Dünya » Səhifə 182

13-11-2024, 12:03

Gürcüstanda bu tarixdə prezident seçkisi olacaq

Gürcüstanda yeni prezident seçkilərinin 2025-ci ilin əvvəlində keçiriləcəyi gözlənilir.
Bunu Gürcüstan Baş naziri İrakli Kobaxidze deyib.
"Ölkədə sabitlik var. Parlament seçkilərinin nəticələrinə yekun vurulacaq, daha sonra parlamentin ilk iclası baş tutacaq. Çox güman ki, yanvarın əvvəlində prezident seçkiləri keçiriləcək. Bundan sonra ölkə həmişəki kimi yaşamağa davam edəcək”.

Gürcüstanda bu tarixdə prezident seçkisi olacaq

12-11-2024, 16:43

Putin hərəkətə keçdi: Tramp and içənə qədər...

Rusiya prezidenti Vladimir Putin yanvarın 20-də Donald Trampın andiçmə mərasiminə qədər Ukrayna hərbçiləri tərəfindən ələ keçirilən Kursk vilayətindəki əraziləri geri qaytarmaq istəyir.
Bu barədə “The Telegraph” qəzeti Britaniya hərbi kəşfiyyatına istinadən yazıb.
Bildirilir ki, Rusiyanın yaxın günlərdə Ukrayna mövqelərinə pilotsuz uçuş aparatları (PUA) ilə kamikadze hücumlarının sayını artıracağı ehtimal edilir.
Qəzetin məlumatına görə, Putin bu məqsədlər üçün 50 min nəfərə qədər hərbçi yerləşdirməyi tapşırıb.

Putin hərəkətə keçdi: Tramp and içənə qədər...

11-11-2024, 20:20

Varşavada minlərlə insan küçəyə axışdı

Polşanın paytaxtı Varşavada Müstəqillik Günü münasibətilə genişmiqyaslı yürüş keçirilib.
Yürüşdə minlərlə millətçi iştirak edib.
Yürüşlə əlaqədar olaraq şəhər mərkəzinə polis cəlb edilib və yollar nəqliyyatın hərəkəti üçün bağlanıb.
Qeyd edək ki, Polşa 11 noyabr 1918-ci ildə müstəqilliyini bərpa edib.

Varşavada minlərlə insan küçəyə axışdı

11-11-2024, 19:56

Ermənistan Prezidentinin vəziyyəti pisləşdi: Xəstəxanaya yerləşdirildi

Ermənistan prezidenti Vaaqn Xaçaturyan xəstəxanaya yerləşdirilib.
Bildirilib ki, prezidentin səhhəti bir gün əvvəl pisləşib və o, tibb mərkəzinə aparılıb.
Nəşrin məlumatına görə, Xaçaturyanın ürəyində problemlər var.

Ermənistan Prezidentinin vəziyyəti pisləşdi: Xəstəxanaya yerləşdirildi

11-11-2024, 00:53

Tramp və Putin arasında telefon danışığı

ABŞ-ın yeni seçilmiş prezidenti Donald Tramp cümə axşamı Rusiya prezidenti Vladimir Putinlə danışıb.
Bu barədə "Wall Street Journal" nəşri yazıb.
Qəzet öz mənbəsinə istinadən edib ki, Tramp Rusiya prezidentinə Ukraynada müharibəni qızışdırmamağı tövsiyə edib və Vaşinqtonun Avropada əhəmiyyətli hərbi mövcudluğunu xatırladıb.
Həmçinin bildirilir ki, iki ölkə liderləri Avropada sülhün əldə olunması imkanlarını müzakirə ediblər

Tramp və Putin arasında telefon danışığı

10-11-2024, 23:57

Tbilisidə etiraz: aksiyaçılar Kürün sahillərini blokladılar

Tbilisidə etiraz yürüşünün iştirakçıları Kür çayının sağ və sol sahillərini bağlayıblar.
Bu barədə "Georgia Online" nəşri xəbər verir.
Yürüşü təşkil edən “Daitove” qrupunun yaradıcısı Nensi Voland sosial şəbəkə hesabında aksiya iştirakçılarının azlığından şikayət edib.
“Polis bizi dağıdıb, çünki adam azdır və bizi cərimələyirlər”, - o bildirib.
Qeyd edək ki, Tbilisidə bu gün yenidən parlament seçkilərinin nəticələrinə etiraz aksiyaları keçirilib.
Minlərlə etirazçı Tbilisidə Azadlıq meydanını bloklayıblar.

