13-05-2023, 12:40
Ukrayna prezidenti Romaya səfər etdi
Ukrayna prezidenti Volodimir Zelenski bu gün Romaya səfər edib. Bu barədə o, özünün "Telegram" kanalında məlumat yayıb. Bildirilir ki, Zelenski burada İtaliya prezidenti Sercio Mattarella, baş nazir George Meloni və Papa Fransisk ilə görüşəcək. "Ukraynanın qələbəsi üçün vacib səfər", - Zelenski qeyd edib.
13-05-2023, 12:31
Paşinyan Belçikada işgüzar səfərdədir
Ermənistan Baş naziri Nikol Paşinyan Belçikaya işgüzar səfərə gedib. Bu barədə Ermənistan hökuməti məlumat yayıb. Bildirilir ki, o, Brüsseldə Avropa İttifaqı Şurasının prezidenti Şarl Mişellə ikitərəfli görüş keçirəcək. Paşinyan Mişel və Azərbaycan Prezidenti İlham Əliyevin iştirakı ilə üçtərəfli görüşdə iştirak edəcək.
13-05-2023, 10:40
Ukrayna ordusu 17 İran PUA-sını məhv etdi
Gecə saatlarında Ukraynanın hava hücumundan müdafiə qüvvələri Rusiya tərəfindən buraxılan İran istehsalı 21“Şahed” PUA-sından 17-ni məhv edib. Bu barədə Ukrayna Silahlı Qüvvələrinin Hərbi Hava Qüvvələrinin komandanlığı məlumat yayıb. Bildirilir ki, Rusiya şimal və cənubdan kamikadze PUA-larla hücuma keçiblər. Bundan başqa, dünən Rusiyanın “Orlan-10” və 4 "Lancet" pilotsuz uçuş aparatları zərərsizləşdirilib.
12-05-2023, 22:39
Rusiya Baxmut yaxınlığındakı mövqelərini tərk edir - Priqojin
Rusiya ordusu Baxmut yaxınlığındakı mövqelərini tərk edir. Bunu Rusiyanın “Vaqner” muzdlu qrupunun rəhbəri Yevgeni Priqojin deyib. Priqojin sosial mediada yayımladığı audio şərhdə bildirib ki, buna yenidən qruplaşma deyil, qaçmaq deyilir. Priqojin ayrıca videomüraciətində Rusiya Müdafiə Nazirliyinin bölmələrinin şəhərin şimal və cənubundakı mövqelərdən qaçdığını vurğulayıb. “Cinahlar uğursuzluğa düçar olur. Cəbhə dağılır”, - o qeyd edib. Priqojin, həmçinin Ukrayna qüvvələrinin Baxmut ətrafındakı su anbarında və taktiki yüksəkliklərdə mövqelər ələ keçirdiyini diqqətə çatdırıb.
12-05-2023, 19:04
Rusiyaya məxsus helikopter qəzaya uğradı - Pilotlar öldü
Ukraynanın ilhaq edilən Krım bölgəsində Rusiyaya məxsus Mi-28 hərbi helikopteri qəzaya uğrayıb. Bu barədə Rusiya Müdafiə Nazirliyi məlumat yayıb. Qəza helikopterin təlim uçuşu zamanı baş verib. Hadisə nəticəsində 2 pilotun öldüyü bildirilib. Məlumata görə, helikopter uçuşu sursatsız icra edib. Qəza nəticəsində yer səthində dağıntı olmayıb.
12-05-2023, 18:48
Bu oyunu Muharrem bəyə qarşı oynadılar - Ərdoğandan şok açıqlama
Türkiyə Prezidenti Rəcəb Tayyib Ərdoğan Məmləkət Partiyasının sədri Muharrem İncenin namizədliyini geri götürməsindən danışıb. O, mitinqdə çıxışı zamanı İnceyə qarşı oyun oynanıldığını bildirib. Ərdoğanın sözlərinə görə, İncenin namizədliyini geri götürməsinin arxasında FETÖ dayanır. “Kaset təxribatının arxasında Pensilvaniya var, FETÖ var. Bu oyunu Muharrem bəyə qarşı oynadılar”, - Ərdoğan deyib. Qeyd edək ki, ötən gün Məmləkət Partiyasının sədri Muharrem İnce ictimaiyyətə müraciətində namizədlikdən geri çəkildiyini elan edib. İnce digər prezidentliyə namizədlərdən heç birinə dəstəyini ifadə etməyib. Belə ki, partiya sədri bu addımı müxalifətin seçkilərdə məğlub olacağı təqdirdə onu günahlandıra bilməməsi üçün atdığını deyib.
