15-02-2022, 12:54
Deputat dərmanların bahalığından ŞİKAYƏTLƏNDİ
“Həm ölkəmizdə, həm də dünyada sonsuzluq problemi getdikcə artır”.
Bunu Milli Məclisin fevralın 15-də keçirilən iclasında “Tibbi sığorta haqqında” qanuna təklif edilən dəyişikliklərin müzakirəsi zamanı parlamentin Mədəniyyət Komitəsinin sədri Qənirə Paşayeva deyib. Deputat təklif edib ki, sonsuzluqdan əziyyət çəkən ailənin süni mayalanma ilə bağlı bir dəfə xərci icbari tibbi sığorta çərçivəsində qarşılansın:
“Sonsuzluğun müalicəsində istifadə olunan dərmanların da qiymətləri olduqca yüksəkdir. Çox xahiş edirik ki, müvafiq qurumlar bu məsələyə baxsınlar. Hər bir ailə üçün övlad sahibi olmaq önəmli məsələdir. İnsanlar bilir ki, tibbin imkanları onlara kömək edə bilər, ancaq pulsuzluğa görə bundan istifadə edə bilmirlər. Biz bunu icbari tibbi sığorta çərçivəsində qarşılaya bilsək, nə qədər boşanmaların qarşısını ala bilərik. “Reproduktiv sağlamlıq haqqında” qanunun da artıq qəbul olunmasına çox ciddi ehtiyac var”.
Deputat orqan transplantasiyası ilə bağlı problemə də toxunub:
“Qardaş Türkiyə bu mexanizmi çox gözəl qurub. Sabah orqan çatışmazlığından əziyyət çəkən bizim ailəmizin üzvü ola bilər. Mən səhiyyə qurumlarını qəbul edilən qanunun tətbiqini həyata keçirməyə çağırıram”.
Q. Paşayeva dərmanların qiymətlərinin yüksək olması probleminə də toxunub:
“Dərmanların əlçatan olması diqqətdə olmalıdır. Səhiyyə Nazirliyi, TƏBİB bu məsələni diqqətdə saxlasın. Omicron sürətlə yayılıb. Ən azından çox istifadə olunan vitaminlərin qiymətlərinə yenidən baxılsın”.
15-02-2022, 12:43
Fövqəladə Hallar Nazirliyi (FHN) yanğın təhlükəsizliyinin təmin edilməsi ilə əlaqədar əhaliyə müraciət edib.
Müraciətin mətnini təqdim edirik:
"Baş verən yanğınların təhlili onu göstərir ki, yanğınlar əksər hallarda insanların sadə təhlükəsizlik qaydalarına etinasız yanaşması və ya diqqətsizlik göstərməsi səbəbindən baş verir. Belə ki, Nazirliyin Dövlət Yanğın Nəzarəti Xidməti tərəfindən aparılan təhlillərin nəticəsində müəyyən olunub ki, bəzən insanların elektrik enerjisi ilə çalışan və ilk baxışdan təhlükəsiz hesab olunan avadanlıqları, o cümlədən mobil telefonları, məişət cihazlarını, müxtəlif uşaq oyuncaqlarını enerji yığması üçün elektrik şəbəkəsinə qoşaraq nəzarət etməməsi, şəbəkəyə qoşulu vəziyyətdə fasiləsiz olaraq uzunmüddətli saxlaması sonda yanğınlara, acı nəticələrə gətirib çıxarır.
Qeyd olunanları nəzərə alaraq, bir daha əhaliyə müraciət edərək yanğın təhlükəsizliyi qaydalarına ciddi riayət etməyə, o cümlədən elektrik enerjisi ilə çalışan avadanlıqları istehsalçı müəssisə tərəfindən müəyyən edilmiş qaydalara uyğun istismar etməyə, heç bir halda şəbəkəyə qoşaraq nəzarətsiz saxlamamağa çağırırıq".
15-02-2022, 09:15
Tələbə və müəllimlər üçün peyvənd sertifikatına dair yeni tələb qüvvəyə minib
Bu gündən bütün elm və təhsil müəssisələri işçiləri və tələbələr üçün peyvənd sertifikatına dair yeni tələb qüvvəyə minir.
