3-08-2022, 11:26
3-08-2022, 11:12
Şahmatçılarımız növbəti oyunlarına çıxır
Hindistanın Çennay şəhərində keçirilən Ümumdünya Şahmat Olimpiadasında Azərbaycanın kişi və qadınlardan ibarət milliləri bu gün 6-cı turun oyunlarına çıxacaq.
Butov.az xəbər verir ki, kişilər yığmamız Slovakiya, qadınlar millimiz isə Qazaxıstanla qarşılaşacaq.
Şahmat Olimpiadası
4-cü tur
Kişilər
Slovakiya – Azərbaycan
Viktor Qazik – Şəhriyar Məmmədyarov
Yuray Druşka – Qədir Hüseynov
Xristofer Repka – Vasif Durarbəyli
Lyubomir Ftaçnik – Nicat Abbasov
Qadınlar
Azərbaycan – Qazaxıstan
Günay Məmmədzadə – Jansaya Əbdumalik
Gövhər Beydullayeva – Bibisara Assaubayeva
Gülnar Məmmədova – Kseniya Balabayeva
Ülviyyə Fətəliyeva – Qulisxan Naxbayeva
Oyunlar Bakı vaxtı ilə saat 13:30-da başlanacaq.
3-08-2022, 10:52
3-08-2022, 10:40
3-08-2022, 10:34
Raket və Artilleriya Qoşunlarında həyəcan siqnalı
Müdafiə nazirinin təsdiq etdiyi döyüş hazırlığı planına uyğun olaraq, Raket və Artilleriya Qoşunlarının bölmələri ilə yeni tədris dövrünün məşğələləri keçirilir.
Plana uyğun olaraq “Həyəcan” siqnalı ilə qaldırılan bölmələr daimi dislokasiya məntəqələrindən cəmləşmə rayonlarına çıxarılaraq atəş mövqelərini tutublar.
Keçirilən məşğələlərdə əsas məqsəd komandir heyətinin çevik qərar qəbuletmə bacarıqlarının təkmilləşdirilməsi, eləcə də digər qoşun növləri ilə qarşılıqlı əlaqədə atəşi idarəetmə suallarının məşq etdirilməsi və hərbi qulluqçuların praktiki vərdişlərinin inkişaf etdirilməsidir.
3-08-2022, 10:07
3-08-2022, 10:01
DİN-dən Məhərrəm ayı ilə bağlı MÜRACİƏT
Bu il iyul ayının 30-dan başlamış Məhərrəm ayında, o cümlədən avqustun 8-nə təsadüf edən “Aşura” günündə dini mərasimlər “Dini etiqad azadlığı haqqında” Azərbaycan Respublikasının qanununa müvafiq olaraq yalnız məscid, ziyarətgah və onlara aid ərazilərdə keçirilməlidir. Bu barədə Daxili İşlər Nazirliyindən (DİN) daxil olan müraciətdə deyilir. Bildirilir ki, mərasim iştirakçılarının təhlükəsizliyi, məscidlərə rahat gediş-gəlişi, dini ayinləri sərbəst və maneəsiz yerinə yetirmələri üçün bütün lazımi tədbirlər görülür:
"Eyni zamanda diqqətə çatdırırıq ki, əhalinin epidemioloji salamatlığının təmin edilməsinin zəruriliyi baxımından mərasimlərin həm də sanitariya normalarına uyğun təşkil edilməsi tövsiyə olunur. Piyadaların və yol hərəkətinin digər iştirakçılarının həyatına təhlükə yaradan, tıxaclara səbəb ola bilən hallara yol verilməməlidir.
İnsanların dini etiqad azadlığına dərin hörmətimizi ifadə edərək vətəndaşlarımızı bu müraciəti anlayışla qarşılamağa çağırır və həmçinin bildiririk ki, qeyd olunan tələb və tövsiyələr məhz hər bir şəxsin həyatının, sağlamlığının, hüquqlarının, azadlıqlarının, qanuni mənafelərinin və cəmiyyətin dinc həyatının qorunmasına xidmət edir".
3-08-2022, 09:19
ABŞ Alina Kabayevanı "qara siyahı"ya saldı
ABŞ Rusiyaya qarşı sanksiyaları genişləndirib. Sanksiya siyahısına idmançı Alina Kabayevanın da daxil olduğu 13 fiziki və 30-dan çox qurumun adları əlavə edilib. Bundan əlavə, PhosAgro-nun keçmiş rəhbəri Andrey Quryev, Xerson vilayətinin rəhbəri Vladimir Saldo və Xerson vilayətinin administrasiyası rəhbərinin müavini Kirill Stremousov məhdudlaşdırıcı tədbirlərə məruz qalıblar.
İyulun sonunda ABŞ Senatı Dövlət Departamentini Çeçenistan, Gürcüstan, Suriya və Ukraynada baş verən hadisələrə görə Rusiyanı terrorizmə sponsorluq edən dövlət kimi tanımağa çağıran qətnamə qəbul edib. ABŞ Konqresinin saytında təqdim olunan məlumatlara görə, qətnamə mayın 9-da təqdim edilib. Sənəddə bildirilir ki, ABŞ Senatı Rusiya hökumətinin Rusiya prezidenti Vladimir Putinin göstərişi ilə törətdiyi hərəkətləri terror aktlarının sponsoru hesab edir.
3-08-2022, 08:18
ABŞ-ın Ermənistandakı səfirliyi bu ölkədəki vətəndaşlarına təhlükəsizlik məqsədilə müəyyən ərazilərdən uzaq durmaqla bağlı xəbərdarlıq edib. Bu barədə erməni mətbuatı məlumat yayıb. Məlumatda qeyd olunub ki, söhbət avqustun 2-də axşam Fövqəladə Hallar Nazirliyinə partlayıcı qurğuların qoyulması barədə məlumat daxil olan yerlərdən gedir. Bunlar “Zvartnots” hava limanı, İrəvan metrosunun bütün stansiyaları, habelə paytaxt meriyası və Milli Məsclisin binalarıdır.
ABŞ səfirliyi Amerika vətəndaşlarını məlumatlandırıb ki, fövqəladə xidmətlər “Zvartnots” hava limanında, bütün metro stansiyalarında, meriya və Milli Məclisdə bomba təhlükəsi ilə bağlı yoxlama aparır.
Qeyd edək ki, “Zvartnots” hava limanında və meriyada heç bir partlayıcı qurğu aşkarlanmayıb, metroda axtarış davam edir.
3-08-2022, 08:04
Bunu Trampdan öyrənmişəm!
Emin Ağalarov Moskvada yeni açdığı “Peach” (“Şaftalı”) restoranı barədə danışıb. Ağalarov deyib ki, markanın arxasında bir insan varsa, xüsusən də söhbət restoran biznesindən gedirsə, onu tanıtmaq daha asandır:
"Bu brendlərin siması olduğuma inanıram. Yəni Ağalarovun restoranları. Yeni restoran açdığımı videoda elan edib insanları ora dəvət etsəm, bu, onlar üçün keyfiyyət əlamətidir. Zəhərlənməyəcəklərinə, xidmətin yaxşı olacağına, çox güman ki, dadlı olacağına inamdır. Hər kəsin subyektiv fikri var, kiminsə xoşuna gəlməyə bilər, amma ümumiyyətlə, başa düşürəm ki, izləyicilərimin çoxu gedib yeni bir şey sınayacaqlar, çünki artıq məni tanıyırlar. Əslində, mən bunu hər yerdə soyadını başlığa yazan Donald Trampdan öyrənmişəm”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!