5-10-2024, 13:46
Ermənistan təxribat xarakterli addımlardan çəkinməlidir - XİN-dən xəbərdarlıq
Ermənistan Xarici İşlər Nazirliyinin mətbuat katibinin bütün vasitələrlə hücum silahları ilə təchiz olunan, konstitusiyasında və digər hüquqi aktlarında Azərbaycana qarşı ərazi iddialarını davam etdirən Ermənistanın sülhsevər mövqeyi ilə bağlı açıqlamaları beynəlxalq ictimaiyyəti çaşdırmaq məqsədi daşıyan manipulyasiyadır.
Bu barədə Azərbaycan Xarici İşlər Nazirliyinin mətbuat katibi Ayxan Hacızadənin Ermənistan Xarici İşlər Nazirliyinin mətbuat katibinin Ermənistanın hərbiləşdirilməsinə bəraət qazandırması və Azərbaycandan iddia olunan təhdidlər barədə söylədiyi fikirlərə dair şərhində bildirilib.
Qeyd olunub ki, indi də Ermənistan XİN-in mətbuat katibi Ermənistan Konstitusiya Məhkəməsinin Ermənistan və Azərbaycan arasında sərhədlərin delimitasiyası üzrə komissiyalarının birgə fəaliyyətini tənzimləyən reqlamentin Ermənistan konstitusiyasına uyğunluğu barədə bu yaxınlarda qəbul etdiyi qərara onların konstitusiyasında “qonşularına qarşı ərazi iddialarının mövcud olmadığının” “təsdiqi” kimi istinad edir.
Bu iddiaya dair faktları yoxlayarkən, Ermənistan tərəfinin hələ 2010-cu ilin yanvarında Türkiyə ilə münasibətlərinin normallaşdırılmasına dair protokolların onun konstitusiyasına uyğunluğu ilə bağlı konstitusiya məhkəməsinin qərarının təfərrüatlı şəkildə əsaslandırıldığı zaman qondarma “Qərbi Ermənistan” iddialarından əl çəkmədiyini xatırlamaq kifayətdir.
Eyni məntiq və yanaşma məhkəmənin Azərbaycanla Ermənistan arasında sərhəd komissiyalarının reqlamentinin Ermənistan konstitusiyasına uyğunluğu ilə bağlı 26 sentyabr 2024-cü il tarixli qərarının qəbulu zamanı da tətbiq edilib. Məhkəmə qərarında hazırda Ermənistana məxsus olan rayonların sadalanmasına baxmayaraq, Azərbaycan ərazilərinə iddianı ehtiva edən Ermənistanın Müstəqillik Bəyannaməsinə istinadın əks olunduğu preambulanın konstitusiyanın ayrılmaz hissəsi kimi əhəmiyyəti vurğulanıb. Xüsusən də, məhkəmə qərarında preambula və dolayısı ilə Müstəqillik Bəyannaməsi “erməni dövlətçiliyinin əsas prinsipləri” kimi səciyyələndirilib və onların dəyişilməz müddəalar olduğu qeyd edilib ki, bu da Ermənistanın Azərbaycan ərazilərə qarşı iddialarından irəli gələn təhdidi daha da artırır.
Almatı Bəyannaməsi məsələsinə gəlincə, məlumdur ki, Müstəqil Dövlətlər Birliyinin (MDB) yaradılması haqqında 8 dekabr 1991-ci il Sazişində və 21 dekabr 1991-ci il Almatı Bəyannaməsində nəzərdə tutulan ərazi bütövlüyünə və sərhədlərin toxunulmazlığına hörmətlə bağlı müddəalarda MDB-yə üzv dövlətlər arasında faktiki sərhədlərin hansı olduğu və ya hər bir dövlətin tərkibinə hansı ərazilərin daxil olması məsələsinə aydınlıq gətirilmir. Beləliklə, Almatı Bəyannaməsi Ermənistanın “xoş niyyətinin” təsdiqi sayıla bilməz.
Ermənistanın 18 fevral 1992-ci il tarixində MDB-nin yaradılması haqqında sazişi qeyd-şərtlə ratifikasiyasını inkar etmək olmaz. Üstəlik, Ermənistan qeyd-şərtlər etmək niyyətini hələ 26 dekabr 1991-ci il tarixində Ermənistan Ali Soveti MDB-nin yaradılması haqqında sazişə dair Protokolu ratifikasiya edəndə rəsmən bəyan edib. MDB-nin yaradılması haqqında sazişin ratifikasiyasına dair Ali Sovetin 18 fevral 1992-ci il tarixli qərarının 10-cu bəndində aydın şəkildə göstərilir ki, Ermənistan Respublikası qondarma “Dağlıq Qarabağ Respublikasını MDB-yə daxil olmaq hüququ olan müstəqil dövlət hesab edirdi.”