Bu, Nazirlər Kabineti 30 dekabr 2021-ci il tarixində “Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə” qərarında etdiyi dəyişiklikdə əksini tapıb.
Qeyd edək ki, bu il fevralın 1-dən etibarən mülkiyyət formasından asılı olmayaraq bütün elm və təhsil müəssisələri işçiləri üçün (əmək və ya mülki müqavilələrlə işləməsindən asılı olmayaraq) COVID-19-a qarşı ən azı 2 doza peyvənd olunmaları və ya COVID-19-dan sağalaraq immunitetə malik olmaları barədə təsdiqedici sənədi, yaxud COVID-19-a qarşı peyvəndə əks-göstərişi müəyyən edən əks-göstəriş sertifikatının olması tələbi müəyyənləşmişdi. O cümlədən ali və orta-ixtisas təhsili müəssisəsində təhsil alan yaşı 18-dən yuxarı olan bütün şəxslərin COVID-19-a qarşı ən azı 2 doza peyvənd olunmaları və ya COVID-19-dan sağalaraq immunitetə malik olmaları barədə təsdiqedici sənədi, yaxud COVID-19-a qarşı peyvəndə əks-göstərişi müəyyən edən əks-göstəriş sertifikatının olması tələb edilirdi. Bu halda da təhsil alanların sayı 200 nəfərdən az olan təhsil müəssisələri istisna idi.
Qərara əsasən, bu gündən etibarən mülkiyyət formasından asılı olmayaraq bütün elm və təhsil müəssisələri işçilərindən (əmək və ya mülki müqavilələrlə işləməsindən asılı olmayaraq) etibarlı olan COVID-19-a qarşı peyvənd olunmanı təsdiqləyən peyvənd sertifikatının və ya COVID-19-dan sağalaraq immunitetə malik olmanı təsdiqləyən sənədin, yaxud COVID-19-a qarşı peyvəndə əks-göstərişi müəyyən edən əks-göstəriş sertifikatının olması tələb ediləcək. O cümlədən fevralın 15-dən ali və orta-ixtisas təhsili müəssisəsində təhsil alan yaşı 18-dən yuxarı olan bütün şəxslərin etibarlı olan COVID-19-a qarşı peyvənd olunmanı təsdiqləyən peyvənd sertifikatı və ya COVID-19-dan sağalaraq immunitetə malik olmanı təsdiqləyən sənədi, yaxud COVID-19-a qarşı peyvəndə əks-göstərişi müəyyən edən əks-göstəriş sertifikatının olması tələb ediləcək. Bu halda yenə də təhsil alanların sayı 200 nəfərdən az olan təhsil müəssisələri istisna olacaq.
Qeyd edək ki, bu gündən COVID sertifikatlarının etibarlılıq müddəti COVID-19 xəstəliyinə qarşı peyvənd olunmanı təsdiqləyən sertifikat üzrə 6 ay, həmin müddət bitdikdən sonra peyvənd istehsalçısının istifadə təlimatında 2 doza vurulması nəzərdə tutulan peyvəndin 1 dozasını aldıqda müddətsiz olacaq. Etibarlılıq müddəti COVID-19 xəstəliyinə yoluxmuş şəxslərin sağalaraq immunitetə malik olmalarını təsdiq edən sertifikat üzrə 6 ay, həmin müddət bitdikdən sonra peyvənd istehsalçısının istifadə təlimatında 2 doza vurulması nəzərdə tutulan peyvəndin 1 dozasını aldıqda müddətsiz olacaq.
15-02-2022, 02:16
Ukrayna sərhədləri ətrafında xarici ordunun sayı, yerləşməsi, təchizatı və planları barədə dəqiq bilirik.
Bu barədə Ukrayna Prezidenti Vladimir Zelenski xalqa müraciətində deyib.
“Gərgin anda sizə müraciət edirəm: Dövlətimiz məndən və hər birimizdən məsuliyyətli, əmin və konkret addımlar tələb edən ciddi xarici və daxili çağırışlarla üz-üzədir. Bütün cəbhələrdə bizimlə sistemli müharibə aparırlar”, – deyə dövlət başçısı bildirib.
