Hacı Məmmədov yazır: hər gecənin bir səhəri .....                        Milli Musiqi Günündə birgə layihə .....                        "COVID-19" virusu hələ də nəzarətə alınmayıb" .....                        Biomüxtəlifliyin itirilməsi prosesi rekord həddə çatıb .....                        Milyarder Əhmədov təltif edilib. .....                        İşıqlı Atalı yazır: Ürəyinizdə Günəş olsun! .....                        İlham Əliyev: “Ermənilər məscidlərimizdə heyvan saxlayırlar…” .....                        Ömür də bir kitabdı… .....                        Tractor tarix yazdı .....                       
Tarix : 26-11-2018, 15:26
Girov ailələri: “Onlardan nə qalıb ki, nə də geri qaytaralar?!”

Ermənistanda baş nazir səlahiyyətlərini icra edən Nikol Paşinyan mətbuata açıqlamasında bildirib ki, Azərbaycan tərəfi erməni girovluğunda saxlanılan Dilqəm Əsgərov və Şahbaz Quliyevi qaytarmağı tələb edir. Paşinyan bu etirafı Azərbaycan Ordusu tərəfindən ələ keçirilən erməni kəşfiyyatçı Karen Kazaryanın qohumlarının etirazı aksiyasına münasibət bildirərkən edib.
Beynəlxalq Qırmızı Xaç Komitəsinin Azərbaycan nümayəndəliyinin İctimaiyyətlə əlaqələr şöbəsinin müdiri İlahə Hüseynova Modern.az-a deyib ki, saxlanılan şəxslərin qaytarılması və ya dəyişdirilməsi təmsil etdiyi qurumun səlahiyyətlərinə daxil deyil.

Modern.az məsələ ilə bağlı girov ailələrinin də mövqeyini öyrənib.
Dilqəm Əsgərovun oğlu Kürdoğlu Əsgərov Azərbaycan tərəfindən edilən təklifdən xəbərdar olduğunu bildirib:
“Məndə olan məlumata görə, Azərbaycan “hamını hamıya” prinsipilə bütün əsir və girovların dəyişdirilməsi təklifini irəli sürüb. Mətbuatdan oxudum ki, Paşinyan onların əlində olan azərbaycanlıları geri qaytarmaq istəmir.
Amma mən inanıram və əminəm ki, ölkə başçımızın apardığı uğurlu siyasət nəticəsində atam gec-tez erməni girovluğundan azad ediləcək”.
K.Əsgərov deyib ki, Beynəlxalq Qırmızı Xaç Komitəsi mütəmadi olaraq saxlanılan şəxslərə baş çəkir:
“Onlar atama və digərlərinə baş çəkirlər. Bu barədə bizə verilən məlumat əsasında xəbər tuturuq. Amma əfsuslar olsun ki, bir ildir atamdan rəsmi şəkildə məlumat ala bilmirəm. Komitənin əməkdaşları şifahi şəkildə onun yaxşı olduğunu bildirirlər. Onların bildirdiyinə görə, atamın səhhəti normaldır. Mən özüm atama məktub yazıram, amma ondan cavab gəlmir. Qırmızı Xaç Komitəsinin prinsiplərinə görə, məktubda yalnız ailə məlumatları ilə bağlı qeydlər ola bilər. Ona görə də hazırda müzakirə olunan məsələ ilə bağlı məktubda yazmamışam.
2017-ci ilin noyabrından indiyədək atamdan məktub almıram. Həm də düşünürəm ki, nə yazsın. Biz ailə haqqında məlumatı yazırıq, o nə yazsın?... Onsuz da yazdıqlarının çoxunu qaralayırlar”.
Şahbaz Quliyevin qardaşı İlham Quliyev də sözügedən məsələ ilə bağlı mətbuatdan oxuduğunu bildirib:
“Ümumiyyətlə, uzun müddətdir sizdən başqa heç kim əlaqə saxlamır. Girovlarımızın qaytarılması ilə bağlı xəbərləri mətbuatdan oxuyuram. Bildiyim odur ki, bizimkilər təklif verib, amma ermənilər razılaşmır. Onsuz da ömür boyu belə olub”.
Ş.Quliyevin qardaşı deyib ki, bir neçə dəfə məktub yazmalarına baxmayaraq, cavab ala bilmirlər:
“Son 5-6 aydır ki, heç bir məlumat ala bilmirik. Qırmızı Xaç Komitəsi deyir ki, nümayəndərlər baş çəkib, görüşüb, amma Şahbaz məktub yazmaq istəməyib”.
Müsahibimiz 5 ilə yaxındır Şuşa türməsində saxlanılan qardaşının geri qaytarılacağına inamının qalmadığını bildirib:
“Onlardan nə qalıb ki, nə də geri qaytaralar?! Onları məhv ediblər. Ona görə də geri qayatarılacaqlarına da inanmıram”.
2014-cü il iyul ayında əslən Kəlbəcərdən olan Dilqəm Əsgərov və Şahbaz Quliyev işğal altında qalan ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər.
Dağlıq Qarabağda D.Əsgərov və Ş.Quliyev üzərində “məhkəmə” qurulub.
“Məhkəmə”nin qərarı ilə D.Əsgərov ömürlük, Ş.Quliyev isə 22 il müddətinə azadlıqdan məhrum edilib. Onlar Şuşa türməsində saxlanılır. Həmin yerdə daha bir Azərbaycan vətəndaşı - Elnur Hüseynzadə də girov saxlanılır.


Paylaş



Bölmə: Siyasət / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
https://www.youtube.com/watch?v=gd75lEyQX58

Şəhidlərə mahnı həsr olunub.

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!