21-12-2022, 18:39
Ukraynanın silahlandırılmasında 27 ölkə iştirak edib - Şoyqu
"Ukraynanın silahlandırılmasında 27 ölkə iştirak edib". Bunu Rusiyanın müdafiə naziri Sergey Şoyqu MN-də keçirilən kollegiya iclasında deyib. Onun sözlərinə görə, bu vaxta qədər Ukraynanın silahla təmin olunması üçün 97 milyard ABŞ dolları xərclənib. Şoyqu, həmçinin Ukraynada 500 NATO peykinin çalışdığını iddia edib. "Ukrayna cəbhəsində NATO-nun qərargah zabitləri, artilleriyaçıları fəaliyyət göstərir", - deyə nazir qeyd edib. O həmçinin bildirib ki, qismən hərbi səfərbərlik çərçivəsində 830 min insan iqtisadiyyatın dəstəklənməsi məqsədilə çağırışdan azad olunub.
21-12-2022, 18:31
Ukraynanın müdafiə nazirinə sui-qəsd təşkil edildi
Ukraynanın müdafiə naziri Oleksey Reznikova qarşı sui-qəsd təşkil olunub. Bu barədə ölkənin Dövlət Təhlükəsizlik Xidməti məlumat yayıb. Bildirilib ki, həmçinin Ukraynanın kəşfiyyat orqanının rəhbəri Kiril Budanova qarşı da oxşar təxribata cəhd edilib. Məlumata görə, bu cəhdlərin qarşısı alınıb və hər iki dövlət xadimi fəaliyyətini davam etdirir. Qeyd olunub ki, sui-qəsd cəhdlərinin Rusiya xüsusi xidmət orqanları tərəfindən təşkili ehtimal edilir.
21-12-2022, 18:27
“Qarabağ məsələsində Azərbaycana dəstək olduğumuza görə bizə qarşı çıxanlar var” - Ərdoğan
Türkiyə prezidenti Rəcəb Tayyib Ərdoğan növbəti dəfə ölkə müxalifətini tənqid edib. Ərdoğan bəzi müxalif qüvvələrin Qarabağ mövzusunda hakim partiyaya qarşı çıxdığını bildirib. "Qarabağ məsələsində Azərbaycana dəstək olduğumuza görə bizə qarşı çıxanlar var", - deyə Türkiyə prezidenti söyləyib. Qeyd edək ki, II Qarabağ müharibəsi zamanı Türkiyə parlamentində Azərbaycana dəstəklə bağlı imzalanan ortaq bəyanata AKP, MHP, həmçinin müxalif partiyalar olan CHP və İYİ Partiya imza atsa da, Xalqların Demokratik Partiyası (HDP) bundan imtina etmişdi.
21-12-2022, 18:23
“Taliban” hakimiyyətindən qadın hüquqlarını pozan addım
Əfqanıstanda “Taliban” hakimiyyəti qadın müəllimlərin və qız şagirdlərin məktəblərə buraxılmaması ilə bağlı göstəriş verib. Məlumatı TASS yayıb. Bildirilib ki, dekabrın 21-də ölkə paytaxtı Kabulun məktəblərin bir sıra məktəblərinin rəhbərliyinə qadın müəllimlərin işə gəlməmələri ilə bağlı “Taliban”ın əmri göndərilib. Valideynlər bildiriblər ki, onların qızlarını silahlı yaraqlılar məktəblərə buraxmayıb. Məlumata görə, “Taliban” hökuməti əvvəllər ibtidai sinfin qız şagirdlərinin dərslərdə iştirakına icazə versə də, indi onlara qadağa qoyub. Qeyd olunub ki, dekabrın 21-də silahlı radikallar səhər saatlarında Kabul Universitetinin qapısında toplaşaraq qız tələbələrin təhsil müəssisəsinə buraxılmamasını yoxlayıblar. “Taliban” hökuməti növbəti bildirişə qədər universitetlərdən qız tələbələr üçün dərslərin dayandırılmasını tələb edib. Onlar bu məhdudiyyətləri ölkədə “uyğun İslam mühiti”nin yaradılmasının “zəruriliyi” ilə izah edib.
21-12-2022, 18:03
Nazirdən türkmən qazının çatdırılmasıyla bağlı açıqlama
Türkiyənin energetika və təbii sərvətlər naziri Fatih Dönmez Türkmənistan qazının Türkiyəyə çatdırılması ilə bağlı yeni məlumatlar açıqlayıb. Nazir bununla bağlı artıq işçi qrupun yaradıldığını bildirib. "Təbii qazı Türkiyəyə gətirmək üçün artıq işçi qruplarını formalaşdırmışıq. Türkiyədə enerji bazarı yaratmaq hədəfimizi 1 il ərzində gerçəkləşdirəcəyik", - Dönmez söyləyib. O eyni zamanda məlumat verib ki, Türkiyədə yaxın vaxtlarda qaz və elektrik istehlakında qiymət artımı proqnozlaşdırılmır.