15-02-2022, 02:12
Ukrayna-Rusiya sərhədində artıq üç aydan çoxdur ki, mürəkkəb vəziyyət müşahidə olunur.
Lakin bu böhranın Rusiyanın Ukraynaya tammiqyaslı hərbi müdaxiləyə çevrilə biləcəyi haqda söhbətlər vəziyyətin gərginləşməyinə hesablanmış cəhdlərdən başqa bir şey deyil.
Bu fikirləri Ukraynanın Vətəndaş Diplomatiyası Fondunun direktoru Anton Nayçuk bildirib.
"Ukrayna ətrafında gərginliyin daha da artmasına xidmət edən amillərdən biri cümə axşamı start götürən “İttifaq qətiyyəti-2022” Rusiya-Belarus hərbi manevrləri olub. Bu təlimlər rəsmi Kiyev tərəfindən potensial təhlükə kimi qəbul edilir. Amma əslində heç bir tərəf silah tətbiq etmək istəmir. Ukrayna hökuməti hazırkı böhranın siyasi həllinə daha çox maraq göstərir", - deyə ukraynalı ekspert qeyd edib.
14-02-2022, 20:01
Bu gün, fevralın 14-də AMEA Rəyasət Heyətinin iclası keçirilib.
İclasda AMEA-nın prezidenti, akademik Ramiz Mehdiyev və Rəyasət Heyətinin digər üzvləri iştirak ediblər.
İclası giriş sözü ilə açan akademik Ramiz Mehdiyev son günlər Akademiya və şəxsən onun özü haqqında yayılan məlumatların heç bir təsiri olmadan yaşı ilə əlaqədar AMEA-dakı postunu tərk etməyə qərar verdiyini bildirib: “Akademiya böyük yol keçib və daim dövlətin yanında olmalıdır. Alimlərimizin fəaliyyəti də bu yöndə olmalı, bütün işlər dövlət siyasətinə uyğun qurulmalıdır”.
Ölkə başçısı Prezident İlham Əliyevin Akademiya prezidentinin fəaliyyətinə hər zaman yüksək qiymət verdiyini deyən Ramiz Mehdiyev yaxın tarixdə ölkədə ondan başqa heç kəsə “Heydər Əliyev” ordeninin verilmədiyini xatırladıb: “Cənab Prezidentin mənə münasibəti çox istidir. Mən həmişə bir əqidəyə sadiq olmuşam: əvvəl dövlət, sonra şəxsi məsələlər. Cənab Prezident İlham Əliyev Heydər Əliyevin siyasətini həyata keçirir. Alimlərimiz, Akademiyanın üzvləri də bu yolda Prezidentin yanında olmalıdırlar”.
Akademiya prezidenti istefa ərizəsi ilə dövlət başçısına müraciət edəcəyini bildirib. Akademik Ramiz Mehdiyev iki il dörd ay ərzində birlikdə çalışdığı Rəyasət Heyəti üzvlərinə təşəkkür edib, pandemiya səbəbindən elmimiz adına bəzi uğurlu layihələrin həyata keçirilə bilməməsindən təəssüfünü çatdırıb.
Daha sonra çıxış edən Rəyasət Heyəti üzvləri qısa müddət ərzində Ramiz Mehdiyevin rəhbərliyi altında xeyli uğurlu işlərin görüldüyünü deməklə, onun Akademiya prezidenti vəzifəsindən ayrılmasından təəssüf hissləri keçirdiklərini dilə gətiriblər. Amma akademiklə əməkdaşlığı gələcəkdə də davam etdirəcəklərinə ümidvar olduqlarını bildiriblər.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.
14-02-2022, 15:35
Azərbaycanda vaksinlərlə bağlı araşdırmanın nəticəsi AÇIQLANDI
Rusiyanın Birbaşa İnvestisiyalar Fondu “AstraZeneca” və “R-Farm” “AstraZeneca” şirkətinin vaksininin və “Sputnik V” peyvəndinin birinci komponentinin (Sputnik Light) birgə istifadəsinin təhlükəsizliyinə dair kliniki sınaqların ikinci fazasının aralıq nəticələrini elan edib.
