17-01-2022, 11:58
ABŞ-ın keçmiş prezidenti Donald Tramp Florensdə (Arizona ştatı) tərəfdarları ilə görüşü zamanı yenidən Ağ Evə qayıdacağını bildirib.
O, “2024-cü ildə biz Ağ Evi geri alacağıq”, - deyə bəyan edib.
Eks-prezident “Amerikanı yenidən böyük etmək” zərurətini vurğulayıb.
Qeyd edək ki, Trampın 2024-cü il prezident seçkilərində iştirakı məsələsi açıq qalır. Noyabrın 8-də eks-prezident aralıq seçkilərdən sonra yenidən prezidentliyə namizədliyini irəli sürmək qərarını açıqlayacağını bəyan edib.
Siyasətçi qeyd edib ki, namizədliyi ilə bağlı hələ dəqiq qərar verməyib.
Mənbə: iz.ru
Bütöv.az
17-01-2022, 11:23
Azərbaycanın “Azeri Light” markalı xam neftinin bir barelinin həftə ərzində orta qiyməti 87,45 ABŞ dolları təşkil edib.
Bütöv.az-ın məlumatına görə, son həftə ərzində neftin bir barelinin orta qiyməti ötən həftə ilə müqayisədə 3,08 ABŞ dolları qədər və ya 3,65 faiz artıb.
Həftə ərzində neftin bir barelinin orta qiymətinin ən yüksək həddi 14 yanvar tarixində qeydə alınıb və 89,12 ABŞ dollarına bərabər olub.
Son həftə ərzində Azərbaycan neftinin qiymətinin ən aşağı həddi isə 10 yanvar tarixində qeydə alınıb və 84,67 ABŞ dolları təşkil edib.
Xatırladaq ki, əvvəlki həftə ərzində “Azeri Light” markalı neftin bir barelinin orta qiyməti 84,37 ABŞ dollarına bərabər olub.
17-01-2022, 11:19
17 yanvar 2022-ci il, Bakı - 2022-ci ilin yeni marşrut şəbəkəsi çərçivəsində Qəbələ və Moskvanı birləşdirən yeni müntəzəm aviareys açılıb.
“Azərbaycan Hava Yolları” QSC-nin mətbuat xidmətindən "Unikal"a verilən məıumata görə, Nordwind aviaşirkəti 189 sərnişin oturacağı olan Boeing 737-800 təyyarəsində Moskvanın Şeremetyevo hava limanından Qəbələyə ilk reys yerinə yetirib. Uçuş 3 saat davam edib.
Moskva-Qəbələ-Moskva marşrutu üzrə müntəzəm reys həftədə bir dəfə - bazar günləri həyata keçiriləcək. Yerli vaxtla saat 4:10 dəqiqədə təyyarə Qəbələdə enəcək, saat 5:20 dəqiqədə Rusiya paytaxtına qayıtmaq üçün havaya qalxacaq.
Bütün beynəlxalq norma və tələblərə cavab verən Qəbələ beynəlxalq hava limanı istənilən tip hava gəmisini qəbul etməyə qadirdir.
Bütöv.az
17-01-2022, 11:10
Müdafiə Nazirliyi Xocavənd istiqamətində Azərbaycan Ordusunun hərbi qulluqçusunun həlak olması ilə bağlı açıqlama yayıb.
Nazirliyin açıqlamasında deyilir:
“Azərbaycan Ordusunun müddətli həqiqi hərbi xidmət hərbi qulluqçusu əsgər Məmmədli Cavidan Abduləziz oğlunun silahla davranış qaydalarının kobud şəkildə pozulması nəticəsində həlak olması faktını təsdiq edirik.
Faktla bağlı cinayət işi başlanılıb, araşdırma aparılır”.
Bütöv.az
17-01-2022, 11:05
Bir müddət öncə sosial şəbəkələrdə 9 saylı orta məktəbin direktoru Zinyət Əhmədovanın şagirdə əl qaldırması ilə bağlı görüntülər yayılıb.