21-12-2022, 17:56
İran əhalisi aksiyaya davam edir
İranda ölkə əhalisinin hökumətə qarşı keçirdiyi aksiyalar davam edib. Aksiyalar İranın Buşehr, Qum, Həştgerd, Həmədan, Rəşt, İlam, Tehran, Məşhəd və bir sıra şəhərlərində keçirilib. Etirazlarda “İnflyasiya və bahalıq xalqın canını alıb”, “Diktatora ölüm!”, “Azadlıq!”, “Bu il başqa ildir, Seyid Əli devrilibdir!”, “Xameneyi qatildir, rəhbərliyi batildir” və s. şüarlar səsləndirilib. İranda fəallar dekabrın 19, 20 və 21-də xalqı üç günlük etiraz aksiyalarına qatılmağa çağırıb. Çağırışdan dəstəkləyən yüzlərlə insan gecə saatlarında İranın küçələrinə çıxıb. Hökumət mitinqlərdən görüntülərin yayılmasının qarşısını almaq üçün interneti kəsib. Bundan əlavə, İran ordusunun rəsmi saytı “Anonymous” haker qrupu tərəfindən dağıdıldı. İran rejimi etnik bəluç uşaqlar - 15 yaşlı Məhəmməd Rəxşani və 16 yaşlı Əli Rəxşani barəsində ölüm hökmü çıxarıb.
21-12-2022, 17:40
Paşinyan Makrona təbrik məktubu göndərdi[/size]
Ermənistanın baş naziri Nikol Paşinyan Fransa prezidenti Emmanuel Makrona məktub göndərib. Məktubda Paşinyan Makronu ad günü münasibətilə təbrik edib. Ermənistan baş naziri Makrona sarsılmaz iradə, tükənməz enerji və böyük nailiyyətlər arzulayıb. Fransa prezidentini Yeni il münasibətilə də təbrik edən Paşinyan 2023-cü ilin onun üçün sülh içində keçməsi və Fransa-Ermənistan əlaqələrində yeni uğurlar əldə edilməsinə vəsilə olması diləklərini ifadə edib. Qeyd edək ki, bu gün Emmanuel Makronun 45 yaşı tamam olur.
21-12-2022, 16:59
Putinin mesajı Çin liderinə çatdırıldı
Rusiya Federasiyası Təhlükəsizlik Şurasının sədr müavini Dmitri Medvedev Çində səfərdədir. Medvedev Rusiya prezidenti Vladimir Putinin müraciətini Çin sədri Si Cinpinə çatdırıb. Qeyd olunur ki, Putinin verdiyi mesaj Rusiya və Çin arasında görünməmiş dialoq səviyyəsindən bəhs edir. Çin sədri Si Cinpin çərşənbə günü, dekabrın 21-də Rusiya Təhlükəsizlik Şurasının sədr müavini Dmitri Medvedevlə görüşüb, danışıqlar Pekindəki dövlət iqamətgahında aparılıb. Təhlükəsizlik Şurasının sədr müavini Çin lideri ilə Ukraynadakı vəziyyəti və “Vahid Rusiya” partiyasının Çin Kommunist Partiyası ilə əməkdaşlığını müzakirə edib. Medvedyevin Çin Kommunist Partiyasının dəvəti ilə Pekinə səfər etdiyi qeyd olunur.
21-12-2022, 16:37
Zelenski ABŞ-da səfərdədir
Ukrayna Prezidenti Volodimir Zelenski ABŞ-da səfərdədir. Onun amerikalı həmkarı Co Baydenlə görüşü və Konqresdə çıxışı planlaşdırılır. Bu barədə Zelenski tviter səhifəsində məlumat paylaşıb. "Ukraynanın sabitliyini və müdafiə qabiliyyətini gücləndirmək üçün ABŞ-a getdim. Xüsusilə, ABŞ Prezidenti Co Baydenlə Ukrayna və ABŞ arasında əməkdaşlığı müzakirə edəcəyik. Mən də Konqresdə çıxış edəcəyəm və bir sıra ikitərəfli görüşlər keçirəcəyəm”, - deyə prezident yazıb. Bundan əlavə, Ukrayna lideri ABŞ Konqresinin iki palatasının birgə iclasında çıxış edəcək və bir sıra ikitərəfli görüşlər keçirəcək.
21-12-2022, 16:34
Ermənistanın keçmiş prezidenti məhkəməyə cəlb olundu
Ermənistanın sabiq prezidenti Serj Sarkisyan və qızları - Anuşla Satenik Antikorrupsiya Məhkəməsinə çağırılıb. Bu barədə ölkənin Ədliyyə Nazirliyindən bildirilib. S.Sarkisyan və qızları qanunsuz əmlak əldə etmək iddiası ilə bağlı Korrupsiyaya Qarşı Mübarizə Məhkəməsinə dəvət olunublar. Onların məhkəməyə çağırılması tələbini Baş Prokurorluq irəli sürüb. Məhkəmə prosesi yanvarın 19-da baş tutacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!