Dünən, 22:25
Mən olmasaydım, dünyada altı böyük müharibə gedirdi - Tramp
ABŞ prezidenti Donald Tramp Kamboca-Tailand münaqişəsinə 24 saat ərzində son qoymağı bacardığını bildirib.
O, ABŞ-ın ticarət tərəfdaşları arasında digər qlobal münaqişələrin qarşısının alınması və dayandırılmasında öz rolunun vacibliyini qeyd edib.
“Mən olmasaydım, hazırda altı böyük müharibə baş verərdi”, - Tramp Şotlandiyada jurnalistlərə deyib.
Donald Tramp bildirib ki, o, ABŞ-la ticarət sazişi imzalamaq üçün ölkələrin atəşkəslə razılaşmasını şərt qoyub.
Ağ Ev rəhbəri Kamboca və Tailand arasındakı münaqişədən əlavə Ruanda ilə Konqo Demokratik Respublikası (DRC) arasında qarşıdurmanı xatırladıb. Tramp adlarını çəkdiyi hər iki münaqişə tərəfinin onun tələbləri ilə razılaşdığını bildirib.
Dünən, 22:14
Ərdoğan Tokayevi hava limanında qarşıladı
Qazaxıstan prezidenti Kasım-Jomart Tokayev Türkiyəyə rəsmi səfər edib.
Tokayevi Esenboğa Beynəlxalq Hava Limanında Türkiyə Prezidenti Rəcəb Tayyib Ərdoğan qarşılayıb.
Qazaxıstan və Türkiyə prezidentləri hava limanında qısa söhbət ediblər.
Dünən, 21:46
Azərbaycanlı qazi jurnalistlər AA, CNN TÜRK, Azərbaycan evində - FOTO
Vətən müharibəsində iştirak etmiş azərbaycanlı jurnalistlərin Türkiyəyə səfəri davam edir.
Səfər çərçivəsində qazi jurnalistlər bu gün qardaş ölkədə bir neçə görüş keçiriblər.
Jurnalistlər əvvəlcə İstanbul şəhərində yerləşən Azərbaycan Mədəniyyət Evinin (AME) qonağı olublar. Görüşdən məmnunluğunu ifadə edən AME-nin rəhbəri Hikmət Elp ziyarətin əhəmiyyətini vurğulayıb, azərbaycanlı jurnalistlərin səfərinin iki ölkə arasındakı qardaş münasibətlərinə növbəti töhfə olduğunu bildirib.
Söhbət zamanı Qarabağ müharibəsindən, türk dünyasının birliyindən də geniş söhbət açılıb.
Görüşün sonunda qarşılıqlı olaraq xatirə hədiyyələri, kitablar təqdim olunub.
Qazi jurnalistlərin növbəti dayanacağı Türkiyənin nüfuzlu media qurumlarından biri - Anadolu Agentliyi olub. Qazilərimizi xoş sözlərlə qarşılayan agentliyin Strateji kommunikasiyalar və beynəlxalq əlaqələr şöbəsinin baş mütəxəssisi Eren Erciyas qonaqlara media qurumunun tarixi, bu günkü fəaliyyəti, gələcək prioritetləri haqda geniş məlumat verib. Onun səsləndirdiyi rəqəmlər, o cümlədən müasir texnologiyalardan istifadə imkanları barədə dedikləri iştirakçıların böyük marağına səbəb olub.
Azərbaycan media orqanları ilə yeni istiqamətlərdə əməkdaşlıq imkanlarının da müzakirə olunduğu görüşdə qazi jurnalistləri maraqlandıran suallar cavablandırıb.
Görüşün sonunda tərəflər bir-birinə hədiyyələr təqdim edib, xatirə fotosu çəkdirilib.
Günün son görüşü isə tanınmış teleşirkətlərdən biri olan "CNN Türk"də baş tutub.
Qonaqları qurumun Xəbərlər departamentinin müdiri İdris Arıkan və Vətən müharibəsi dövründə hadisələrin mərkəzindən hazırladığı reportajlarla Azərbaycanda böyük populyarlıq qazanan, xalqımızın sevimlisinə çevrilən telejurnalist Fulya Öztürk qarşılayıb. Azərbaycanlı həmkarlarını öz iş yerində görməkdən məmnunluğunu bildirən F.Öztürk bu yaxınlarda növbəti dəfə Azərbaycanda olduğunu söyləyib, ölkəmizi öz vətəni kimi sevdiyini bir daha dilə gətirib. İ.Arıkan da öz növbəsində iki olkə media orqanlarının əməkdaşlığı, Türkiyə-Azərbaycan qardaşlığı fonunda media nümayəndələrinin üzərinə düşən vəzifələrdən danışıb.
