16-03-2023, 14:14
Suriya işğal olunmuş Ukrayna torpaqlarını Rusiya ərazisi kimi tanıdı
Suriya işğal olunan Ukrayna torpaqlarını Rusiya ərazisi kimi tanıyıb. Bunu Suriya prezidenti Bəşər Əsəd açıqlayıb. "Rəsmi Dəməşq Rusiyanı yeni sərhədinlərdə tanıyır", - deyə o bildirib. Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
15-03-2023, 23:44
Ərdoğanın namizədliyi üçün imza toplanılmağa başlanılıb
Türkiyənin hakim Ədalət və İnkişaf Partiyası (AKP) sabah qapalı iclas keçirəcək. İclas zamanı Rəcəb Tayyib Ərdoğanın namizədliyi ilə bağlı qərar veriləcək. Bildirilir ki, partiya artıq Ərdoğanın prezidentliyə namizədliyi üçün deputatlardan imza toplamağa başlayıb. MHP-nin də Ərdoğan üçün imza toplayacağı və qrup qərarı verəcəyi gözlənilir. Qeyd edək ki, Türkiyədə prezident və parlament seçkiləri mayın 14-də keçiriləcək.
15-03-2023, 23:39
Finlandiyanın NATO-ya daxil olmasıyla bağlı qərar bu tarixdə açıqlanacaq
Türkiyə Prezidenti Rəcəb Tayyib Ərdoğan martın 17-də Finlandiyanın NATO-ya daxil olması ilə bağlı Ankaranın mövqeyi barədə məlumat verəcək. Bu barədə Finlandiya prezidenti Sauli Niinistö bildirib. Onun sözlərinə görə, Türkiyə Finlandiyanın Alyansa üzvlüyünü təsdiqləməyə hazırdır. Qeyd edək ki, martın 17-də Finlandiya prezidenti İstanbulda Türkiyə prezidenti ilə görüşəcək. Niinistö deyib ki, Türkiyə Finlandiyanın NATO üzvlüyünü ratifikasiya etməyə hazırlaşır. Məlumata əsasən, Türkiyə rəsmiləri Ankaranın qərarını elan etmək üçün Finlandiya Prezidentinin İstanbulda olmasını tələb edib.
15-03-2023, 23:25
Rusiyanın müdafiə naziri suriyalı həmkarı ilə görüşüb
Rusiyanın müdafiə naziri Sergey Şoyqu Moskvada suriyalı həmkarı Mahmud Abbasla görüşüb. Bu barədə Rusiya Müdafiə Nazirliyi məlumat yayıb. Şoyqu Suriyanın beynəlxalq terrorçulardan azad edilməsi istiqamətində görülən işlərdən danışıb. Görüş zamanı iki ölkə arasında hərbi-texniki əməkdaşlıq da müzakirə edilib.
15-03-2023, 21:54
Putin suriyalı həmkarı ilə görüşdü
Rusiya Prezidenti Vladimir Putin suriyalı həmkarı Bəşər Əsədlə görüşüb. Görüş Kreml sarayında keçirilib. Görüş zamanı terrorizmlə mübarizə, ikitərəfli əlaqələr müzakirə olunub. Əsəd zəlzələlərin nəticələrinin aradan qaldırılmasına yardım etdiyinə görə Rusiyaya təşəkkür edib.
15-03-2023, 21:52
Özbəkistan prezidenti Türkiyəyə səfərə çıxdı
Özbəkistan Prezidenti Şavkat Mirziyoyev Türkiyəyə işgüzar səfərə gedib. Bu barədə Özbəkistan Prezidentinin mətbuat xidməti məlumat yayıb. O, martın 16-da keçiriləcək Türk Dövlətləri Təşkilatının fövqəladə zirvə görüşündə iştirak edəcək.
15-03-2023, 16:15
Rusiya ələ keçirdiyi ABŞ silahlarını Tehrana təhvil verib
Rusiya Ukraynada ələ keçirilən ABŞ istehsalı silahların nümunələrini Tehrana təhvil verib. Bu barədə CNN Pentaqondakı mənbələrə istinadən məlumat yayıb. Qeyd olunub ki, iranlı ekspertlər ABŞ silahlarını ətraflı tədqiq edir. ABŞ rəsmiləri isə bildiriblər ki, Amerikanın “Javelin” tank əleyhinə raket komplekslərinin nümunələri Tehranın əlinə keçib. Ukrayna Silahlı Qüvvələri bu silahlardan bir neçəsini döyüş meydanını tərk etmək məcburiyyətində qalıb. İranın Ukraynada ələ keçirilən Amerika silahlarından hər hansı birinin sürətini çıxarıb-çıxarmadığı məlum deyil. Keçmişdə Tehran ələ keçirilən Amerika silah sistemlərini kopyalamağı bacarıb.
15-03-2023, 16:05
Türkiyə Finlandiyanın NATO-ya üzvlüyünü təsdiqləyəcək
Türkiyə parlamenti aprelin ortalarına qədər Finlandiyanın NATO-ya üzvlüyünü ratifikasiya edəcək. Bu barədə "Reuters" mənbələrinə istinadən yazıb. Məlumata görə, Finlandiyanın NATO-ya üzvlüklə bağlı müraciətinə İsveçin müraciətindən ayrıca baxılması planlaşdırılır. Qeyd edək ki, Finlandiya prezidenti Sauli Niinstö Türkiyəyə səfər edəcək və həmkarı Rəcəb Tayyib Ərdoğanla NATO-ya üzvlük məsələsini müzakirə edəcək.
15-03-2023, 16:01
Pakistanın sabiq nazirini həbs edə bilmədilər
Pakistanın sabiq baş naziri İmran Xanın dəstəkçiləri ilə polislər arasında toqquşma yaşanıb. Tərəfdarları siyasətçinin həbs edilməsinə imkan verməyiblər. Bildirilib ki, insident zamanı azı 62 nəfər müxtəlif dərəcəli bədən xəsarətləri alıb.
15-03-2023, 15:37
Ərdoğan sel fəlakətinə məruz qalan vilayətlərlə bağlı danışdı
Türkiyə prezidenti Rəcəb Tayyib Ərdoğan Adıyaman və Şanlıurfa vilayətindəki sel fəlakəti ilə bağlı danışıb. O, zəlzələdən sonra görülən işləri də diqqətə çatdırıb. "Seldən təsirlənən, təbii fəlakətin üstünə yeni fəlakət yaşayan vətəndaşlarımıza "keçmiş olsun" deyirəm. Nazirlərimiz, qruplarımız sahədə işləri koordinasiya edir. 35 mindən çox xilasetmə personalı, 22 min dövlət işçisi və könüllülərlə birlikdə təxminən 500 min insan zəlzələdən əziyyət çəkənlərin yardımına qaçdı. Zəlzələdən ən çox ziyan çəkən 11 vilayətdə 14 milyon insanımızın qida və yerləşmə ehtiyaclarını qarşılamaq üçün effektiv təşkilatçılıq işləri gördük. Hazırda zəlzələ bölgəsində qalan 2 400 000 insanımıza yerləşmə imkanı təmin edirik", - deyə Ərdoğan bildirib. Qeyd edək ki, Adıyaman və Şanlıurfada sel fəlakəti 4 nəfərin həyatına son qoyub, həmçinin itkin düşənlər var.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!