“TASS”a xəbər verir ki, araşdırma həm Rusiyada, həm də Azərbaycanda 100 könüllünün iştirakı ilə həyata keçirilib.
Araşdırma zamanı preparatların kombinasiyası optimal təhlükəsizlik nümayiş etdirib. Bu isə “AstraZeneca”, “Sputnik V” və “Sputnik Light” peyvəndlərinin təhlükəsizliyinə dair əvvəl həyata keçirilən klinik sınaqların nəticələrinə uyğundur.
14-02-2022, 14:58
Gömrükdə yarım milyonluq telefon müsadirə olunub
Şimal Ərazi Baş Gömrük İdarəsinin əməkdaşları külli miqdarda mobil telefonların ölkənin gömrük sərhədindən qanunsuz yolla keçirilməsi cəhdinin qarşısını alıblar. Dövlət Gömrük Komitəsindən verilən məlumata görə, İdarənin Əməliyyat və təhqiqat şöbəsinə daxil olan əməliyyat məlumatı əsasında Rusiya Federasiyası istiqamətindən “Samur” gömrük postunun idxal gömrük nəzarəti xəttinə daxil olan həmin ölkə vətəndaşı Daudov Mirza Maqomedoviçin idarə etdiyi “Volvo FH12” markalı, O229EP05/AK460005 dövlət nömrə nişanlı yük-nəqliyyat vasitəsi saxlanılıb və gömrük yoxlaması həyata keçirilib.
Yoxlama zamanı nəqliyyat vasitəsinin kabinasında olan alt və üst yataq yerlərindəki döşəklərin içərisində gömrük nəzarətindən gizlədilmiş -14 ədəd “iPhone 12 Pro”, 62 ədəd “iPhone 13”, 22 ədəd “iPhone 13 Pro”, 71 ədəd “iPhone 13 Pro Max markalı mobil telefonlar aşkar olunub.
Qeyd edək ki, ümumi sayı 169 ədəd olan mobil telefonların dəyəri 457300 (dörd yüz əlli yeddi min üç yüz) manat təşkil edir.
Faktla bağlı araşdırma aparılır.
14-02-2022, 14:09
Berdiməhəmmədov Nazarbayevin aqibəti ilə üzləşə bilər!
Türkmənistanda martın 12-də keçiriləcək növbədənkənar prezident seçkisi üçün seçki kampaniyasına start verilib. Türkmənistanın Seçki Məcəlləsinə uyğun olaraq, namizəd irəli sürmək hüququ seçkinin təyin edildiyi günə qədər qeydə alınmış siyasi partiyalara, vətəndaş qruplarına məxsusdur. Siyasi partiyalar öz qurultaylarında prezidentliyə namizədlər irəli sürürlər.
Bediməhəmmədov seçkilərə qatılacaq?
Hazırda Türkmənistanda üç siyasi partiya var: Bunlar hakim Türkmənistan Demokratik Partiyası, Türkmənistan Aqrar Partiyası və Türkmənistan Sənayeçilər və Sahibkarlar Partiyasıdır. 2017-ci ildəki seçkilərdə prezident vəzifəsinə 9 namizəd qeydə alınmışdı. Onlardan ikisi Türkmənistan Sənayeçilər və Sahibkarlar Partiyası üzvü üzvü, "Rısqal" aksioner-kommersiya bankının idarə heyətinin sədri Bekmırat Atalıyev və Türkmənistan Aqrar Partiyanın Marı vilayət komitəsinin sədri Durdıqılıç Oraz Türkmənistanın tarixində ilk dəfə olaraq, siyasi partiyalar tərəfindən namizədliyi irəli sürülmüşdü. Mümükündür ki, bu dəfəki seçkilərdə də müxalifət partiyalarının namizədləri həmin şəxslər olsun.
Hakim Türkmənistan Demokratik Partiyasının namizədi bu il prezident Qurbanqulu Berdiməhəmmədov olmayacaq. Belə ki, fevralın 11-də parlamentin yuxarı palatasında – Xalq Məsləhətində çıxışı zamanı dövlətin idarə edilməsində gənc liderlərə yer verməyin vaxtının çatdığını bildirib.