12-05-2023, 17:17
Sülh təşəbbüslərini müzakirə etməyə hazırıq - Ukrayna XİN
"Ukrayna digər dövlətlərin sülh təşəbbüslərini müzakirə etməyə hazırdır". Bunu Ukraynanın xarici işlər naziri Dmitro Kuleba deyib. “Şərt var. Birincisi, sizin təşəbbüsünüz Ukrayna ərazisinin Rusiyaya verilməsini ehtiva etməməlidir; ikincisi, sizin təşəbbüsünüz sülh əvəzinə dondurulmuş münaqişəyə səbəb olmamalıdır”, - o əlavə edib. Ukrayna diplomatiyasının rəhbəri qeyd edib ki, heç kim öz ərazisinin 1 kvadrat metrini işğalçıya verməyə razı olmaz: "2014-2022-ci illərdə Ukrayna Rusiyaya çoxsaylı atəşkəs şansı verdi, lakin bu, münaqişəni genişmiqyaslı işğala çevirdi. Ukrayna müharibənin dayandırılmasına kömək etmək üçün edilən hər cəhdi yüksək qiymətləndirir və prezident Volodimir Zelenskinin Sülh formulunun həyata keçirilməsini ən yaxşı yol hesab edir".
12-05-2023, 16:44
Missiyanın fəaliyyətini müsbət qiymətləndirə bilərik - Ermənistan
"Avropa İttifaqının Ermənistandakı Mülki Missiyası öz mandatını tam şəkildə yerinə yetirir". Bunu jurnalistlərə Ermənistan xarici işlər nazirinin müavini Paruyr Hovhannisyan deyib. "Missiyanın vəzifəsi mütəmadi olaraq sərhədin bütün hissələrinə baş çəkmək və Brüssel üçün hesabat hazırlamaq və müntəzəm olaraq sərhədin bütün hissələrinə baş çəkməkdir. Onların mövcudluğu vəziyyətin yaxşılaşdırılması baxımından töhfədir. Bu, psixoloji cəhətdən daha təhlükəsiz atmosfer yaradır. Və bu mənada missiya öz mandatını tam yerinə yetirir”, - Hovhannisyan bildirib. "Hazırda biz missiyanın fəaliyyətini müsbət qiymətləndirə bilərik”, - deyə nazir müavini əlavə edib.
12-05-2023, 16:18
"Kızılay" təşkilatının rəhbəri Kerem Kınık istefa verdi
Türkiyənin "Kızılay" təşkilatının rəhbəri Kerem Kınık istefa verib. O, zəlzələ zamanı təşkilatın çadır satması ilə bağlı tənqid olunurdu. Lakin Kerem Kınık hansı səbəbdən istefa verdiyini açıqlamayıb. Türkiyə prezidenti Rəcəb Tayyib Ərdoğan də dünən müsahibəsi zamanı bu mövzuya toxunmuşdu: "Bu məsələ məni kədərləndirdi".
12-05-2023, 15:26
Belarus prezidenti Quterreşə təşəkkür etdi
Belarus prezidenti Aleksandr Lukaşenko BMT-nin baş katibi Antonio Quterreşə təşəkkür edib. Bu barədə Lukaşenkonun mətbuat xidməti məlumat yayıb. Bildirilib ki, Belarus prezidenti davamlı inkişaf məqsədləri üzrə sammitə dəvətə görə baş katibə minnətdarlığını bildirib və Belarusun bu sammitdə iştirak edəcəyinə əminliyini ifadə edib. Qeyd edək ki, Belarusda keçirilmiş sonuncu prezident seçkilərindən sonra əksər Qərb ölkələri və beynəlxalq təşkilatlar Lukaşenko hakimiyyətini tanımır və digər namizəd Svetlana Tixanovskayanı legitim prezident hesab edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!