Çay süfrəsi arxasında keçirilən səmimi görüşün sonunda Azərbaycan nümayəndə heyəti xatirə hədiyyələri təqdim edib.
Xatırladaq ki, bir qrup qazi jurnalistin Türkiyəyə səfəri MediaTürk TV-nin təşəbbüsü, TİKA Azərbaycan-ın koordinatorluğu, Türkiyə Media İş Sendikası və Xüsusi Təyinatlıların Qaziləri, Şəhid Ailələri və Veteranları İctimai Birliyinin təşkilatçlığı ilə Azərbaycan Milli Mətbuatının 150 illiyi münasibətilə təşkil olunub.
Jurnalistlərimizin görüşləri növbəti günlərdə də davam edəcək.
Dünən, 21:35
Dənizdə meyit tapıldı
Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə daxil olan məlumata əsasən, Xaçmaz rayonu, İstisu qəsəbəsində, dənizdə (ən yaxın sularda xilasetmə məntəqəsindən təqribən 800 metr aralı, nəzarətsiz ərazi) suyun üzündə kişi meyitinin aşkar olunması ilə bağlı məlumat daxil olub.
Bu barədə FHN-dən bildirilib.
Məlumatla əlaqədar, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
Həyata keçirilən tədbirlər nəticəsində meyit sudan çıxarılaraq aidiyyəti üzrə təhvil verilib.
Dünən, 20:30
Vəzifəli qadın azərbaycanlı futbolçunun evindən oğurluq edib
Bakıda tanınmış futbolçu Cavid Tağıyevin evindən oğurluq edən qadın məhkəmə qarşısına çıxarılıb.
Oğurluq hadisəsini törətməkdə təqsirləndirilən şəxs 1980-ci il təvəllüdlü, Ucar rayon sakini A.S.-dir.
O, Azərbaycan Respublikası Cinayət Məcəlləsinin 177.2.2 (təkrar oğurluq), 177.2.3 (yaşayış sahəsinə qanunsuz daxil olmaqla oğurluq) və 177.2.4-cü (xeyli miqdarda ziyan vurmaqla oğurluq) maddələri ilə ittiham olunub.
İstintaqla müəyyən edilib ki, A.S. 2022-ci il iyunun 1-dən 7 saylı "ASAN Xidmət" mərkəzində baş mütəxəssis vəzifəsində çalışıb. Zərərçəkmiş şəxs Cavid Tağıyevin həyat yoldaşı G.M. də eyni qurumda baş mütəxəssis işləyib və təqsirləndirilənlə yaxın rəfiqə olublar.
A.S.-nin təxminən 5 min manat borcu olduğu üçün o, G.M.-in evindən oğurluq etməyə qərar verib. Əvvəlcə "ASAN Xidmət"in əməkdaşlarının çantalarını qoyduğu otağa daxil olaraq G.M.-in çantasından ev açarını oğurlayıb. 2024-cü ilin iyun ayında G.M. ailəsi ilə Türkiyəyə istirahətə yollandıqdan sonra A.S. onun mənzilinə daxil olaraq 6 min 500 manat dəyərində əmlak oğurlayıb. Bu hadisədən ev sahibləri 8 ay xəbərsiz olublar.
A.S. növbəti oğurluğu 2025-ci il yanvarın 1-də törədib. Belə ki, Cavid Tağıyev ailəsi ilə Tovuz rayonuna yollanıb. A.S. bu dəfə onun mənzilinə daxil olaraq aşağıdakı əşyaları oğurlayıb:
* 2 500 manat dəyərində "Tissot" markalı kişi qol saatı;
* 6 000 manat dəyərində ağ qızıldan nişan üzüyü;
* 800 manat dəyərində üç cüt uşaq qızıl sırğası;
* 700 manatlıq daha bir "Tissot" kişi qol saatı;
* 400 manatlıq qızıl sırğa;
* 50 manatlıq cins gödəkcə;
* 50 manatlıq digər bir gödəkcə;
* 30 manatlıq cins şalvar;
* 400 manatlıq "Canon" fotoaparatı;
* 300 manat nağd pul.
Nəticədə zərərçəkmişə ümumilikdə 11 min 230 manat maddi ziyan dəyib.
Hadisədən xəbər tutan Cavid Tağıyev hüquq-mühafizə orqanlarına müraciət edib və A.S. saxlanılıb. O, vəzifəsindən azad edilib. İstintaq dövründə A.S. vurduğu maddi ziyanı tam şəkildə ödədiyi üçün Cavid Tağıyevin ailəsi ondan şikayətçi olmayıb.
