22-02-2024, 18:32
Zelenski əcnəbilər və vətəndaşlığı olmayan şəxslərlə bağlı fərman imzaladı
Ukrayna Prezidenti Volodimir Zelenski əcnəbilərin və vətəndaşlığı olmayan şəxslərin Milli Qvardiyada xidmət göstərməyə icazə verilməsi haqqında fərman imzalayıb.
Bu barədə Ukrayna Prezidentinin saytına istinadən xəbər verir.
Fərmanda qeyd olunur ki, hərbi xidmət keçmənin tələblərinə cavab verən əcnəbilər Ukrayna Milli Qvardiyasına könüllülük əsasında qəbul edilə bilərlər.
“Ukrayna ərazisində qanuni əsaslarla yaşayan, əvvəllər məhkumluğu olmayan və Ukraynanın “Hərbi mükəlləfiyyət və hərbi xidmət haqqında” Qanunu ilə müəyyən edilən hərbi xidmət keçmənin tələblərinə cavab verən əcnəbilər könüllülük əsasında Ukrayna Milli Qvardiyasına hərbi xidmətə qəbul oluna bilərlər”, - deyə Prezidentin saytında bildirilir.
Əcnəbilər orduda müqavilə üzrə həm sıravi, həm də serjant və starşina vəzifələrində xidmət edə bilərlər. Hərbi xidmət keçməkdən ötrü onlar yaşadıqları yer üzrə ərazi komplektləşdirmə və sosial dəstək mərkəzinə, yaxud bilavasitə müqavilə üzrə hərbi xidmət keçmək istədikləri hərbi hissəyə müraciət etməlidirlər.
22-02-2024, 17:34
Asiya Parlament Assambleyasının builki büdcəsi təsdiqləndi
Asiya Parlament Assambleyasının builki büdcəsinin 985 min ABŞ dolları olması təsdiqlənib.
Bu barədə Asambleyanın Bakıda keçirilən İqtisadiyyat və dayanıqlı inkişaf daimi komitəsinin iclasında bildirilib.
Bildirilir ki, bunun 673 min ABŞ dolları əsas büdcə, 280 min ABŞ dolları əlavə büdcə, 32 min ABŞ dolları isə ehtiyat büdcə olacaq.
22-02-2024, 17:16
Medvedev: “Biz Rusiya Federasiyasında Odessanı çox gözləyirik”
Rusiya Federasiyası Təhlükəsizlik Şurasının sədr müavini Dmitri Medvedev Ukraynada həyata keçirdikləri “xüsusi əməliyyat”ın məqsədlərinə çatmaq üçün Kiyevi tutmağın lazım olacağını” istisna etməyib.
Medvedev deyib ki, Kiyev Rusiyanın əleyhdarları tərəfindən idarə olunur. Rusiya Təhlükəsizlik Şurasının sədr müavininin sözlərinə görə, rus qoşunları Kiyev üzərində nəzarəti bərqərar etməlidir.
O, "şəhərin tarixini, oradakı insanların həyat tərzini, hansı dildə danışdığını" nəzərə alaraq "Rus şəhəri" adlandırdığı Odessanı da xatırladıb.
"Odessa, evə qayıt, biz Rusiya Federasiyasında Odessanı çox gözləyirik", - Rusiya Federasiyası Təhlükəsizlik Şurasının sədr müavini jurnalistlərə deyib.
22-02-2024, 16:47
Paşinyan Paris meriylə görüşdü
Fransada işgüzar səfərdə olan Ermənistan baş naziri Nikol Paşinyan Paris meri Ann Hidalqo ilə görüşüb.
Görüş zamanı İrəvan və Paris arasında müxtəlif sahələrdə əməkdaşlığın gələcək inkişafı ilə bağlı bir sıra məsələlər müzakirə olunub.
Ann Hidalqo qeyd edib ki, Paris İrəvanla, o cümlədən müxtəlif beynəlxalq platformalar çərçivəsində əməkdaşlığı ardıcıl olaraq inkişaf etdirməyə və gücləndirməyə hazırdır.
