26-12-2022, 20:55
Rusiyanın keçmiş prezidenti yeni vəzifəyə təyin olundu
Rusiya Prezidenti Vladimir Putin Rusiya hərbi sənaye komissiyasında birinci müavin vəzifəsi yaradıb. Bu barədə o, fərman imzalayıb. Putin Təhlükəsizlik Şurasının sədr müavini, keçmiş prezident Dmitri Medvedevi bu vəzifəyə təyin edib. Fərmana əsasən, komissiya sədrinin birinci müavini hərbi-sənaye komissiyasının fəaliyyəti ilə bağlı şuralar və işçi qrupu yarada bilər.
26-12-2022, 20:51
Yeni ildən İsveç və Finlandiya NATO-ya üzv olacaq
NATO-nun baş katibi Yens Stoltenberq İsveç və Finlandiyanın gələn il rəsmi olaraq Şimali Atlantika Alyansına üzv olacağına əminliyini ifadə edib. Bu barədə DPA agentliyi məlumat yayıb. NATO-nun baş katibi hesab edir ki, ratifikasiya prosesi vaxtında başa çatacaq və Türkiyə alyansa yeni üzvlərin qəbuluna mane olmayacaq. Stoltenberq İsveç və Finlandiyanın NATO-ya üzvlüyünün dəqiq tarixini açıqlamayıb.
26-12-2022, 20:47
Putinlə Paşinyanın görüş anı qeydə alınıb
MDB ölkələrinin liderləri bu gün Rusiya prezidenti Vladimir Putinin dəvəti ilə Sankt-Peterburqda ənənəvi Yeni il ərəfəsi qeyri-rəsmi sammitə toplaşıblar. Sammitdə Belarus, Ermənistan, Azərbaycan, Qazaxıstan, Qırğızıstan, Tacikistan, Türkmənistan və Özbəkistan liderləri iştirak edir. Tədbir başlamadan əvvəl Putin gələn qonaqların hər birini qarşılayıb və birgə fotoçəkiliş mərasimi keçirilib. Putinin Ermənistanın baş naziri Nikol Paşinyanla görüş anını əks etdirən videonu təqdim edir.
[media=https://youtu.be/ezQzCi-SdY8]
26-12-2022, 20:16
Vardanyandan etiraf - Çətin duruma düşmüşük
Özünü Qarabağ separatçılarının “dövlət naziri” elan
etmiş Ruben Vardanyan bu gün Xankəndidə qondarma “operativ qərargah”ın iclasını keçirib. R.Vardanyan separatçıların çətin duruma düşdüyünü etiraf edib. Onun sözlərinə görə, Laçın yolunun bağlı qalması separatçıların iqtisadi vəziyyətini pisləşdirib, əlavə problemlər yaranmağa başlayıb. Vardanyan qeyd edib ki, bir sıra müəssisələr fəaliyyətini dayandırmaq məcburiyyətində qalıb ki, bu da həm maliyyə, həm də sosial-iqtisadi baxımdan əlavə gərginliyə səbəb olur. Vardanyan separatçıların nümayəndələrinə vəziyyəti təhlil etmək və onun nəticələrinin mümkün yumşaldılması üçün təkliflər təqdim etməyi tapşırıb. O, qənaət rejimini davam etdirməyin vacibliyini vurğulayıb. Separatçılar bu gün və sabah Rusiyada keçirilən MDB dövlət başçılarının qeyri-rəsmi sammitindən sonra Laçın yolunun açılacağına ümid edirlər.
26-12-2022, 19:08
Üçtərəfli olmasa da, ayrılıqda görüş baş tutacaq - Peskov
Rusiya prezidenti Vladimir Putin Azərbaycanın dövlət başçısı İlham Əliyev və Ermənistan baş naziri Nikol Paşinyanla ayrılıqda ikitərəfli görüşlər keçirəcək. Bunu Kremlin sözçüsü Dmitri Peskov deyib. "Yox, üçtərəfli görüş olmayacaq, amma ikitərəfli təmaslar, əlbəttə ki, bu qeyri-formal sammitdə yerini alacaq", - sözçü bildirib. Qeyd edək ki, Müstəqil Dövlətlər Birliyinin (MDB) liderləri dekabrın 26-27-də Rusiyanın Sankt-Peterburq şəhərində ənənəvi olaraq Yeni il ərəfəsində qeyri-rəsmi sammitə toplaşacaqlar.
26-12-2022, 19:01
Tblisidən bəyan - İrəvanla Bakı arasında münasibətləri tənzimləməyə hazırdır
Tbilisi İrəvanla Bakı arasında münasibətlərin parlament səviyyəsində tənzimlənməsinə töhfə verməyə hazır olduğunu bir daha bəyan edib. Bu haqda Gürcüstan parlamentinin sədri Şalva Papuaşvili illik “Səfirlərin Konfransı - 2022”nin açılışında bildirib. "Biz Azərbaycan və Ermənistanla birlikdə parlamentin birgə səyləri ilə sülh və sabitliyin bərqərar olmasına töhfə vermək istəyirik", - Papuaşvili deyib. Onun sözlərinə görə, bu səylər regionun inkişafı üçün ilkin şərtə çevriləcək. Spiker bu il Ukrayna böhranı ilə yanaşı, Cənubi Qafqazda da sabitliyin olmadığını söyləyib. Xatırladaq ki, Qarabağda 44 günlük müharibə zamanı Tbilisi dəfələrlə İrəvanla Bakı arasında münasibətlərin tənzimlənməsi üçün platforma təklif etmişdi. Üstəlik, Baş nazir İrakli Qaribaşvili dəfələrlə yeni platforma - üç ölkə arasında mədəni, iqtisadi və digər məsələlərin həll oluna biləcəyi dinc qonşuluq təşəbbüsü yaratmaq ideyası ilə çıxış edib. Nəticədə 2021-ci ildə Gürcüstanın vasitəçiliyi ilə Azərbaycan Ermənistana 15 hərbi qulluqçu, İrəvan isə minalanmış ərazilərin xəritələrini Bakıya göndərib. 2022-ci ildə Tbilisidə Ermənistan və Azərbaycan xarici işlər nazirlərinin görüşü keçirilib.
