8-04-2024, 13:49
“Araz-Naxçıvan” klubuna baş məşqçi təyin olundu
Elmar Baxşıyev “Araz-Naxçıvan” futbol klubunun baş məşqçisi təyin olunub.
Bu barədə mütəxəssisin özü məlumat verib.
Təyinat bu gün reallaşıb.
Qeyd edək ki, Elmar Baxşıyev "Araz-Naxçıvan"dan ayrılan Azər Bağırovu əvəzləyib. 43 yaşlı mütəxəssis bundan öncə “Qəbələ”ni çalışdırıb.
7-04-2024, 12:51
Daha bir güləşçimiz yeni mərhələyə vəsiqə qazandı
Azərbaycanın sərbəst güləşçisi Turan Bayramov Bakıda keçirilən Avropa Olimpiya Təsnifat turnirinə qələbə ilə başlayıb.
74 kq çəki dərəcəsində yer alan 23 yaşlı idmançı 1/8 final mərhələsində isveçrəli Tobias Portmannı üstələyib.
Görüş təmsilçimizin 10:0 hesablı qələbəsi ilə yekunlaşıb. Bayramov 1/4 finalda Rumıniya idmançısı Zurab Karpayevlə üz-üzə gələcək.
Qeyd edək ki, daha əvvəl Osman Nurmaqomedov (86 kq) 1/8 finala, Əliabbas Rzazadə (57 kq) və Hacı Əliyev (65 kq) isə 1/4 finala adlayıblar.
6-04-2024, 16:50
“Araz-Naxçıvan” klubu baş məşqçisiylə yollarını ayırdı
“Araz-Naxçıvan” klubu baş məşqçisi Azər Bağırovla yollarını ayırıb.
40 yaşlı mütəxəssisin müqaviləsinə qarşılıqlı razılıq əsasında xitam verilib.
Qeyd edək ki, “Araz-Naxçıvan” hazırda turnir cədvəlində 32 xalla 8-ci pillədə qərarlaşıb.
4-04-2024, 15:22
UEFA növbəti dəfə “Qarabağ”a ödəniş etdi
UEFA növbəti dəfə “Qarabağ” klubuna ödəniş edib.
Ağdam təmsilçisinə Avropa Liqasının play-off mərhələsinə vəsiqə qazandığına və 1/8 final mərhələsinə yüksəldiyinə görə 1,700,000 (bir milyon yeddi yüz min) avro verilib.
Vəsait milli assosiasiyanın vasitəçiliyi ilə klubun hesabına köçürülüb.
2-04-2024, 22:08
“Qarabağ” “Neftçi”ni məğlub etdi: Hesab 4:0
Futbol üzrə Azərbaycan Kubokunda yarımfinal mərhələsinə start verilib.
Günün yeganə oyununda "Neftçi" - "Qarabağ" komandaları üz-üzə gəliblər. Görüş Ağdam təmsilçisinin 4:0 hesablı qəsəbəsi ilə yekunlaşıb.
Matçda hesabı 14-cü dəqiqədə penaltidən Toral Bayramov açıb. O, 29-cu dəqiqədə dublunu rəsmiləşdirib. 37-ci dəqiqədə Marko Yankoviç üçüncü qolu meydan sahiblərinin qapısından keçirib. Matçın yekun nəticəsini 86-cı dəqiqədə Nəriman Axunzadə müəyyənləşdirib.
Komandaların arasında cavab qarşılaşması aprelin 24-də Tofiq Bəhramov adına Respublika Stadionunda baş tutacaq.
Qeyd edək ki, yarımfinalın digər oyunu aprelin 3-də "Zirə" və "Qəbələ" arasında keçiriləcək.
2-04-2024, 17:51
Azərbaycan pəhləvanı dünya rekorduna imza atdı
Azərbaycan pəhləvanı Vüsal Cavadov dünya rekordunu qırıb.
O, bunun üçün müxtəlif hərəkətlərdə gücünü sınayıb.
İdmançı ilk olaraq şüşə qırıntıları üzərinə çıxaraq bıçaqdan asılı olan 33 kiloqram ağırlığında çəki daşlarını qaldırıb. Sonra pəhləvan ağzında iti bıçağın kəsici tərəfi ilə avtomobili dartıb. Bununla da V.Cavadov yeni dünya rekorduna imza atıb.
“Ginnes” rekordçuları və Dünya Rekordlar Federasiyasının nümayəndələri prosesi qeydə aldıqdan sonra təsdiqləyiblər.
1-04-2024, 17:04
Azərbaycan və Macarıstan oyununun hakimləri müəyyənləşdi
Qadın futbolçulardan ibarət Azərbaycan millisinin səfərdə Macarıstan yığmasına qarşı keçirəcəyi Avropa çempionatının seçmə mərhələ oyununun təyinatları bəlli olub.
Matç İngiltərədən olan hakimlərə tapşırılıb.
Referi Kirsti Doula yan xətt hakimləri Sofi Denninqton və Rubi Saykes yardımçı olacaqlar. Dördüncü hakim funksiyasını Emil Heaslip yerinə yetirəcək.
Qeyd edək ki, B Liqasının I qrupundakı oyun aprelin 5-də, Bakı vaxtı ilə saat 19:45-də start götürəcək.
31-03-2024, 15:28
Daha bir cüdoçumuz Böyük Dəbilqədə finala vəsiqə qazandı
Azərbaycanın daha bir cüdoçusu Türkiyənin Antalya şəhərində keçirilən Böyük Dəbilqədə finala yüksəlib.
90 kq çəki dərəcəsində mübarizə aparan Vüqar Talıbov həlledici raunda vəsiqə qazanıb.
Bu gün tatamiyə çıxan Uşangi Kokauri və Camal Qamzatxanov (hər ikisi +100 kq) medal şanslarını itiriblər.
Qeyd edək ki, turnirdə daha əvvəl Azərbaycanın 6 cüdoçusu qüvvəsini sınayıb. Yalnız Rəşid Məmmədəliyev finalfa uduzaraq (73 kq) gümüş medal qazanıb.
30-03-2024, 17:54
Cüdomuz “Böyük Dəbilqə” turnirində finala vəsiqə qazandı
Azərbaycan cüdoçusu Rəşid Məmmədəliyev Türkiyənin Antalya şəhərində keçirilən “Böyük Dəbilqə” turnirinin finalına vəsiqə qazanıb.
73 kiloqramda mübarizə aparan idmançı yarımfinalda türkiyəli Umalt Dəmirəli məğlub edib. Onun həlledici görüşdəki rəqibi moldovalı Adil Osmanov olacaq.
73 kiloqramda çıxış edən digər cüdoçu Vüsal Qələndərzadə kiprli Kiprianos Andreuya, 81 kiloqramda yarışan Ömər Rəcəbli isə portuqaliyalı Joau Fernanduya məğlub olaraq turnirlə vidalaşıb.
Qeyd edək ki, martın 31-dək davam edəcək “Böyük Dəbilqə” turnirində Azərbaycan 9 cüdoçu ilə təmsil olunur.
29-03-2024, 23:37
“Qalatasaray” “Qarabağ”ı mövsümün çempionu olması münasibətilə təbrik etdi
Türkiyənin “Qalatasaray” futbol klubu “Qarabağ” FK-nı Azərbaycan Premyer Liqasında cari mövsümün çempionu olması münasibətilə təbrik edib.
Bu haqda “Qalatasaray” FK “X”də paylaşım edib.
“Can Azərbaycanda çempion olan “Qarabağ” FK-nı təbrik edirik”, - deyə paylaşımda qeyd olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!