Ali Sovetin bu qərarından sonra Ermənistan heç vaxt “Dağlıq Qarabağı” Azərbaycanın tərkib hissəsi kimi tanımayıb, bu mövqe Ali Sovetin 8 iyul 1992-ci il tarixli Qərarında bir daha təsdiqlənib və Ermənistanın 5 iyul 1995-ci il tarixli Konstitusiyası ilə daha da möhkəmlənib. O zaman qeyd-şərtin müqaviləyə tərəf digər ölkələrin nəzərinə çatdırılmasının zəruri olub-olmaması və Ermənistanın belə tədbir görüb-görmədiyindən asılı olmayaraq, hər hansı bir mühakimə yürütmədən, qeyd-şərtlər Ermənistan qanunvericiliyinin bir hissəsidir və inkar edilə bilməz.
Beləliklə, həmçinin Ermənistanın Almatı Bəyannaməsinə qoşulan zaman konstitusiyasında Azərbaycanın ərazi bütövlüyünə qarşı artıq mövcud olan iddiasını və onun qeyd-şərtlərini nəzərə alaraq, Ermənistan “Dağlıq Qarabağın” Azərbaycanın tərkib hissəsi kimi tanınmasını istisna edib. Odur ki, Ermənistan öz konstitusiyasına dəyişikliklər edənə və Azərbaycana qarşı iddiasını əks etdirən bütün hüquqi və siyasi aktlardan imtina etməyənə qədər Ermənistanın Azərbaycanın ərazi bütövlüyü və suverenliyini tanıması barədə bəyanatların heç bir hüquqi əsası yoxdur.
Həmçinin, Almatı bəyannaməsinə qoşularkən Ermənistanın Azərbaycana qarşı təcavüz tarixini nəzərə alaraq, “keçmiş Sovet İttifaqının respublikalarının inzibati sərhədləri boyunca bir-birinin ərazi bütövlüyü və suverenliyinin tanınması” dedikdə Ermənistanın 1992-ci ildə və indi nə nəzərdə tutduğuna aydınlıq gətirməsinin vaxtı çatıb.
Bütün bunların fonunda və Ermənistan siyasətinin gözlənilməz xarakteri nəzərə alınaraq, kütləvi militarizasiyaya bəraət qazandıran özünümüdafiə hüquqları ilə bağlı arqumentlər həm uydurma, həm də təhlükəlidir.
Bundan əlavə, Ermənistan XİN-in Azərbaycanın COP29-dan guya Ermənistana hücuma hazırlıq məqsədilə “tüstü pərdəsi” kimi istifadə etdiyini iddia edərək, Azərbaycanda COP29-a səfər etməkdən çəkinməyə çağıran yalan dolu təbliğatı təəssüf doğurur.
Erməni tərəfinin bu problemlərə məhəl qoymamaq məntiqi onu göstərir ki, bu ölkə davamlı sülhdə maraqlı deyil və gələcəkdə Azərbaycana qarşı növbəti dəfə təcavüzə başlamaq üçün bu vəziyyəti ehtiyat variant kimi saxlamağa çalışır.
Ermənistan ziddiyyətli bəyanatlardan, təxribat xarakterli addımlardan çəkinməli, beynəlxalq hüququn norma və prinsiplərinə hörmət etdiyini öz fəaliyyəti və real addımları ilə nümayiş etdirməlidir.
5-10-2024, 13:40
“Qarabağ”ın futbolçusu milliyə çağırıldı
“Qarabağ”ın əlcəzairli yarımmüdafiəçisi Yasin Benzia milli komandadan dəvət alıb.
Əlcəzair millisinin Afrika Millətlər Kubokunda mübarizəsi üçün təqdim etdiyi siyahıya Yasin Benzia da daxil edilib.
Milli seçmə mərhələsində oktyabrın 10 və 14-də Toqo ilə qarşılaşacaq.
5-10-2024, 13:22
102 tələbəyə Prezident təqaüdü təyin edildi - SİYAHI
Prezident İlham Əliyev 2024–2025-ci tədris ilində Azərbaycan Respublikasının ali məktəblərinə daxil olmuş tələbələrə Prezident təqaüdünün verilməsi haqqında Sərəncam imzalayıb.
Sərəncama əsasən, 2024–2025-ci tədris ilində tələbə qəbulu imtahanlarında ixtisas qrupları üzrə ən yüksək nəticələr göstərmiş və Azərbaycan Respublikasının ali məktəblərinə daxil olmuş tələbələrə Prezident təqaüdü verilir.