Paşinyan həmçinin Fransanın Baş naziri Qabriel Attal ilə görüşüb: "Fransaya işgüzar səfərimi Fransanın Baş naziri Qabriel Attal ilə görüşlə başa vurdum. Biz iqtisadi sahədə əməkdaşlığın ardıcıl inkişafı və möhkəmləndirilməsi ilə bağlı bir sıra məsələləri müzakirə etdik".
Paşinyan Qabriel Attalı Ermənistana rəsmi səfərə dəvət edib. Fransanın baş naziri dəvəti qəbul edib.
21-02-2024, 20:25
Türkiyə ABŞ-yə yeni səfir təyin etdi
Türkiyə ABŞ-yə yeni səfir təyin edib.
Bu barədə Türkiyə Xarici İşlər Nazirliyi məlumat yayıb.
Türkiyənin BMT-dəki daimi nümayəndəsi Sedat Önal yeni səfir olacaq.
Ölkənin BMT-dəki daimi nümayəndəsi vəzifəsinə isə xarici işlər nazirinin müavini Ahmet Yıldız gətirilib.
21-02-2024, 20:07
Makron Ermənistanla əməkdaşlığı inkişaf etdirəcəklərini bildirdi
Fransa Ermənistanla müdafiə sahəsində əməkdaşlığı inkişaf etdirməyə davam edəcək.
Bunu Fransanın Prezidenti Emmanuel Makron Ermənistan Baş naziri Nikol Paşinyanla birgə mətbuat konfransında deyib.
O bildirib ki, Fransa müdafiə silahlarının tədarükünə razılıq verib.
Qeyd edək ki, Fransa Ermənistana zirehli texnikalar, hava hücumundan müdafiə sistemləri və radarlar tədarük edəcəyi açıqlayıb.
21-02-2024, 17:41
Paşinyan Fransada səfərdədir
Ermənistanın baş naziri Nikol Paşinyan Fransadadır.
Onu Paris aeroportunda rəsmi şəxslər qarşılayıb.
21-02-2024, 17:37
Körpü uçdu, iki nəfər həyatını itirdi
Niderlandın Loxem şəhəri yaxınlığında tikilməkdə olan körpünün uçması nəticəsində iki nəfər ölüb, daha iki nəfər yaralanıb.
Bu barədə yerli hakimiyyət “X” sosial şəbəkəsində məlumat yayıb.
“Körpünün tikintisi zamanı insident baş verib”, - məlumatda qeyd edilib.
Bildirilib ki, hadisə ilə bağlı araşdırmalar aparılır.
21-02-2024, 16:40
Rusiya sərhədçiləri Aİ missiyasını bu kəndə buraxmır
"Rusiya sərhədçiləri Aİ-nin müşahidə missiyasının nümayəndələrini Nerkin Hand kəndinə buraxmırlar".
Bunu Ermənistanın Təhlükəsizlik Şurasının katibi Armen Qriqoryan bildirib.
“Həqiqətən belə bir problem var. Bu problemlə bağlı bizə məlumat verilib və onu (Rusiya tərəfinin - red.) diqqətinə çatdıracağıq”, - Qriqoryan jurnalistlərə bildirib.
Təhlükəsizlik Şurasının katibi aydınlaşdırıb ki, bu, Ermənistan-Azərbaycan sərhədinin yeganə hissəsidir ki, Rusiya sərhədçiləri Avropa İttifaqının müşahidə missiyasının nümayəndələrinə daxil olmasına icazə vermirlər.
20-02-2024, 20:39
Paşinyan Fransaya səfər edəcək
Ermənistanın Baş naziri Nikol Paşinyan Fransaya səfər edəcək.
Bu barədə Fransa mətbuatı yazıb.
Sabah baş tutacaq səfər zamanı Paşinyanın Fransa Müqavimət hərəkatının erməni əsilli döyüşçüsü Misak Manuşyan və arvadı Melinin təkrar dəfn mərasimində iştirak edəcəyi gözlənilir.
Səfərlə bağlı hələlik rəsmi açıqlama verilməyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!