Məhkəmə A.S.-yə azadlığın məhdudlaşdırılması cəzası təyin edib. Belə ki, onun 2 ay 2 gün həbsdə, 3 ay 29 gün isə ev dustaqlığında keçirdiyi müddətlər nəzərə alınaraq, ümumilikdə cəzanın 1 il 2 günü çıxılıb və nəticə olaraq 1 il 11 ay 28 gün azadlığın məhdudlaşdırılması cəzası qüvvədə saxlanılıb. Bu müddət ərzində A.S. elektron qolbaqla nəzarətdə olacaq.
Qeyd edək ki, Cavid Tağıyev peşəkar karyerası ərzində "Turan Tovuz", AZAL, "Qarabağ", "Zirə", "Sumqayıt", "Sabah", "Səbail" və "Cəbrayıl" klublarında çıxış edib, son olaraq 1-ci liqa təmsilçisi MOİK-in formasını geyinib. O, 2015-2016-cı illərdə Azərbaycanın əsas millisində iki oyuna çıxıb. 33 yaşlı yarımmüdafiəçi "Qarabağ"la iki dəfə Premyer Liqanın (2014/15, 2015/16), iki dəfə də Azərbaycan Kubokunun (2014/15, 2015/16) qalibi olub.
Dünən, 19:56
Sahibə Qafarova Baş katiblə görüşdü
İsveçrənin Cenevrə şəhərində işgüzar səfərdə olan Milli Məclisin sədri Sahibə Qafarova Parlamentlərarası İttifaqın (PAİ) Baş katibi Martin Çunqonq ilə görüşüb.
Milli Məclisdən bildirilib ki, görüşdə Azərbaycan Respublikasının Milli Məclisi ilə Parlamentlərarası İttifaq arasında əməkdaşlıq məsələləri nəzərdən keçirilib.
Spiker Sahibə Qafarova beynəlxalq tədbirlər çərçivəsində Parlamentlərarası İttifaqın Baş katibi və prezidenti ilə müxtəlif görüşlərini məmnunluqla xatırladaraq, Milli Məclislə Parlamentlərarası İttifaq arasında əməkdaşlığın mövcud vəziyyətindən məmnunluğunu ifadə edib. Bildirilib ki, Parlamentlərarası İttifaq beynəlxalq əməkdaşlıq baxımından səmərəli platformadır.
Söhbət zamanı Azərbaycanın təşkilatda yüksək səviyyədə və fəal şəkildə təmsil olunması müsbət qiymətləndirilib. Milli Məclisin deputatlarının təşkilatın rəhbər orqanlarında təmsil olunmasından məmnunluq ifadə edilib.
Görüşdə ötən il Azərbaycanın evsahibliyi ilə keçirilən COP29 çərçivəsində Parlamentləarası İttifaq və Milli Məclisin birgə təşkilatçılığı ilə baş tutan parlament konfransının yüksək səviyyədə təşkil olunduğu bir daha qeyd olunaraq, vurğulanıb ki, tərəflərin birgə əməkdaşlığı ilə bir sıra tədbirlərin uğurla reallaşdırılması əməkdaşlığın daha da dərinləşməsinə imkanlar yaradır.
Dünən, 17:50
Mingəçevirdə 90 yaşlı qadının meyiti tapıldı
Mingəçevirdə evdən meyit tapılıb.
Araşdırma zamanı meyiti tapılan şəxsin şəhər sakini 90 yaşlı Rəfiqə Məmmədova olduğu məlum olub.
Meyitin üzərində zorakılıq əlamətləri müşahidə edilməyib.
Faktla bağlı Mingəçevir şəhər prokurorluğunda araşdırma aparılır.
Dünən, 17:45
Deputatlar Gürcüstan parlamentinin üzvləri ilə görüşüblər
İyulun 28-də Milli Məclisin Gənclər və idman komitəsinin üzvləri Gürcüstan Parlamentinin nümayəndə heyəti ilə görüş keçiriblər.
Görüşdə iki ölkə arasında dostluq və müttəfiqlik münasibətlərinin inkişafı, eləcə də gənclər siyasəti sahəsində əməkdaşlıq imkanları müzakirə olunub.
Komitə sədri Şahin İsmayılov çıxışında Azərbaycan və Gürcüstan arasında formalaşan möhkəm əlaqələrin əhəmiyyətini vurğulayıb. O bildirib ki, dövlət və parlament rəhbərləri səviyyəsindəki sıx münasibətlər, gənclərlə iş sahəsində də yeni təşəbbüslərin reallaşmasına zəmin yaradır.