Tbilisidə etiraz: aksiyaçılar Kürün sahillərini blokladılar

10-11-2024, 18:12

Son günlərdə Trampla üç dəfə danışmışam - Netanyahu

İsrailin Baş naziri Benyamin Netanyahu ABŞ prezident seçkilərində qalib gələn Donald Trampla son günlərdə üç dəfə danışıb.
Danışıq zamanı xüsusən də İrandan gələn təhlükə müzakirə edilib.

Son günlərdə Trampla üç dəfə danışmışam - Netanyahu

10-11-2024, 17:25

Livandan İsrailə raket hücumu - Yaralılar var

Livan İsrailin şimalına raket hücumu həyata keçirib, yaralılar var.
Bu barədə "Ynet" portalı məlumat yayıb.
Raket hücumu nəticəsində 3 nəfər müxtəlif dərəcəli xəsarətlərlə Nahariya Tibb Mərkəzinə aparılıb.
Onlar hücum zamanı Qərbi Qaliley bölgəsindəki tarlalarda avokado yığan fermerlər olub.
Bundan əvvəl ordunun mətbuat xidməti Livandan İsrailin şimalını növbəti dəfə atəşə tutulduğunu, bu müddət ərzində Qərbi Qalileyaya 10 raket atıldığını açıqlamışdı.

Livandan İsrailə raket hücumu - Yaralılar var

10-11-2024, 14:01

Rusiya Ukraynanın 70 pilotsuz təyyarəsini vurdu

Rusiyanın hava hücumundan müdafiə sistemləri səhər saatlarında ölkənin regionları üzərində Ukraynanın 70 pilotsuz uçuş aparatını vurub.
Bu barədə Rusiya Müdafiə Nazirliyi məlumat yayıb.
Məlumata görə, 34 PUA Moskva vilayəti, 14-ü Bryansk, hər biri 7 olmaqla Oryol və Kaluqa, 6-sı Kursk, ikisi isə Tula vilayətləri üzərində məhv edilib.

Rusiya Ukraynanın 70 pilotsuz təyyarəsini vurdu

10-11-2024, 10:00

Atatürkün anım günüdür - 86 il

Bu gün Türkiyə Cümhuriyyətinin qurucusu Mustafa Kamal Atatürkün anım günüdür. Onun vəfatından 86 il ötür.
Atatürk 1938-ci il noyabrın 10-da İstanbulda vəfat edib.
Türkiyə Qurtuluş Savaşının hərbi və siyasi lideri, Türkiyə Cümhuriyyətinin qurucusu, Mustafa Kamal Atatürk 1881-ci ilə Salonikidə dünyaya gəlib. O, 1923-cü ildən 1938-ci ilədək ölkəyə rəhbərlik edib və Türkiyə Cümhuriyətinin ilk prezidenti olub.
Atatürk Birinci Dünya Müharibəsi əsnasında Osmanlı ordusunda xidmət edib. Çanaqqala cəbhəsindəki döyüşlərdə fərqləndiyinə görə polkovnik, Sina-Fələstin cəbhəsində isə İldırım Orduları generallığına layiq görülüb.
Atatürk Osmanlı İmperiyasının yerində qurulan Türkiyə Cümhuriyyətinin müasir və sekulyar bir milli dövlətə çevirmək üçün siyasi, iqtisadi, ictimai və mədəni islahatlar aparıb. Onun liderliyi altında minlərlə yeni məktəb inşa edilib. İbtidai təhsil pulsuz və zəruri hala gətirilib.
Qadınlara qarşı hüquq bərabərsizliyini aradan qaldırıb. Kəndlilərin ağır vergilərini azaldıb.
1938-ci ildə vəfatına qədər 4 dəfə Türkiyə prezidenti seçilən Atatürk ölkəsində bu vəzifəni ən uzun müddətə icra edən siyasi lider olub.
Atatürkün fəaliyyəti tarixdə oynadığı əhəmiyyətli roluna görə bir çox yazar və tarixçi tərəfindən araşdırılıb və haqqında 400-ə yaxın əsər yazılıb.
Hər il Türkiyədə və xaricdə Atatürksevərlər onu hörmət və ehtiramla yad edirlər. Atatürkü yad etmək üçün dövlət, hökumət rəmsiləri, deputatlar, siyasi partiyaların liderləri, icitmiyyətin nümayəndələri Anıtqəbiri ziyarət edirlər.

Atatürkün anım günüdür - 86 il