İdman » Səhifə 21

3-06-2024, 17:59

Azərbaycan çempionu həbs edildi

Ağır atletika üzrə Azərbaycan çempionu, bir sıra beynəlxalq yarışların qalibi Ümidvar Bayramlı həbs edilib.
Barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə iş açılmış idmançıya Bakı Ağır Cinayətlər Məhkəməsində hökm oxunub. Dostunu bıçaqlamaqda təqsirli bilinən 2001-ci il təvəllüdlü idmançıya 5 il müddətinə həbs cəzası verilib.
Bildirilib ki, Ü.Bayramlı 27 sentyabr 2023-cü il tarixində, saat 23.00 radələrində Suraxanı rayonu, Hövsan qəsəbəsindəki yaşayış kompleksində tanışı Mirzə adlı şəxsi bıçaqlayıb. Belə ki, Ümidvar Bayramlının zərərçəkmişə satdığı mobil telefon nasaz çıxdığı üçün onlar arasında mübahisə yaranıb. Mübahisə zəminində Ü.Bayramlı tanışına bıçaqla qarın nahiyəsindən zərbə endirib. Düz və çənbər bağırsaqları kəsilən Mirzə xəstəxanaya çatdırılıb.
O da məlum olub ki, gənc idmançı 2022-ci ildə oğurluq əməlinə görə də məhkum edilibmiş və bıçaqlanma hadisəsini törədərkən həmin cəzasını çəkib başa vurmayıbmış.
Məhkəmədə Ü.Bayramlı bildirib ki, Mirzəni görüşə yaranmış mübahisə ilə əlaqədar çağırıb və onu söyüşə görə bıçaqlayıb.
Qeyd edək ki, 2001-ci il təvəllüdlü Ümidvar Bayramlı ağır atletika üzrə Azərbaycan çempiondur. O, həmçinin İsveçdə keçirilən Avropa birinciliyində bürünc medal qazanıb.

Azərbaycan çempionu həbs edildi

3-06-2024, 17:30

Messi ABŞ-də yeni rekorda imza atıb

ABŞ-nin "İnter Mayami" klubunda çıxış edən Argentina millisinin ulduz futbolçusu Lionel Messi MLS-də rekorda imza atıb.
36 yaşlı hücumçu buna bir mövsümdə 25 qolun vurulmasında iştirak etməklə nail olub.
Təcrübəli forvard bu rəqəmə ən tez çatan oyunçudur. Messi 12 matçda 12 qol və 13 assistlə yadda qalıb.
O, 16 görüşdə 25 qolun vurulmasında pay sahibi olan meksikalı sabiq futbolçu Karlos Velanı qabaqlayıb.
Qeyd edək ki, "İnter Mayami" hazırda 35 xalla turnir cədvəlinə başçılıq edir.

Messi ABŞ-də yeni rekorda imza atıb

3-06-2024, 16:30

Azərbaycanlı hakim Gürcüstan millisinin oyununa təyinat aldı

FİFA referisi Fəridə Lütfəliyeva UEFA-dan növbəti təyinat alıb.
Bunu AFFA-nın mətbuat xidməti açıqlayıb.
O, qadınlar arasında Avropa çempionatının seçmə mərhələsi çərçivəsində iyunun 4-də keçiriləcək Gürcüstan – Kipr oyununu idarə edəcək.
C liqasının I qrupunun matçında referiyə Sevda Nuriyeva və Gülnurə Əkbərzadə kömək edəcəklər. Əli Əliyev isə qarşılaşmanın dördüncü hakimi olacaq.
Qeyd edək ki, Tbilisidəki “Mixeil Mesxi II” stadionunda təşkil olunacaq görüş Bakı vaxtı ilə saat 20:00-da başlayacaq.

Azərbaycanlı hakim Gürcüstan millisinin oyununa təyinat aldı

2-06-2024, 00:54

“Real” 15-ci dəfə Çempionlar Liqasının qalibi oldu

UEFA Çempionlar Liqasında final oyunu keçirilib.
İngiltərənin paytaxtı Londondakı “Uembli”də keçirilmiş görüşdə Almaniyanın Dortmund “Borussiya” və İspaniyanın “Real Madrid” komandaları üz-üzə gəlib.
Sloveniyalı referi Slavko Vinçiçin idarə etdiyi qarşılaşma “kral klubu”nun qələbəsi ilə yekunlaşıb – 2:0. Matçda hər iki qol ikinci hissədə vurulub. 74-cü dəqiqədə Dani Karvaxal topu başla tora göndərib, 83-cü dəqiqədə isə Vinisius Junior fərqlənib.
Beləliklə, “Real Madrid” 1 illik fasilədən sonra və tarixində 15-ci dəfə Çempionlar Liqasının qalibi olub. Baş məşqçi Karlo Ançelotti üçün isə bu dördüncü tituldur. Daha öncə italiyalı mütəxəssis 2022/2023 mövsümündə Yürgen Kloppun “Liverpul”unu yenərək “Real Madrid”i 14-cü dəfə çempion edib. Eyni zamanda, o, 2002/2003 və 2006/2007 mövsümlərində İtaliya “Milan”ı ilə də bu titulu əldə edib.