Q.Berdiməhəmmədov böyük həyat və siyasi təcrübəsini nəzərə alaraq, parlamentin yuxarı palatasında - Xalq Məsləhətində sədr kimi fəaliyyətini davam etdirmək istədiyini bəyan edib.
Berdiməhəmmədov varisinin yerini möhkəmlətmək istəyir!
2006-cı ildən bəri Türkmənistanı idarə edən 64 yaşlı Qurbanqulu Berdiməhəmmədovun prezidentlik müddətinin bitməsinə hələ iki il var. Aydın məsələdir ki, o gənc nəsil deyərək əslində ailə üzvlərindən biri, daha dəqiq oğlu Sərdar Berdiməhəmmədovu nəzərdə tutur. Prinsip etibarilə Türkmənistan Ali Nəzarət Palatasının başçısı, Dövlət Təhlükəsizlik Şurasının üzvü olan 40 yaşlı Sərdar Berdiməhəmmədov hazırda Türkmənistanda faktiki 2-ci şəxs sayılır.
Bundan başqa Sərdar Berdiməhəmmədov hələ keçən il baş nazirin müavini vəzifəsinə seçilib. O, indiyə qədər diplomat, millət vəkili, nazir və vilayət qubernatoru kimi postlarda da çalışıb.
Ölkə qanunvericiliyinə görə, Sərdar Berdiməhəmmədov yeni prezident seçilə bilər. Belə ki, Türkmənistanda doğulmuş, yaşı 40-dan aşağı olmayan, dövlət dilini bilən, son 15 il ərzində Türkmənistanda daimi yaşayan və işləyən Türkmənistan vətəndaşı prezident seçilə bilər.
Berdiməhəmmədov Nazarbayevin aqibəti ilə üzləşə bilərmi?
Təbii ki, Berdiməhəmmədovun prezident postunu oğlu Sərdar verib parlamentin yuxarı palatasında - Xalq Məsləhətində sədr kimi fəaliyyətini davam etdirməsi istər-istəməz onun da sonunun Qazaxıstanın keçmiş prezidenti Nursultan Nazarbayevlə eyni ola biləcəyi ehtimallarını yaradır.
Qurbanqulu Berdiməhəmmədov əslində elə Qazaxıstan ssenarisindən qorxub bu addımı atır. Buna görə də hələ gücü yerindəykən varisini möhkəmlətmək istəyir.
Bu həm də türkmən xalqının başını qatmaq üçün atılan bir addımdır. Yeni prezident türkmən xaqlı üçün yeni ümid kimidir. Prinsip etibarilə Şimali Koreyadan sonra dünyanın ikinci totalitar ölkəsi olan Türkmənistan xalqı üçün alternativ yalnız mövcud iqtidarın yeni namizədi ola bilər. Ciddi bir müxalifətin olmadığı Türkmənistanda xalqın yeni prezidentə etimadı böyükdür. Bununla belə Qurbanqulu Berdiməhəmmədovun aqibətinin Nazarbayevlə eyni olması onun Kremlə qarşı atacağı addımlardan asılı olacaq.
Turan Rzayev
14-02-2022, 14:07
Berdiməhəmmədov Nazarbayevin aqibəti ilə üzləşə bilər!
Türkmənistanda martın 12-də keçiriləcək növbədənkənar prezident seçkisi üçün seçki kampaniyasına start verilib. Türkmənistanın Seçki Məcəlləsinə uyğun olaraq, namizəd irəli sürmək hüququ seçkinin təyin edildiyi günə qədər qeydə alınmış siyasi partiyalara, vətəndaş qruplarına məxsusdur. Siyasi partiyalar öz qurultaylarında prezidentliyə namizədlər irəli sürürlər.
Bediməhəmmədov seçkilərə qatılacaq?