Abbaslı Səma Hüseyn qızı
Abbasov Orxan Taleh oğlu
Abdullayeva Rəna Natiq qızı
Ağakişiyeva Aysu Asif qızı
Ağazadə Nərmin Teymur qızı
Axundov Nurlan Saleh oğlu
Bababəyli Semral Aprel qızı
Baxşalıyev Azər Natiq oğlu
Bədəlova Aytac Rasim qızı
Bədəlova Nərgiz Cəlal qızı
Dəmirçiyev Ayxan Ramin oğlu
Elyazov Şükür Şakir oğlu
Eyvazlı Əsmər Elmar qızı
Eyvazov Maarif Seymur oğlu
Eyyubov Samur Şirvan oğlu
Əbilov Ziya Namiq oğlu
Əhmədova Nəzrin Ramil qızı
Əliyev Məhəmməd Vüsal oğlu
Əliyev Ömər İlqar oğlu
Əliyev Turan Anar oğlu
Əliyeva Amalya Tural qızı
Əliyeva Aytac Xəqani qızı
Əlizadə Rəbiyyə Həsən qızı
Əlizadə Ülvi Rövşən oğlu
Əmirov Coşqun Rafiq oğlu
Əsədov Rüfət Raqif oğlu
Əsədullayev Amin Arif oğlu
Əsgərzadə Hikmət Ramin oğlu
Garayzadə Kənan Rafiq oğlu
Gülməliyeva Sevil Rövşən qızı
Gülməmmədov Məhəmməd Akifoviç
Hacıbabayeva Gülafət Anar qızı
Hacıyeva Nuray Hafis qızı
Hacıyeva Zeynəb Hünər qızı
Həbibli Ülvi Vahab oğlu
Həmzəli Suat Zahir oğlu
Həsənli Əsmər Səxavət qızı
Həsənov Fizuli Vüqar oğlu
Həsənzadə Səma Ələsgər qızı
Hüseynli Murad Vidadi oğlu
Hüseynov Elcan Rüfət oğlu
Hüseynov Nurlan Fizuli oğlu
Hüseynova Nuray Emin qızı
Hüseynova Pakizə Namil qızı
Hüseynzadə Nəzrin Fuad qızı
Xəlilzadə Amin Yavər oğlu
Xəlilzadə Əkrəm Samir oğlu
İlyasova Zərifə Elmaz qızı
İsaqov Elvin Ceyhun oğlu
İsmayıllı Kənan Mehman oğlu
Kərimli Qəhrəman Elsevər oğlu
Kərimov Fuad Daşqın oğlu
Qaçabəyova Həlimə Yaşar qızı
Qafarlı İlkin Elçin oğlu
Qafarzadə Zəhra Zaur qızı
Qasımova Fatimə Elxan qızı
Qənbərova İnci Rauf qızı
Qurbanova Ləman Sənan qızı
Mahmudzadə Nihad Mahmud oğlu
Məcidov Əşkəbuz Zamin oğlu
Məhərrəmova Nigar Mübariz qızı
Məhərrəmzadə İlahə Rəşad qızı
Məmmədli Ceyhun Azər oğlu
Məmmədli Fatimə Faiq qızı
Məmmədli Məhəmməd Vaqif oğlu
Məmmədli Murad Gəray oğlu
Məmmədli Röya Əlizamin qızı
Məmmədli Saleh Babək oğlu
Məmmədova Lalə Ramiz qızı
Məmmədzadə Mələk Cabir qızı
Məmmədzadə Şərafət Nüsrət qızı
Mərdanlı Xədicə Sərkər qızı
Miriyeva Nəzrin Miriş qızı
Mirzalıyev Fuad Yaşar oğlu
Muradov Cəlal Murad oğlu
Mustafazadə Afiq Arzu oğlu
Namazov Nihad Ruslan oğlu
Nəsirova Zenfira Rəşadət qızı
Novruzova Şəbnəm Ramin qızı
Nuruyev Elgün Akif oğlu
Orucov Fəxri Faiq oğlu
Rəhimova Səidə Ruhib qızı
Rüstəmli Fidan Ayət qızı
Rüstəmova Validə Elçin qızı
Rzayev Yaqub Aqil oğlu
Sadıqova Aytac Elnur qızı
Salmanov Ayxan Sərdar oğlu
Səfərli Ayişə Bəxtiyar qızı
Səfərli Yunis Elxan oğlu
Səfərova Leyla Abuzər qızı
Səlimova Aysel Ehtiram qızı
Səmədli Pərviz Hafiz oğlu
Süleymanov Nəsib Asif oğlu
Şəkərov Zaur Əvəz oğlu
Şirinli Raul Rəşid oğlu
Şirinov Nicat Seymur oğlu
Tahirli Lalə Cahangir qızı
Vəliməmmədov Fərid Musa oğlu
Vəliyeva Şəms Azər qızı
Yusibov Elşən Səfa oğlu
Yusifov Fərid Güloğlan oğlu
Yusifova Səbinə Vüqar qızı.