“Real” 15-ci dəfə Çempionlar Liqasının qalibi oldu

1-06-2024, 17:24

Azərbaycan Premyer Liqasının başlama vaxtı açıqlandı

Azərbaycan Premyer Liqasında 2024/25-ci illər mövsümünün başlayacağı tarixi məlum olub.
Bu barədə Peşəkar Futbol Liqası (PFL) məlumat yayıb.
Peşəkar Futbol Liqasının qərarına əsasən, növbəti mövsüm 2 avqust tarixində başlayacaq.
Transfer pəncərələrinin vaxtı ilə əlaqədar olaraq əlavə məlumatlar veriləcəyi bildirilib.

Azərbaycan Premyer Liqasının başlama vaxtı açıqlandı

31-05-2024, 21:38

İdmançımız Avropa çempionatında medal qazandı

Azərbaycanın güllə atıcısı Ruslan Lunyov Xorvatiyanın Osijek şəhərində keçirilən Avropa çempionatında bürünc medal qazanıb.
O, medalı 25 metr məsafədən standart tapançadan atəşaçma üzrə yarışda əldə edib.
İdmançı, ümumilikdə, 570 xal toplayaraq üçüncü yerdə qərarlaşıb.
Avropa çempionatına iyunun 8-də yekun vurulacaq.

İdmançımız Avropa çempionatında medal qazandı

30-05-2024, 17:17

AFFA yeni sponsorluq müqaviləsi imzaladı - FOTO

Azərbaycan Futbol Federasiyaları Assosiasiyası (AFFA) ilə “Misli” arasında sponsorluq müqaviləsinin imzalanma mərasimi keçirilib.
Müqaviləni AFFA-nın icraçı vitse-prezidenti Sərxan Hacıyev və “Azərlotereya” ASC-nin İdarə Heyətinin sədri Osman Karakuş imzalayıblar.
Müqaviləyə əsasən, “Azərlotereya”nın “Misli” brendi qarşıdakı bir il ərzində kişilərdən ibarət A milli komandanın rəsmi sponsoru olacaq.
Sərxan Hacıyev “Misli”nin Azərbaycan futbol ailəsinin yaxın dostu olduğunu bildirib. O, ölkə futboluna göstərdiyi diqqətə, əməkdaşlığa görə “Misli” rəhbərliyinə təşəkkür edib.
Osman Karakuş da Azərbaycan futboluna dəstək olmaqdan böyük məmnunluq duyduqlarını vurğulayıb. O, “Misli”nin ölkədə aparılan idman siyasətinə, xüsusən də, dünyada ən çox sevilən idman növlərindən olan futbolun inkişafına hər zaman dəstək olduğunu bildirərək əməkdaşlığın uğurlu olacağına inamını ifadə edib.
Qeyd edək ki, “Misli” həm də son iki mövsümdür Azərbaycan Premyer Liqasının əsas sponsorudur.

AFFA yeni sponsorluq müqaviləsi imzaladı - FOTO

29-05-2024, 16:34

“Barselona”nın yeni baş məşqçisi bəlli oldu

İspaniyanın “Barselona” komandasının yeni baş məşqçisi bəlli olub.
Bu vəzifəyə almaniyalı Hans-Diter Flik gətirilib. 59 yaşlı mütəxəssislə müqavilə 2026-cı il iyunun 30-na kimi nəzərdə tutulub.
O, bu postda ispaniyalı Xavi Ernandesi əvəzləyib.
Qeyd edək ki, Hans-Diter Flikin son iş yeri 2023-cü ilin sentyabrına qədər rəhbərlik etdiyi Almaniya millisi olub.

“Barselona”nın yeni baş məşqçisi bəlli oldu

28-05-2024, 22:28

Azərbaycan klubu baş məşqçi ilə yollarını ayırdı

"Turan Tovuz" klubu baş məşqçisi Ayxan Abbasovla yollarını ayırıb.
Qarşılıqlı razılıq əsasında mütəxəssisin müqaviləsinə xitam verilib.
Qeyd edək ki, 42 yaşlı çalışdırıcı 2022-ci ildə qərb təmsilçisinə baş məşqçi təyin olunmuşdu.

Azərbaycan klubu baş məşqçi ilə yollarını ayırdı

28-05-2024, 15:44

Renat Dadaşov "Hatayspor"dan ayrıldı

Azərbaycan millisinin və "Hatayspor"un futbolçusu Renat Dadaşov klubundan ayrılıb.
Futbolçu özü bu barədə sosial şəbəkə hesabında yazıb.
"Hər şey üçün təşəkkür edirəm, HATAY!", - deyə o bildirib.
Qeyd edək ki, 25 yaşlı hücumçu 2023-cü ildə "Hatayspor"a keçmişdi.

Renat Dadaşov "Hatayspor"dan ayrıldı