Tədbirdə çıxış edən komitə üzvləri, o cümlədən Mahir Süleymanlı parlamentlərarası əməkdaşlığın daha da dərinləşməsindən məmnunluq ifadə edib, Azərbaycan-Gürcüstan əlaqələrinin yüksək səviyyədə olduğunu qeyd edib.
Gürcüstan Parlamentinin Təhsil, elm və gənclər komitəsi sədrinin birinci müavini Giorgi Çakvetadze göstərilən qonaqpərvərliyə görə təşəkkür edib və Azərbaycanda uğurla keçirilmiş Gənclər Forumunu nümunəvi təşəbbüs kimi dəyərləndirib. O, analoji forumun gələn ay Gürcüstanda da təşkil olunacağını elan edib
Dünən, 17:45
Deputatlar Gürcüstan parlamentinin üzvləri ilə görüşüblər
İyulun 28-də Milli Məclisin Gənclər və idman komitəsinin üzvləri Gürcüstan Parlamentinin nümayəndə heyəti ilə görüş keçiriblər.
Görüşdə iki ölkə arasında dostluq və müttəfiqlik münasibətlərinin inkişafı, eləcə də gənclər siyasəti sahəsində əməkdaşlıq imkanları müzakirə olunub.
Komitə sədri Şahin İsmayılov çıxışında Azərbaycan və Gürcüstan arasında formalaşan möhkəm əlaqələrin əhəmiyyətini vurğulayıb. O bildirib ki, dövlət və parlament rəhbərləri səviyyəsindəki sıx münasibətlər, gənclərlə iş sahəsində də yeni təşəbbüslərin reallaşmasına zəmin yaradır.
Tədbirdə çıxış edən komitə üzvləri, o cümlədən Mahir Süleymanlı parlamentlərarası əməkdaşlığın daha da dərinləşməsindən məmnunluq ifadə edib, Azərbaycan-Gürcüstan əlaqələrinin yüksək səviyyədə olduğunu qeyd edib.
Gürcüstan Parlamentinin Təhsil, elm və gənclər komitəsi sədrinin birinci müavini Giorgi Çakvetadze göstərilən qonaqpərvərliyə görə təşəkkür edib və Azərbaycanda uğurla keçirilmiş Gənclər Forumunu nümunəvi təşəbbüs kimi dəyərləndirib. O, analoji forumun gələn ay Gürcüstanda da təşkil olunacağını elan edib
Dünən, 14:18
DYP motosiklet, velosiped və skuter sürücülərinə müraciət etdi
DİN-in Baş Dövlət Yol Polisi İdarəsi motosiklet, velosiped və skuter sürücülərinə müraciət edib.
İdarədən verilən məlumata görə, müraciətdə deyilir ki, son illər mikromobil vasitələrin istifadəsinin artması yol hərəkətində yeni təhlükəsizlik çağırışlarını gündəmə gətirir. Təhlillər göstərir ki, bu vasitələrin iştirakı ilə baş verən qəzaların əsas səbəbi sürücülərin şəxsi təhlükəsizlik qaydalarına əməl etməməsidir.
Baş Dövlət Yol Polisi İdarəsi bu növ nəqliyyat vasitələrinin sürücülərinə aşağıdakı təhlükəsizlik tədbirlərinə ciddi əməl etməyi bir daha xatırladır:
- Dəbilqə (motoşlem) istifadə edin. Qəza zamanı baş nahiyəsini qoruyaraq ölüm və ağır xəsarət riskini əhəmiyyətli dərəcədə azaldır. Təcrübə göstərir ki, dəbilqə taxan sürücülərin yaşama şansı ikiqat artır.
- Diz və dirsək qoruyucularından istifadə edin. Bu vasitələr aşma və toqquşma zamanı sümük sınıqları və ciddi əzələ zədələrinin qarşısını alır.
- İşıqqaytarıcı geyim və əşyalar taxın. Sutkanın qaranlıq vaxtı və zəif işıqlandırılan yollarda hərəkət iştirakçılarının sizi vaxtında görməsinə kömək edir.
- Qulaqlıqlardan və diqqəti yayındıran vasitələrdən istifadə etməyin. Telefonla danışmaq, musiqiyə aludə olmaq və digər məşğuliyyətlər sürücünün ətraf mühitlə əlaqəsini zəiflədir, reaksiyanı ləngidir və qəza ehtimalını artırır.
Unutmayın, bu sadə, lakin həyati əhəmiyyət daşıyan qaydalara əməl etməklə – siz həm öz həyatınızı, həm də başqalarının təhlükəsizliyini qorumuş olursunuz.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!