Tarix : 9-05-2017, 13:42
Görkəmli geoloq alim Əziz Əsgərovun 110 illik yubileyi qeyd olunub

“Badamlı” mineral suyun kəşf edilməsində və onun dünyaya tanıdılmasında müstəsna xidməti olmuş alim

Mayın 6-da Bakıda “Dərbənd” Xeyriyyə İctimai Birliyinin idarə heyətinin geniş iclası keçirilib.
Butov.az AZƏRTAC-a istinadən xəbər verir ki, tədbirdə İctimai Birliyin üzvləri, respublikanın tanınmış elm, ictimaiyyət, mədəniyyət nümayəndələri, Bakı Dövlət Universitetinin müəllim və tələbələri, ziyalılar iştirak ediblər.

İclasda görkəmli geoloq alimin Əziz Əsgərovun xatirəsi də anılıb.

İctimai Birliyin sədri, Azərbaycan Respublikası Silahlı Qüvvələri Hərbi Akademiyasının adyunktura və elm şöbəsinin hərbi tarix professoru, tarix elmləri doktoru Nurulla Əliyev tədbiri açaraq görkəmli ictimai xadim, Əməkdar Elm Xadimi, professor Əziz Əsgərovun tarixi xidmətlərindən söz açıb, onun həyat və elmi fəaliyyəti barədə ətraflı məlumat verib.

“Dərbənd” Xeyriyyə İctimai Birliyinin idarə heyətinin üzvi Rəhilə Əsgərova mərhum alim və geoloqun fəaliyyəti barədə məruzə ilə çıxış edib, onun Vətən qarşısındakı xidmətlərindən danışıb.

İclasda alimin Bakı Dövlət Universitetinin geologiya, hidrogeologiya və mühəndis geologiyası, faydalı qazıntılar, kristalloqrafiya, mineralogiya və geokimya, o cümlədən ümumi və tarixi geologiya kafedralarının və fakültələrinin müdirləri professor Məmməd Çıraqov, professor Əsədulla Paşayev, akademik Vasif Babazadə və onun ilə birgə fəaliyyət göstərən dostları, keçmiş tələbələri çıxışlarında alimin geologiya elminin inkişafındakı roluna nəzər salıb, dünyada bu sahədə aparılan elmi-tədqiqatların əhəmiyyətindən danışıblar. Bu böyük alimin uğurları və elmi yaradıcılığı haqqında bəhs edilib. Çıxışlarda Əziz Əsgərovun Azərbaycanda mineral suların və onun istehsalının yaradılması sahəsində rolu xüsusi vurğulanıb.

Qeyd olunub ki, 1948-1950-ci illərdə onun tərəfindən bu gün ən kamil hesab olunan mineral suların təsnifatı işlənib hazırlanıb. 1949-cu ildə Ə.Əsgərov M.V.Lomonosov adına Moskva Dövlət Universitetinin geologiya fakültəsinin ixtisaslaşdırılmış şurasında “Azərbaycanın mineral mənbələri” mövzusu üzrə doktorluq dissertasiyasını müdafiə edib. Professor Ə.Əsgərov 1933-cü ildən 1985-ci ilədək hər il sahə ekspedisiyalarına rəhbərlik edib. Onun bütün sahə ekspedisiya işlərinin nəticələri çoxcildli hesabatlarında öz əksini tapıb və Azərbaycan Respublikasının Geologiya və Mineral Ehtiyatları Dövlət Komitəsinin ərazi geoloji fondunda qorunub saxlanılır. “Badamlı” mineral

suyunun kəşf edilməsində və dünyaya tanıdılmasında onun müstəsna xidməti olub.