Hazırda Türkmənistanda üç siyasi partiya var: Bunlar hakim Türkmənistan Demokratik Partiyası, Türkmənistan Aqrar Partiyası və Türkmənistan Sənayeçilər və Sahibkarlar Partiyasıdır. 2017-ci ildəki seçkilərdə prezident vəzifəsinə 9 namizəd qeydə alınmışdı. Onlardan ikisi Türkmənistan Sənayeçilər və Sahibkarlar Partiyası üzvü üzvü, "Rısqal" aksioner-kommersiya bankının idarə heyətinin sədri Bekmırat Atalıyev və Türkmənistan Aqrar Partiyanın Marı vilayət komitəsinin sədri Durdıqılıç Oraz Türkmənistanın tarixində ilk dəfə olaraq, siyasi partiyalar tərəfindən namizədliyi irəli sürülmüşdü. Mümükündür ki, bu dəfəki seçkilərdə də müxalifət partiyalarının namizədləri həmin şəxslər olsun.
Hakim Türkmənistan Demokratik Partiyasının namizədi bu il prezident Qurbanqulu Berdiməhəmmədov olmayacaq. Belə ki, fevralın 11-də parlamentin yuxarı palatasında – Xalq Məsləhətində çıxışı zamanı dövlətin idarə edilməsində gənc liderlərə yer verməyin vaxtının çatdığını bildirib.
Q.Berdiməhəmmədov böyük həyat və siyasi təcrübəsini nəzərə alaraq, parlamentin yuxarı palatasında - Xalq Məsləhətində sədr kimi fəaliyyətini davam etdirmək istədiyini bəyan edib.
Berdiməhəmmədov varisinin yerini möhkəmlətmək istəyir!
2006-cı ildən bəri Türkmənistanı idarə edən 64 yaşlı Qurbanqulu Berdiməhəmmədovun prezidentlik müddətinin bitməsinə hələ iki il var. Aydın məsələdir ki, o gənc nəsil deyərək əslində ailə üzvlərindən biri, daha dəqiq oğlu Sərdar Berdiməhəmmədovu nəzərdə tutur. Prinsip etibarilə Türkmənistan Ali Nəzarət Palatasının başçısı, Dövlət Təhlükəsizlik Şurasının üzvü olan 40 yaşlı Sərdar Berdiməhəmmədov hazırda Türkmənistanda faktiki 2-ci şəxs sayılır.
Bundan başqa Sərdar Berdiməhəmmədov hələ keçən il baş nazirin müavini vəzifəsinə seçilib. O, indiyə qədər diplomat, millət vəkili, nazir və vilayət qubernatoru kimi postlarda da çalışıb.
Ölkə qanunvericiliyinə görə, Sərdar Berdiməhəmmədov yeni prezident seçilə bilər. Belə ki, Türkmənistanda doğulmuş, yaşı 40-dan aşağı olmayan, dövlət dilini bilən, son 15 il ərzində Türkmənistanda daimi yaşayan və işləyən Türkmənistan vətəndaşı prezident seçilə bilər.
Berdiməhəmmədov Nazarbayevin aqibəti ilə üzləşə bilərmi?
Təbii ki, Berdiməhəmmədovun prezident postunu oğlu Sərdar verib parlamentin yuxarı palatasında - Xalq Məsləhətində sədr kimi fəaliyyətini davam etdirməsi istər-istəməz onun da sonunun Qazaxıstanın keçmiş prezidenti Nursultan Nazarbayevlə eyni ola biləcəyi ehtimallarını yaradır.
Qurbanqulu Berdiməhəmmədov əslində elə Qazaxıstan ssenarisindən qorxub bu addımı atır. Buna görə də hələ gücü yerindəykən varisini möhkəmlətmək istəyir.
Bu həm də türkmən xalqının başını qatmaq üçün atılan bir addımdır. Yeni prezident türkmən xaqlı üçün yeni ümid kimidir. Prinsip etibarilə Şimali Koreyadan sonra dünyanın ikinci totalitar ölkəsi olan Türkmənistan xalqı üçün alternativ yalnız mövcud iqtidarın yeni namizədi ola bilər. Ciddi bir müxalifətin olmadığı Türkmənistanda xalqın yeni prezidentə etimadı böyükdür. Bununla belə Qurbanqulu Berdiməhəmmədovun aqibətinin Nazarbayevlə eyni olması onun Kremlə qarşı atacağı addımlardan asılı olacaq.
Turan Rzayev
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!