5-10-2024, 13:17
Prezident deputatla bağlı sərəncam imzaladı
Sabir Kamal oğlu Hacıyev “Şöhrət” ordeni ilə təltif
edilib.
Bununla bağlı Prezident İlham Əliyev Sərəncam imzalayıb.
Sərəncamla S.Hacıyev Azərbaycanın ictimai-siyasi həyatında səmərəli fəaliyyətinə görə ordenə layiq görülüb.
5-10-2024, 13:13
Heydər Əliyev su anbarına 200 min sazan balığının körpələri buraxıldı
Naxçıvan Muxtar Respublikasında (MR) Heydər Əliyev su anbarına 200 min sazan balığının körpələri buraxılıb.
Tədbirdə Naxçıvan MR-in Ekologiya və Təbii Sərvətlər Nazirliyinin rəhbər və işçi heyəti, eləcə də Türkiyənin Naxçıvandakı Baş Konsulu Asip Kaya, digər rəsmi şəxslər və ekokönüllülər iştirak edib.
Məqsəd biomüxtəlifliyin qorunması, su hövzələrinin zənginləşdirilməsi, balıq populyasiyasının artırılması olub.
Bu gün həmçinin Uzunoba su anbarına 50 min sazan balığının körpələri, eyni zamanda Kəklik və Turac quşları təbiətə buraxılacaq.
5-10-2024, 12:59
Cüdoçumuz dünya çempionatının finalında
Azərbaycan cüdoçusu Kənan Nəsibov Tacikistanın paytaxtı Düşənbə şəhərində gənclər arasında keçirilən dünya çempionatında finala vəsiqə qazanıb.
100 kiloqramdan yuxarı çəkidə mübarizə aparan idmançı yarımfinalda Beynəlxalq Cüdo Federasiyasının (IJF) bayrağı altında çıxış edən Arsen Kadjayevə ipponla qalib gəlib. O, qızıl medal uğrunda qarşılaşmada Denis Batçayevlə (IJF) üz-üzə gələcək.
100 kiloqram çəki dərəcəsində çıxış edən Əjdər Bağırov isə yarımfinalda özbəkistanlı Muhammadsodik Sodikova uduzub. O, bürünc medal görüşündə iranlı Ali Reza Niksereştlə qarşılaşacaq.
Qeyd edək ki, hələlik bu dünya çempionatında Azərbaycan millisinin aktivində bir medal var. Ötən gün Süleyman Şükürov (81 kiloqram) 3-cü yeri tutub.
5-10-2024, 12:34
Bazar günü 28 dərəcə isti olacaq
Bakıda və Abşeron yarımadasında oktyabrın 6-da hava şəraitinin dəyişkən buludlu olacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, sabah mülayim cənub-şərq küləyi əsəcək.
Havanın temperaturu gecə 14-18° isti, gündüz 22-26° isti olacaq. Atmosfer təzyiqi normadan yüksək 765 mm civə sütunu olacaq. Nisbi rütubət gecə 70-80 %, gündüz 45-55 % olacaq.
Azərbaycanın rayonlarında hava şəraiti əsasən yağmursuz keçəcək. Gecə və səhər bəzi yerlərdə arabir duman olacaq. Mülayim şərq küləyi əsasən şərq rayonlarında arabir güclənəcək.
Havanın temperaturu gecə 14-18° isti, gündüz 23-28° isti, dağlarda gecə 2-7° isti, gündüz 13-18° isti olacaq.
5-10-2024, 12:26
Zəfər xronikası - 5 oktyabrda azad olunan kəndlər
2020-ci il sentyabrın 27-də Ermənistan silahlı qüvvələrinin cəbhəboyu törətdiyi genişmiqyaslı təxribatlara cavab olaraq Azərbaycan Ordusu əks-hücum əməliyyatına başladı. Şanlı Vətən müharibəsi otuzillik işğala son qoyan parlaq Qələbə ilə nəticələndi. Müzəffər Ali Baş Komandan İlham Əliyevin rəhbərliyi ilə qazanılmış möhtəşəm Zəfər yürüşü Azərbaycan tarixinə qızıl hərflərlə yazıldı.