Vurğulanıb ki, Ə.Əsgərovun rəhbərliyi altında aparılan geoloji sahə işləri və elmi-tədqiqatlar Azərbaycanda istirahət zonalarının tikilməsinin inkişafına böyük təkan verib. Onun təşəbbüsü ilə respublikada 100-dən çox sağlamlıq ocağı yaradılıb və mineral suların doldurulması zavodları tikilib.
Diqqətə çatdırılıb ki, Ə.Əsgərovun xidmətləri “Qırmızı Əmək Bayrağı” ordeni, onlarla medal, Azərbaycan SSR Ali Sovetinin fəxri fərmanları, Ümumittifaq Həmkarlar İttifaqı kurort idarəsinin döş nişanı, müxtəlif nazirliklərin və hərbi təşkilatların 60 fəxri fərmanı ilə qiymətləndirilib. 1979-cu ildə SSRİ Nazirlər Sovetinin qərarı ilə ona dövlət mükafatı və üç (Badamlı, Sirab, Vayxır) qiymətli mineral suyun yataqlarının ilk kəşfedicisi diplomu verilib. Professor Ə.Əsgərov aparıcı mütəxəssislərdən biri kimi yalnız Azərbaycanda tanınmayıb. L.P.Karpinskinin və V.İ.Vernadskinin tələbələri və davamçıları M.V.Lomonosov adına Moskva Dövlət Universitetinin hidrogeologiya kafedrasının müdiri professor O.K.Lanqe, geologiya elmində tanınmış S.A.Bektaşi, İ.K.Raviç, N.İ.Tolstixin, V.M.Şıts, M.İ.Vrublevskiy və başqa alimlərin əsərlərində onun əməyi yüksək qiymətləndirilib. Onu haqlı olaraq “Azərbaycan hidrogeologiyasının patriarxı” adlandırırlar.
Tədbirdə birliyin üzvləri Rafiq Rəhimov və Əsgər Seyidov Ə.Əsgərovun ailə üzvləri və başqaları çıxışlarında onun elmə olan xidmətlərindən danışıb, alimlə bağlı xatirələrini bölüşüblər.

Əziz Əsgərovun qızı Elbəzək Əsgərova atasının xatirəsinə göstərilən diqqətə görə tədbirin təşkilatçılarına minnətdarlığını bildirib.

Sonra Ə.Əsgərovun elmi həyatı və çoxşaxəli ictimai fəaliyyətinə həsr olunan film nümayiş etdirilib.

Tədbirdə Azərbaycanın Əməkdar Mədəniyyət Xadimi, kinorejissor Ziya Şıxlinskinin “General Əliağa Şıxlinski” adlı filminin təqdimatı da keçirilib.
Ziya Şıxlinski çıxış edərək film barədə məlumat verib.

Mərasimdə tanınmış şairə Şərafət Dağıstanlının “Bağban, məni yaralama” kitabının təqdimatı da olub.

Azərbaycan Dillər Universitetinin professoru Məhəmməd Teymurlu, “Dərbənd” Xeyriyyə İctimai Birliyinin üzvü Rafiq Rəhimov, bəstəkar Elxan Rəsuloğlu çıxış edərək kitabda Ş.Dağıstanlının zəngin və çoxşaxəli yaradıcılığından ətraflı bəhs olunduğunu vurğulayıblar. Qeyd ediblər ki, nəşr gənc nəslin vətənpərvərlik ruhunda tərbiyəsi işinə sanballı töhfədir.

Sonda cari ilin birinci rübündə İctimai Birliyin fəaliyyətinin yekunları və qarşıda duran vəzifələr müzakirə edilib.
Görkəmli geoloq alim Əziz Əsgərovun 110 illik yubileyi qeyd olunub
Görkəmli geoloq alim Əziz Əsgərovun 110 illik yubileyi qeyd olunub
Görkəmli geoloq alim Əziz Əsgərovun 110 illik yubileyi qeyd olunub


Paylaş



Bölmə: Xəbər / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyul 2022    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
Qırmızı işıqda keçən “Range Rover” dəhşətli qəza törətdi - VİDEO

Bakının mərkəzində avtomobilin aşması ilə nəticələnən dəhşətli qəza baş verib.

Bütöv.az xəbər verir ki, bununla bağlı görüntülər sosial şəbəkələrdə paylaşılıb.

Görüntülərdən anlaşılır ki, Bülbül prospektində “Range Rover” markalı avtomobil aşıb.

Hadisə şahidlərinin verdiyi məlumata görə, onun digər avtomobillə toqquşmasının səbəbi yüksək sürətlə qırmızı işıqda keçməsi olub.

Hadisə nəticəsində xəsarət alanlarla bağlı məlumat verilməyib.(Unikal)



All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!