UCALIQDA QƏRARLAŞAN NAZİM KİRXLAROV .....                        ŞƏHADƏTƏ UCALAN SƏBUHİ ORUCOV .....                        Ölkədə bu gün peyvənd olunanların sayı AÇIQLANDI .....                        Sakinlər evlərindən İlham Əliyev və Mehriban Əliyevanı salamladılar - FOTO - VİDEO .....                        Nəcməddin Sadıkov və qudası tanınmış iş adamının biznesinə ÇÖKÜBLƏR... .....                        Müharibə əlilləri evlərin alqı-satqısı zamanı dövlət rüsumu ödəməyəcək .....                        Yol-nəqliyyat hadisəsi nəticəsində 19 nəfər ölüb .....                        Donald Tramp öz sosial şəbəkəsini yaradır .....                        2030-cu ilədək 2,3 min kilometrlik yeni dəmir yolu xətti çəkiləcək .....                       
Tarix : 6-03-2021, 05:29
Mən əsas mükafatımı Təbrizdə alacam


70 yaşımı təbrik edənlərə təşəkkür əvəzi

Martın 3-də 70 yaşım tamam oldu. Yəqin həmyaşıdlarım olmayanlara bu çox görünər. Amma Tanrıdan arzu edərdim ki, hər bir soydaşımız bu səddi adlasın, 100-ə doğru addımlasın. Sizlərə bir maraqlı fakt açıqlayım. Valideynlərimin dünyaya göz açdıqları Ərdəbil ətrafındakı Nünəkəran kəndində 80-90 yaşında ömrünü başa vuranlara hamı acıyır, "binəva cavan getdi" deyirlər. Mən də 1990-cı ilin yanvarın 18-də Biləsuvar istiqamətində sərhəd tellərini yandıranlara qoşulub ata-baba yurduma min bir əziyyətlə çatdıqdan sonra həmin yaşda olan insanların necə cavanlara xas qıvraqlıqlarını müşahidə etdikdə təəccübüm qürur hissi ilə əvəzləndi. Demə, bu kəndə təyinatı verilən həkimlərə yerli camaat nadir halda müraciət etdiklərindən onlar cəmi iki-üç il burda duruş gətirə bilirlər. Ona görə də özümün də şübhəm yoxdur ki, ürək namərdlik etməsə ideyalarımızın təntənəsinin şahidi olacağımız Təbrizdə də rahat gəzəcəyəm.
Keçək təbriklərə. Mənə ürək sözlərini, xoş duyğularını yetirənlərin sayı yüzlərcədir. Coğrafiyası da genişdir - İsveç, Norveç, ABŞ, Fransa, Almaniya, Danimarka, Post-Sovet məkanı... Əlbəttə, Vətənimin bir parçası, bütün dünya azərbaycanlılarının ümidgahı, qibləgahı olan müstəqil Azərbaycan Respublikası bu sırada öndədir. Həyatımda əldə etdiyim uğurlara görə 1946-cı ilin dekabrında fədai başçısı atamın anam, böyük bacım və qardaşımla birgə pənah gətirdikləri, daim doğmaların əhatəsində yaşadıqları, hərtərəfli qayğı ilə əhatə olunduqları bu torpağa, onların rəhbərlərindən tutmuş sıravi adamlarınadək hər bir şəxsə borclu sayıram. Düzü ömür yoluma nəzər saldıqda hiss edirəm ki, gənc nəslə örnək ola biləcək illəri yaşamışam. Belə də davam etməliyəm, çünki insan 50 yaşdan sonra istəsə də xarakterini dəyişə bilməz. Mən isə bu Vətəni, onun böyükdən tutmuş kiçiyinədək hər bir sakininə dəyər verirəm, onları bağrıma basır, özüm kimi müstəqil dövlətdə yaşayan, bütün bilik və qabiliyyətini təsdiqləmək imkanına malik olan məsləkdaşlarımızın, uzun illərin mübarizəsindən usanmayan yoldaşlarımızın adından hamıya təşəkkürümü bildirirəm. Və deyirəm ki, biz də borclu qalmağı sevmirik: İnşallah hamımızın görmək istədiyi Təbriz mühitində sağollarımızı eşidəcəksiniz.
İndi pandemiyadır, bütün bəşəriyyət koronavirusa qarşı imtahan verməkdədir. Odur ki, uşaqlıq, tələbəlik yoldaşlarım, jurnalist cameəsi və məsləkdaşlarım məndən inciməsinlər ki, onların yubiley keçirmək istəyinə imkan verməmişəm. Elə bilirəm ki, bu baş tutacaq. Amma arzularımın oylağı olan Təbrizdə. Elə mükafatınızı da orada alacağam.
Rəhim Hüseynzadə
Azərbaycan Demokrat Firqəsinin sədri
Əməkdar jurnalist



Paylaş



Bölmə: Bütöv Azərbaycançılar / Karusel / Manşet / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Dağlıq ərazilərdə isə qar yağacağı ehtimalı var
Video
5 nəfərin öldüyü dəhşətli qəzanın günahkarı kimdir? - VİDEO

Ötən gün Bakıda səhər saatlarında sərnişin avtobusu və yük maşının iştirakı ilə baş verən və 5 nəfərin ölümünə səbəb olan qəzayla bağlı müzakirələr davam edir.

Butov.az xəbər verir ki, AzTV sözügedən hadisənin səbəbləri ilə bağlı araşdırma apararaq sujet hazırlayıb.
Sujetdə qeyd olunub ki, mütəxəssislərin fikrincə, idarə etdiyi avtobusu 20 metr irəlidəki dayanacaqda saxlamayan sürücü də, ən azı yük maşınının sürücüsü qədər günahkardır.

Bildirilib ki, bu halda avtobus sürücüləri ciddi təhlükəyə yol açırlar.

Ekspert Ərşad Hüseynov da məsələyə münasibət bildirib:

"Burada çox ciddi sual ortaya çıxır. Avtobus dayanacağı orada olmalıydımı? Çünki lap yaxınlıqda yol ayrıcı, üfüqi yol əyrisi var. Nəyə görə avtobus dayanacaqları taksilərlə və kənar nəqliyyat vasitələri ilə zəbt edilmiş olur?".

Ətraflı videosujetdə:


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!