5 oktyabr - müharibənin 9-cu günü
• Azərbaycan Ordusu Cəbrayıl rayonunun Şıxəli Ağalı, Sarıcalı, Məzrə kəndlərini və müxtəlif istiqamətlərdə bir neçə strateji yüksəkliyi azad edib. Prezident İlham Əliyev bu barədə rəsmi twitter səhifəsində paylaşım edib.
• Prezident İlham Əliyev Türkiyənin “TRT Haber” televiziya kanalına müsahibə verib.
• Azərbaycan Ordusunun zərbələri nəticəsində Ağdərə istiqamətində Ermənistan silahlı qüvvələrinin 4 ədəd BM-21 “Qrad” yaylım atəşli reaktiv sistemi, 3 tankı məhv edilib. Bu barədə Müdafiə Nazirliyi məlumat yayıb.
• Aprel döyüşlərində düşmənin altı tankını məhv etdiyinə görə “Azərbaycan Bayrağı” ordeninə layiq görülmüş gizir Tahir Misirxanov Vətən müharibəsinin gedişində Ermənistan ordusunun daha 11 zirehli texnikasını sıradan çıxarıb.
• Səhər saatlarında Azərbaycan Hava Hücumundan Müdafiə Qüvvələrinin radiolokasiya sistemlərinin texniki vasitələri Ermənistanın Cermuk, Qafan və Berd rayonları ərazisində yerləşən start mövqelərindən Azərbaycan ərazisinə raket buraxılışını qeydə alıb.
• Ermənistan silahlı qüvvələrinin yaşayış məntəqələrimizi ağır artilleriya qurğularından və raket sistemlərindən intensiv atəşə tutması nəticəsində oktyabrın 5-i saat 16:00-ya olan məlumata görə, həlak olmuş mülki şəxslərin sayı 25-ə, xəsarət alanların sayı isə 127-yə çatıb. Bundan başqa, 316 evə və 56 mülki obyektə ciddi ziyan dəyib.
• İşğalçı ölkənin silahlı qüvvələri cəbhə bölgəsindən 100 kilometr uzaqlıqdakı Mingəçevir şəhərini raket atəşinə tutub, nəticədə 5 nəfər yaralanıb.
• Müdafiə Nazirliyi işğaldan azad edilmiş Talış kəndinin videogörüntülərini paylaşıb.
• Ermənistan ordusunun Cəbrayıl istiqamətində atıb qaçdığı xeyli sayda silah-sursatı, döyüş və avtomobil texnikası qənimət götürülüb.
• Ermənistan ordusunun bölmələri müharibə cinayətlərini davam etdirərək Ağcabədi, Bərdə, Gəncə və Mingəçevir şəhərlərini, Tərtər rayonunun Əskipara kəndini, Ağdam rayonunun Xındırıstan kəndini və cəbhəyanı ərazilərdəki digər yaşayış məntəqələrini ağır silahlardan və artilleriya qurğularından atəşə tutub. Nəticədə onlarla mülki infrastruktur obyekti sıradan çıxıb, əhalinin əmlakına külli miqdarda ziyan dəyib.
5-10-2024, 12:09
Moskva-Gəncə təyyarəsində halı pisləşən qadın aeroportda öldü
Moskva-Gəncə reysi ilə Azərbaycana gələn sərnişin təyyarədə infarkt keçirib.
Hadisə oktyabrın 4-ü saat 15 radələrində qeydə alınıb.
Gəncə şəhər sakini 1963-cü il təvəllüdlü Kəhriz İmran qızı Həsənovanın halı pisləşib. O, eniş edən təyyarədən endirilsə də, Gəncə Beynəlxalq Hava Limanında vəfat edib.
Hadisə ilə bağlı Gəncə Şəhər Prokurorluğu tərəfindən araşdırma aparılır.
5-10-2024, 11:51
Vitse-spiker ilk səfərini Gürcüstana etdi - FOTO
Milli Məclis sədrinin birinci müavini Əli Əhmədov vitse-spiker kimi ilk səfərini Gürcüstana edib.
O həmkarları ilə birlikdə Gürcüstanın Saqareco rayonunun Yor Muğanlı (Qaraçöp) kəndində Azərbaycanın maliyyə vəsaiti hesabına (SOCAR) yeni inşa olunan uşaq bağçasının istifadəyə verilməsində iştirak edib.
Həmçinin, Baş nazirin dəvəti ilə Tbilisidən Saqarecoya qədər olan 4 zolaqlı Kaxeti şossesinin 85 kilometrlik hissəsinin 35 kilometrlik magistral yolunun açılışında iştirak ediblər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!