26-12-2022, 17:50
İran XİN-dən Qərb ölkələrinə mesaj
“İranın iştirakı olmadan regionun problemlərini həll etmək mümkün deyil”. Bunu İran Xarici İşlər Nazirliyinin sözçüsü Naser Kanani ölkəsinin bölgədəki təsirindən danışarkən bildirib. Kanani deyib ki, bəzi Qərb ölkələri İranın daxili işlərinə müdaxiləyə cəhdlə səhv hesablama aparıblar. Diplomat Qərb ölkələrinə İrana qarşı yanlış davranışlarından əl çəkməyi tövsiyə edərək, bu cür addımların onların ziyanına olacağını bildirib. Naser Kanani növbəti dəfə deyib ki, İran Ukrayna müharibəsində iştirak etmir. Ukrayna rəsmilərinin Rusiyanın müharibədə İran PUA-larından istifadə etdiyinə dair açıqlamalarına cavab olaraq XİN rəsmisi "bu ittihamlar Ukrayna xalqına və liderlərinə kömək etməyəcək" deyib. Onun sözlərinə görə, İran Ukraynadakı böhranın həllinə və sülhün yaradılmasına kömək etməyə hazırdır. N.Kanani Səudiyyə Ərəbistanının İsraillə əlaqələri normallaşdırma cəhdlərini də pisləyib: “Ərəb və İslam ölkələri arasında İsraillə münasibətlərin normallaşması regionda sabitlik və təhlükəsizliyə töhfə verməyəcək".
26-12-2022, 16:59
Vəziyyətin nizamlanması üçün ciddi səy göstəririk - Rusiya XİN
Laçın dəhlizi ətrafında vəziyyətin gərginləşməsi Ermənistanla Azərbaycan arasında sülh müqaviləsi üzərində işi çətinləşdirir. Bunu TASS-a Rusiya xarici işlər nazirinin müavini Mixail Qaluzin deyib. "Rusiya tərəfi vəziyyətin yerində nizamlanması üçün ciddi səylər göstərir. Biz bütün məsələlər üzrə birgə işi bərpa etməyi səbirsizliklə gözləyirik. Ən qısa zamanda Ermənistan-Azərbaycan münasibətlərinin normallaşması üçün çalışırq”. Onun sözlərinə görə, sənədin razılaşdırılması vaxtı o qədər də vacib deyil. Əsas odur ki, Bakı və İrəvan regionda sabit və ədalətli sülhə təminat verəcək qarşılıqlı məqbul həllə nail ola bilsinlər. Qaluzin bildirib ki, Rusiya tərəfi oktyabrın 31-də Soçi sammitindən sonra Rusiya, Ermənistan və Azərbaycan liderlərinin üçtərəfli bəyanatına uyğun olaraq danışıqlar prosesinə yardım etməyə hazırdır.
26-12-2022, 16:12
İran XİN: “Ukraynanın ittihamlarını rədd edirik”
İran Xarici İşlər Nazirliyi (XİN) Ukraynanın Rusiya ilə müharibədə bu ölkəyə qarşı ünvanladığı ittihamlara münasibət bildirib. Bu barədə İran XİN-in rəsmisi Nasser Kənani keçirdiyi mətbuat konfransında danışıb. "Biz Ukraynadakı savaşın bir hissəsi deyilik. Ukraynanın ittihamlarını rədd edirik. Bu ittihamların Ukrayna tərəfinə heç bir faydası toxunmayacaq. Bunların Ukrayna üçün hüquqi nəticələri ola bilər", - Kənani söyləyib. Qeyd edək ki, Ukrayna tərəfi İranın Rusiyaya kömək etməsi, xüsusən dronlar və digər silah-sursatlarla təmin etməsi ilə bağlı təkzibedilməz faktlar açıqlamışdı.
26-12-2022, 15:54
Qərbin Rusiyaya qarşı sanksiyalarına qoşulmamışıq - Qazaxıstan XİN
Qazaxıstanın xarici işlər naziri Muxtar Tleuberdi Yaponiyanın NHK telekanalına bildirib ki, ölkəsi Qərbin Rusiyaya qarşı sanksiyalarına qoşulmaqdan imtina edib. Nazir Yaponiyaya səfəri zamanı deyib ki, iqtisadi baxımdan Rusiya ilə Qazaxıstan sıx əlaqələrə malikdir və Rusiyaya qarşı sanksiyalar Qazaxıstan iqtisadiyyatına mənfi təsir göstərib. “Qazaxıstan Rusiyaya qarşı sanksiyalarda iştirak etmir. Biz Qazaxıstan və Rusiya arasında mövcud münasibətləri davam etdirəcəyik”, - deyə Tleuberdi bildirib. Qazaxıstan Xarici İşlər Nazirliyinin rəhbəri həmçinin Ukrayna böhranından narahat olduğunu bildirib və əlavə edib ki, Qazaxıstan prezidenti Rusiya və Ukrayna liderləri ilə daim təmasdadır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!