Bütöv.az xəbər verir ki, Zinyət Əhmədova "İTV Xəbər - Yekun"a açıqlama verib. O, yayılan görüntülərin məsələnin mahiyyətini olduğu kimi açmadığını dilə gətirib. Direktor hadisəni bir ananın tənbehi kimi qəbul edilməli olduğunu bildirib və vəziyyətin əslində necəliyini açıqlayıb.
Sözügedən süjeti təqdim edirik:
17-01-2022, 10:58
Milli Məclisinin deputatları tətildən qayıdıblar.
Modern.az xəbər verir ki, parlament üzvlərinin tətili dekabrın 30-dan yanvarın 17-dək davam edib.
Milli Məclisin Daxili Nizamnaməsinə əsasən, deputatların tətil müddəti yanvarın 15-də başa çatıb.
Həmin tarix isə şənbə gününə təsadüf etdiyindən deputatlar bu gündən işə çıxacaqlar. Parlamentin komitə iclaslarının keçirilməsinə isə sabahdan başlanılacaq.
Milli Məclis hər il yaz və payız sessiyalarına yığılır. Yaz sessiyası fevralın 1-də başlanır və mayın 31-dək davam edir. Payız sessiyası sentyabrın 30-da başlanır və dekabrın 30-dək davam edir.
Bütöv.az
17-01-2022, 10:56
Hədə-qorxu ilə tələb etmədə təqsirləndirilən Ata Abdullayev barəsində olan hökmdən apellyasiya şikayəti verib.
Bütöv.az xəbər verir ki, bu barədə Report-a onun vəkili Telman Talıbov bildirib.
O qeyd edib ki, apellyasiya şikayəti Bakı Apellyasiya Məhkəməsinə təqdim edilib. Vəkil müvəkkilinin barəsində bəraət hökmünün çıxarılmasını istəyir.
İttihama əsasən, A.Abdullayev müxtəlif şəxslərdən onlar haqqında rüsvayedici məlumatlar yaymaq hədəsi ilə pul tələb edib. Belə ki, o, Gənclər və İdman Nazirliyinin tabeliyində Avropa Oyunları və “Formula-1” yarışlarıyla bağlı Əməliyyat Komitəsində çalışan Elmar Əliyevə zəng edərək, ondan 10 min manat istəyib. Son nəticədə 2400 manatlıq “iPhone 11 Pro Max” telefonu alıb.
Bundan başqa, A.Abdullayev Abşeron Rayon İcra Hakimiyyətinin Masazır qəsəbəsi üzrə nümayəndəsi Şahlar Həsənovdan 6 000 pul istəyib. O, Masazırda məişət tullantılarının vaxtında daşınmamasıyla bağlı video yaymaqla hədələyib.
Həmçinin o, aşmış ağacı videoya çəkərək, sahibkar Cəmil Babayevi ağacları kəsməkdə ittiham etməklə ondan da pul tələb edib.
A.Abdullayev Sabunçuda sahibkar Elçin Əliyevi qanunsuz tikinti aparmaqda ittiham edərək, ondan 15 000 manat pul tələb edib.
Bununla əlaqədar ona CM-in 182.2.2 (hədə-qorxu ilə tələb etmə) və 182.2.4-cü (xeyli miqdarda əmlak əldə etmək məqsədi ilə törədildikdə) maddələrilə ittiham verilib.Qeyd edək ki, A.Abdullayev Dövlət Təhlükəsizliyi Xidmətinin əməkdaşları tərəfindən bu ilin mart ayında saxlanılıb. O, Cinayət Məcəlləsinin 182.2.2 (hədə-qorxu ilə tələb etmə) maddəsi ilə ittiham edilərək barəsində Səbail Rayon Məhkəməsi tərəfindən həbs qətimkan tədbiri seçilib.
Bakı Ağır Cinayətlər Məhkəməsinin hökmünə əsasən, A.Abdullayev 7 il müddətinə azadlıqdan məhrum edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!