablarını imzalayaraq onlara təqdim edib. Tədbirin sonunda isə şairə Esmira Günəş tədbirin keçirilməsində əziyyəti olanlara- direktor Mübariz Kərimova, Gülənə müəlliməyə, Xəyalə müəlliməyə və Dürdanə müəlliməyə təşəkkürünü bildirib. Rəsmi hissədən sonda qonaqlar məktəbdə şəhidlərin adını daşıyan kabinetlərlə tanış olublar. Daha sonra isə bir-bir şəhidlərin abidəsi, məzarları və ev muzeyləri ziyarət olub. Xatirə şəkilləri çəkilib.
13-05-2023, 20:14
Zelenski Roma papası ilə görüşdü
Ukrayna Prezidenti Volodimir Zelenski Roma papası Fransisk ilə görüşüb. Bu barədə Ukrayna KİV məlumat yayıb. Görüş 40 dəqiqə çəkib. Papa Fransisk və Zelenski bir-birinə hədiyyələr təqdim ediblər. Qeyd edək ki, Zelenski bu gün İtaliyaya səfər edib.
13-05-2023, 19:29
Sübhan İsmayılov
Azərbaycanın və azərbaycanlıların ürəyi bu seçkilərdə Ərdoğan üçün döyünür
Sabah qardaş Türkiyədə keçiriləcək prezident seçkiləri Azərbaycanda görünməmiş həyəcanla izləniləcək. Seçki prosesi eyni zamanda Qərbin, xüsusi ilə qardaş ölkədə sözəbaxan prezident, sözəbaxan iqtidar görmək istəyən ABŞ-ın da xüsusi diqqətindədir.
ABŞ və onun dirijorluğu ilə hərəkət edən bəzi Qərb ölkələri bütün resurları ilə Kılıcdaroğlunu dəstəkləyir, onun Türkiyə prezidenti olması üçün açıq və gizli çabalar göstərirlər.
Azərbaycanın və azərbaycanlıların ürəyi isə bu seçkilərdə Ərdoğan üçün döyünür... Şübhəsiz, Türkiyə bizim vətənimiz, bizim dövlətimizdi.Biz bir xalq - iki dövlətik. Türk xalqının seçimini biz öpüb gözümüz üstünə qoyacağıq. Ancaq və lakın... ürəklərdə Rəcəb Tayyib Ərdoğandı - Ər-do-ğan!!!
Azərbaycanın, azərbaycanlıların sayın Cumuhrbaşkanına bir vəfa borcu var. Azərbaycanın ağır günündə sinəsini Ermənistana dəstək verən dünya güclərinin qarşına verib- “Azərbaycan tək deyil ! ”, ”Mən varam,Türkiyə var ! ” - dediyi üçün... . “ Türkiyə bütün imkanları ilə Azərbaycanın yanındır ! ” dediyi üçün... Silahlı qüvvələrin Ali Baş Komandanı İlham Əliyevin “qoy hər kəs kənarda dursun, Ermənistan bizmlə təkbətək qalsın, onda biz gücümüzü hamıya göstərəcəyik” istəyinin reallaşmasına yardımçı olduğü üçün...
...Hamımızın yadındadı, bütün varlığıyla türkçü olan, özünü Atatükün əskəri adalandıran mərhum prezident Əbülfəz Elçibəy mühasirədə qalmış qoca-ahıl kəlbəcərliləri xilas etmək üçün Türkiyədən bir neçə mülki helikopter istəmişdı. O vaxtkı Türkiyə rəhbərləri, ən elementar humanist prinsipləri geri çevirərək “biz müharəbəyə qarışma bilmərik ” bəhanəsiylə bundan imtina etdilər.
Ərdoğan isə 44 günlük müharibə boyu dəfələrlə “Türkiyə silahı ilə, əskəri ilə Azərbaycanın yanındadı” dedi. F-16-larını müharibə zonasına yaxın Gəncədə saxladı və kimsə kənardan müdaxilə edərsə, F-16-lar dərhal havalancaq dedi. Bu mesajı Ali Baş Komandanımız da, barmaq silkələyərək həmin güclərə çatdırdı və hər kəs durduğu yerdəcə qaldı... Və müzəffər Ali Baş Komandanımız cəmi 44 gündən sonra dünyaya qələbə raportu verdi!
Əziz Türkiyəmiz, türk bacı-qardaşlarımız! Biz Cumurbaşkanımıza vəfa borcumuzu yalnız dualar etməklə, ona yenidən Türkiyə prezidenti seçilməsi diləklərimizi çatdırmaqla veririk. Biz Türkiyəmizi güclü, qüdrətli, dunyada söz sahibi - möhtəşəm görmək istəyirik! Türkiyəni bu yerlələrə sahibləndirmiş Rəcəb Tayyib Ərdoğanala davan etməsini istəyirik!
Əminik ki, Türkiyəmizin sabahkı seçimi düşmənləri
məyus, dostları məmnun edəcəkdir!
13-05-2023, 19:27
Ukrayna prezidenti italiyalı həmkarıyla görüşdü
Ukrayna Prezidenti Volodimir Zelenski Romada italiyalı həmkarı Sercio Matarella ilə görüşüb. Matarella Zelenskini Quirinale adlanan prezident sarayında qarşılayıb. İtaliya Prezidenti Zelenskiyə tam dəstəyini ifadə edib, Zelenski isə dəstəyə görə ona təşəkkür edib.
13-05-2023, 19:19
Türkiyədə seçkilərlə bağlı təbliğat qaydası dayandırıldı
Türkiyədə sabah keçiriləcək seçkilərdə təbliğat kampaniyası bu gün yerli vaxtla saat 18:00-da dayandırılıb. Prezidentliyə namizədlər və siyasi partiya nümayəndələri son çıxışlarını TRT telekanalları və radioları ilə ediblər. Parlament seçkilərinə qatılan 24 partiyanın təmsilçiləri saat 12:53-dən etibarən püşklə müəyyənləşən sıra ilə vədlərini seçicilərə çatdırıb. Xatırladaq ki, Türkiyədə mayın 14-də keçiriləcək prezident və parlament seçkilərində 60 milyon 697 min 843 seçici səs verəcək.
13-05-2023, 18:09
Fransada nümayişlərin təşkili qadağan edildi
Bu il mayın 16-dan 27-dək Fransada 76-cı Kann Film Festivalı keçiriləcək. Kann şəhərinin yerləşdiyi Alpes-Maritimes vilayətinin rəhbərliyi tərəfindən dərc edilən qərarda şəhərin festival zamanı 120 min insanı qəbul edəcəyi bildirilib. Vilayət rəhbərliyi tərəfindən verilən qərarda qeyd edilib ki, mayın 16-dan mayın 28-si saat 06:00-dək festival ərazisində nümayiş təşkil etmək qadağan olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!