Sabir Rüstəmxanlı: “Çöhrəqanlı mənə qulaq asmadı...”
“Ona əvvəlcədən demişdim ki, səni Bakıya buraxmayacaqlar”

Dünya Azərbaycanlıları Konqresi (DAK) Məşvərət Şurasının sədri, Güney Azərbaycan Milli Oyanış Hərəkatının (GAMOH) lideri doktor Mahmudəli Çöhrəqanlı və oğlu Alparslan Çöhrəqanlı Bakıya buraxılmayıb.
Xatırladaq ki, Çöhrəqanlını Bakı Hava Limanında Vətəndaş Həmrəyliyi Partiyasının (VHP) sədri Sabir Rüstəmxanlı qarşılayıb. Səhər saatlarına qədər Hava Limanında Çöhrəqanlını müşayət edən Sabir Rüstəmxanlıyla əlaqə saxlayaraq dünən əslində nələrin baş verdiyinə aydınlıq gətirməsini xahiş etdik:
Sabir bəy Moderator.az-a açıqlamasında ölkəmizin ABŞ-dakı səfirliyini günahlandırıb:
“Çöhrəqanlı ölkəmizə səfər etmək arzusu ilə Azərbaycanın ABŞ-dakı səfirliyinə müraciət ünvanlamışdı. Səfirlikdən isə onun müraciətinə 2 gündən sonra cavab veriləcəyi bildirilib. Çöhrəqanlı isə ucuz olsun deyə biletini öncədən alıb. 2 gün keçdikdən sonra isə ölkəmizin ABŞ-dakı səfiri Çöhrəqanlıya bildirib ki, ona viza verə bilməyəcəklər, vizanı yalnız Bakıda ala bilər. Mən bunu eşidən kimi Çöhrəqanlı ilə danışdım və ona dedim ki, səni Bakıya buraxmayacaqlar. Amma Çöhrəqanlı mənə qulaq asmadı, içində olan vətən sevgisi onu ölkəmizə gətirdi.”

Xəyal Əzizov